हैंహైHaindavamஹிહિં
📍
Font Size:
భువనేశ్వరీ కవచం
దేవ్యువాచ ।
దేవేశ భువనేశ్వర్యా యా యా విద్యాః ప్రకాశితాః ।
శ్రుతాశ్చాధిగతాః సర్వాః శ్రోతుమిచ్ఛామి సాంప్రతం ॥ 1 ॥
త్రైలోక్యమంగలం నామ కవచం యత్పురోదితం ।
కథయస్వ మహాదేవ మమ ప్రీతికరం పరం ॥ 2 ॥
ఈశ్వర ఉవాచ ।
శృణు పార్వతి వక్ష్యామి సావధానావధారయ ।
త్రైలోక్యమంగలం నామ కవచం మంత్రవిగ్రహం ॥ 3 ॥
సిద్ధవిద్యామయం దేవి సర్వైశ్వర్యప్రదాయకం ।
పఠనాద్ధారణాన్మర్త్యస్త్రైలోక్యైశ్వర్యభాగ్భవేత్ ॥ 4 ॥
[ త్రైలోక్యమంగలస్యాస్య కవచస్య ఋషిశ్శివః ।
ఛందో విరాట్ జగద్ధాత్రీ దేవతా భువనేశ్వరీ ।
ధర్మార్థకామమోక్షేషు వినియోగః ప్రకీర్తితః ॥ ]
హ్రీం బీజం మే శిరః పాతు భువనేశీ లలాటకం ।
ఐం పాతు దక్షనేత్రం మే హ్రీం పాతు వామలోచనం ॥ 1 ॥
శ్రీం పాతు దక్షకర్ణం మే త్రివర్ణాఖ్యా మహేశ్వరీ । [త్రివర్ణాత్మా]
వామకర్ణం సదా పాతు ఐం ఘ్రాణం పాతు మే సదా ॥ 2 ॥
హ్రీం పాతు వదనం దేవి ఐం పాతు రసనాం మమ ।
వాక్పుటం చ త్రివర్ణాత్మా కంఠం పాతు పరాంబికా ॥ 3 ॥
శ్రీం స్కంధౌ పాతు నియతం హ్రీం భుజౌ పాతు సర్వదా ।
క్లీం కరౌ త్రిపుటా పాతు త్రిపురైశ్వర్యదాయినీ ॥ 4 ॥ [త్రిపుటేశాని]
ఓం పాతు హృదయం హ్రీం మే మధ్యదేశం సదాఽవతు ।
క్రౌం పాతు నాభిదేశం మే త్ర్యక్షరీ భువనేశ్వరీ ॥ 5 ॥
సర్వబీజప్రదా పృష్ఠం పాతు సర్వవశంకరీ ।
హ్రీం పాతు గుహ్యదేశం మే నమో భగవతీ కటిం ॥ 6 ॥
మాహేశ్వరీ సదా పాతు సక్థినీ జానుయుగ్మకం ।
అన్నపూర్ణా సదా పాతు స్వాహా పాతు పదద్వయం ॥ 7 ॥
సప్తదశాక్షరీ పాయాదన్నపూర్ణాత్మికా పరా ।
తారం మాయా రమాకామః షోడశార్ణా తతః పరం ॥ 8 ॥
శిరఃస్థా సర్వదా పాతు వింశత్యర్ణాత్మికా పరా ।
తారం దుర్గేయుగం రక్షేత్ స్వాహేతి చ దశాక్షరీ ॥ 9 ॥
జయదుర్గా ఘనశ్యామా పాతు మాం సర్వతో ముదా ।
మాయాబీజాదికా చైషా దశార్ణా చ పరా తథా ॥ 10 ॥
ఉత్తప్తకాంచనాభాసా జయదుర్గాఽఽననేఽవతు ।
తారం హ్రీం దుం చ దుర్గాయై నమోఽష్టార్ణాత్మికా పరా ॥ 11 ॥
శంఖచక్రధనుర్బాణధరా మాం దక్షిణేఽవతు ।
మహిషామర్దినీ స్వాహా వసువర్ణాత్మికా పరా ॥ 12 ॥
నైరృత్యాం సర్వదా పాతు మహిషాసురనాశినీ ।
మాయా పద్మావతీ స్వాహా సప్తార్ణా పరికీర్తితా ॥ 13 ॥
పద్మావతీ పద్మసంస్థా పశ్చిమే మాం సదాఽవతు ।
పాశాంకుశపుటే మాయే హ్రీం పరమేశ్వరి స్వాహా ॥ 14 ॥
త్రయోదశార్ణా తారాద్యా అశ్వారుఢాఽనలేఽవతు ।
సరస్వతీ పంచశరే నిత్యక్లిన్నే మదద్రవే ॥ 15 ॥
స్వాహారవ్యక్షరీ విద్యా మాముత్తరే సదాఽవతు ।
తారం మాయా తు కవచం ఖే రక్షేత్సతతం వధూః ॥ 16 ॥
హ్రూం క్షం హ్రీం ఫట్ మహావిద్యా ద్వాదశార్ణాఖిలప్రదా ।
త్వరితాష్టాహిభిః పాయాచ్ఛివకోణే సదా చ మాం ॥ 17 ॥
ఐం క్లీం సౌః సతతం బాలా మూర్ధదేశే తతోఽవతు ।
బింద్వంతా భైరవీ బాలా భూమౌ చ మాం సదాఽవతు ॥ 18 ॥
ఇతి తే కథితం పుణ్యం త్రైలోక్యమంగలం పరం ।
సారం సారతరం పుణ్యం మహావిద్యౌఘవిగ్రహం ॥ 19 ॥
అస్యాపి పఠనాత్సద్యః కుబేరోఽపి ధనేశ్వరః ।
ఇంద్రాద్యాః సకలా దేవాః పఠనాద్ధారణాద్యతః ॥ 20 ॥
సర్వసిద్ధీశ్వరాః సంతః సర్వైశ్వర్యమవాప్నుయుః ।
పుష్పాంజల్యష్టకం దత్వా మూలేనైవ పఠేత్సకృత్ ॥ 21 ॥
సంవత్సరకృతాయాస్తు పూజాయాః ఫలమాప్నుయాత్ ।
ప్రీతిమన్యోఽన్యతః కృత్వా కమలా నిశ్చలా గృహే ॥ 22 ॥
వాణీ చ నివసేద్వక్త్రే సత్యం సత్యం న సంశయః ।
యో ధారయతి పుణ్యాత్మా త్రైలోక్యమంగలాభిధం ॥ 23 ॥
కవచం పరమం పుణ్యం సోఽపి పుణ్యవతాం వరః ।
సర్వైశ్వర్యయుతో భూత్వా త్రైలోక్యవిజయీ భవేత్ ॥ 24 ॥
పురుషో దక్షిణే బాహౌ నారీ వామభుజే తథా ।
బహుపుత్రవతీ భూత్వా వంధ్యాపి లభతే సుతం ॥ 25 ॥
బ్రహ్మాస్త్రాదీని శస్త్రాణి నైవ కృంతంతి తం జనం ।
ఏతత్కవచమజ్ఞాత్వా యో జపేద్భువనేశ్వరీం ।
దారిద్ర్యం పరమం ప్రాప్య సోఽచిరాన్మృత్యుమాప్నుయాత్ ॥ 26 ॥
ఇతి శ్రీ రుద్రయామలే తంత్రే దేవీశ్వర సంవాదే త్రైలోక్యమంగలం నామ భువనేశ్వరీకవచం సమాప్తం ।
Recite with devotion and pure heart
Regular practice brings spiritual benefits