हैंహైHaindavamஹிહિં
📍
Font Size:
சி²ந்நமஸ்தா கவசம்
தே³வ்யுவாச ।
கதி²தாஶ்சி²ந்நமஸ்தாயா யா யா வித்³யா꞉ ஸுகோ³பிதா꞉ ।
த்வயா நாதே²ன ஜீவேஶ ஶ்ருதாஶ்சாதி⁴க³தா மயா ॥ 1 ॥
இதா³னீம்ʼ ஶ்ரோதுமிச்சா²மி கவசம்ʼ பூர்வஸூசிதம் ।
த்ரைலோக்யவிஜயம்ʼ நாம க்ருʼபயா கத்²யதாம்ʼ ப்ரபோ⁴ ॥ 2 ॥
பை⁴ரவ உவாச ।
ஶ்ருʼணு வக்ஷ்யாமி தே³வேஶி ஸர்வதே³வநமஸ்க்ருʼதே ।
த்ரைலோக்யவிஜயம்ʼ நாம கவசம்ʼ ஸர்வமோஹனம் ॥ 3 ॥
ஸர்வவித்³யாமயம்ʼ ஸாக்ஷாத்ஸுராத்ஸுரஜயப்ரத³ம் ।
தா⁴ரணாத்பட²நாதீ³ஶஸ்த்ரைலோக்யவிஜயீ விபு⁴꞉ ॥ 4 ॥
ப்³ரஹ்மா நாராயணோ ருத்³ரோ தா⁴ரணாத்பட²நாத்³யத꞉ ।
கர்தா பாதா ச ஸம்ʼஹர்தா பு⁴வனானாம்ʼ ஸுரேஶ்வரி ॥ 5 ॥
ந தே³யம்ʼ பரஶிஷ்யேப்⁴யோ(அ)ப⁴க்தேப்⁴யோ(அ)பி விஶேஷத꞉ ।
தே³யம்ʼ ஶிஷ்யாய ப⁴க்தாய ப்ராணேப்⁴யோ(அ)ப்யதி⁴காய ச ॥ 6 ॥
தே³வ்யாஶ்ச ச்சி²ந்நமஸ்தாயா꞉ கவசஸ்ய ச பை⁴ரவ꞉ ।
ருʼஷிஸ்து ஸ்யாத்³விராட் ச²ந்தோ³ தே³வதா ச்சி²ந்நமஸ்தகா ॥ 7 ॥
த்ரைலோக்யவிஜயே முக்தௌ விநியோக³꞉ ப்ரகீர்தித꞉ ।
ஹுங்காரோ மே ஶிர꞉ பாது சி²ந்நமஸ்தா ப³லப்ரதா³ ॥ 8 ॥
ஹ்ராம்ʼ ஹ்ரூம்ʼ ஐம்ʼ த்ர்யக்ஷரீ பாது பா⁴லம்ʼ வக்த்ரம்ʼ தி³க³ம்ப³ரா ।
ஶ்ரீம்ʼ ஹ்ரீம்ʼ ஹ்ரூம்ʼ ஐம்ʼ த்³ருʼஶௌ பாது முண்ட³ம்ʼ கர்த்ரித⁴ராபி ஸா ॥ 9 ॥
ஸா வித்³யா ப்ரணவாத்³யந்தா ஶ்ருதியுக்³மம்ʼ ஸதா³(அ)வது ।
வஜ்ரவைரோசனீயே ஹும்ʼ ப²ட் ஸ்வாஹா ச த்⁴ருவாதி³கா ॥ 10 ॥
க்⁴ராணம்ʼ பாது ச்சி²ந்நமஸ்தா முண்ட³கர்த்ரிவிதா⁴ரிணீ ।
ஶ்ரீமாயாகூர்சவாக்³பீ³ஜைர்வஜ்ரவைரோசனீய ஹூம் ॥ 11 ॥
ஹூம்ʼ ப²ட் ஸ்வாஹா மஹாவித்³யா ஷோட³ஶீ ப்³ரஹ்மரூபிணீ ।
ஸ்வபார்ஶ்வே வர்ணினீ சாஸ்ருʼக்³தா⁴ராம்ʼ பாயயதீ முதா³ ॥ 12 ॥
