हैंహైHaindavamஹிહિં
📍
Font Size:
ಭೈರವೀ ಕವಚಂ - ತ್ರೈಲೋಕ್ಯವಿಜಯಂ
ಶ್ರೀ ದೇವ್ಯುವಾಚ ।
ಭೈರವ್ಯಾಃ ಸಕಲಾ ವಿದ್ಯಾಃ ಶ್ರುತಾಶ್ಚಾಧಿಗತಾ ಮಯಾ ।
ಸಾಂಪ್ರತಂ ಶ್ರೋತುಮಿಚ್ಛಾಮಿ ಕವಚಂ ಯತ್ಪುರೋದಿತಂ ॥ 1 ॥
ತ್ರೈಲೋಕ್ಯವಿಜಯಂ ನಾಮ ಶಸ್ತ್ರಾಸ್ತ್ರವಿನಿವಾರಣಂ ।
ತ್ವತ್ತಃ ಪರತರೋ ನಾಥ ಕಃ ಕೃಪಾಂ ಕರ್ತುಮರ್ಹತಿ ॥ 2 ॥
ಈಶ್ವರ ಉವಾಚ ।
ಶೃಣು ಪಾರ್ವತಿ ವಕ್ಷ್ಯಾಮಿ ಸುಂದರಿ ಪ್ರಾಣವಲ್ಲಭೇ ।
ತ್ರೈಲೋಕ್ಯವಿಜಯಂ ನಾಮ ಶಸ್ತ್ರಾಸ್ತ್ರವಿನಿವಾರಕಂ ॥ 3 ॥
ಪಠಿತ್ವಾ ಧಾರಯಿತ್ವೇದಂ ತ್ರೈಲೋಕ್ಯವಿಜಯೀ ಭವೇತ್ ।
ಜಘಾನ ಸಕಲಾಂದೈತ್ಯಾನ್ಯದ್ಧೃತ್ವಾ ಮಧುಸೂದನಃ ॥ 4 ॥
ಬ್ರಹ್ಮಾ ಸೃಷ್ಟಿಂ ವಿತನುತೇ ಯದ್ಧೃತ್ವಾಭೀಷ್ಟದಾಯಕಂ ।
ಧನಾಧಿಪಃ ಕುಬೇರೋಽಪಿ ವಾಸವಸ್ತ್ರಿದಶೇಶ್ವರಃ ॥ 5 ॥
ಯಸ್ಯ ಪ್ರಸಾದಾದೀಶೋಽಹಂ ತ್ರೈಲೋಕ್ಯವಿಜಯೀ ವಿಭುಃ ।
ನ ದೇಯಂ ಪರಶಿಷ್ಯೇಭ್ಯೋಽಸಾಧಕೇಭ್ಯಃ ಕದಾಚನ ॥ 6 ॥
ಪುತ್ರೇಭ್ಯಃ ಕಿಮಥಾನ್ಯೇಭ್ಯೋ ದದ್ಯಾಚ್ಚೇನ್ಮೃತ್ಯುಮಾಪ್ನುಯಾತ್ ।
ಋಷಿಸ್ತು ಕವಚಸ್ಯಾಸ್ಯ ದಕ್ಷಿಣಾಮೂರ್ತಿರೇವ ಚ ॥ 7 ॥
ವಿರಾಟ್ ಛಂದೋ ಜಗದ್ಧಾತ್ರೀ ದೇವತಾ ಬಾಲಭೈರವೀ ।
ಧರ್ಮಾರ್ಥಕಾಮಮೋಕ್ಷೇಷು ವಿನಿಯೋಗಃ ಪ್ರಕೀರ್ತಿತಃ ॥ 8 ॥
ಅಧರೋ ಬಿಂದುಮಾನಾದ್ಯಃ ಕಾಮಃ ಶಕ್ತಿಶಶೀಯುತಃ ।
ಭೃಗುರ್ಮನುಸ್ವರಯುತಃ ಸರ್ಗೋ ಬೀಜತ್ರಯಾತ್ಮಕಃ ॥ 9 ॥
ಬಾಲೈಷಾ ಮೇ ಶಿರಃ ಪಾತು ಬಿಂದುನಾದಯುತಾಪಿ ಸಾ ।
ಭಾಲಂ ಪಾತು ಕುಮಾರೀಶಾ ಸರ್ಗಹೀನಾ ಕುಮಾರಿಕಾ ॥ 10 ॥
ದೃಶೌ ಪಾತು ಚ ವಾಗ್ಬೀಜಂ ಕರ್ಣಯುಗ್ಮಂ ಸದಾವತು ।
