പരശുരാമ സ്തുതിഃ

കുലാചലാ യസ്യ മഹീം ദ്വിജേഭ്യഃ

പ്രയച്ഛതഃ സീമദൃഷത്ത്വമാപുഃ ।

ബഭൂവുരുത്സർഗജലം സമുദ്രാഃ

സ രൈണുകേയഃ ശ്രിയമാതനോതു ॥ 1 ॥

നാശിഷ്യഃ കിമഭൂദ്ഭവഃ കിമഭവന്നാപുത്രിണീ രേണുകാ

നാഭൂദ്വിശ്വമകാർമുകം കിമിതി വഃ പ്രീണാതു രാമത്രപാ ।

വിപ്രാണാം പ്രതിമന്ദിരം മണിഗണോന്മിശ്രാണി ദണ്ഡാഹതേ-

-ര്നാബ്ധീനാം സ മയാ യമോഽപി മഹിഷേണാംഭാംസി നോദ്വാഹിതഃ ॥ 2 ॥

പായാദ്വോ ജമദഗ്നിവംശതിലകോ വീരവ്രതാലങ്കൃതോ

രാമോ നാമ മുനീശ്വരോ നൃപവധേ ഭാസ്വത്കുഠാരായുധഃ ।

യേനാശേഷഹതാഹിതാംഗരുധിരൈഃ സന്തർപിതാഃ പൂർവജാഃ

ഭക്ത്യാ ചാശ്വമഖേ സമുദ്രവസനാ ഭൂർഹന്തകാരീകൃതാ ॥ 3 ॥

ദ്വാരേ കല്പതരും ഗൃഹേ സുരഗവീം ചിന്താമണീനംഗദേ

പീയൂഷം സരസീഷു വിപ്രവദനേ വിദ്യാശ്ചതസ്രോ ദശ ।

ഏവം കർതുമയം തപസ്യതി ഭൃഗോർവംശാവതംസോ മുനിഃ

പായാദ്വോഽഖിലരാജകക്ഷയകരോ ഭൂദേവഭൂഷാമണിഃ ॥ 4 ॥

ഇതി ശ്രീ പരശുരാമ സ്തുതിഃ ।

Recite with devotion and pure heart

Regular practice brings spiritual benefits