കൈലാസാചലമധ്യഗം പുരവഹം ശാന്തം ത്രിനേത്രം ശിവം വാമസ്ഥാ കവചം പ്രണമ്യ ഗിരിജാ ഭൂതിപ്രദം പൃച്ഛതി । ദേവീ ശ്രീബഗലാമുഖീ രിപുകുലാരണ്യാഗ്നിരൂപാ ച യാ തസ്യാശ്ചാപവിമുക്ത മന്ത്രസഹിതം പ്രീത്യാഽധുനാ ബ്രൂഹി മാം ॥ 1 ॥ ശ്രീശങ്കര ഉവാച । ദേവീ ശ്രീഭവവല്ലഭേ ശൃണു മഹാമന്ത്രം വിഭൂതിപ്രദം ദേവ്യാ വർമയുതം സമസ്തസുഖദം സാമ്രാജ്യദം മുക്തിദം । താരം രുദ്രവധൂം വിരിഞ്ചിമഹിലാ വിഷ്ണുപ്രിയാ കാമയു- -ക്കാന്തേ ശ്രീബഗലാനനേ മമ രിപൂന്നാശായ യുഗ്മന്ത്വിതി ॥ 2 ॥ ഐശ്വര്യാണി പദം ച ദേഹി യുഗലം ശീഘ്രം മനോവാഞ്ഛിതം കാര്യം സാധയ യുഗ്മയുക്ഛിവവധൂ വഹ്നിപ്രിയാന്തോ മനുഃ । കംസാരേസ്തനയം ച ബീജമപരാശക്തിശ്ച വാണീ തഥാ കീലം ശ്രീമിതി ഭൈരവർഷിസഹിതം ഛന്ദോ വിരാട് സമ്യുതം ॥ 3 ॥ സ്വേഷ്ടാർഥസ്യ പരസ്യ വേത്തി നിതരാം കാര്യസ്യ സമ്പ്രാപ്തയേ നാനാസാധ്യമഹാഗദസ്യ നിയതന്നാശായ വീര്യാപ്തയേ । ധ്യാത്വാ ശ്രീബഗലാനനാമനുവരം ജപ്ത്വാ സഹസ്രാഖ്യകം ദീർഘൈഃ ഷട്കയുതൈശ്ച രുദ്രമഹിലാബീജൈർവിന്യാസ്യാംഗകേ ॥ 4 ॥ ധ്യാനം । സൗവർണാസനസംസ്ഥിതാം ത്രിനയനാം പീതാംശുകോലാസിനീം ഹേമാഭാംഗരുചിം ശശാങ്കമുകുടാം സ്രക്ചമ്പകസ്രഗ്യുതാം । ഹസ്തൈർമദ്ഗരപാശബദ്ധരസനാം സംബിഭ്രതീം ഭൂഷണ- -വ്യാപ്താംഗീം ബഗലാമുഖീം ത്രിജഗതാം സംസ്തംഭിനീം ചിന്തയേ ॥ 5 ॥ വിനിയോഗഃ । ഓം അസ്യ ശ്രീബഗലാമുഖീ ബ്രഹ്മാസ്ത്രമന്ത്ര കവചസ്യ ഭൈരവ ഋഷിഃ വിരാട് ഛന്ദഃ ശ്രീബഗലാമുഖീ ദേവതാ ക്ലീം ബീജം ഐം ശക്തിഃ ശ്രീം കീലകം മമ പരസ്യ ച മനോഭിലഷിതേഷ്ടകാര്യസിദ്ധയേ വിനിയോഗഃ । ഋഷ്യാദിന്യാസഃ । ഭൈരവ ഋഷയേ നമഃ ശിരസി । വിരാട് ഛന്ദസേ നമഃ മുഖേ । ശ്രീ ബഗലാമുഖീ ദേവതായൈ നമഃ ഹൃദി । ക്ലീം ബീജായ നമഃ ഗുഹ്യേ । ഐം ശക്തയേ നമഃ പാദയോഃ । ശ്രീം കീലകായ നമഃ സർവാംഗേ । കരന്യാസഃ । ഓം ഹ്രാം അംഗുഷ്ഠാഭ്യാം നമഃ । ഓം ഹ്രീം തർജനീഭ്യാം നമഃ । ഓം ഹ്രൂം മധ്യമാഭ്യാം നമഃ । ഓം ഹ്രൈം അനാമികാഭ്യാം നമഃ । ഓം ഹ്രൗം കനിഷ്ഠികാഭ്യാം നമഃ । ഓം ഹ്രഃ കരതലകരപൃഷ്ഠാഭ്യാം നമഃ । അംഗന്യാസഃ । ഓം ഹ്രാം ഹൃദയായ നമഃ । ഓം ഹ്രീം ശിരസേ സ്വാഹാ । ഓം ഹ്രൂം ശിഖായൈ വഷട് । ഓം ഹ്രൈം കവചായ ഹും । ഓം ഹ്രൗം നേത്രത്രയായ വൗഷട് । ഓം ഹ്രഃ അസ്ത്രായ ഫട് । ഭൂർഭുവസ്സുവരോമിതി ദിഗ്ബന്ധഃ । മന്ത്രോദ്ധാരഃ । ഓം ഹ്രീം ഐം ശ്രീം ക്ലീം ശ്രീബഗലാനനേ മമ രിപൂന്നാശയ നാശയ മമൈശ്വര്യാണി ദേഹി ദേഹി ശീഘ്രം മനോവാഞ്ഛിതകാര്യം സാധയഃ സാധയഃ ഹ്രീം സ്വാഹാ । കവചം । ശിരോ മേ പാതു ഓം ഹ്രീം ഐം ശ്രീം ക്ലീം പാതു ലലാടകം । സംബോധനപദം പാതു നേത്രേ ശ്രീബഗലാനനേ ॥ 1 ॥ ശ്രുതൗ മമ രിപും പാതു നാസികാന്നാശയ ദ്വയം । പാതു ഗണ്ഡൗ സദാ മാമൈശ്വര്യാണ്യം തം തു മസ്തകം ॥ 2 ॥ ദേഹി ദ്വന്ദ്വം സദാ ജിഹ്വാം പാതു ശീഘ്രം വചോ മമ । കണ്ഠദേശം മനഃ പാതു വാഞ്ഛിതം ബാഹുമൂലകം ॥ 3 ॥ കാര്യം സാധയ ദ്വന്ദ്വന്തു കരൗ പാതു സദാ മമ । മായായുക്താ തഥാ സ്വാഹാ ഹൃദയം പാതു സർവദാ ॥ 4 ॥ അഷ്ടാധികചത്വാരിംശദ്ദണ്ഡാഢ്യാ ബഗലാമുഖീ । രക്ഷാം കരോതു സർവത്ര ഗൃഹേഽരണ്യേ സദാ മമ ॥ 5 ॥ ബ്രഹ്മാസ്ത്രാഖ്യോ മനുഃ പാതു സർവാംഗേ സർവസന്ധിഷു । മന്ത്രരാജഃ സദാ രക്ഷാം കരോതു മമ സർവദാ ॥ 6 ॥ ഓം ഹ്രീം പാതു നാഭിദേശം കടിം മേ ബഗലാഽവതു । മുഖീ വർണദ്വയം പാതു ലിംഗം മേ മുഷ്കയുഗ്മകം ॥ 7 ॥ ജാനുനീ സർവദുഷ്ടാനാം പാതു മേ വർണപഞ്ചകം । വാചം മുഖം തഥാ പദം ഷഡ്വർണാ പരമേശ്വരീ ॥ 8 ॥ ജംഘായുഗ്മേ സദാ പാതു ബഗലാ രിപുമോഹിനീ । സ്തംഭയേതി പദം പൃഷ്ഠം പാതു വർണത്രയം മമ ॥ 9 ॥ ജിഹ്വാം വർണദ്വയം പാതു ഗുൽഫൗ മേ കീലയേതി ച । പാദോർധ്വം സർവദാ പാതു ബുദ്ധിം പാദതലേ മമ ॥ 