வத³னம்ʼ ஸர்வதா³ பாது ச்சி²ந்நமஸ்தா ஸ்வஶக்திகா ।
முண்ட³கர்த்ரித⁴ரா ரக்தா ஸாத⁴காபீ⁴ஷ்டதா³யினீ ॥ 13 ॥
வர்ணினீ டா³கினீயுக்தா ஸாபி மாமபி⁴தோ(அ)வது ।
ராமாத்³யா பாது ஜிஹ்வாம்ʼ ச லஜ்ஜாத்³யா பாது கண்ட²கம் ॥ 14 ॥
கூர்சாத்³யா ஹ்ருʼத³யம்ʼ பாது வாகா³த்³யா ஸ்தனயுக்³மகம் ।
ரமயா புடிதா வித்³யா பார்ஶ்வௌ பாது ஸுரேஶ்வரீ ॥ 15 ॥
மாயயா புடிதா பாது நாபி⁴தே³ஶே தி³க³ம்ப³ரா ।
கூர்சேண புடிதா தே³வீ ப்ருʼஷ்ட²தே³ஶே ஸதா³(அ)வது ॥ 16 ॥
வாக்³பீ³ஜபுடிதா சைஷா மத்⁴யம்ʼ பாது ஸஶக்திகா ।
ஈஶ்வரீ கூர்சவாக்³பீ³ஜைர்வஜ்ரவைரோசனீய ஹூம் ॥ 17 ॥
ஹூம்ʼ ப²ட் ஸ்வாஹா மஹாவித்³யா கோடிஸூர்யஸமப்ரபா⁴ ।
சி²ந்நமஸ்தா ஸதா³ பாயாதூ³ருயுக்³மம்ʼ ஸஶக்திகா ॥ 18 ॥
ஹ்ரீம்ʼ ஹ்ரூம்ʼ வர்ணினீ ஜானும்ʼ ஶ்ரீம்ʼ ஹ்ரீம்ʼ ச டா³கினீ பத³ம் ।
ஸர்வவித்³யாஸ்தி²தா நித்யா ஸர்வாங்க³ம்ʼ மே ஸதா³(அ)வது ॥ 19 ॥
ப்ராச்யாம்ʼ பாயாதே³கலிங்கா³ யோகி³னீ பாவகே(அ)வது ।
டா³கினீ த³க்ஷிணே பாது ஶ்ரீமஹாபை⁴ரவீ ச மாம் ॥ 20 ॥
நைர்ருʼத்யாம்ʼ ஸததம்ʼ பாது பை⁴ரவீ பஶ்சிமே(அ)வது ।
இந்த்³ராக்ஷீ பாது வாயவ்யே(அ)ஸிதாங்கீ³ பாது சோத்தரே ॥ 21 ॥
ஸம்ʼஹாரிணீ ஸதா³ பாது ஶிவகோணே ஸகர்த்ரிகா ।
இத்யஷ்டஶக்தய꞉ பாந்து தி³க்³விதி³க்ஷு ஸகர்த்ரிகா꞉ ॥ 22 ॥
க்ரீம்ʼ க்ரீம்ʼ க்ரீம்ʼ பாது ஸா பூர்வம்ʼ ஹ்ரீம்ʼ ஹ்ரீம்ʼ மாம்ʼ பாது பாவகே ।
ஹ்ரூம்ʼ ஹ்ரூம்ʼ மாம்ʼ த³க்ஷிணே பாது த³க்ஷிணே காலிகாவது ॥ 23 ॥
க்ரீம்ʼ க்ரீம்ʼ க்ரீம்ʼ சைவ நைர்ருʼத்யாம்ʼ ஹ்ரீம்ʼ ஹ்ரீம்ʼ ச பஶ்சிமே(அ)வது ।
ஹூம்ʼ ஹூம்ʼ பாது மருத்கோணே ஸ்வாஹா பாது ஸதோ³த்தரே ॥ 24 ॥