ಕಾಮಬೀಜಂ ಸದಾ ಪಾತು ಘ್ರಾಣಯುಗ್ಮಂ ಪರಾವತು ॥ 11 ॥
ಸರಸ್ವತೀಪ್ರದಾ ಬಾಲಾ ಜಿಹ್ವಾಂ ಪಾತು ಶುಚಿಪ್ರಭಾ ।
ಹಸ್ರೈಂ ಕಂಠಂ ಹಸಕಲರೀಂ ಸ್ಕಂಧೌ ಪಾತು ಹಸ್ರೌ ಭುಜೌ ॥ 12 ॥
ಪಂಚಮೀ ಭೈರವೀ ಪಾತು ಕರೌ ಹಸೈಂ ಸದಾವತು ।
ಹೃದಯಂ ಹಸಕಲೀಂ ವಕ್ಷಃ ಪಾತು ಹಸೌಃ ಸ್ತನೌ ಮಮ ॥ 13 ॥
ಪಾತು ಸಾ ಭೈರವೀ ದೇವೀ ಚೈತನ್ಯರೂಪಿಣೀ ಮಮ ।
ಹಸ್ರೈಂ ಪಾತು ಸದಾ ಪಾರ್ಶ್ವಯುಗ್ಮಂ ಹಸಕಲರೀಂ ಸದಾ ॥ 14 ॥
ಕುಕ್ಷಿಂ ಪಾತು ಹಸೌರ್ಮಧ್ಯೇ ಭೈರವೀ ಭುವಿ ದುರ್ಲಭಾ ।
ಐಂ ಈಂ ಓಂ ವಂ ಮಧ್ಯದೇಶಂ ಬೀಜವಿದ್ಯಾ ಸದಾವತು ॥ 15 ॥
ಹಸ್ರೈಂ ಪೃಷ್ಠಂ ಸದಾ ಪಾತು ನಾಭಿಂ ಹಸಕಲಹ್ರೀಂ ಸದಾ ।
ಪಾತು ಹಸೌಂ ಕರೌ ಪಾತು ಷಟ್ಕೂಟಾ ಭೈರವೀ ಮಮ ॥ 16 ॥
ಸಹಸ್ರೈಂ ಸಕ್ಥಿನೀ ಪಾತು ಸಹಸಕಲರೀಂ ಸದಾವತು ।
ಗುಹ್ಯದೇಶಂ ಹಸ್ರೌಂ ಪಾತು ಜಾನುನೀ ಭೈರವೀ ಮಮ ॥ 17 ॥
ಸಂಪತ್ಪ್ರದಾ ಸದಾ ಪಾತು ಹೈಂ ಜಂಘೇ ಹಸಕ್ಲೀಂ ಪದೌ ।
ಪಾತು ಹಂಸೌಃ ಸರ್ವದೇಹಂ ಭೈರವೀ ಸರ್ವದಾವತು ॥ 18 ॥
ಹಸೈಂ ಮಾಮವತು ಪ್ರಾಚ್ಯಾಂ ಹರಕ್ಲೀಂ ಪಾವಕೇಽವತು ।
ಹಸೌಂ ಮೇ ದಕ್ಷಿಣೇ ಪಾತು ಭೈರವೀ ಚಕ್ರಸಂಸ್ಥಿತಾ ॥ 19 ॥
ಹ್ರೀಂ ಕ್ಲೀಂ ಲ್ವೇಂ ಮಾಂ ಸದಾ ಪಾತು ನಿರೃತ್ಯಾಂ ಚಕ್ರಭೈರವೀ ।
ಕ್ರೀಂ ಕ್ರೀಂ ಕ್ರೀಂ ಪಾತು ವಾಯವ್ಯೇ ಹೂಂ ಹೂಂ ಪಾತು ಸದೋತ್ತರೇ ॥ 20 ॥
ಹ್ರೀಂ ಹ್ರೀಂ ಪಾತು ಸದೈಶಾನ್ಯೇ ದಕ್ಷಿಣೇ ಕಾಲಿಕಾವತು ।
ಊರ್ಧ್ವಂ ಪ್ರಾಗುಕ್ತಬೀಜಾನಿ ರಕ್ಷಂತು ಮಾಮಧಃ ಸ್ಥಲೇ ॥ 21 ॥
ದಿಗ್ವಿದಿಕ್ಷು ಸ್ವಾಹಾ ಪಾತು ಕಾಲಿಕಾ ಖಡ್ಗಧಾರಿಣೀ ।