10 ॥ വിനാശയ പദം പാതു പാദാംഗുല്യോർനഖാനി മേ । ഹ്രീം ബീജം സർവദാ പാതു ബുദ്ധീന്ദ്രിയവചാംസി മേ ॥ 11 ॥ സർവാംഗം പ്രണവഃ പാതു സ്വാഹാ രോമാണി മേഽവതു । ബ്രാഹ്മീ പൂർവദലേ പാതു ചാഗ്നേയാം വിഷ്ണുവല്ലഭാ ॥ 12 ॥ മാഹേശീ ദക്ഷിണേ പാതു ചാമുണ്ഡാ രാക്ഷസേഽവതു । കൗമാരീ പശ്ചിമേ പാതു വായവ്യേ ചാപരാജിതാ ॥ 13 ॥ വാരാഹീ ചോത്തരേ പാതു നാരസിംഹീ ശിവേഽവതു । ഊർധ്വം പാതു മഹാലക്ഷ്മീഃ പാതാലേ ശാരദാഽവതു ॥ 14 ॥ ഇത്യഷ്ടൗ ശക്തയഃ പാന്തു സായുധാശ്ച സവാഹനാഃ । രാജദ്വാരേ മഹാദുർഗേ പാതു മാം ഗണനായകഃ ॥ 15 ॥ ശ്മശാനേ ജലമധ്യേ ച ഭൈരവശ്ച സദാഽവതു । ദ്വിഭുജാ രക്തവസനാഃ സർവാഭരണഭൂഷിതാഃ ॥ 16 ॥ യോഗിന്യഃ സർവദാ പാതു മഹാരണ്യേ സദാ മമ । ഇതി തേ കഥിതം ദേവി കവചം പരമാദ്ഭുതം ॥ 17 ॥ ശ്രീവിശ്വവിജയന്നാമ കീർതിശ്രീവിജയപ്രദം । അപുത്രോ ലഭതേ പുത്രം ധീരം ശൂരം ശതായുഷം ॥ 18 ॥ നിർധനോ ധനമാപ്നോതി കവചസ്യാസ്യ പാഠതഃ । ജപിത്വാ മന്ത്രരാജം തു ധ്യാത്വാ ശ്രീബഗലാമുഖീം ॥ 19 ॥ പഠേദിദം ഹി കവചം നിശായാം നിയമാത്തു യഃ । യദ്യത്കാമയതേ കാമം സാധ്യാസാധ്യേ മഹീതലേ ॥ 20 ॥ തത്തത്കാമമവാപ്നോതി സപ്തരാത്രേണ ശങ്കരീ । ഗുരും ധ്യാത്വാ സുരാം പീത്വാ രാത്രൗ ശക്തിസമന്വിതഃ ॥ 21 ॥ കവചം യഃ പഠേദ്ദേവി തസ്യാഽസാധ്യം ന കിഞ്ചന । യം ധ്യാത്വാ പ്രജപേന്മന്ത്രം സഹസ്രം കവചം പഠേത് ॥ 22 ॥ ത്രിരാത്രേണ വശം യാതി മൃത്യും തം നാത്ര സംശയഃ । ലിഖിത്വാ പ്രതിമാം ശത്രോഃ സതാലേന ഹരിദ്രയാ ॥ 23 ॥ ലിഖിത്വാ ഹ്യദി തം നാമ തം ധ്യാത്വാ പ്രജപേന്മനും । ഏകവിംശദ്ദിനം യാവത്പ്രത്യഹം ച സഹസ്രകം ॥ 24 ॥ ജപ്ത്വാ പഠേത്തു കവചം ചതുർവിംശതിവാരകം । സംസ്തംഭം ജായതേ ശത്രോർനാത്ര കാര്യാ വിചാരണാ ॥ 