हैंహైHaindavamஹிહિં
📍
Font Size:
കമലാ സഹസ്രനാമ സ്തോത്രം
താമാഹ്വയാമി സുഭഗാം ലക്ഷ്മീം ത്രൈലോക്യപൂജിതാം ।
ഏഹ്യേഹി ദേവി പദ്മാക്ഷി പദ്മാകരകൃതാലയേ ॥ 1 ॥
ആഗച്ഛാഗച്ഛ വരദേ പശ്യ മാം സ്വേന ചക്ഷുഷാ ।
ആയാഹ്യായാഹി ധർമാർഥകാമമോക്ഷമയേ ശുഭേ ॥ 2 ॥
ഏവം വിധൈഃ സ്തുതിപദൈഃ സത്യൈഃ സത്യാർഥസംസ്തുതാ ।
കനീയസീ മഹാഭാഗാ ചന്ദ്രേണ പരമാത്മനാ ॥ 3 ॥
നിശാകരശ്ച സാ ദേവീ ഭ്രാതരൗ ദ്വൗ പയോനിധേഃ ।
ഉത്പന്നമാത്രൗ താവാസ്താം ശിവകേശവസംശ്രിതൗ ॥ 4 ॥
സനത്കുമാരസ്തമൃഷിം സമാഭാഷ്യ പുരാതനം ।
പ്രോക്തവാനിതിഹാസം തു ലക്ഷ്മ്യാഃ സ്തോത്രമനുത്തമം ॥ 5 ॥
അഥേദൃശാന്മഹാഘോരാദ്ദാരിദ്ര്യാന്നരകാത്കഥം ।
മുക്തിർഭവതി ലോകേഽസ്മിൻ ദാരിദ്ര്യം യാതി ഭസ്മതാം ॥ 6 ॥
സനത്കുമാര ഉവാച ।
പൂർവം കൃതയുഗേ ബ്രഹ്മാ ഭഗവാൻ സർവലോകകൃത് ।
സൃഷ്ടിം നാനാവിധാം കൃത്വാ പശ്ചാച്ചിന്താമുപേയിവാൻ ॥ 7 ॥
കിമാഹാരാഃ പ്രജാസ്ത്വേതാഃ സംഭവിഷ്യന്തി ഭൂതലേ ।
തഥൈവ ചാസാം ദാരിദ്ര്യാത്കഥമുത്തരണം ഭവേത് ॥ 8 ॥
ദാരിദ്ര്യാന്മരണം ശ്രേയസ്ത്വിതി സഞ്ചിന്ത്യ ചേതസി ।
ക്ഷീരോദസ്യോത്തരേ കൂലേ ജഗാമ കമലോദ്ഭവഃ ॥ 9 ॥
തത്ര തീവ്രം തപസ്തപ്ത്വാ കദാചിത്പരമേശ്വരം ।
ദദർശ പുണ്ഡരീകാക്ഷം വാസുദേവം ജഗദ്ഗുരും ॥ 10 ॥
സർവജ്ഞം സർവശക്തീനാം സർവാവാസം സനാതനം ।
സർവേശ്വരം വാസുദേവം വിഷ്ണും ലക്ഷ്മീപതിം പ്രഭും ॥ 11 ॥
സോമകോടിപ്രതീകാശം ക്ഷീരോദവിമലേ ജലേ ।
അനന്തഭോഗശയനം വിശ്രാന്തം ശ്രീനികേതനം ॥ 12 ॥
കോടിസൂര്യപ്രതീകാശം മഹായോഗേശ്വരേശ്വരം ।
യോഗനിദ്രാരതം ശ്രീശം സർവാവാസം സുരേശ്വരം ॥ 13 ॥
ജഗദുത്പത്തിസംഹാരസ്ഥിതികാരണകാരണം ।
ലക്ഷ്മ്യാദിശക്തികരണം ജാതമണ്ഡലമണ്ഡിതം ॥ 14 ॥
ആയുധൈർദേഹവദ്ഭിശ്ച ചക്രാദ്യൈഃ പരിവാരിതം ।
ദുർനിരീക്ഷ്യം സുരൈഃ സിദ്ധൈർമഹായോനിശതൈരപി ॥ 15 ॥
ആധാരം സർവശക്തീനാം പരം തേജഃ സുദുസ്സഹം ।
പ്രബുദ്ധം ദേവമീശാനം ദൃഷ്ട്വാ കമലസംഭവഃ ॥ 16 ॥
ശിരസ്യഞ്ജലിമാധായ സ്തോത്രം പൂർവമുവാച ഹ ।
മനോവാഞ്ഛിതസിദ്ധിം ത്വം പൂരയസ്വ മഹേശ്വര ॥ 17 ॥
ജിതം തേ പുണ്ഡരീക്ഷ നമസ്തേ വിശ്വഭാവന ।
നമസ്തേഽസ്തു ഹൃഷീകേശ മഹാപുരുഷപൂർവജ ॥ 18 ॥
സർവേശ്വര ജയാനന്ദ സർവാവാസ പരാത്പര ।
പ്രസീദ മമ ഭക്തസ്യ ഛിന്ധി സന്ദേഹജം തമഃ ॥ 19 ॥
ഏവം സ്തുതഃ സ ഭഗവാൻ ബ്രഹ്മണാഽവ്യക്തജന്മനാ ।
പ്രസാദാഭിമുഖഃ പ്രാഹ ഹരിർവിശ്രാന്തലോചനഃ ॥ 20 ॥
ശ്രീഭഗവാനുവാച ।
ഹിരണ്യഗർഭ തുഷ്ടോഽസ്മി ബ്രൂഹി യത്തേഽഭിവാഞ്ഛിതം ।
തദ്വക്ഷ്യാമി ന സന്ദേഹോ ഭക്തോഽസി മമ സുവ്രത ॥ 21 ॥
കേശവാദ്വചനം ശ്രുത്വാ കരുണാവിഷ്ടചേതനഃ ।
പ്രത്യുവാച മഹാബുദ്ധിർഭഗവന്തം ജനാർദനം ॥ 22 ॥
ചതുർവിധം ഭവസ്യാസ്യ ഭൂതസർഗസ്യ കേശവ ।
പരിത്രാണായ മേ ബ്രൂഹി രഹസ്യം പരമാദ്ഭുതം ॥ 23 ॥
ദാരിദ്ര്യശമനം ധന്യം മനോജ്ഞം പാവനം പരം ।
സർവേശ്വര മഹാബുദ്ധേ സ്വരൂപം ഭൈരവം മഹത് ॥ 24 ॥
ശ്രിയഃ സർവാതിശായിന്യാസ്തഥാ ജ്ഞാനം ച ശാശ്വതം ।
നാമാനി ചൈവ മുഖ്യാനി യാനി ഗൗണാനി ചാച്യുത ॥ 25 ॥
ത്വദ്വക്ത്രകമലോത്ഥാനി ശ്രോതുമിച്ഛാമി തത്ത്വതഃ ।
ഇതി തസ്യ വചഃ ശ്രുത്വാ പ്രതിവാക്യമുവാച സഃ ॥ 26 ॥
ശ്രീഭഗവാനുവാച ।
മഹാവിഭൂതിസമ്യുക്താ ഷാഡ്ഗുണ്യവപുഷഃ പ്രഭോ ।
ഭഗവദ്വാസുദേവസ്യ നിത്യം ചൈഷാഽനപായിനീ ॥ 27 ॥
ഏകൈവ വർതതേഽഭിന്നാ ജ്യോത്സ്നേവ ഹിമദീധിതേഃ ।
സർവശക്ത്യാത്മികാ ചൈവ വിശ്വം വ്യാപ്യ വ്യവസ്ഥിതാ ॥ 28 ॥
സർവൈശ്വര്യഗുണോപേതാ നിത്യശുദ്ധസ്വരൂപിണീ ।
പ്രാണശക്തിഃ പരാ ഹ്യേഷാ സർവേഷാം പ്രാണിനാം ഭുവി ॥ 29 ॥
ശക്തീനാം ചൈവ സർവാസാം യോനിഭൂതാ പരാ കലാ ।
അഹം തസ്യാഃ പരം നാമ്നാം സഹസ്രമിദമുത്തമം ॥ 30 ॥
ശൃണുഷ്വാവഹിതോ ഭൂത്വാ പരമൈശ്വര്യഭൂതിദം ।
ദേവ്യാഖ്യാസ്മൃതിമാത്രേണ ദാരിദ്ര്യം യാതി ഭസ്മതാം ॥ 31 ॥
അഥ സ്തോത്രം ॥
ഓം ശ്രീഃ പദ്മാ പ്രകൃതിഃ സത്ത്വാ ശാന്താ ചിച്ഛക്തിരവ്യയാ ।
കേവലാ നിഷ്കലാ ശുദ്ധാ വ്യാപിനീ വ്യോമവിഗ്രഹാ ॥ 32 ॥
വ്യോമപദ്മകൃതാധാരാ പരാ വ്യോമാ മതോദ്ഭവാ ।
നിർവ്യോമാ വ്യോമമധ്യസ്ഥാ പഞ്ചവ്യോമപദാശ്രിതാ ॥ 33 ॥
അച്യുതാ വ്യോമനിലയാ പരമാനന്ദരൂപിണീ ।
നിത്യശുദ്ധാ നിത്യതൃപ്താ നിർവികാരാ നിരീക്ഷണാ ॥ 34 ॥
ജ്ഞാനശക്തിഃ കർതൃശക്തിർഭോക്തൃശക്തിഃ ശിഖാവഹാ ।
സ്നേഹാഭാസാ നിരാനന്ദാ വിഭൂതിർവിമലാ ചലാ ॥ 35 ॥
അനന്താ വൈഷ്ണവീ വ്യക്താ വിശ്വാനന്ദാ വികാശിനീ ।
ശക്തിർവിഭിന്നസർവാർതിഃ സമുദ്രപരിതോഷിണീ ॥ 36 ॥
മൂർതിഃ സനാതനീ ഹാർദീ നിസ്തരംഗാ നിരാമയാ ।
ജ്ഞാനജ്ഞേയാ ജ്ഞാനഗമ്യാ ജ്ഞാനജ്ഞേയവികാസിനീ ॥ 37 ॥
സ്വച്ഛന്ദശക്തിർഗഹനാ നിഷ്കമ്പാർചിഃ സുനിർമലാ ।
സ്വരൂപാ സർവഗാഽപാരാ ബൃംഹിണീ സുഗുണോർജിതാ ॥ 38 ॥
അകലങ്കാ നിരാധാരാ നിസ്സങ്കല്പാ നിരാശ്രയാ ।
അസങ്കീർണാ സുശാന്താ ച ശാശ്വതീ ഭാസുരീ സ്ഥിരാ ॥ 39 ॥
അനൗപമ്യാ നിർവികല്പാ നിര്യന്ത്രാ യന്ത്രവാഹിനീ ।
അഭേദ്യാ ഭേദിനീ ഭിന്നാ ഭാരതീ വൈഖരീ ഖഗാ ॥ 40 ॥
അഗ്രാഹ്യാ ഗ്രാഹികാ ഗൂഢാ ഗംഭീരാ വിശ്വഗോപിനീ ।
അനിർദേശ്യാഽപ്രതിഹതാ നിർബീജാ പാവനീ പരാ ॥ 41 ॥
അപ്രതർക്യാഽപരിമിതാ ഭവഭ്രാന്തിവിനാശിനീ ।
ഏകാ ദ്വിരൂപാ ത്രിവിധാ അസംഖ്യാതാ സുരേശ്വരീ ॥ 42 ॥
സുപ്രതിഷ്ഠാ മഹാധാത്രീ സ്ഥിതിർവൃദ്ധിർധ്രുവാ ഗതിഃ ।
