हैंహైHaindavamஹிહિં
📍
Font Size:
Adi Varaha Stotram
dharaṇyuvāca ।
namaste devadeveśa varāhavadanā'cyuta ।
kṣīrasāgarasaṅkāśa vajraśṛṅga mahābhuja ॥ 1 ॥
uddhṛtāsmi tvayā deva kalpādau sāgararāmbhasaḥ ।
sahasrabāhunā viṣṇo dhārayāmi jagantyaham ॥ 2 ॥
anekadivyābharaṇayajñasūtravirājita ।
aruṇāruṇāmbaradhara divyaratnavibhūṣita ॥ 3 ॥
udyadbhānupratīkāśapādapadma namo namaḥ ।
bālacandrābhadaṃṣṭrāgra mahābalaparākrama ॥ 4 ॥
divyacandanaliptāṅga taptakāñcanakuṇḍala ।
indranīlamaṇidyotihemāṅgadavibhūṣita ॥ 5 ॥
vajradaṃṣṭrāgranirbhinna hiraṇyākṣa mahābala ।
puṇḍarīkābhitāmrākṣa sāmasvanamanohara ॥ 6 ॥
śrutisīmantabhūṣātman sarvātman cāruvikrama ।
caturānanaśambhubhyāṃ vanditā''yatalocana ॥ 7 ॥
sarvavidyāmayākāra śabdātīta namo namaḥ ।
ānandavigrahā'nanta kālakāla namo namaḥ ॥ 8 ॥
iti śrīskandapurāṇe veṅkaṭācalamāhātmye bhūdevī kṛta śrī ādivarāha stotram ॥
Recite with devotion and pure heart
Regular practice brings spiritual benefits