மஹாகாலீ க²ட்³க³ஹஸ்தா ரக்ஷ꞉கோணே ஸதா³வது ।
தாரோ மாயா வதூ⁴꞉ கூர்சம்ʼ ப²ட் காரோ(அ)யம்ʼ மஹாமனு꞉ ॥ 25 ॥
க²ட்³க³கர்த்ரித⁴ரா தாரா சோர்த்⁴வதே³ஶம்ʼ ஸதா³(அ)வது ।
ஹ்ரீம்ʼ ஸ்த்ரீம்ʼ ஹூம்ʼ ப²ட் ச பாதாலே மாம்ʼ பாது சைகஜடா ஸதீ ।
தாரா து ஸஹிதா கே²(அ)வ்யான்மஹாநீலஸரஸ்வதீ ॥ 26 ॥
இதி தே கதி²தம்ʼ தே³வ்யா꞉ கவசம்ʼ மந்த்ரவிக்³ரஹம் ।
யத்³த்⁴ருʼத்வா பட²நாத்³பீ⁴ம꞉ க்ரோதா⁴க்²யோ பை⁴ரவ꞉ ஸ்ம்ருʼத꞉ ॥ 27 ॥
ஸுராஸுர முனீந்த்³ராணாம்ʼ கர்தா ஹர்தா ப⁴வேத்ஸ்வயம் ।
யஸ்யாஜ்ஞயா மது⁴மதீ யாதி ஸா ஸாத⁴காலயம் ॥ 28 ॥
பூ⁴தின்யாத்³யாஶ்ச டா³கின்யோ யக்ஷிண்யாத்³யாஶ்ச கே²சரா꞉ ।
ஆஜ்ஞாம்ʼ க்³ருʼஹ்ணந்தி தாஸ்தஸ்ய கவசஸ்ய ப்ரஸாத³த꞉ ॥ 29 ॥
ஏததே³வ பரம்ʼ ப்³ரஹ்ம கவசம்ʼ மன்முகோ²தி³தம் ।
தே³வீமப்⁴யர்ச க³ந்தா⁴த்³யைர்மூலே நைவ படே²த்ஸக்ருʼத் ॥ 30 ॥
ஸம்ʼவத்ஸரக்ருʼதாயாஸ்து பூஜாயா꞉ ப²லமாப்னுயாத் ।
பூ⁴ர்ஜே விலிகி²தம்ʼ சைதத்³கு³டிகாம்ʼ காஞ்சனஸ்தி²தாம் ॥ 31 ॥
தா⁴ரயேத்³த³க்ஷிணே பா³ஹௌ கண்டே² வா யதி³ வான்யத꞉ ।
ஸர்வைஶ்வர்யயுதோ பூ⁴த்வா த்ரைலோக்யம்ʼ வஶமானயேத் ॥ 32 ॥
தஸ்ய கே³ஹே வஸேல்லக்ஷ்மீர்வாணீ ச வத³னாம்பு³ஜே ।
ப்³ரஹ்மாஸ்த்ராதீ³னி ஶஸ்த்ராணி தத்³கா³த்ரே யாந்தி ஸௌம்யதாம் ॥ 33 ॥
இத³ம்ʼ கவசமஜ்ஞாத்வா யோ ப⁴ஜேச்சி²ந்நமஸ்தகாம் ।
ஸோ(அ)பி ஶஸ்த்ரப்ரஹாரேண ம்ருʼத்யுமாப்னோதி ஸத்வரம் ॥ 34 ॥
இதி ஶ்ரீ பை⁴ரவதந்த்ரே பை⁴ரவபை⁴ரவீஸம்ʼவாதே³ த்ரைலோக்யவிஜயம்ʼ நாம சி²ந்நமஸ்தாகவசம்ʼ ஸம்பூர்ணம் ।
Recite with devotion and pure heart
Regular practice brings spiritual benefits