ഈശ്വരീ മഹിമാ ഋദ്ധിഃ പ്രമോദാ ഉജ്ജ്വലോദ്യമാ ॥ 43 ॥
അക്ഷയാ വർധമാനാ ച സുപ്രകാശാ വിഹംഗമാ ।
നീരജാ ജനനീ നിത്യാ ജയാ രോചിഷ്മതീ ശുഭാ ॥ 44 ॥
തപോനുദാ ച ജ്വാലാ ച സുദീപ്തിശ്ചാംശുമാലിനീ ।
അപ്രമേയാ ത്രിധാ സൂക്ഷ്മാ പരാ നിർവാണദായിനീ ॥ 45 ॥
അവദാതാ സുശുദ്ധാ ച അമോഘാഖ്യാ പരമ്പരാ ।
സന്ധാനകീ ശുദ്ധവിദ്യാ സർവഭൂതമഹേശ്വരീ ॥ 46 ॥
ലക്ഷ്മീസ്തുഷ്ടിർമഹാധീരാ ശാന്തിരാപൂരണേനവാ ।
അനുഗ്രഹാശക്തിരാദ്യാ ജഗജ്ജ്യേഷ്ഠാ ജഗദ്വിധിഃ ॥ 47 ॥
സത്യാ പ്രഹ്വാ ക്രിയായോഗ്യാ ഹ്യപർണാ ഹ്ലാദിനീ ശിവാ ।
സമ്പൂർണാഹ്ലാദിനീ ശുദ്ധാ ജ്യോതിഷ്മത്യമതാവഹാ ॥ 48 ॥
രജോവത്യർകപ്രതിഭാഽഽകർഷിണീ കർഷിണീ രസാ ।
പരാ വസുമതീ ദേവീ കാന്തിഃ ശാന്തിർമതിഃ കലാ ॥ 49 ॥
കലാ കലങ്കരഹിതാ വിശാലോദ്ദീപനീ രതിഃ ।
സംബോധിനീ ഹാരിണീ ച പ്രഭാവാ ഭവഭൂതിദാ ॥ 50 ॥
അമൃതസ്യന്ദിനീ ജീവാ ജനനീ ഖണ്ഡികാ സ്ഥിരാ ।
ധൂമാ കലാവതീ പൂർണാ ഭാസുരാ സുമതീ രസാ ॥ 51 ॥
ശുദ്ധാ ധ്വനിഃ സൃതിഃ സൃഷ്ടിർവികൃതിഃ കൃഷ്ടിരേവ ച ।
പ്രാപണീ പ്രാണദാ പ്രഹ്വാ വിശ്വാ പാണ്ഡുരവാസിനീ ॥ 52 ॥
അവനിർവജ്രനലികാ ചിത്രാ ബ്രഹ്മാണ്ഡവാസിനീ ।
അനന്തരൂപാഽനന്താത്മാഽനന്തസ്ഥാഽനന്തസംഭവാ ॥ 53 ॥
മഹാശക്തിഃ പ്രാണശക്തിഃ പ്രാണദാത്രീ രതിംഭരാ ।
മഹാസമൂഹാ നിഖിലാ ഇച്ഛാധാരാ സുഖാവഹാ ॥ 54 ॥
പ്രത്യക്ഷലക്ഷ്മീർനിഷ്കമ്പാ പ്രരോഹാ ബുദ്ധിഗോചരാ ।
നാനാദേഹാ മഹാവർതാ ബഹുദേഹവികാസിനീ ॥ 55 ॥
സഹസ്രാണീ പ്രധാനാ ച ന്യായവസ്തുപ്രകാശികാ ।
സർവാഭിലാഷപൂർണേച്ഛാ സർവാ സർവാർഥഭാഷിണീ ॥ 56 ॥
നാനാസ്വരൂപചിദ്ധാത്രീ ശബ്ദപൂർവാ പുരാതനാ ।
വ്യക്താഽവ്യക്താ ജീവകേശാ സർവേച്ഛാപരിപൂരിതാ ॥ 57 ॥
സങ്കല്പസിദ്ധാ സാംഖ്യേയാ തത്ത്വഗർഭാ ധരാവഹാ ।
ഭൂതരൂപാ ചിത്സ്വരൂപാ ത്രിഗുണാ ഗുണഗർവിതാ ॥ 58 ॥
പ്രജാപതീശ്വരീ രൗദ്രീ സർവാധാരാ സുഖാവഹാ ।
കല്യാണവാഹികാ കല്യാ കലികല്മഷനാശിനീ ॥ 59 ॥
നീരൂപോദ്ഭിന്നസന്താനാ സുയന്ത്രാ ത്രിഗുണാലയാ ।
മഹാമായാ യോഗമായാ മഹായോഗേശ്വരീ പ്രിയാ ॥ 60 ॥
മഹാസ്ത്രീ വിമലാ കീർതിർജയാ ലക്ഷ്മീർനിരഞ്ജനാ ।
പ്രകൃതിർഭഗവന്മായാശക്തിർനിദ്രാ യശസ്കരീ ॥ 61 ॥
ചിന്താ ബുദ്ധിര്യശഃ പ്രജ്ഞാ ശാന്തിരാപ്രീതിവർധിനീ ।
പ്രദ്യുമ്നമാതാ സാധ്വീ ച സുഖസൗഭാഗ്യസിദ്ധിദാ ॥ 62 ॥
കാഷ്ഠാ നിഷ്ഠാ പ്രതിഷ്ഠാ ച ജ്യേഷ്ഠാ ശ്രേഷ്ഠാ ജയാവഹാ ।
സർവാതിശായിനീ പ്രീതിർവിശ്വശക്തിർമഹാബലാ ॥ 63 ॥
വരിഷ്ഠാ വിജയാ വീരാ ജയന്തീ വിജയപ്രദാ ।
ഹൃദ്ഗൃഹാ ഗോപിനീ ഗുഹ്യാ ഗണഗന്ധർവസേവിതാ ॥ 64 ॥
യോഗീശ്വരീ യോഗമായാ യോഗിനീ യോഗസിദ്ധിദാ ।
മഹായോഗേശ്വരവൃതാ യോഗാ യോഗേശ്വരപ്രിയാ ॥ 65 ॥
ബ്രഹ്മേന്ദ്രരുദ്രനമിതാ സുരാസുരവരപ്രദാ ।
ത്രിവർത്മഗാ ത്രിലോകസ്ഥാ ത്രിവിക്രമപദോദ്ഭവാ ॥ 66 ॥
സുതാരാ താരിണീ താരാ ദുർഗാ സന്താരിണീ പരാ ।
സുതാരിണീ താരയന്തീ ഭൂരിതാരേശ്വരപ്രഭാ ॥ 67 ॥
ഗുഹ്യവിദ്യാ യജ്ഞവിദ്യാ മഹാവിദ്യാ സുശോഭിതാ ।
അധ്യാത്മവിദ്യാ വിഘ്നേശീ പദ്മസ്ഥാ പരമേഷ്ഠിനീ ॥ 68 ॥
ആന്വീക്ഷികീ ത്രയീ വാർതാ ദണ്ഡനീതിർനയാത്മികാ ।
ഗൗരീ വാഗീശ്വരീ ഗോപ്ത്രീ ഗായത്രീ കമലോദ്ഭവാ ॥ 69 ॥
വിശ്വംഭരാ വിശ്വരൂപാ വിശ്വമാതാ വസുപ്രദാ ।
സിദ്ധിഃ സ്വാഹാ സ്വധാ സ്വസ്തിഃ സുധാ സർവാർഥസാധിനീ ॥ 70 ॥
ഇച്ഛാ സൃഷ്ടിർദ്യുതിർഭൂതിഃ കീർതിഃ ശ്രദ്ധാ ദയാ മതിഃ ।
ശ്രുതിർമേധാ ധൃതിർഹ്രീഃ ശ്രീർവിദ്യാ വിബുധവന്ദിതാ ॥ 71 ॥
അനസൂയാ ഘൃണാ നീതിർനിർവൃതിഃ കാമധുക്കരാ ।
പ്രതിജ്ഞാ സന്തതിർഭൂതിർദ്യൗഃ പ്രജ്ഞാ വിശ്വമാനിനീ ॥ 72 ॥
സ്മൃതിർവാഗ്വിശ്വജനനീ പശ്യന്തീ മധ്യമാ സമാ ।
സന്ധ്യാ മേധാ പ്രഭാ ഭീമാ സർവാകാരാ സരസ്വതീ ॥ 73 ॥
കാങ്ക്ഷാ മായാ മഹാമായാ മോഹിനീ മാധവപ്രിയാ ।
സൗമ്യാഭോഗാ മഹാഭോഗാ ഭോഗിനീ ഭോഗദായിനീ ॥ 74 ॥
സുധൗതകനകപ്രഖ്യാ സുവർണകമലാസനാ ।
ഹിരണ്യഗർഭാ സുശ്രോണീ ഹാരിണീ രമണീ രമാ ॥ 75 ॥
ചന്ദ്രാ ഹിരണ്മയീ ജ്യോത്സ്നാ രമ്യാ ശോഭാ ശുഭാവഹാ ।
ത്രൈലോക്യമണ്ഡനാ നാരീനരേശ്വരവരാർചിതാ ॥ 76 ॥
ത്രൈലോക്യസുന്ദരീ രാമാ മഹാവിഭവവാഹിനീ ।
പദ്മസ്ഥാ പദ്മനിലയാ പദ്മമാലാവിഭൂഷിതാ ॥ 77 ॥
പദ്മയുഗ്മധരാ കാന്താ ദിവ്യാഭരണഭൂഷിതാ ।
വിചിത്രരത്നമുകുടാ വിചിത്രാംബരഭൂഷണാ ॥ 78 ॥
വിചിത്രമാല്യഗന്ധാഢ്യാ വിചിത്രായുധവാഹനാ ।
മഹാനാരായണീ ദേവീ വൈഷ്ണവീ വീരവന്ദിതാ ॥ 79 ॥
കാലസങ്കർഷിണീ ഘോരാ തത്ത്വസങ്കർഷിണീ കലാ ।
ജഗത്സമ്പൂരണീ വിശ്വാ മഹാവിഭവഭൂഷണാ ॥ 80 ॥
വാരുണീ വരദാ വ്യാഖ്യാ ഘണ്ടാകർണവിരാജിതാ ।
നൃസിംഹീ ഭൈരവീ ബ്രാഹ്മീ ഭാസ്കരീ വ്യോമചാരിണീ ॥ 81 ॥
ഐന്ദ്രീ കാമധനുഃ സൃഷ്ടിഃ കാമയോനിർമഹാപ്രഭാ ।
ദൃഷ്ടാ കാമ്യാ വിശ്വശക്തിർബീജഗത്യാത്മദർശനാ ॥ 82 ॥
ഗരുഡാരൂഢഹൃദയാ ചാന്ദ്രീ ശ്രീർമധുരാനനാ ।
മഹോഗ്രരൂപാ വാരാഹീ നാരസിംഹീ ഹതാസുരാ ॥ 83 ॥
യുഗാന്തഹുതഭുഗ്ജ്വാലാ കരാലാ പിംഗലാ കലാ ।
ത്രൈലോക്യഭൂഷണാ ഭീമാ ശ്യാമാ ത്രൈലോക്യമോഹിനീ ॥ 84 ॥
മഹോത്കടാ മഹാരക്താ മഹാചണ്ഡാ മഹാസനാ ।
ശംഖിനീ ലേഖിനീ സ്വസ്ഥാ ലിഖിതാ ഖേചരേശ്വരീ ॥ 85 ॥
ഭദ്രകാലീ ചൈകവീരാ കൗമാരീ ഭഗമാലിനീ ।
കല്യാണീ കാമധുഗ്ജ്വാലാമുഖീ ചോത്പലമാലികാ ॥ 86 ॥
ബാലികാ ധനദാ സൂര്യാ ഹൃദയോത്പലമാലികാ ।
അജിതാ വർഷിണീ രീതിർഭേരുണ്ഡാ ഗരുഡാസനാ ॥ 87 ॥
വൈശ്വാനരീ മഹാമായാ മഹാകാലീ വിഭീഷണാ ।