25 ॥ വിവാദേ വിജയം തസ്യ സംഗ്രാമേ ജയമാപ്നുയാത് । ശ്മശാനേ ച ഭയം നാസ്തി കവചസ്യ പ്രഭാവതഃ ॥ 26 ॥ നവനീതം ചാഭിമന്ത്ര്യ സ്ത്രീണാം ദദ്യാന്മഹേശ്വരി । വന്ധ്യായാം ജായതേ പുത്രോ വിദ്യാബലസമന്വിതഃ ॥ 27 ॥ ശ്മശാനാംഗാരമാദായ ഭൗമേ രാത്രൗ ശനാവഥ । പാദോദകേന സ്പൃഷ്ട്വാ ച ലിഖേല്ലോഹശലാകയാ ॥ 28 ॥ ഭൂമൗ ശത്രോഃ സ്വരൂപം ച ഹൃദി നാമ സമാലിഖേത് । ഹസ്തം തദ്ധൃദയേ ദത്വാ കവചം തിഥിവാരകം ॥ 29 ॥ ധ്യാത്വാ ജപേന്മന്ത്രരാജം നവരാത്രം പ്രയത്നതഃ । മ്രിയതേ ജ്വരദാഹേന ദശമേഽഹ്നി ന സംശയഃ ॥ 30 ॥ ഭൂർജപത്രേഷ്വിദം സ്തോത്രമഷ്ടഗന്ധേന സംലിഖേത് । ധാരയേദ്ദക്ഷിണേ ബാഹൗ നാരീ വാമഭുജേ തഥാ ॥ 31 ॥ സംഗ്രാമേ ജയമാപ്നോതി നാരീ പുത്രവതീ ഭവേത് । ബ്രഹ്മാസ്ത്രാദീനി ശസ്ത്രാണി നൈവ കൃന്തന്തി തം ജനം ॥ 32 ॥ സമ്പൂജ്യ കവചം നിത്യം പൂജായാഃ ഫലമാലഭേത് । ബൃഹസ്പതിസമോ വാപി വിഭവേ ധനദോപമഃ ॥ 33 ॥ കാമതുല്യശ്ച നാരീണാം ശത്രൂണാം ച യമോപമഃ । കവിതാലഹരീ തസ്യ ഭവേദ്ഗംഗാപ്രവാഹവത് ॥ 34 ॥ ഗദ്യപദ്യമയീ വാണീ ഭവേദ്ദേവീപ്രസാദതഃ । ഏകാദശശതം യാവത്പുരശ്ചരണമുച്യതേ ॥ 35 ॥ പുരശ്ചര്യാവിഹീനം തു ന ചേദം ഫലദായകം । ന ദേയം പരശിഷ്യേഭ്യോ ദുഷ്ടേഭ്യശ്ച വിശേഷതഃ ॥ 36 ॥ ദേയം ശിഷ്യായ ഭക്തായ പഞ്ചത്വം ചാഽന്യഥാപ്നുയാത് । ഇദം കവചമജ്ഞാത്വാ ഭജേദ്യോ ബഗലാമുഖീം । ശതകോടി ജപിത്വാ തു തസ്യ സിദ്ധിർന ജായതേ ॥ 37 ॥ ദാരാഢ്യോ മനുജോസ്യ ലക്ഷജപതഃ പ്രാപ്നോതി സിദ്ധിം പരാം വിദ്യാം ശ്രീവിജയം തഥാ സുനിയതം ധീരം ച വീരം വരം । ബ്രഹ്മാസ്ത്രാഖ്യമനും വിലിഖ്യ നിതരാം ഭൂർജേഷ്ടഗന്ധേന വൈ ധൃത്വാ രാജപുരം വ്രജന്തി ഖലു യേ ദാസോഽസ്തി തേഷാം നൃപഃ ॥ 38 ॥ ഇതി വിശ്വസാരോദ്ധാരതന്ത്രേ പാർവതീശ്വരസംവാദേ ബഗലാമുഖീകവചം സമ്പൂർണം ।