காமாக்ஷீ ஸ்தோத்ரம்

கல்பானோகஹபுஷ்பஜாலவிலஸந்நீலாலகாம்ʼ மாத்ருʼகாம்ʼ

காந்தாம்ʼ கஞ்ஜத³லேக்ஷணாம்ʼ கலிமலப்ரத்⁴வம்ʼஸினீம்ʼ காலிகாம் ।

காஞ்சீநூபுரஹாரதா³மஸுப⁴கா³ம்ʼ காஞ்சீபுரீநாயிகாம்ʼ

காமாக்ஷீம்ʼ கரிகும்ப⁴ஸன்னிப⁴குசாம்ʼ வந்தே³ மஹேஶப்ரியாம் ॥ 1 ॥

காஶாபா⁴ம்ʼ ஶுகபா⁴ஸுராம்ʼ ப்ரவிலஸத்கோஶாதகீ ஸன்னிபா⁴ம்ʼ

சந்த்³ரார்கானலலோசனாம்ʼ ஸுருசிராலங்காரபூ⁴ஷோஜ்ஜ்வலாம் ।

ப்³ரஹ்மஶ்ரீபதிவாஸவாதி³முனிபி⁴꞉ ஸம்ʼஸேவிதாங்க்⁴ரித்³வயாம்ʼ

காமாக்ஷீம்ʼ க³ஜராஜமந்த³க³மனாம்ʼ வந்தே³ மஹேஶப்ரியாம் ॥ 2 ॥

ஐம்ʼ க்லீம்ʼ ஸௌரிதி யாம்ʼ வத³ந்தி முனயஸ்தத்த்வார்த²ரூபாம்ʼ பராம்ʼ

வாசாமாதி³மகாரணம்ʼ ஹ்ருʼதி³ ஸதா³ த்⁴யாயந்தி யாம்ʼ யோகி³ன꞉ ।

பா³லாம்ʼ பா²லவிலோசனாம்ʼ நவஜபாவர்ணாம்ʼ ஸுஷும்நாஶ்ரிதாம்ʼ

காமாக்ஷீம்ʼ கலிதாவதம்ʼஸஸுப⁴கா³ம்ʼ வந்தே³ மஹேஶப்ரியாம் ॥ 3 ॥

யத்பாதா³ம்பு³ஜரேணுலேஶமநிஶம்ʼ லப்³த்⁴வா வித⁴த்தே விதி⁴-

-ர்விஶ்வம்ʼ தத்பரிபாதி விஷ்ணுரகி²லம்ʼ யஸ்யா꞉ ப்ரஸாதா³ச்சிரம் ।

ருத்³ர꞉ ஸம்ʼஹரதி க்ஷணாத்தத³கி²லம்ʼ யன்மாயயா மோஹித꞉

காமாக்ஷீமதிசித்ரசாருசரிதாம்ʼ வந்தே³ மஹேஶப்ரியாம் ॥ 4 ॥

ஸூக்ஷ்மாத்ஸூக்ஷ்மதராம்ʼ ஸுலக்ஷிததனும்ʼ க்ஷாந்தாக்ஷரைர்லக்ஷிதாம்ʼ

வீக்ஷாஶிக்ஷிதராக்ஷஸாம்ʼ த்ரிபு⁴வனக்ஷேமங்கரீமக்ஷயாம் ।

ஸாக்ஷால்லக்ஷணலக்ஷிதாக்ஷரமயீம்ʼ தா³க்ஷாயணீம்ʼ ஸாக்ஷிணீம்ʼ

காமாக்ஷீம்ʼ ஶுப⁴லக்ஷணை꞉ ஸுலலிதாம்ʼ வந்தே³ மஹேஶப்ரியாம் ॥ 5 ॥

ஓங்காராங்க³ணதீ³பிகாமுபநிஷத்ப்ராஸாத³பாராவதீம்ʼ

ஆம்னாயாம்பு³தி⁴சந்த்³ரிகாமக⁴தம꞉ப்ரத்⁴வம்ʼஸஹம்ʼஸப்ரபா⁴ம் ।

காஞ்சீபட்டணபஞ்ஜராந்தரஶுகீம்ʼ காருண்யகல்லோலினீம்ʼ

காமாக்ஷீம்ʼ ஶிவகாமராஜமஹிஷீம்ʼ வந்தே³ மஹேஶப்ரியாம் ॥ 6 ॥

ஹ்ரீங்காராத்மகவர்ணமாத்ரபட²நாதை³ந்த்³ரீம்ʼ ஶ்ரியம்ʼ தன்வதீம்ʼ

சின்மாத்ராம்ʼ பு⁴வனேஶ்வரீமனுதி³னம்ʼ பி⁴க்ஷாப்ரதா³னக்ஷமாம் ।

விஶ்வாகௌ⁴க⁴நிவாரிணீம்ʼ விமலினீம்ʼ விஶ்வம்ப⁴ராம்ʼ மாத்ருʼகாம்ʼ

காமாக்ஷீம்ʼ பரிபூர்ணசந்த்³ரவத³னாம்ʼ வந்தே³ மஹேஶப்ரியாம் ॥ 7 ॥

வாக்³தே³வீதி ச யாம்ʼ வத³ந்தி முனய꞉ க்ஷீராப்³தி⁴கன்யேதி ச

க்ஷோணீப்⁴ருʼத்தனயேதி ச ஶ்ருதிகி³ரோ யாம்ʼ ஆமனந்தி ஸ்பு²டம் ।

ஏகானேகப²லப்ரதா³ம்ʼ ப³ஹுவிதா⁴(ஆ)காராஸ்தனூஸ்தன்வதீம்ʼ

காமாக்ஷீம்ʼ ஸகலார்திப⁴ஞ்ஜனபராம்ʼ வந்தே³ மஹேஶப்ரியாம் ॥ 8 ॥

மாயாமாதி³மகாரணம்ʼ த்ரிஜக³தாமாராதி⁴தாங்க்⁴ரித்³வயாம்ʼ

ஆனந்தா³ம்ருʼதவாரிராஶிநிலயாம்ʼ வித்³யாம்ʼ விபஶ்சித்³தி⁴யாம் ।

மாயாமானுஷரூபிணீம்ʼ மணிலஸன்மத்⁴யாம்ʼ மஹாமாத்ருʼகாம்ʼ

காமாக்ஷீம்ʼ கரிராஜமந்த³க³மனாம்ʼ வந்தே³ மஹேஶப்ரியாம் ॥ 9 ॥

காந்தா காமது³கா⁴ கரீந்த்³ரக³மனா காமாரிவாமாங்ககா³

கல்யாணீ கலிதாவதாரஸுப⁴கா³ கஸ்தூரிகாசர்சிதா

கம்பாதீரரஸாலமூலநிலயா காருண்யகல்லோலினீ

கல்யாணானி கரோது மே ப⁴க³வதீ காஞ்சீபுரீதே³வதா ॥ 10 ॥

இதி ஶ்ரீ காமாக்ஷீ ஸ்தோத்ரம் ।

Recite with devotion and pure heart

Regular practice brings spiritual benefits