മഹാമന്ദാരവിഭവാ ശിവാനന്ദാ രതിപ്രിയാ ॥ 88 ॥
ഉദ്രീതിഃ പദ്മമാലാ ച ധർമവേഗാ വിഭാവനീ ।
സത്ക്രിയാ ദേവസേനാ ച ഹിരണ്യരജതാശ്രയാ ॥ 89 ॥
സഹസാവർതമാനാ ച ഹസ്തിനാദപ്രബോധിനീ ।
ഹിരണ്യപദ്മവർണാ ച ഹരിഭദ്രാ സുദുർധരാ ॥ 90 ॥
സൂര്യാ ഹിരണ്യപ്രകടസദൃശീ ഹേമമാലിനീ ।
പദ്മാനനാ നിത്യപുഷ്ടാ ദേവമാതാഽമൃതോദ്ഭവാ ॥ 91 ॥
മഹാധനാ ച യാ ശൃംഗീ കർദമീ കംബുകന്ധരാ ।
ആദിത്യവർണാ ചന്ദ്രാഭാ ഗന്ധദ്വാരാ ദുരാസദാ ॥ 92 ॥
വരാർചിതാ വരാരോഹാ വരേണ്യാ വിഷ്ണുവല്ലഭാ ।
കല്യാണീ വരദാ വാമാ വാമേശീ വിന്ധ്യവാസിനീ ॥ 93 ॥
യോഗനിദ്രാ യോഗരതാ ദേവകീകാമരൂപിണീ ।
കംസവിദ്രാവിണീ ദുർഗാ കൗമാരീ കൗശികീ ക്ഷമാ ॥ 94 ॥
കാത്യായനീ കാലരാത്രിർനിശിതൃപ്താ സുദുർജയാ ।
വിരൂപാക്ഷീ വിശാലാക്ഷീ ഭക്താനാം പരിരക്ഷിണീ ॥ 95 ॥
ബഹുരൂപാ സ്വരൂപാ ച വിരൂപാ രൂപവർജിതാ ।
ഘണ്ടാനിനാദബഹുലാ ജീമൂതധ്വനിനിസ്സ്വനാ ॥ 96 ॥
മഹാദേവേന്ദ്രമഥിനീ ഭ്രുകുടീകുടിലാനനാ ।
സത്യോപയാചിതാ ചൈകാ കൗബേരീ ബ്രഹ്മചാരിണീ ॥ 97 ॥
ആര്യാ യശോദാസുതദാ ധർമകാമാർഥമോക്ഷദാ ।
ദാരിദ്ര്യദുഃഖശമനീ ഘോരദുർഗാർതിനാശിനീ ॥ 98 ॥
ഭക്താർതിശമനീ ഭവ്യാ ഭവഭർഗാപഹാരിണീ ।
ക്ഷീരാബ്ധിതനയാ പദ്മാ കമലാ ധരണീധരാ ॥ 99 ॥
രുക്മിണീ രോഹിണീ സീതാ സത്യഭാമാ യശസ്വിനീ ।
പ്രജ്ഞാധാരാഽമിതപ്രജ്ഞാ വേദമാതാ യശോവതീ ॥ 100 ॥
സമാധിർഭാവനാ മൈത്രീ കരുണാ ഭക്തവത്സലാ ।
അന്തർവേദീ ദക്ഷിണാ ച ബ്രഹ്മചര്യപരാഗതിഃ ॥ 101 ॥
ദീക്ഷാ വീക്ഷാ പരീക്ഷാ ച സമീക്ഷാ വീരവത്സലാ ।
അംബികാ സുരഭിഃ സിദ്ധാ സിദ്ധവിദ്യാധരാർചിതാ ॥ 102 ॥
സുദീപ്താ ലേലിഹാനാ ച കരാലാ വിശ്വപൂരകാ ।
വിശ്വസംഹാരിണീ ദീപ്തിസ്താപനീ താണ്ഡവപ്രിയാ ॥ 103 ॥
ഉദ്ഭവാ വിരജാ രാജ്ഞീ താപനീ ബിന്ദുമാലിനീ ।
ക്ഷീരധാരാസുപ്രഭാവാ ലോകമാതാ സുവർചസാ ॥ 104 ॥
ഹവ്യഗർഭാ ചാജ്യഗർഭാ ജുഹ്വതോ യജ്ഞസംഭവാ ।
ആപ്യായനീ പാവനീ ച ദഹനീ ദഹനാശ്രയാ ॥ 105 ॥
മാതൃകാ മാധവീ മുച്യാ മോക്ഷലക്ഷ്മീർമഹർധിദാ ।
സർവകാമപ്രദാ ഭദ്രാ സുഭദ്രാ സർവമംഗലാ ॥ 106 ॥
ശ്വേതാ സുശുക്ലവസനാ ശുക്ലമാല്യാനുലേപനാ ।
ഹംസാ ഹീനകരീ ഹംസീ ഹൃദ്യാ ഹൃത്കമലാലയാ ॥ 107 ॥
സിതാതപത്രാ സുശ്രോണീ പദ്മപത്രായതേക്ഷണാ ।
സാവിത്രീ സത്യസങ്കല്പാ കാമദാ കാമകാമിനീ ॥ 108 ॥
ദർശനീയാ ദൃശാ ദൃശ്യാ സ്പൃശ്യാ സേവ്യാ വരാംഗനാ ।
ഭോഗപ്രിയാ ഭോഗവതീ ഭോഗീന്ദ്രശയനാസനാ ॥ 109 ॥
ആർദ്രാ പുഷ്കരിണീ പുണ്യാ പാവനീ പാപസൂദനീ ।
ശ്രീമതീ ച ശുഭാകാരാ പരമൈശ്വര്യഭൂതിദാ ॥ 110 ॥
അചിന്ത്യാനന്തവിഭവാ ഭവഭാവവിഭാവനീ ।
നിശ്രേണിഃ സർവദേഹസ്ഥാ സർവഭൂതനമസ്കൃതാ ॥ 111 ॥
