ആയീ ആനന്ദവല്ലീ അമൃതകരതലീ ആദിശക്തിഃ പരായീ മായാ മായാത്മരൂപീ സ്ഫടികമണിമയീ മാമതംഗീ ഷഡംഗീ । ജ്ഞാനീ ജ്ഞാനാത്മരൂപീ നലിനപരിമലീ നാദ ഓങ്കാരമൂർതിഃ യോഗീ യോഗാസനസ്ഥാ ഭുവനവശകരീ സുന്ദരീ ഐം നമസ്തേ ॥ 1 ॥ ബാലാമന്ത്രേ കടാക്ഷീ മമ ഹൃദയസഖീ മത്തഭാവ പ്രചണ്ഡീ വ്യാലീ യജ്ഞോപവീതീ വികടകടിതടീ വീരശക്തിഃ പ്രസന്നാ । ബാലാ ബാലേന്ദുമൗലിർമദഗജഗമനാ സാക്ഷികാ സ്വസ്തിമന്ത്രീ കാലീ കങ്കാലരൂപീ കടികടികഹ്രീം കാരിണീ ക്ലീം നമസ്തേ ॥ 2 ॥ മൂലാധാരാ മഹാത്മാ ഹുതവഹനയനീ മൂലമന്ത്രാ ത്രിനേത്രാ ഹാരാ കേയൂരവല്ലീ അഖിലത്രിപദഗാ അംബികായൈ പ്രിയായൈ । വേദാ വേദാംഗനാദാ വിനതഘനമുഖീ വീരതന്ത്രീപ്രചാരീ സാരീ സംസാരവാസീ സകലദുരിതഹാ സർവതോ ഹ്രീം നമസ്തേ ॥ 3 ॥ ഐം ക്ലീം ഹ്രീം മന്ത്രരൂപാ ശകലശശിധരാ സമ്പ്രദായപ്രധാനാ ക്ലീം ഹ്രീം ശ്രീം ബീജമുഖ്യൈഃ ഹിമകരദിനകൃജ്ജ്യോതിരൂപാ സരൂപാ । സൗഃ ക്ലീം ഐം ശക്തിരൂപാ പ്രണവഹരിസതേ ബിന്ദുനാദാത്മകോടിഃ ക്ഷാം ക്ഷീം ക്ഷൂങ്കാരനാദേ സകലഗുണമയീ സുന്ദരീ ഐം നമസ്തേ ॥ 4 ॥ അധ്യാനാധ്യാനരൂപാ അസുരഭയകരീ ആത്മശക്തിസ്വരൂപാ പ്രത്യക്ഷാ പീഠരൂപീ പ്രലയയുഗധരാ ബ്രഹ്മവിഷ്ണുത്രിരൂപീ । ശുദ്ധാത്മാ സിദ്ധരൂപാ ഹിമകിരണനിഭാ സ്തോത്രസങ്ക്ഷോഭശക്തിഃ സൃഷ്ടിസ്ഥിത്യന്തമൂർതീ ത്രിപുരഹരജയീ സുന്ദരീ ഐം നമസ്തേ ॥ 5 ॥ ഇതി ശ്രീ ബാലാ പഞ്ചരത്ന സ്തോത്രം ।