हैंహైHaindavamஹிહિં
📍
Font Size:
കൽകി സ്തോത്രം
സുശാന്തോവാച ।
ജയ ഹരേഽമരാധീശസേവിതം
തവ പദാംബുജം ഭൂരിഭൂഷണം ।
കുരു മമാഗ്രതഃ സാധു സത്കൃതം
ത്യജ മഹാമതേ മോഹമാത്മനഃ ॥ 1 ॥
തവ വപുർജഗദ്രൂപസമ്പദാ
വിരചിതം സതാം മാനസേ സ്ഥിതം ।
രതിപതേർമനോമോഹദായകം
കുരു വിചേഷ്ടിതം കാമലമ്പടം ॥ 2 ॥
തവ യശോ ജഗച്ഛോകനാശനം
മൃദുകഥാമൃതം പ്രീതിദായകം ।
സ്മിതസുധോക്ഷിതം ചന്ദ്രവന്മുഖം
തവ കരോത്യലം ലോകമംഗലം ॥ 3 ॥
മമ പതിസ്ത്വയം സർവദുർജയോ
യദി തവാപ്രിയം കർമണാഽഽചരേത് ।
ജഹി തദാത്മനഃ ശത്രുമുദ്യതം
കുരു കൃപാം ന ചേദീദൃഗീശ്വരഃ ॥ 4 ॥
മഹദഹമ്യുതം പഞ്ചമാത്രയാ
പ്രകൃതിജായയാ നിർമിതം വപുഃ ।
തവ നിരീക്ഷണാല്ലീലയാ ജഗ-
-ത്സ്ഥിതിലയോദയം ബ്രഹ്മകല്പിതം ॥ 5 ॥
ഭൂവിയന്മരുദ്വാരിതേജസാം
രാശിഭിഃ ശരീരേന്ദ്രിയാശ്രിതൈഃ ।
ത്രിഗുണയാ സ്വയാ മായയാ വിഭോ
കുരു കൃപാം ഭവത്സേവനാർഥിനാം ॥ 6 ॥
തവ ഗുണാലയം നാമ പാവനം
കലിമലാപഹം കീർതയന്തി യേ ।
ഭവഭയക്ഷയം താപതാപിതാ
മുഹുരഹോ ജനാഃ സംസരന്തി നോ ॥ 7 ॥
തവ ജനുഃ സതാം മാനവർധനം
ജിനകുലക്ഷയം ദേവപാലകം ।
കൃതയുഗാർപകം ധർമപൂരകം
കലികുലാന്തകം ശം തനോതു മേ ॥ 8 ॥
മമ ഗൃഹം പതിപുത്രനപ്തൃകം
ഗജരഥൈർധ്വജൈശ്ചാമരൈർധനൈഃ ।
മണിവരാസനം സത്കൃതിം വിനാ
തവ പദാബ്ജയോഃ ശോഭയന്തി കിം ॥ 9 ॥
തവ ജഗദ്വപുഃ സുന്ദരസ്മിതം
മുഖമനിന്ദിതം സുന്ദരാനനം ।
യദി ന മേ പ്രിയം വൽഗുചേഷ്ടിതം
പരികരോത്യഹോ മൃത്യുരസ്ത്വിഹ ॥ 10 ॥
ഹയചര ഭയഹര കരഹരശരണ
ഖരതരവരശര ദശബലദമന ।
ജയ ഹതപരഭവ ഭവവരനാശന
ശശധരശതസമരസഭരമദന ॥ 11 ॥
ഇതി ശ്രീകൽകിപുരാണേ സുശാന്താ കൃത ശ്രീ കൽകി സ്തോത്രം ॥
Recite with devotion and pure heart
Regular practice brings spiritual benefits