हैंహైHaindavamஹிહિં
📍
Font Size:
Vamana Stotram - Vamana Puranam
lomaharṣaṇa uvāca ।
devadevo jagadyonirayonirjagadādijaḥ ।
anādirādirviśvasya vareṇyo varado hariḥ ॥ 1 ॥
parāvarāṇāṃ paramaḥ parāparasatāṃ gatiḥ ।
prabhuḥ pramāṇaṃ mānānāṃ saptalokagurorguruḥ ।
sthitiṃ kartuṃ jagannāthaṃ so'cintyo garbhatāṃ gataḥ ॥ 2 ॥
prabhuḥ prabhūṇāṃ paramaḥ parāṇā-
-manādimadhyo bhagavānanantaḥ ।
trailokyamaṃśena sanāthamekaḥ
kartuṃ mahātmā'ditijo'vatīrṇaḥ ॥ 3 ॥
na yasya rudrā na ca padmayoni-
-rnendro na sūryendumarīcimiśrāḥ ।
jānanti daityādhipa yatsvarūpaṃ
sa vāsudevaḥ kalayāvatīrṇaḥ ॥ 4 ॥
yamakṣaraṃ vedavido vadanti
viśanti yaṃ jñānavidhūtapāpāḥ ।
yasmin praviṣṭā na punarbhavanti
taṃ vāsudevaṃ praṇamāmi devam ॥ 5 ॥
bhūtānyaśeṣāṇi yato bhavanti
yathormayastoyanidherajasram ।
layaṃ ca yasmin pralaye prayānti
taṃ vāsudevaṃ praṇato'smyacintyam ॥ 6 ॥
na yasya rūpaṃ na balaṃ prabhāvo
na ca pratāpaḥ paramasya puṃsaḥ ।
vijñāyate sarvapitāmahādyai-
-staṃ vāsudevaṃ praṇamāmi nityam ॥ 7 ॥
rūpasya cakṣurgrahaṇe tvageṣā
sparśagrahitrī rasanā rasasya ।
ghrāṇaṃ ca gandhagrahaṇe niyuktaṃ
na ghrāṇacakṣuḥ śravaṇādi tasya ॥ 8 ॥
svayamprakāśaḥ paramārthato yaḥ
sarveśvaro veditavyaḥ sa yuktyā ।
śakyaṃ tamīḍyamanaghaṃ ca devaṃ
grāhyaṃ nato'haṃ harimīśitāram ॥ 9 ॥
yenaikadaṃṣṭreṇa samuddhṛteyaṃ
dharā calā dhārayatīha sarvam ।
śete grasitvā sakalaṃ jagadya-
-stamīḍyamīśaṃ praṇato'smi viṣṇum ॥ 10 ॥
aṃśāvatīrṇena ca yena garbhe
hṛtāni tejāṃsi mahāsurāṇām ।
namāmi taṃ devamanantamīśa-
-maśeṣasaṃsārataroḥ kuṭhāram ॥ 11 ॥
devo jagadyonirayaṃ mahātmā
sa ṣoḍaśāṃśena mahā'surendrāḥ ।
surendramāturjaṭharaṃ praviṣṭo
hṛtāni vastena balaṃ vapūṃṣi ॥ 12 ॥
iti śrīvāmanapurāṇe navaviṃśatitamo'dhyāye śrī vāmana stotram ।
Recite with devotion and pure heart
Regular practice brings spiritual benefits