ದಶಾವತಾರ ಸ್ತೋತ್ರಂ

ನಾಮಸ್ಮರಣಾದನ್ಯೋಪಾಯಂ ನ ಹಿ ಪಶ್ಯಾಮೋ ಭವತರಣೇ ।

ರಾಮ ಹರೇ ಕೃಷ್ಣ ಹರೇ ತವ ನಾಮ ವದಾಮಿ ಸದಾ ನೃಹರೇ ॥

ವೇದೋದ್ಧಾರವಿಚಾರಮತೇ ಸೋಮಕದಾನವಸಂಹರಣೇ ।

ಮೀನಾಕಾರಶರೀರ ನಮೋ ಹರಿಭಕ್ತಂ ತೇ ಪರಿಪಾಲಯ ಮಾಂ ॥ 1 ॥

ಮಂಥಾನಾಚಲಧಾರಣಹೇತೋ ದೇವಾಸುರಪರಿಪಾಲನ ಭೋ ।

ಕೂರ್ಮಾಕಾರಶರೀರ ನಮೋ ಹರಿಭಕ್ತಂ ತೇ ಪರಿಪಾಲಯ ಮಾಂ ॥ 2 ॥

ಭೂಚೋರಕಹರ ಪುಣ್ಯಮತೇ ಕ್ರೀಡೋದ್ಧೃತಭೂದೇಶ ಹರೇ ।

ಕ್ರೋಡಾಕಾರಶರೀರ ನಮೋ ಹರಿಭಕ್ತಂ ತೇ ಪರಿಪಾಲಯ ಮಾಂ ॥ 3 ॥

ಹಿರಣ್ಯಕಶಿಪುಚ್ಛೇದನಹೇತೋ ಪ್ರಹ್ಲಾದಾಽಭಯಧಾರಣಹೇತೋ ।

ನರಸಿಂಹಾಚ್ಯುತರೂಪ ನಮೋ ಹರಿಭಕ್ತಂ ತೇ ಪರಿಪಾಲಯ ಮಾಂ ॥ 4 ॥

ಬಲಿಮದಭಂಜನ ವಿತತಮತೇ ಪಾದೋದ್ವಯಕೃತಲೋಕಕೃತೇ ।

ವಟುಪಟುವೇಷಮನೋಜ್ಞ ನಮೋ ಹರಿಭಕ್ತಂ ತೇ ಪರಿಪಾಲಯ ಮಾಂ ॥ 5 ॥

ಕ್ಷಿತಿಪತಿವಂಶಸಂಭವಮೂರ್ತೇ ಕ್ಷಿತಿಪತಿರಕ್ಷಾಕ್ಷತಮೂರ್ತೇ ।

ಭೃಗುಪತಿರಾಮವರೇಣ್ಯ ನಮೋ ಹರಿಭಕ್ತಂ ತೇ ಪರಿಪಾಲಯ ಮಾಂ ॥ 6 ॥

ಸೀತಾವಲ್ಲಭ ದಾಶರಥೇ ದಶರಥನಂದನ ಲೋಕಗುರೋ ।

ರಾವಣಮರ್ದನ ರಾಮ ನಮೋ ಹರಿಭಕ್ತಂ ತೇ ಪರಿಪಾಲಯ ಮಾಂ ॥ 7 ॥

ಕೃಷ್ಣಾನಂತ ಕೃಪಾಜಲಧೇ ಕಂಸಾರೇ ಕಮಲೇಶ ಹರೇ ।

ಕಾಲಿಯಮರ್ದನ ಕೃಷ್ಣ ನಮೋ ಹರಿಭಕ್ತಂ ತೇ ಪರಿಪಾಲಯ ಮಾಂ ॥ 8 ॥

ತ್ರಿಪುರಸತೀಮಾನವಿಹರಣಾ ತ್ರಿಪುರವಿಜಯಮಾರ್ಗಣರೂಪಾ ।

ಶುದ್ಧಜ್ಞಾನವಿಬುದ್ಧ ನಮೋ ಹರಿಭಕ್ತಂ ತೇ ಪರಿಪಾಲಯ ಮಾಂ ॥ 9 ॥

ಶಿಷ್ಟಜನಾವನ ದುಷ್ಟಹರ ಖಗತುರಗೋತ್ತಮವಾಹನ ತೇ ।

ಕಲ್ಕಿರೂಪಪರಿಪಾಲ ನಮೋ ಹರಿಭಕ್ತಂ ತೇ ಪರಿಪಾಲಯ ಮಾಂ ॥ 10 ॥

ನಾಮಸ್ಮರಣಾದನ್ಯೋಪಾಯಂ ನ ಹಿ ಪಶ್ಯಾಮೋ ಭವತರಣೇ ।

ರಾಮ ಹರೇ ಕೃಷ್ಣ ಹರೇ ತವ ನಾಮ ವದಾಮಿ ಸದಾ ನೃಹರೇ ॥

ಇತಿ ದಶಾವತಾರ ಸ್ತೋತ್ರಂ ।

Recite with devotion and pure heart

Regular practice brings spiritual benefits