brahmādaya ūcuḥ – jaya deva mahāpotrin jaya bhūmidharācyuta । hiraṇyākṣamahārakṣovidāraṇavicakṣaṇa ॥ 1 ॥ tvamanādiranantaśca tvattaḥ parataro na hi । tvameva sṛṣṭikāle'pi vidhirbhūtvā caturmukhaḥ ॥ 2 ॥ sṛjasyetajjagatsarvaṃ pāsi viṣṇuḥ samantataḥ । kālāgnirudrarūpī ca kalpānte sarvajantuṣu ॥ 3 ॥ antaryāmī bhavān deva sarvakartā tvameva hi । niṣkṛṣṭaṃ brahmaṇo rūpaṃ na jānanti surāstava ॥ 4 ॥ prasīda bhagavan viṣṇo bhūmiṃ sthāpaya pūrvavat । sarvaprāṇinivāsārthamastuvan vibudhavrajāḥ ॥ 5 ॥ iti śrīvarahapurāṇe veṅkaṭācalamāhātmye devakṛta śrī varāha stutiḥ ।