ஸுஶாந்தோவாச । ஜய ஹரே(அ)மராதீ⁴ஶஸேவிதம்ʼ தவ பதா³ம்பு³ஜம்ʼ பூ⁴ரிபூ⁴ஷணம் । குரு மமாக்³ரத꞉ ஸாது⁴ ஸத்க்ருʼதம்ʼ த்யஜ மஹாமதே மோஹமாத்மன꞉ ॥ 1 ॥ தவ வபுர்ஜக³த்³ரூபஸம்பதா³ விரசிதம்ʼ ஸதாம்ʼ மானஸே ஸ்தி²தம் । ரதிபதேர்மனோமோஹதா³யகம்ʼ குரு விசேஷ்டிதம்ʼ காமலம்படம் ॥ 2 ॥ தவ யஶோ ஜக³ச்சோ²கநாஶனம்ʼ ம்ருʼது³கதா²ம்ருʼதம்ʼ ப்ரீதிதா³யகம் । ஸ்மிதஸுதோ⁴க்ஷிதம்ʼ சந்த்³ரவன்முக²ம்ʼ தவ கரோத்யலம்ʼ லோகமங்க³லம் ॥ 3 ॥ மம பதிஸ்த்வயம்ʼ ஸர்வது³ர்ஜயோ யதி³ தவாப்ரியம்ʼ கர்மணா(ஆ)சரேத் । ஜஹி ததா³த்மன꞉ ஶத்ருமுத்³யதம்ʼ குரு க்ருʼபாம்ʼ ந சேதீ³த்³ருʼகீ³ஶ்வர꞉ ॥ 4 ॥ மஹத³ஹம்யுதம்ʼ பஞ்சமாத்ரயா ப்ரக்ருʼதிஜாயயா நிர்மிதம்ʼ வபு꞉ । தவ நிரீக்ஷணால்லீலயா ஜக³- -த்ஸ்தி²திலயோத³யம்ʼ ப்³ரஹ்மகல்பிதம் ॥ 5 ॥ பூ⁴வியன்மருத்³வாரிதேஜஸாம்ʼ ராஶிபி⁴꞉ ஶரீரேந்த்³ரியாஶ்ரிதை꞉ । த்ரிகு³ணயா ஸ்வயா மாயயா விபோ⁴ குரு க்ருʼபாம்ʼ ப⁴வத்ஸேவனார்தி²னாம் ॥ 6 ॥ தவ கு³ணாலயம்ʼ நாம பாவனம்ʼ கலிமலாபஹம்ʼ கீர்தயந்தி யே । ப⁴வப⁴யக்ஷயம்ʼ தாபதாபிதா முஹுரஹோ ஜனா꞉ ஸம்ʼஸரந்தி நோ ॥ 7 ॥ தவ ஜனு꞉ ஸதாம்ʼ மானவர்த⁴னம்ʼ ஜிநகுலக்ஷயம்ʼ தே³வபாலகம் । க்ருʼதயுகா³ர்பகம்ʼ த⁴ர்மபூரகம்ʼ கலிகுலாந்தகம்ʼ ஶம்ʼ தனோது மே ॥ 8 ॥ மம க்³ருʼஹம்ʼ பதிபுத்ரனப்த்ருʼகம்ʼ க³ஜரதை²ர்த்⁴வஜைஶ்சாமரைர்த⁴னை꞉ । மணிவராஸனம்ʼ ஸத்க்ருʼதிம்ʼ வினா தவ பதா³ப்³ஜயோ꞉ ஶோப⁴யந்தி கிம் ॥ 9 ॥ தவ ஜக³த்³வபு꞉ ஸுந்த³ரஸ்மிதம்ʼ முக²மனிந்தி³தம்ʼ ஸுந்த³ரானனம் । யதி³ ந மே ப்ரியம்ʼ வல்கு³சேஷ்டிதம்ʼ பரிகரோத்யஹோ ம்ருʼத்யுரஸ்த்விஹ ॥ 10 ॥ ஹயசர ப⁴யஹர கரஹரஶரண க²ரதரவரஶர த³ஶப³லத³மன । ஜய ஹதபரப⁴வ ப⁴வவரநாஶன ஶஶத⁴ரஶதஸமரஸப⁴ரமத³ன ॥ 11 ॥ இதி ஶ்ரீகல்கிபுராணே ஸுஶாந்தா க்ருʼத ஶ்ரீ கல்கி ஸ்தோத்ரம் ॥