हैंహైHaindavamஹிહિં
📍
Font Size:
Varaha Ashtottara Shatanama Stotram
dhyānam ।
śvetaṃ sudarśanadarāṅkitabāhuyugmaṃ
daṃṣṭrākarālavadanaṃ dharayā sametam ।
brahmādibhiḥ suragaṇaiḥ parisevyamānaṃ
dhyāyedvarāhavapuṣaṃ nigamaikavedyam ॥
stotram ।
śrīvarāho mahīnāthaḥ pūrṇānando jagatpatiḥ ।
nirguṇo niṣkalo'nanto daṇḍakāntakṛdavyayaḥ ॥ 1 ॥
hiraṇyākṣāntakṛddevaḥ pūrṇaṣāḍguṇyavigrahaḥ ।
layodadhivihārī ca sarvaprāṇihiterataḥ ॥ 2 ॥
anantarūpo'nantaśrīrjitamanyurbhayāpahaḥ ।
vedāntavedyo vedī ca vedagarbhaḥ sanātanaḥ ॥ 3 ॥
sahasrākṣaḥ puṇyagandhaḥ kalpakṛt kṣitibhṛddhariḥ ।
padmanābhaḥ surādhyakṣo hemāṅgo dakṣiṇāmukhaḥ ॥ 4 ॥
mahākolo mahābāhuḥ sarvadevanamaskṛtaḥ ।
hṛṣīkeśaḥ prasannātmā sarvabhaktabhayāpahaḥ ॥ 5 ॥
yajñabhṛdyajñakṛtsākṣī yajñāṅgo yajñavāhanaḥ ।
havyabhuk havyadevaśca sadā'vyaktaḥ kṛpākaraḥ ॥ 6 ॥
devabhūmiguruḥ kānto dharmaguhyo vṛṣākapiḥ ।
sravattuṇḍo vakradaṃṣṭro nīlakeśo mahābalaḥ ॥ 7 ॥
pūtātmā vedanetā ca vedahartṛśiroharaḥ ।
vedāntavidvedaguhyaḥ sarvavedapravartakaḥ ॥ 8 ॥
gabhīrākṣastridhāmā ca gabhīrātmā'mareśvaraḥ ।
ānandavanago divyo brahmanāsāsamudbhavaḥ ॥ 9 ॥
sindhutīranivāsī ca kṣemakṛtsāttvatāṃ patiḥ ।
indratrātā jagattrātā cendradordaṇḍagarvahā ॥ 10 ॥
bhaktavaśyo sadodyukto nijānando ramāpatiḥ ।
śrutipriyaḥ śubhāṅgaśca puṇyaśravaṇakīrtanaḥ ॥ 11 ॥
satyakṛtsatyasaṅkalpaḥ satyavāksatyavikramaḥ ।
satyenigūḍhaḥ satyātmā kālātīto guṇādhikaḥ ॥ 12 ॥
paraṃjyotiḥ paraṃdhāma paramaḥ puruṣaḥ paraḥ ।
kalyāṇakṛtkaviḥ kartā karmasākṣī jitendriyaḥ ॥ 13 ॥
karmakṛtkarmakāṇḍasyasampradāyapravartakaḥ ।
sarvāntakaḥ sarvagaśca sarvadaḥ sarvabhakṣakaḥ ॥ 14 ॥
sarvalokapatiḥ śrīmān śrīmuṣṇeśaḥ śubhekṣaṇaḥ ।
sarvadevapriyaḥ sākṣītyetannāmāṣṭakaṃ śatam ॥ 15 ॥
sarvavedādhikaṃ puṇyaṃ varāhasya mahātmanaḥ ।
satataṃ prātarutthāya samyagācamya vāriṇā ॥ 16 ॥
jitāsano jitakrodhaḥ paścānmantramudīrayet ।
brāhmaṇo brahmavidyāyāṃ ca kṣatriyo rājyamāpnuyāt ॥ 17 ॥
vaiśyo dhanasamṛddhaḥ syāt śūdraḥ sukhamavāpnuyāt ।
sakāmo labhate kāmānniṣkāmo mokṣamāpnuyāt ॥ 18 ॥
iti śrīvarāhapurāṇe dharaṇīvarāhasaṃvāde śrībhūvarāhāṣṭottarastavaḥ ।
Recite with devotion and pure heart
Regular practice brings spiritual benefits