Balarama Kavacham

duryodhana uvāca । gopībhyaḥ kavacaṃ dattaṃ gargācāryeṇa dhīmatā । sarvarakṣākaraṃ divyaṃ dehi mahyaṃ mahāmune ॥ 1 ॥ prāḍvipāka uvāca । snātvā jale kṣaumadharaḥ kuśāsanaḥ pavitrapāṇiḥ kṛtamantramārjanaḥ । smṛtvātha natvā balamacyutāgrajaṃ sandhārayeddharmasamāhito bhavet ॥ 2 ॥ golokadhāmādhipatiḥ pareśvaraḥ pareṣu māṃ pātu pavitrakīrtanaḥ । bhūmaṇḍalaṃ sarṣapavadvilakṣyate yanmūrdhni māṃ pātu sa bhūmimaṇḍale ॥ 3 ॥ senāsu māṃ rakṣatu sīrapāṇiḥ yuddhe sadā rakṣatu māṃ halī ca । durgeṣu cāvyānmusalī sadā māṃ vaneṣu saṅkarṣaṇa ādidevaḥ ॥ 4 ॥ kalindajāvegaharo jaleṣu nīlāmbaro rakṣatu māṃ sadāgnau । vāyau ca rāmo'vatu khe balaśca mahārṇave'nantavapuḥ sadā mām ॥ 5 ॥ śrīvāsudevo'vatu parvateṣu sahasraśīrṣā ca mahāvivāde । rogeṣu māṃ rakṣatu rauhiṇeyo māṃ kāmapālo'vatu vā vipatsu ॥ 6 ॥ kāmātsadā rakṣatu dhenukāriḥ krodhātsadā māṃ dvividaprahārī । lobhātsadā rakṣatu balvalāriḥ mohātsadā māṃ kila māgadhāriḥ ॥ 7 ॥ prātaḥ sadā rakṣatu vṛṣṇidhuryaḥ prāhṇe sadā māṃ mathurāpurendraḥ । madhyandine gopasakhaḥ prapātu svarāṭ parāhṇe'vatu māṃ sadaiva ॥ 8 ॥ sāyaṃ phaṇīndro'vatu māṃ sadaiva parātparo rakṣatu māṃ pradoṣe । pūrṇe niśīthe ca durantavīryaḥ pratyūṣakāle'vatu māṃ sadaiva ॥ 9 ॥ vidikṣu māṃ rakṣatu revatīpatiḥ dikṣu pralambāriradho yadūdvahaḥ । ūrdhvaṃ sadā māṃ balabhadra ārā- -ttathā samantādbaladeva eva hi ॥ 10 ॥ antaḥ sadāvyātpuruṣottamo bahi- -rnāgendralīlo'vatu māṃ mahābalaḥ । sadāntarātmā ca vasan hariḥ svayaṃ prapātu pūrṇaḥ parameśvaro mahān ॥ 11 ॥ devāsurāṇāṃ bhayanāśanaṃ ca hutāśanaṃ pāpacayendhanānām । vināśanaṃ vighnaghaṭasya viddhi siddhāsanaṃ varmavaraṃ balasya ॥ 12 ॥ iti śrīgargasaṃhitāyāṃ balabhadrakhaṇḍe balarāmakavacam ।

Recite with devotion and pure heart

Regular practice brings spiritual benefits

More stotras of Dasavatara: