हैंహైHaindavamஹிહિં
📍
Font Size:
ബാലാ ത്രിപുര സുന്ദരീ ഭുജംഗ സ്തോത്രം
ശ്രീനീലലോഹിത ഉവാച ।
ജഗദ്യോനിരൂപാം സുവേശീം ച രക്താം
ഗുണാതീതസഞ്ജ്ഞാം മഹാഗുഹ്യഗുഹ്യാം ।
മഹാസർപഭൂഷാം ഭവേശാദിപൂജ്യാം
മഹാത്യുഗ്രബാലാം ഭജേഽഹം ഹി നിത്യാം ॥ 1 ॥
മഹാസ്വർണവർണാം ശിവപൃഷ്ഠസംസ്ഥാം
മഹാമുണ്ഡമാലാം ഗലേ ശോഭമാനാം ।
മഹാചർമവസ്ത്രാം മഹാശംഖഹസ്താം
മഹാത്യുഗ്രബാലാം ഭജേഽഹം ഹി നിത്യാം ॥ 2 ॥
സദാ സുപ്രസന്നാം ഭൃതാസൂക്ഷ്മസൂക്ഷ്മാം
വരാഭീതിഹസ്താം ധൃതാവാക്ഷപുസ്താം ।
മഹാകിന്നരേശീം ഭഗാകാരവിദ്യാം
മഹാത്യുഗ്രബാലാം ഭജേഽഹം ഹി നിത്യാം ॥ 3 ॥
തിനീം തീകിനീനാം രവാം കിങ്കിണീനാം
ഹഹാഹാ ഹഹാഹാ മഹാലാപശബ്ദാം ।
തഥൈഥൈ തഥൈഥൈ മഹാനൃത്യനൃത്യാം
മഹാത്യുഗ്രബാലാം ഭജേഽഹം ഹി നിത്യാം ॥ 4 ॥
നനാനാ രിരീരീ മഹാഗീശ ശംബൂ
ഹുഹൂവൂ ഹുഹൂവൂ പശോ രക്തപാനാം ।
ധിമിന്ധീം ധിമിന്ധീം മൃദംഗസ്യ ശബ്ദാം
മഹാത്യുഗ്രബാലാം ഭജേഽഹം ഹി നിത്യാം ॥ 5 ॥
മഹാചക്രസംസ്ഥാം ത്രിമാത്രാസ്വരൂപാം
ശിവാർധാംഗഭൂതാം മഹാപുഷ്പമാലാം ।
മഹാദുഃഖഹർത്രീം മഹാപ്രേതസംസ്ഥാം
മഹാത്യുഗ്രബാലാം ഭജേഽഹം ഹി നിത്യാം ॥ 6 ॥
സ്ഫുരത്പദ്മവക്ത്രാം ഹിമാംശോഃ കലാപാം
മഹാകോമലാംഗീം സുരേശേന മാന്യാം ।
ജഗത്പാലനൈകാഗ്രചിത്താം സുപുഷ്ടാം
മഹാത്യുഗ്രബാലാം ഭജേഽഹം ഹി നിത്യാം ॥ 7 ॥
മഹാദൈത്യനാശീം സുരാനിത്യപാലീം
മഹാബുദ്ധിരാശിം കവീനാം മുഖസ്ഥാം ।
ജടീനാം ഹൃദിസ്ഥാം മനൂനാം ശിരഃസ്ഥാം
മഹാത്യുഗ്രബാലാം ഭജേഽഹം ഹി നിത്യാം ॥ 8 ॥
ഭുജംഗാഖ്യം മഹാസ്തോത്രം ത്രിഷു ലോകേഷു ദുർലഭം ।
മഹാസിദ്ധിപ്രദം ദിവ്യം ചതുർവർഗഫലപ്രദം ॥ 9 ॥
സർവക്രതുഫലം ഭദ്രേ സർവവ്രതഫലം തഥാ ।
സർവദാനോദ്ഭവം പുണ്യം ലഭതേ നാത്ര സംശയഃ ॥ 10 ॥
വിവാദേ കലഹേ ഘോരേ മഹാദുഃഖേ പരാജയേ ।
ഗ്രഹദോഷേ മഹാരോഗേ പഠേത് സ്തോത്രം വിചക്ഷണഃ ॥ 11 ॥
സർവദോഷാഃ വിനശ്യന്തി ലഭതേ വാഞ്ഛിതം ഫലം ।
ദൂതീയാഗേ പഠേദ്ദേവി സർവശത്രുക്ഷയോ ഭവേത് ॥ 12 ॥
മഹാചക്രേ പഠേദ്ദേവി ലഭതേ പരമം പദം ।
പൂജാന്തേ പഠതേ ഭക്ത്യാ മഹാബലിഫലപ്രദം ॥ 13 ॥
പിതൃഗേഹേ തുര്യപഥേ ശൂന്യാഗാരേ ശിവാലയേ ।
ബില്വമൂലേ ചൈകവൃക്ഷേ രതൗ മധുസമാഗമേ ॥ 14 ॥
പഠേത് സ്തോത്രം മഹേശാനി ജീവന്മുക്തഃ സ ഉച്യതേ ।
ത്രികാലം പഠതേ നിത്യം ദേവീപുത്രത്വമാപ്നുയാത് ॥ 15 ॥
ഇതി ശ്രീ ബാലാ ത്രിപുര സുന്ദരീ ഭുജംഗ സ്തോത്രം ।
Recite with devotion and pure heart
Regular practice brings spiritual benefits