ബലാ ബലാധികാ ദേവീ ഗൗതമീ ഗോകുലാലയാ ।
തോഷിണീ പൂർണചന്ദ്രാഭാ ഏകാനന്ദാ ശതാനനാ ॥ 112 ॥
ഉദ്യാനനഗരദ്വാരഹർമ്യോപവനവാസിനീ ।
കൂഷ്മാണ്ഡീ ദാരുണാ ചണ്ഡാ കിരാതീ നന്ദനാലയാ ॥ 113 ॥
കാലായനാ കാലഗമ്യാ ഭയദാ ഭയനാശിനീ ।
സൗദാമിനീ മേഘരവാ ദൈത്യദാനവമർദിനീ ॥ 114 ॥
ജഗന്മാതാഽഭയകരീ ഭൂതധാത്രീ സുദുർലഭാ ।
കാശ്യപീ ശുഭദാനാ ച വനമാലാ ശുഭാ വരാ ॥ 115 ॥
ധന്യാ ധന്യേശ്വരീ ധന്യാ രത്നദാ വസുവർധിനീ ।
ഗാന്ധർവീ രേവതീ ഗംഗാ ശകുനീ വിമലാനനാ ॥ 116 ॥
ഇഡാ ശാന്തികരീ ചൈവ താമസീ കമലാലയാ ।
ആജ്യപാ വജ്രകൗമാരീ സോമപാ കുസുമാശ്രയാ ॥ 117 ॥
ജഗത്പ്രിയാ ച സരഥാ ദുർജയാ ഖഗവാഹനാ ।
മനോഭവാ കാമചാരാ സിദ്ധചാരണസേവിതാ ॥ 118 ॥
വ്യോമലക്ഷ്മീർമഹാലക്ഷ്മീസ്തേജോലക്ഷ്മീഃ സുജാജ്വലാ ।
രസലക്ഷ്മീർജഗദ്യോനിർഗന്ധലക്ഷ്മീർവനാശ്രയാ ॥ 119 ॥
ശ്രവണാ ശ്രാവണീ നേത്രീ രസനാപ്രാണചാരിണീ ।
വിരിഞ്ചിമാതാ വിഭവാ വരവാരിജവാഹനാ ॥ 120 ॥
വീര്യാ വീരേശ്വരീ വന്ദ്യാ വിശോകാ വസുവർധിനീ ।
അനാഹതാ കുണ്ഡലിനീ നലിനീ വനവാസിനീ ॥ 121 ॥
ഗാന്ധാരിണീന്ദ്രനമിതാ സുരേന്ദ്രനമിതാ സതീ ।
സർവമംഗല്യമാംഗല്യാ സർവകാമസമൃദ്ധിദാ ॥ 122 ॥
സർവാനന്ദാ മഹാനന്ദാ സത്കീർതിഃ സിദ്ധസേവിതാ ।
സിനീവാലീ കുഹൂ രാകാ അമാ ചാനുമതിർദ്യുതിഃ ॥ 123 ॥
അരുന്ധതീ വസുമതീ ഭാർഗവീ വാസ്തുദേവതാ ।
മയൂരീ വജ്രവേതാലീ വജ്രഹസ്താ വരാനനാ ॥ 124 ॥
അനഘാ ധരണിർധീരാ ധമനീ മണിഭൂഷണാ ।
രാജശ്രീരൂപസഹിതാ ബ്രഹ്മശ്രീർബ്രഹ്മവന്ദിതാ ॥ 125 ॥
ജയശ്രീർജയദാ ജ്ഞേയാ സർഗശ്രീഃ സ്വർഗതിഃ സതാം ।
സുപുഷ്പാ പുഷ്പനിലയാ ഫലശ്രീർനിഷ്കലപ്രിയാ ॥ 126 ॥
ധനുർലക്ഷ്മീസ്ത്വമിലിതാ പരക്രോധനിവാരിണീ ।
കദ്രൂർധനായുഃ കപിലാ സുരസാ സുരമോഹിനീ ॥ 127 ॥
മഹാശ്വേതാ മഹാനീലാ മഹാമൂർതിർവിഷാപഹാ ।
സുപ്രഭാ ജ്വാലിനീ ദീപ്തിസ്തൃപ്തിർവ്യാപ്തിഃ പ്രഭാകരീ ॥ 128 ॥
തേജോവതീ പദ്മബോധാ മദലേഖാരുണാവതീ ।
രത്നാ രത്നാവലീഭൂതാ ശതധാമാ ശതാപഹാ ॥ 129 ॥
ത്രിഗുണാ ഘോഷിണീ രക്ഷ്യാ നർദിനീ ഘോഷവർജിതാ ।
സാധ്യാഽദിതിർദിതിർദേവീ മൃഗവാഹാ മൃഗാങ്കഗാ ॥ 130 ॥
ചിത്രനീലോത്പലഗതാ വൃഷരത്നകരാശ്രയാ ।
ഹിരണ്യരജതദ്വന്ദ്വാ ശംഖഭദ്രാസനസ്ഥിതാ ॥ 131 ॥
ഗോമൂത്രഗോമയക്ഷീരദധിസർപിർജലാശ്രയാ ।
മരീചിശ്ചീരവസനാ പൂർണചന്ദ്രാർകവിഷ്ടരാ ॥ 132 ॥
സുസൂക്ഷ്മാ നിർവൃതിഃ സ്ഥൂലാ നിവൃത്താരാതിരേവ ച ।
മരീചിജ്വാലിനീ ധൂമ്രാ ഹവ്യവാഹാ ഹിരണ്യദാ ॥ 133 ॥
ദായിനീ കാലിനീ സിദ്ധിഃ ശോഷിണീ സമ്പ്രബോധിനീ ।
ഭാസ്വരാ സംഹതിസ്തീക്ഷ്ണാ പ്രചണ്ഡജ്വലനോജ്ജ്വലാ ॥ 134 ॥
സാംഗാ പ്രചണ്ഡാ ദീപ്താ ച വൈദ്യുതിഃ സുമഹാദ്യുതിഃ ।
കപിലാ നീലരക്താ ച സുഷുമ്നാ വിസ്ഫുലിംഗിനീ ॥ 135 ॥
അർചിഷ്മതീ രിപുഹരാ ദീർഘാ ധൂമാവലീ ജരാ ।
സമ്പൂർണമണ്ഡലാ പൂഷാ സ്രംസിനീ സുമനോഹരാ ॥ 136 ॥
ജയാ പുഷ്ടികരീ ഛായാ മാനസാ ഹൃദയോജ്ജ്വലാ ।
സുവർണകരണീ ശ്രേഷ്ഠാ മൃതസഞ്ജീവനീ രണേ ॥ 137 ॥
വിശല്യകരണീ ശുഭ്രാ സന്ധിനീ പരമൗഷധിഃ ।
ബ്രഹ്മിഷ്ഠാ ബ്രഹ്മസഹിതാ ഐന്ദവീ രത്നസംഭവാ ॥ 138 ॥
വിദ്യുത്പ്രഭാ ബിന്ദുമതീ ത്രിസ്വഭാവഗുണാംബികാ ।
നിത്യോദിതാ നിത്യദൃഷ്ടാ നിത്യകാമകരീഷിണീ ॥ 139 ॥
പദ്മാങ്കാ വജ്രചിഹ്നാ ച വക്രദണ്ഡവിഭാസിനീ ।
വിദേഹപൂജിതാ കന്യാ മായാ വിജയവാഹിനീ ॥ 140 ॥
മാനിനീ മംഗലാ മാന്യാ മാനിനീ മാനദായിനീ ।
വിശ്വേശ്വരീ ഗണവതീ മണ്ഡലാ മണ്ഡലേശ്വരീ ॥ 141 ॥
ഹരിപ്രിയാ ഭൗമസുതാ മനോജ്ഞാ മതിദായിനീ ।
പ്രത്യംഗിരാ സോമഗുപ്താ മനോഽഭിജ്ഞാ വദന്മതിഃ ॥ 142 ॥
യശോധരാ രത്നമാലാ കൃഷ്ണാ ത്രൈലോക്യബന്ധിനീ ।
അമൃതാ ധാരിണീ ഹർഷാ വിനതാ വല്ലകീ ശചീ ॥ 143 ॥
സങ്കല്പാ ഭാമിനീ മിശ്രാ കാദംബര്യമൃതാ പ്രഭാ ।
ആഗതാ നിർഗതാ വജ്രാ സുഹിതാ സഹിതാഽക്ഷതാ ॥ 144 ॥
സർവാർഥസാധനകരീ ധാതുർധാരണികാഽമലാ ।
കരുണാധാരസംഭൂതാ കമലാക്ഷീ ശശിപ്രിയാ ॥ 145 ॥
സൗമ്യരൂപാ മഹാദീപ്താ മഹാജ്വാലാ വികാസിനീ ।
മാലാ കാഞ്ചനമാലാ ച സദ്വജ്രാ കനകപ്രഭാ ॥ 146 ॥
പ്രക്രിയാ പരമാ യോക്ത്രീ ക്ഷോഭികാ ച സുഖോദയാ ।
വിജൃംഭണാ ച വജ്രാഖ്യാ ശൃംഖലാ കമലേക്ഷണാ ॥ 147 ॥
ജയങ്കരീ മധുമതീ ഹരിതാ ശശിനീ ശിവാ ।
മൂലപ്രകൃതിരീശാനീ യോഗമാതാ മനോജവാ ॥ 148 ॥
ധർമോദയാ ഭാനുമതീ സർവാഭാസാ സുഖാവഹാ ।
ധുരന്ധരാ ച ബാലാ ച ധർമസേവ്യാ തഥാഗതാ ॥ 149 ॥
സുകുമാരാ സൗമ്യമുഖീ സൗമ്യസംബോധനോത്തമാ ।
സുമുഖീ സർവതോഭദ്രാ ഗുഹ്യശക്തിർഗുഹാലയാ ॥ 150 ॥
ഹലായുധാ ച കാവീരാ സർവശാസ്ത്രസുധാരിണീ ।
വ്യോമശക്തിർമഹാദേഹാ വ്യോമഗാ മധുമന്മയീ ॥ 151 ॥
ഗംഗാ വിതസ്താ യമുനാ ചന്ദ്രഭാഗാ സരസ്വതീ ।
തിലോത്തമോർവശീ രംഭാ സ്വാമിനീ സുരസുന്ദരീ ॥ 152 ॥
ബാണപ്രഹരണാ ബാലാ ബിംബോഷ്ഠീ ചാരുഹാസിനീ ।
കകുദ്മിനീ ചാരുപൃഷ്ഠാ ദൃഷ്ടാദൃഷ്ടഫലപ്രദാ ॥ 153 ॥
കാമ്യചാരീ ച കാമ്യാ ച കാമാചാരവിഹാരിണീ ।
ഹിമശൈലേന്ദ്രസങ്കാശാ ഗജേന്ദ്രവരവാഹനാ ॥ 154 ॥
അശേഷസുഖസൗഭാഗ്യസമ്പദാം യോനിരുത്തമാ ।
സർവോത്കൃഷ്ടാ സർവമയീ സർവാ സർവേശ്വരപ്രിയാ ॥ 155 ॥
സർവാംഗയോനിഃ സാഽവ്യക്താ സമ്പ്രധാനേശ്വരേശ്വരീ ।
വിഷ്ണുവക്ഷഃസ്ഥലഗതാ കിമതഃ പരമുച്യതേ ॥ 156 ॥
പരാ നിർമഹിമാ ദേവീ ഹരിവക്ഷഃസ്ഥലാശ്രയാ ।
സാ ദേവീ പാപഹന്ത്രീ ച സാന്നിധ്യം കുരുതാന്മമ ॥ 157 ॥