ಓಂ ಹ್ರೀಂ ಸ್ತ್ರೀಂ ಹೂಂ ಫಟ್ ಸಾ ತಾರಾ ಸರ್ವತ್ರ ಮಾಂ ಸದಾವತು ॥ 22 ॥
ಸಂಗ್ರಾಮೇ ಕಾನನೇ ದುರ್ಗೇ ತೋಯೇ ತರಂಗದುಸ್ತರೇ ।
ಖಡ್ಗಕರ್ತ್ರಿಧರಾ ಸೋಗ್ರಾ ಸದಾ ಮಾಂ ಪರಿರಕ್ಷತು ॥ 23 ॥
ಇತಿ ತೇ ಕಥಿತಂ ದೇವಿ ಸಾರಾತ್ಸಾರತರಂ ಮಹತ್ ।
ತ್ರೈಲೋಕ್ಯವಿಜಯಂ ನಾಮ ಕವಚಂ ಪರಮಾದ್ಭುತಂ ॥ 24 ॥
ಯಃ ಪಠೇತ್ಪ್ರಯತೋ ಭೂತ್ವಾ ಪೂಜಾಯಾಃ ಫಲಮಾಪ್ನುಯಾತ್ ।
ಸ್ಪರ್ಧಾಮೂದ್ಧೂಯ ಭವನೇ ಲಕ್ಷ್ಮೀರ್ವಾಣೀ ವಸೇತ್ತತಃ ॥ 25 ॥
ಯಃ ಶತ್ರುಭೀತೋ ರಣಕಾತರೋ ವಾ
ಭೀತೋ ವನೇ ವಾ ಸಲಿಲಾಲಯೇ ವಾ ।
ವಾದೇ ಸಭಾಯಾಂ ಪ್ರತಿವಾದಿನೋ ವಾ
ರಕ್ಷಃಪ್ರಕೋಪಾದ್ಗ್ರಹಸಕುಲಾದ್ವಾ ॥ 26 ॥
ಪ್ರಚಂಡದಂಡಾಕ್ಷಮನಾಚ್ಚ ಭೀತೋ
ಗುರೋಃ ಪ್ರಕೋಪಾದಪಿ ಕೃಚ್ಛ್ರಸಾಧ್ಯಾತ್ ।
ಅಭ್ಯರ್ಚ್ಯ ದೇವೀಂ ಪ್ರಪಠೇತ್ತ್ರಿಸಂಧ್ಯಂ
ಸ ಸ್ಯಾನ್ಮಹೇಶಪ್ರತಿಮೋ ಜಯೀ ಚ ॥ 27 ॥
ತ್ರೈಲೋಕ್ಯವಿಜಯಂ ನಾಮ ಕವಚಂ ಮನ್ಮುಖೋದಿತಂ ।
ವಿಲಿಖ್ಯ ಭೂರ್ಜಗುಟಿಕಾಂ ಸ್ವರ್ಣಸ್ಥಾಂ ಧಾರಯೇದ್ಯದಿ ॥ 28 ॥
ಕಂಠೇ ವಾ ದಕ್ಷಿಣೇ ಬಾಹೌ ತ್ರೈಲೋಕ್ಯವಿಜಯೀ ಭವೇತ್ ।
ತದ್ಗಾತ್ರಂ ಪ್ರಾಪ್ಯ ಶಸ್ತ್ರಾಣಿ ಭವಂತಿ ಕುಸುಮಾನಿ ಚ ॥ 29 ॥
ಲಕ್ಷ್ಮೀಃ ಸರಸ್ವತೀ ತಸ್ಯ ನಿವಸೇದ್ಭವನೇ ಮುಖೇ ।
ಏತತ್ಕವಚಮಜ್ಞಾತ್ವಾ ಯೋ ಜಪೇದ್ಭೈರವೀಂ ಪರಾಂ ।
ಬಾಲಾಂ ವಾ ಪ್ರಜಪೇದ್ವಿದ್ವಾಂದರಿದ್ರೋ ಮೃತ್ಯುಮಾಪ್ನುಯಾತ್ ॥ 30 ॥
ಇತಿ ಶ್ರೀ ರುದ್ರಯಾಮಲೇ ದೇವೀಶ್ವರಸಂವಾದೇ ತ್ರೈಲೋಕ್ಯವಿಜಯಂ ನಾಮ ಭೈರವೀ ಕವಚಂ ಸಮಾಪ್ತಂ ।
Recite with devotion and pure heart
Regular practice brings spiritual benefits