ருʼஷய ஊசு꞉ – ஜிதம்ʼ ஜிதம்ʼ தே(அ)ஜித யஜ்ஞபா⁴வனா த்ரயீம்ʼ தனூம்ʼ ஸ்வாம்ʼ பரிது⁴ன்வதே நம꞉ । யத்³ரோமக³ர்தேஷு நிலில்யுரத்⁴வரா- -ஸ்தஸ்மை நம꞉ காரணஸூகராய தே ॥ 1 ॥ ரூபம்ʼ தவைதன்னனு து³ஷ்க்ருʼதாத்மனாம்ʼ து³ர்த³ர்ஶனம்ʼ தே³வ யத³த்⁴வராத்மகம் । ச²ந்தா³ம்ʼஸி யஸ்ய த்வசி ப³ர்ஹிரோம- -ஸ்வாஜ்யம்ʼ த்³ருʼஶி த்வங்க்⁴ரிஷு சாதுர்ஹோத்ரம் ॥ 2 ॥ ஸ்ருக்துண்ட³ ஆஸீத் ஸ்ருவ ஈஶ நாஸயோ- -ரிடோ³த³ரே சமஸா꞉ கர்ணரந்த்⁴ரே । ப்ராஶித்ரமாஸ்யே க்³ரஸனே க்³ரஹாஸ்து தே யச்சர்வணம்ʼ தே ப⁴க³வந்நக்³னிஹோத்ரம் ॥ 3 ॥ தீ³க்ஷானுஜன்மோபஸத³꞉ ஶிரோத⁴ரம்ʼ த்வம்ʼ ப்ராயணீயோத³யனீயத³ம்ʼஷ்ட்ர꞉ । ஜிஹ்வா ப்ரவர்க்³யஸ்தவ ஶீர்ஷகம்ʼ க்ரதோ꞉ ஸப்⁴யாவஸத்²யம்ʼ சிதயோ(அ)ஸவோ ஹி தே ॥ 4 ॥ ஸோமஸ்து ரேத꞉ ஸவனான்யவஸ்தி²தி꞉ ஸம்ʼஸ்தா²விபே⁴தா³ஸ்தவ தே³வ தா⁴தவ꞉ । ஸத்ராணி ஸர்வாணி ஶரீரஸந்தி⁴- -ஸ்த்வம்ʼ ஸர்வயஜ்ஞக்ரதுரிஷ்டிப³ந்த⁴ன꞉ ॥ 5 ॥ நமோ நமஸ்தே(அ)கி²லமந்த்ரதே³வதா த்³ரவ்யாய ஸர்வக்ரதவே க்ரியாத்மனே । வைராக்³யப⁴க்த்யாத்மஜயா(அ)னுபா⁴வித ஜ்ஞானாய வித்³யாகு³ரவே நமோ நம꞉ ॥ 6 ॥ த³ம்ʼஷ்ட்ராக்³ரகோட்யா ப⁴க³வம்ʼஸ்த்வயா த்⁴ருʼதா விராஜதே பூ⁴த⁴ர பூ⁴꞉ ஸபூ⁴த⁴ரா । யதா² வனாந்நி꞉ஸரதோ த³தா த்⁴ருʼதா மதங்க³ஜேந்த்³ரஸ்ய ஸபத்ரபத்³மினீ ॥ 7 ॥ த்ரயீமயம்ʼ ரூபமித³ம்ʼ ச ஸௌகரம்ʼ பூ⁴மண்ட³லேநாத² த³தா த்⁴ருʼதேன தே । சகாஸ்தி ஶ்ருʼங்கோ³ட⁴க⁴னேன பூ⁴யஸா குலாசலேந்த்³ரஸ்ய யதை²வ விப்⁴ரம꞉ ॥ 8 ॥ ஸம்ʼஸ்தா²பயைனாம்ʼ ஜக³தாம்ʼ ஸதஸ்து²ஷாம்ʼ லோகாய பத்னீமஸி மாதரம்ʼ பிதா । விதே⁴ம சாஸ்யை நமஸா ஸஹ த்வயா யஸ்யாம்ʼ ஸ்வதேஜோ(அ)க்³னிமிவாரணாவதா⁴꞉ ॥ 9 ॥ க꞉ ஶ்ரத்³த⁴தீ⁴தான்யதமஸ்தவ ப்ரபோ⁴ ரஸாம்ʼ க³தாயா பு⁴வ உத்³விப³ர்ஹணம் । ந விஸ்மயோ(அ)ஸௌ த்வயி விஶ்வவிஸ்மயே யோ மாயயேத³ம்ʼ ஸஸ்ருʼஜே(அ)திவிஸ்மயம் ॥ 10 ॥ விது⁴ன்வதா வேத³மயம்ʼ நிஜம்ʼ வபு- -ர்ஜனஸ்தப꞉ ஸத்யநிவாஸினோ வயம் । ஸடாஶிகோ²த்³தூ⁴தஶிவாம்பு³பி³ந்து³பி⁴- -ர்விம்ருʼஜ்யமானா ப்⁴ருʼஶமீஶ பாவிதா꞉ ॥ 11 ॥ ஸ வை ப³த ப்⁴ரஷ்டமதிஸ்தவைஷ தே ய꞉ கர்மணாம்ʼ பாரமபாரகர்மண꞉ । யத்³யோக³மாயாகு³ணயோக³மோஹிதம்ʼ விஶ்வம்ʼ ஸமஸ்தம்ʼ ப⁴க³வன் விதே⁴ஹி ஶம் ॥ 12 ॥ இதி ஶ்ரீ யஜ்ஞவராஹமூர்தி ஸ்துதி꞉ ।