ഇതി നാമ്നാം സഹസ്രം തു ലക്ഷ്മ്യാഃ പ്രോക്തം ശുഭാവഹം ।
പരാവരേണ ഭേദേന മുഖ്യഗൗണേന ഭാഗതഃ ॥ 158 ॥
യശ്ചൈതത്കീർതയേന്നിത്യം ശൃണുയാദ്വാപി പദ്മജ ।
ശുചിഃ സമാഹിതോ ഭൂത്വാ ഭക്തിശ്രദ്ധാസമന്വിതഃ ॥ 159 ॥
ശ്രീനിവാസം സമഭ്യർച്യ പുഷ്പധൂപാനുലേപനൈഃ ।
ഭോഗൈശ്ച മധുപർകാദ്യൈര്യഥാശക്തി ജഗദ്ഗുരും ॥ 160 ॥
തത്പാർശ്വസ്ഥാം ശ്രിയം ദേവീം സമ്പൂജ്യ ശ്രീധരപ്രിയാം ।
തതോ നാമസഹസ്രേണ തോഷയേത്പരമേശ്വരീം ॥ 161 ॥
നാമരത്നാവലീസ്തോത്രമിദം യഃ സതതം പഠേത് ।
പ്രസാദാഭിമുഖീ ലക്ഷ്മീഃ സർവം തസ്മൈ പ്രയച്ഛതി ॥ 162 ॥
യസ്യാ ലക്ഷ്മ്യാശ്ച സംഭൂതാഃ ശക്തയോ വിശ്വഗാഃ സദാ ।
കാരണത്വം ന തിഷ്ഠന്തി ജഗത്യസ്മിംശ്ചരാചരേ ॥ 163 ॥
തസ്മാത്പ്രീതാ ജഗന്മാതാ ശ്രീര്യസ്യാച്യുതവല്ലഭാ ।
സുപ്രീതാഃ ശക്തയസ്തസ്യ സിദ്ധിമിഷ്ടാം ദിശന്തി ഹി ॥ 164 ॥
ഏക ഏവ ജഗത്സ്വാമീ ശക്തിമാനച്യുതഃ പ്രഭുഃ ।
തദംശശക്തിമന്തോഽന്യേ ബ്രഹ്മേശാനാദയോ യഥാ ॥ 168 ॥
തഥൈവൈകാ പരാ ശക്തിഃ ശ്രീസ്തസ്യ കരുണാശ്രയാ ।
ജ്ഞാനാദിഷാഡ്ഗുണ്യമയീ യാ പ്രോക്താ പ്രകൃതിഃ പരാ ॥ 166 ॥
ഏകൈകശക്തിഃ ശ്രീസ്തസ്യാ ദ്വിതീയാത്മനി വർതതേ ।
പരാ പരേശീ സർവേശീ സർവാകാരാ സനാതനീ ॥ 167 ॥
അനന്തനാമധേയാ ച ശക്തിചക്രസ്യ നായികാ ।
ജഗച്ചരാചരമിദം സർവം വ്യാപ്യ വ്യവസ്ഥിതാ ॥ 168 ॥
തസ്മാദേകൈവ പരമാ ശ്രീർജ്ഞേയാ വിശ്വരൂപിണീ ।
സൗമ്യാ സൗമ്യേന രൂപേണ സംസ്ഥിതാ നടജീവവത് ॥ 169 ॥
യോ യോ ജഗതി പുംഭാവഃ സ വിഷ്ണുരിതി നിശ്ചയഃ ।
യാ യാ തു നാരീഭാവസ്ഥാ തത്ര ലക്ഷ്മീർവ്യവസ്ഥിതാ ॥ 170 ॥
പ്രകൃതേഃ പുരുഷാച്ചാന്യസ്തൃതീയോ നൈവ വിദ്യതേ ।
അഥ കിം ബഹുനോക്തേന നരനാരീമയോ ഹരിഃ ॥ 171 ॥
അനേകഭേദഭിന്നസ്തു ക്രിയതേ പരമേശ്വരഃ ।
മഹാവിഭൂതിം ദയിതാം യേ സ്തുവന്ത്യച്യുതപ്രിയാം ॥ 172 ॥
തേ പ്രാപ്നുവന്തി പരമാം ലക്ഷ്മീം സംശുദ്ധചേതസഃ ।
പദ്മയോനിരിദം പ്രാപ്യ പഠൻ സ്തോത്രമിദം ക്രമാത് ॥ 173 ॥
ദിവ്യമഷ്ടഗുണൈശ്വര്യം തത്പ്രസാദാച്ച ലബ്ധവാൻ ।
സകാമാനാം ച ഫലദാമകാമാനാം ച മോക്ഷദാം ॥ 174 ॥
പുസ്തകാഖ്യാം ഭയത്രാത്രീം സിതവസ്ത്രാം ത്രിലോചനാം ।
മഹാപദ്മനിഷണ്ണാം താം ലക്ഷ്മീമജരതാം നമഃ ॥ 175 ॥
കരയുഗലഗൃഹീതം പൂർണകുംഭം ദധാനാ
ക്വചിദമലഗതസ്ഥാ ശംഖപദ്മാക്ഷപാണിഃ ।
ക്വചിദപി ദയിതാംഗേ ചാമരവ്യഗ്രഹസ്താ
ക്വചിദപി സൃണിപാശം ബിഭ്രതീ ഹേമകാന്തിഃ ॥ 176 ॥
ഇതി പദ്മപുരാണേ കാശ്മീരവർണനേ ഹിരണ്യഗർഭഹൃദയേ സർവകാമപ്രദായകം പുരുഷോത്തമപ്രോക്തം ശ്രീ ലക്ഷ്മീ സഹസ്ര നാമ സ്തോത്രം ॥
Recite with devotion and pure heart
Regular practice brings spiritual benefits