Tara Hridayam

śrī śiva uvāca । śṛṇu pārvati bhadraṃ te lokānāṃ hitakārakaṃ । kathyate sarvadā gopyaṃ tārāhṛdayamuttamam ॥ 1 ॥ śrī pārvatyuvāca । stotraṃ kathaṃ samutpannaṃ kṛtaṃ kena purā prabho । kathyatāṃ sarvavṛttāntaṃ kṛpāṃ kṛtvā mamopari ॥ 2 ॥ śrī śiva uvāca । raṇedevāsure pūrvaṃ kṛtamindreṇa supriye । duṣṭaśatruvināśārthaṃ bala vṛddhi yaśaskaram ॥ 3 ॥ oṃ asya śrīmadugratārā hṛdaya stotra mantrasya – śrī bhairava ṛṣiḥ – anuṣṭupchandaḥ – śrīmadugratārādevatā – strīṃ bījaṃ – hūmśaktiḥ – namaḥ kīlakaṃ – sakalaśatruvināśārthe jape viniyogaḥ । karanyāsaḥ – oṃ strīṃ aṅguṣṭhābhyāṃ namaḥ । oṃ hrīṃ tarjanībhyāṃ namaḥ । oṃ hūṃ madhyamābhẏāṃ namaḥ । oṃ trīṃ anāmikābhyāṃ namaḥ । oṃ aiṃ kaniṣṭhakābhẏāṃ namaḥ । oṃ haṃsaḥ karatalakarapṛṣṭhābhyāṃ namaḥ । aṅganyāsaḥ – oṃ strīṃ hṛdayāya namaḥ । oṃ hrīṃ śirase svāhā । oṃ hūṃ śikhāyai vaṣaṭ । oṃ trīṃ kavacāya huṃ । oṃ aiṃ netratrayāya vauṣaṭ । oṃ haṃsaḥ astrāyaphaṭ । dhyānam । dhyāyetkoṭidivākaradyutinibhāṃ bālenduyukchekharāṃ raktāṅgīṃ vikaṭāṃ suraktavasanāṃ pūrṇendubimbānanāṃ । pāśaṅkhaḍgamahāṅkuśādi dadhatīṃ dorbhiścaturbhiryutāṃ nānābhūṣaṇabhūṣitāṃ bhagavatīṃ tārāṃ jagattāriṇīṃ ॥ 4 ॥ evaṃ dhyātvā śubhāṃ tārāṃ tatastu hṛdayaṃ paṭhet । tāriṇī tattvaniṣṭhānāṃ sarvatattvaprakāśikā ॥ 5 ॥ rāmābhinnāpadāśaktiśśatrunāśaṃ karotu me । sarvadāśatrusaṃraṃbhe tārā me kurutāṃ jayam ॥ 6 ॥ strīṃ trīṃ svarūpiṇī devī triṣu lokeṣu viśrutā । tava snehānmayākhyātaṃ na paśūnāṃ prakāśayet ॥ 7 ॥ śṛṇu devi tavasnehāttārānāmāni tatvataḥ । varṇayiṣyāmi guptāni durlabhāni jagattraye ॥ 8 ॥ tāriṇī taralā tārā trirūpā taraṇīprabhā । tattvarūpā mahāsādhvī sarvasajjanapālikā ॥ 9 ॥ ramaṇīyā rajorūpā jagatsṛṣṭikarī parā । tamorūpā mahāmāyā ghorārāvā bhayānakā ॥ 10 ॥ kālarūpā kālikākhyā jagadvidhvaṃsakāriṇī । tattvajñānā parānantā tattvajñānapradā'naghā ॥ 11 ॥ raktāṅgī raktavastrā ca raktamālāsuśobhitā । siddhilakṣmīśca brahmāṇi mahākālī mahālayā ॥ 12 ॥ nāmānyetāni ye martyāssarvadaikāgramānasāḥ । prapaṭhanti priye teṣāṃ kiṅkaratvaṃ karomyaham ॥ 13 ॥ tārāṃ tāraparāndevīṃ tārakeśvarapūjitāṃ । tāriṇīṃ bhavapāthodherugratārāṃ bhajāmyaham ॥ 14 ॥ strīṃ hrīṃ hūṃ trīṃ phaṇmantreṇa jalaṃ japtvā'bhiṣecayet । sarvarogāḥ praṇaśyanti satyaṃ satyaṃ vadāmyaham ॥ 15 ॥ trīṃ svāhāntairmahāmantraiścandanaṃ sādhayettataḥ । tilakaṃ kurute prājño lokovaśyobhavetpriye ॥ 16 ॥ strīṃ hrīṃ trīṃ svāhā mantreṇa śmaśānaṃ bhasma mantrayet । śatrorgṛhe pratikṣipte śatrormṛtyurbhaviṣyati ॥ 17 ॥ hrīṃ hūṃ strīṃ phaḍantamantraiḥ puṣpaṃ samśodhyasaptadhā । uccāṭanaṃ karotyāśu ripūṇāṃ naiva samśayaḥ ॥ 18 ॥ strīṃ trīṃ hrīṃ mantravaryeṇa akṣatāścābhi mantritāḥ । tatpratikṣepamātreṇa śīghramāyāti māninī ॥ 19 ॥ haṃsaḥ oṃ hrīṃ strīṃ hūṃ haṃsaḥ । iti mantreṇa japtena śodhitaṃ kajjalaṃ priye । tasyaiva tilakaṃ kṛtvā jaganmohaṃ sa vaśaṃ nayet ॥ 20 ॥ tārāyā hṛdayaṃ devi sarvapāpapraṇāśanaṃ । rājapeyādi yajñānāṃ koṭi koṭi guṇottaram ॥ 21 ॥ gaṅgādi sarvatīrthānāṃ phalaṃ koṭiguṇaṃ smṛtaṃ । mahāduḥkhe mahāroge saṅkaṭe prāṇasamśaye ॥ 22 ॥ mahābhaye mahāghore paṭhet stotraṃ mahottamaṃ । satyaṃ satyaṃ mayoktante pārvati prāṇavallabhe ॥ 23 ॥ gopanīyaṃ prayatnena na prakāśyamidaṃ kvacit ॥ 24 ॥ iti śrī bhairavītantre śivapārvatī saṃvāde śrīmadugratārāhṛdayaṃ ।

Recite with devotion and pure heart

Regular practice brings spiritual benefits

More stotras of Devi: