ഋഗ്വേദ സന്ധ്യാവന്ദനം - ഋഗ്വേദ

ശ്രീ ഗുരുഭ്യോ നമഃ । ഹരിഃ ഓം । ശരീരശുദ്ധിഃ ॥ അപവിത്രഃ പവിത്രോ വാ സർവാവസ്ഥാം ഗതോഽപി വാ । യഃ സ്മരേത്പുണ്ഡരീകാക്ഷം സ ബാഹ്യാഭ്യന്തരഃ ശുചിഃ ॥ പുണ്ഡരീകാക്ഷ പുണ്ഡരീകാക്ഷ പുണ്ഡരീകാക്ഷായ നമഃ । ആചമ്യ ॥ ഭൂതോച്ചാടനം ॥ ഉത്തിഷ്ഠന്തു ഭൂതപിശാചാഃ യ ഏതേ ഭൂമിഭാരകാഃ । ഏതേഷാമവിരോധേന ബ്രഹ്മകർമ സമാരഭേ ॥ ആസന സംസ്കാരം ॥ ഓം പൃഥ്വീതി മന്ത്രസ്യ । മേരുപൃഷ്ഠ ഋഷിഃ । കൂർമോ ദേവതാ । സുതലം ഛന്ദഃ । ആസനേ വിനിയോഗഃ । അനന്താസനായ നമഃ । ഓം പൃഥ്വി ത്വയാ ധൃതാ ലോകാ ദേവി ത്വം-വിഁഷ്ണുനാ ധൃതാ । ത്വം ച ധാരയ മാം ദേവി പവിത്രം കുരു ചാസനം ॥ പ്രാണായാമം ॥ പ്രണവസ്യ പരബ്രഹ്മ ഋഷിഃ । പരമാത്മാ ദേവതാ । ദൈവീ ഗായത്രീ ഛന്ദഃ । പ്രാണായാമേ വിനിയോഗഃ ॥ ഓം ഭൂഃ । ഓം ഭുവഃ । ഓം സ്വഃ । ഓം മഹഃ । ഓം ജനഃ । ഓം തപഃ । ഓം സ॒ത്യം । ഓം തത്സ॑വി॒തുർവരേ᳚ണ്യം॒ ഭർഗോ॑ ദേ॒വസ്യ॑ ധീമഹി ധീയോ॒ യോ നഃ॑ പ്രചോ॒ദയാ᳚ത് । ഓം ആപോ॒ ജ്യോതീ॒ രസോ॒ഽമൃതം॒ ബ്രഹ്മ॒ ഭുർഭുവ॒സ്സ്വ॒രോം ॥ സങ്കല്പം ॥ ശ്രീ ശുഭേ ശോഭനേ മുഹൂർതേ വിഷ്ണോരാജ്ഞയാ അത്ര പൃഥിവ്യാം ജംബൂദ്വീപേ ഭരതവർഷേ ഭരതഖണ്ഡേ മേരോഃ ദക്ഷിണ ദിഗ്ഭാഗേ ശ്രീശൈലസ്യ …….. പ്രദേശേ, …….. നദ്യോഃ മധ്യദേശേ ലക്ഷ്മീനിവാസ ഗൃഹേ, സമസ്ത ദേവതാ ബ്രാഹ്മണ ഹരിഹരസന്നിധൗ, ആദ്യ ബ്രഹ്മണഃ ദ്വിതീയേ പരാർഥേ ശ്രീ ശ്വേതവരാഹകല്പേ വൈവസ്വത മന്വന്തരേ കലിയുഗേ പ്രഥമപാദേ അസ്മിൻ വർതമാന വ്യാവഹാരിക ചാന്ദ്രമാനേന ശ്രീ …… സംവഁത്സരേ …… അയനേ …… ഋതൗ …… മാസേ …… പക്ഷേ …… തിഥൗ …… വാസരേ ശുഭനക്ഷത്രേ ശുഭയോഗേ ശുഭകരണ ഏവം ഗുണ വിശേഷണ വിശിഷ്ടായാം ശുഭതിഥൗ ശ്രീപരമേശ്വര പ്രീത്യർഥം പ്രാതഃ/മാധ്യാഹ്നിക/സായം സന്ധ്യാമുപാശിഷ്യേ । മാർജനം॥ ആപോഹിഷ്ഠേതി തൃചസ്യ അംബരീഷഃ സിന്ധുദ്വീപ ഋഷിഃ । ആപോ ദേവതാ । ഗായത്രീ ഛന്ദഃ । മാർജനേ വിനിയോഗഃ ॥ ഓം ആപോ॒ ഹിഷ്ഠാ മ॑യോ॒ഭുവഃ॑ । താ ന॑ ഊ॒ർജേ ദ॑ധാതന । മ॒ഹേരണാ॑യ॒ ചക്ഷ॑സേ । യോ വഃ॑ ശി॒വത॑മോ॒ രസഃ॑ । തസ്യ॑ ഭാജയതേ॒ ഹ നഃ॑ । ഉ॒ശ॒തീരി॑വ മാ॒ത॑രഃ । തസ്മാ॒ അരം॑ഗമാമവഃ । യസ്യ॒ ക്ഷയാ॑യ॒ ജിന്വ॑ഥ । ആപോ॑ ജ॒നയ॑ഥാ ച നഃ । മന്ത്രാചമനം ॥ (പ്രാതഃ കാലേ) സൂര്യശ്ചേത്യസ്യ മന്ത്രസ്യ । നാരായണ ഋഷിഃ । സൂര്യമാമന്യു മന്യുപതയോ രാത്രിർദേവതാ । പ്രകൃതിശ്ഛന്ദഃ । മന്ത്രാചമനേ വിനിയോഗഃ ॥ ഓം സൂര്യശ്ച മാ മന്യുശ്ച മന്യുപതയശ്ച മന്യു॑ കൃതേ॒ഭ്യഃ । പാപേഭ്യോ॑ രക്ഷം॒താം । യദ്രാത്രിയാ പാപ॑മകാ॒ർഷം । മനസാ വാചാ॑ ഹസ്താ॒ഭ്യാം । പദ്ഭ്യാമുദരേ॑ണ ശി॒ശ്നാ । രാത്രി॒സ്തദ॑വലും॒പതു । യത്കിഞ്ച॑ ദുരി॒തം മയി॑ । ഇദമഹം മാമമൃ॑ത യോ॒നൗ । സൂര്യേ ജ്യോതിഷി ജുഹോ॑മി സ്വാ॒ഹാ । (മധ്യാഹ്ന കാലേ) ആപഃ പുനന്ത്വിത്യസ്യ മന്ത്രസ്യ । പൂത ഋഷിഃ । ആപോ ദേവതാ । അഷ്ഠീ ഛന്ദഃ । അപാം പ്രാശനേ വിനിയോഗഃ । ഓം ആപഃ॑ പുനന്തു പൃഥി॒വീം പൃ॑ഥി॒വീ പൂ॒താ പു॑നാതു॒ മാം । പു॒നന്തു॒ ബ്രഹ്മ॑ണ॒സ്പതി॒ർബ്രഹ്മ॑പൂ॒താ പു॑നാതു॒ മാം ॥ യദുച്ഛി॑ഷ്ട॒മഭോ᳚ജ്യം॒-യഁദ്വാ॑ ദു॒ശ്ചരി॑തം॒ മമ॑ । സർവം॑ പുനന്തു॒ മാമാപോ॑ഽസ॒താം ച॑ പ്രതി॒ഗ്രഹം॒ സ്വാഹാ᳚ ॥ (സായം കാലേ) അഗ്നിശ്ചേത്യസ്യ മന്ത്രസ്യ । നാരായണ ഋഷിഃ । അഗ്നിമാമന്യു മന്യുപതയോ അഹർദേവതാ । പ്രകൃതിശ്ഛന്ദഃ । മന്ത്രാചമനേ വിനിയോഗഃ ॥ ഓം അഗ്നിശ്ച മാ മന്യുശ്ച മന്യുപതയശ്ച മന്യു॑ കൃതേ॒ഭ്യഃ । പാപേഭ്യോ॑ രക്ഷം॒താം । യദഹ്നാ പാപ॑മകാ॒ർഷം । മനസാ വാചാ॑ ഹസ്താ॒ഭ്യാം । പദ്ഭ്യാമുദരേ॑ണ ശി॒ശ്നാ । അഹ॒സ്തദ॑വലും॒പതു । യത്കിഞ്ച॑ ദുരി॒തം മയി॑ । ഇ॒ദമ॒ഹം മാമമൃ॑ത യോ॒നൗ । സത്യേ ജ്യോതിഷി ജുഹോ॑മി സ്വാ॒ഹാ । ആചമ്യ ॥ പുനർമാർജനം ॥ ആപോഹിഷ്ഠേതി നവർചസ്യ സൂക്തസ്യ । അംബരീഷ സിന്ധുദ്വീപ ഋഷിഃ । ആപോ ദേവതാ । ഗായത്രീ ഛന്ദഃ । പഞ്ചമീ വർധമാനാ । സപ്തമീ പ്രതിഷ്ഠാ । അന്ത്യേ ദ്വേ അനുഷ്ടുഭൗ । പുനർമാർജനേ വിനിയോഗഃ ॥ ഓം ആപോ॒ ഹിഷ്ഠാ മ॑യോ॒ഭുവഃ॑ । താ ന॑ ഊ॒ർജേ ദ॑ധാതന । മ॒ഹേരണാ॑യ॒ ചക്ഷ॑സേ । യോ വഃ॑ ശി॒വത॑മോ॒ രസഃ॑ । തസ്യ॑ ഭാജയതേ॒ ഹ നഃ॑ । ഉ॒ശ॒തീരി॑വ മാ॒ത॑രഃ । തസ്മാ॒ അരം॑ഗമാമവഃ । യസ്യ॒ ക്ഷയാ॑യ॒ ജിന്വ॑ഥ । ആപോ॑ ജ॒നയ॑ഥാ ച നഃ । ഓം ശം നോ॑ ദേ॒വീര॒ഭിഷ്ട॑യ॒ ആപോ॑ ഭവന്തു പീ॒തയേ॑ । ശം-യോഁര॒ഭി സ്ര॑വന്തു നഃ ॥ ഈശാ॑നാ॒ വാര്യാ॑ണാം॒ ക്ഷയം॑തീശ്ചർഷണീ॒നാം । അ॒പോ യാ॑ചാമി ഭേഷ॒ജം ॥ അ॒പ്സു മേ॒ സോമോ॑ അബ്രവീദം॒തർവിശ്വാ॑നി ഭേഷ॒ജാ । അ॒ഗ്നിം ച॑ വി॒ശ്വശം॑ഭുവം ॥ ആപഃ॑ പൃണീ॒ത ഭേ॑ഷ॒ജം-വഁരൂ॑ഥം ത॒ന്വേ॒ 3॒ മമ॑ । ജ്യോക്ച॒ സൂര്യം॑ ദൃ॒ശേ ॥ ഇ॒ദമാ॑പഃ॒ പ്രവ॑ഹത॒ യത്കിം ച॑ ദുരി॒തം മയി॑ । യദ്വാ॒ഹമ॑ഭിദു॒ദ്രോഹ॒ യദ്വാ॑ ശേ॒പ ഉ॒താനൃ॑തം ॥ ആപോ॑ അ॒ദ്യാന്വ॑ചാരിഷം॒ രസേ॑ന॒ സമ॑ഗസ്മഹി । പയ॑സ്വാനഗ്ന॒ ആ ഗ॑ഹി॒ തം മാ॒ സം സൃ॑ജ॒ വർച॑സാ ॥ സ॒സൃഷീ॒സ്തദ॑പസോ॒ ദിവാ॒നക്തം॑ച സ॒സൃഷീഃ᳚ । വരേ॑ണ്യ ക്ര॒തൂരഹ॑മാ ദേ॒വീ॒ രവ॑സേ ഹുവേ ॥ പാപപുരുഷ വിസർജനം ॥ ഋതം ചേത്യസ്യ മന്ത്രസ്യ । അഘമർഷണ ഋഷിഃ । ഭാവവൃത്തോ ദേവതാ । അനുഷ്ടുപ് ഛന്ദഃ । മമ പാപപുരുഷ ജല വിസർജനേ വിനിയോഗഃ ॥ ഓം ഋ॒തം ച॑ സ॒ത്യം ചാ॒ഭീ॑ദ്ധാ॒ത്തപ॒സോഽധ്യ॑ജായത । തതോ॒ രാത്ര്യ॑ജായത॒ തതഃ॑ സമു॒ദ്രോ അ॑ർണ॒വഃ । സ॒മു॒ദ്രാദ॑ർണ॒വാദധി॑ സംവഁഥ്സ॒രോ അ॑ജായത ॥ അ॒ഹോ॒രാ॒ത്രാണി॑ വി॒ദധ॒ദ്വിശ്വ॑സ്യ മിഷ॒തോ വ॒ശീ । സൂ॒ര്യാ॒ചം॒ദ്ര॒മസൗ॑ ധാ॒താ യ॑ഥാപൂ॒ർവമ॑കല്പയത് । ദിവം॑ ച പൃഥി॒വീം ചാം॒തരി॑ക്ഷ॒മഥോ॒ സ്വഃ॑ ॥ ആചമ്യ ॥ പ്രാണായാമം ॥ അർഘ്യപ്രദാനം ॥ പൂർവോക്ത ഏവം ഗുണ വിശേഷണ വിശിഷ്ടായാം ശുഭതിഥൗ ശ്രീലക്ഷ്മീനാരായണ പ്രീത്യർഥം പ്രാതഃ/മാധ്യാഹ്നിക/സായം സന്ധ്യാർഘ്യ പ്രദാനം കരിഷ്യേ ॥ (പ്രാതഃ കാലേ) തത്സവിതുരിത്യസ്യ മന്ത്രസ്യ । വിശ്വാമിത്ര ഋഷിഃ । സവിതാ ദേവതാ । ഗായത്രീ ഛന്ദഃ । പ്രാതഃ സന്ധ്യാർഘ്യപ്രദാനേ വിനിയോഗഃ ॥ ഓം ഭൂർഭുവഃ॒ സ്വഃ॑ । തത്സ॑വി॒തുർവരേ॑ണ്യം॒ ഭർഗോ॑ ദേ॒വസ്യ॑ ധീമഹി । ധിയോ॒ യോ നഃ॑ പ്രചോ॒ദയാ॑ത് ॥ [ പ്രാതഃ സന്ധ്യാംഗ മുഖ്യകാലാതിക്രമണ ദോഷപരിഹാരാർഥം പ്രായശ്ചിത്തർഘ്യ പ്രദാനം കരിഷ്യേ । യദദ്യകച്ചേത്യസ്യ മന്ത്രസ്യ । കുത്സ ഋഷിഃ । സവിതാ ദേവതാ । ഗായത്രീ ഛന്ദഃ । പ്രാതഃ സന്ധ്യാംഗ പ്രായശ്ചിത്താർഘ്യപ്രദാനേ വിനിയോഗഃ । യദ॒ദ്യ കച്ച॑ വൃത്രഹന്നു॒ദഗാ॑ അ॒ഭിസൂ॑ര്യ । സർവം॒ തദിം॑ദ്ര തേ॒ വശേ॑ । ] (മധ്യാഹ്ന കാലേ) ഹംസശ്ശുചിഷദിത്യസ്യ മന്ത്രസ്യ । ഗൗതമപുത്രോ വാമദേവ ഋഷിഃ । സൂര്യോ ദേവതാ । ജഗതീ ഛന്ദഃ । മാധ്യാഹ്നിക സന്ധ്യാർഘ്യ പ്രദാനേ വിനിയോഗഃ ॥ ഓം ഹം॒സശ്ശു॑ചി॒ഷദ്വസു॑രന്തരിക്ഷ॒ സദ്ധോ॑ താവേദി॒ഷദതി॑ഥിർദുരോണ॒ സത് । നൃ॒ഷദ്വ॑ര॒ സദൃ॑ത॒ സദ്വ്യോ॑മ॒ സദ॒ബ്ജാ ഗോ॒ജാ ഋ॑ത॒ജാ അ॑ദ്രി॒ജാ ഋ॒തം ബൃ॒ഹത് । ഇതി പ്രഥമാർഘ്യം ॥ ആകൃഷ്ണേനേത്യസ്യ മന്ത്രസ്യ । ഹിരണ്യ സ്തൂപ ഋഷിഃ । സവിതാ ദേവതാ । ത്രിഷ്ടുപ്ഛന്ദഃ । മാധ്യാഹ്നിക സന്ധ്യാർഘ്യ പ്രദാനേ വിനിയോഗഃ ॥ ഓം ആകൃ॒ഷ്ണേന॒ രജ॑സാ॒ വർത॑മാനോ നിവേ॒ശയ॑ന്ന॒മൃതം॒ മർത്യം॑ച । ഹി॒ര॒ണ്യ യേ॑ന സവി॒താ രഥേ॒നാഽഽദേ॒വോ യാ॑തി॒ഭുവ॑നാനി॒ പശ്യൻ॑ । ഇതി ദ്വിതീയാർഘ്യം ॥ തത്സവിതുരിത്യസ്യ മന്ത്രസ്യ । വിശ്വാമിത്ര ഋഷിഃ । സവിതാ ദേവതാ । ഗായത്രീ ഛന്ദഃ । മാധ്യാഹ്നിക സന്ധ്യാർഘ്യപ്രദാനേ വിനിയോഗഃ ॥ ഓം ഭൂർഭുവഃ॒ സ്വഃ॑ । തത്സ॑വി॒തുർവരേ॑ണ്യം॒ ഭർഗോ॑ ദേ॒വസ്യ॑ ധീമഹി । ധിയോ॒ യോ നഃ॑ പ്രചോ॒ദയാ॑ത് । ഇതി തൃതീയാർഘ്യം ॥ [ മാധ്യാഹ്നിക സന്ധ്യാംഗ മുഖ്യകാലാതിക്രമണ ദോഷപരിഹാരാർഥം പ്രായശ്ചിത്തർഘ്യ പ്രദാനം കരിഷ്യേ । പ്രാതർദേവീത്യസ്യ മന്ത്രസ്യ । അഭിതപ ഋഷിഃ । സൂര്യോ ദേവതാ । ത്രിഷ്ടുപ് ഛന്ദഃ । മാധ്യാഹ്നിക സന്ധ്യാംഗ പ്രായശ്ചിത്താർഘ്യ പ്രദാനേ വിനിയോഗഃ । ഓം പ്രാ॒തർദേ॒വീമദി॑തിം ജോഹവീമി മ॒ധ്യന്ദി॑ന॒ ഉദി॑താ॒ സൂര്യ॑സ്യ । രാ॒യേ മി॑ത്രാ വരുണാ സ॒ർവതാ॒തേ॑ലേ തോ॒കായ॒ തന॑യായ॒ ശം-യോഃ ഁ। ] (സായം കാലേ) തത്സവിതുരിത്യസ്യ മന്ത്രസ്യ । വിശ്വാമിത്ര ഋഷിഃ । സവിതാ ദേവതാ । ഗായത്രീ ഛന്ദഃ । സായം സന്ധ്യാർഘ്യപ്രദാനേ വിനിയോഗഃ ॥ ഓം ഭൂർഭുവഃ॒ സ്വഃ॑ । തത്സ॑വി॒തുർവരേ॑ണ്യം॒ ഭർഗോ॑ ദേ॒വസ്യ॑ ധീമഹി । ധിയോ॒ യോ നഃ॑ പ്രചോ॒ദയാ॑ത് ॥ [ സായം സന്ധ്യാംഗ മുഖ്യകാലാതിക്രമണ ദോഷപരിഹാരാർഥം പ്രായശ്ചിത്തർഘ്യ പ്രദാനം കരിഷ്യേ । ഉദ്ഘേദഭീത്യസ്യ മന്ത്രസ്യ । കുത്സ ഋഷിഃ । സവിതാ ദേവതാ । ഗായത്രീ ഛന്ദഃ । സായം സന്ധ്യാംഗ പ്രായശ്ചിത്താർഘ്യ പ്രദാനേ വിനിയോഗഃ । ഓം ഉദ്ഘേദ॒ഭിശ്രു॒താ മ॑ഘം-വൃഁഷ॒ഭം നര്യാ᳚പസം । അസ്താ᳚ര മേഷി സൂര്യ । ] ആത്മപ്രദക്ഷിണ ॥ ബ്രഹ്മൈവ സത്യം ബ്രഹ്മൈവാഹം । യോസാവാദിത്യോ ഹിരണ്മയഃ പുരുഷഃ സ ഏവാഹമസ്മി । അ॒സാവാ॑ദി॒ത്യോ ബ്ര॒ഹ്മ ॥ ആചമ്യ ॥ പ്രാണായാമം ॥ തർപണം ॥ പൂർവോക്ത ഏവം ഗുണ വിശേഷണ വിശിഷ്ടായാം ശുഭതിഥൗ ശ്രീലക്ഷ്മീനാരായണ പ്രീത്യർഥം പ്രാതഃ/മാധ്യാഹ്നിക/സായം സന്ധ്യാംഗ തർപണം കരിഷ്യേ । (പ്രാതഃ കാലേ) സന്ധ്യാം തർപയാമി । ഗായത്രീം തർപയാമി । ബ്രാഹ്മീം തർപയാമി । നിമൃജീം തർപയാമി । (മധ്യാഹ്ന കാലേ) സന്ധ്യാം തർപയാമി । സാവിത്രീം തർപയാമി । രൗദ്രീം തർപയാമി । നിമൃജീം തർപയാമി । (സായം കാലേ) സന്ധ്യാം തർപയാമി । സരസ്വതീം തർപയാമി । വൈഷ്ണവീം തർപയാമി । നിമൃജീം തർപയാമി । ഗായത്രീ ആവാഹനം ॥ ഓമിത്യേകാക്ഷ॑രം ബ്ര॒ഹ്മ । അഗ്നിർദേവതാ । ബ്രഹ്മ॑ ഇത്യാ॒ർഷം । ഗായത്രീ ഛന്ദഃ । പരമാത്മം॑ സരൂ॒പം । സായുജ്യം-വിഁ॑നിയോ॒ഗം । ആയാ॑തു॒ വര॑ദാ ദേ॒വീ॒ അ॒ക്ഷരം॑ ബ്രഹ്മ॒ സമ്മി॑തം । ഗാ॒യ॒ത്രീം᳚ ഛന്ദ॑സാം മാ॒തേദം ബ്ര॑ഹ്മ ജു॒ഷസ്വ॑ മേ । യദഹ്നാ᳚ത്കുരു॑തേ പാ॒പം॒ തദഹ്നാ᳚ത്പ്രതി॒ മുച്യ॑തേ । യദ്രാത്രിയാ᳚ത്കുരു॑തേ പാ॒പം॒ തദ്രാത്രിയാ᳚ത്പ്രതി॒ മുച്യ॑തേ । സർവ॑വ॒ർണേ മ॑ഹാദേ॒വി॒ സം॒ധ്യാ വി॑ദ്യേ സ॒രസ്വ॑തി । ഓജോ॑ഽസി॒ സഹോ॑ഽസി॒ ബലമ॑സി॒ ഭ്രാജോ॑ഽസി ദേ॒വാനാം॒ ധാമ॒നാമാ॑സി വിശ്വ॑മസി വി॒ശ്വായുഃ॒ സർവ॑മസി സ॒ർവായുരഭിഭൂരോം । ഗായത്രീമാവാ॑ഹയാ॒മി॒ । സാവിത്രീമാവാ॑ഹയാ॒മി॒ । സരസ്വതീമാവാ॑ഹയാ॒മി॒ । ഛന്ദർഷീനാവാ॑ഹയാ॒മി॒ । ശ്രിയമാവാ॑ഹയാ॒മി॒ । ബലമാവാ॑ഹയാ॒മി॒ । ഗായത്ര്യാ ഗായത്രീ ഛന്ദോ വിശ്വാമിത്ര ഋഷിഃ സവിതാ ദേവതാ അഗ്നിർമുഖം ബ്രഹ്മാ ശിരോ വിഷ്ണുർ ഹൃദയം രുദ്രഃ ശിഖാ പൃഥിവീ യോനിഃ പ്രാണാപാനവ്യാനോദാന സമാനാ സ പ്രാണാ ശ്വേതവർണാ സാംഖ്യായന സഗോത്രാ ഗായത്രീ ചതുർവിംശത്യക്ഷരാ ത്രിപദാ॑ ഷട്കു॒ക്ഷിഃ॒ പഞ്ചശീർഷോപനയനേ വി॑നിയോ॒ഗഃ ॥ പൂർവോക്ത ഏവം ഗുണ വിശേഷണ വിശിഷ്ടായാം ശുഭതിഥൗ ശ്രീലക്ഷ്മീനാരായണ പ്രീത്യർഥം പ്രാതഃ/മാധ്യാഹ്നിക/സായം സന്ധ്യാംഗ യഥാശക്തി ഗായത്രീ മഹാമന്ത്രജപം കരിഷ്യേ ॥ കരന്യാസം ॥ ഓം തത്സ॑വിതുഃ॒ ബ്രഹ്മാത്മനേ അംഗുഷ്ഠാഭ്യാം നമഃ । വരേ᳚ണ്യം॒-വിഁഷ്ണ്വാത്മനേ തർജനീഭ്യാം നമഃ । ഭർഗോ॑ ദേവ॒സ്യ॑ രുദ്രാത്മനേ മധ്യമാഭ്യാം നമഃ । ധീ॒മഹി സത്യാത്മനേ അനാമികാഭ്യാം നമഃ । ധിയോ॒ യോ നഃ॑ ജ്ഞാനാത്മനേ കനിഷ്ഠികാഭ്യാം നമഃ । പ്രചോ॒ദയാ᳚ത് സർവാത്മനേ കരതല കരപൃഷ്ഠാഭ്യാം നമഃ । അംഗന്യാസം ॥ ഓം തത്സവിതുഃ॒ ബ്രഹ്മാത്മനേ ഹൃദയായ നമഃ । വരേ᳚ണ്യം॒-വിഁഷ്ണ്വാത്മനേ ശിരസേ സ്വാഹാ । ഭർഗോ॑ ദേവ॒സ്യ॑ രുദ്രാത്മനേ ശിഖായൈ വഷട് । ധീ॒മഹി സത്യാത്മനേ കവചായ ഹും । ധിയോ॒ യോ നഃ॑ ജ്ഞാനാത്മനേ നേത്രത്രയായ വൗഷട് । പ്രചോ॒ദയാ᳚ത് സർവാത്മനേ അസ്ത്രായ ഫട് । ഭൂർഭുവ॒സ്സ്വരോം ഇതി ദിഗ്ബന്ധഃ ॥ ധ്യാനം ॥ മുക്താ വിദ്രുമ ഹേമനീല ധവലച്ഛായൈർമുഖൈസ്ത്രീക്ഷണൈഃ യുക്താമിന്ദു നിബദ്ധ രത്നമകുടാം തത്ത്വാർഥ വർണാത്മികാം । ഗായത്രീം-വഁരദാഭയാങ്കുശ കശാശ്ശുഭ്രങ്കപാലം ഗദാം ശംഖം ചക്രമഥാരവിന്ദയുഗലം ഹസ്തൈർവഹന്തീം ഭജേ ॥ ധ്യേയസ്സദാ സവിതൃമണ്ഡലമധ്യവർതീ നാരായണസ്സരസിജാസന സന്നിവിഷ്ടഃ । കേയൂരവാൻ മകരകുണ്ഡലവാൻ കിരീടീ ഹാരീ ഹിരണ്മയ വപുർധൃതശംഖചക്രഃ ॥ മുദ്രാപ്രദർശനം ॥ സുമുഖം സമ്പുടം ചൈവ വിതതം-വിഁസ്തൃതം തഥാ । ദ്വിമുഖം ത്രിമുഖം ചൈവ ചതുഃ പഞ്ചമുഖം തഥാ । ഷണ്മുഖോഽധോമുഖം ചൈവ വ്യാപികാഞ്ജലികം തഥാ । ശകടം-യഁമപാശം ച ഗ്രഥിതം സമ്മുഖോന്മുഖം । പ്രലംബം മുഷ്ടികം ചൈവ മത്സ്യഃ കൂർമോ വരാഹകം । സിംഹാക്രാന്തം മഹാക്രാന്തം മുദ്ഗരം പല്ലവം തഥാ । ചതുർവിംശതി മുദ്രാ വൈ ഗായത്ര്യാം സുപ്രതിഷ്ഠിതാഃ । ഇതി മുദ്രാ ന ജാനാതി ഗായത്രീ നിഷ്ഫലാഭവേത് ।] ഗായത്രീ മന്ത്രം ॥ ഓം ഭൂർഭുവഃ॒ സ്വഃ॑ । തത്സ॑വിതു॒ർവരേ᳚ണ്യം॒ । ഭ॒ർഗോ॑ ദേ॒വസ്യ॑ ധീ॒മഹി । ധിയോ॒ യോ നഃ॑ പ്രചോ॒ദയാ᳚ത് ॥ കരന്യാസം ॥ ഓം തത്സ॑വിതുഃ॒ ബ്രഹ്മാത്മനേ അംഗുഷ്ഠാഭ്യാം നമഃ । വരേ᳚ണ്യം॒-വിഁഷ്ണ്വാത്മനേ തർജനീഭ്യാം നമഃ । ഭർഗോ॑ ദേവ॒സ്യ॑ രുദ്രാത്മനേ മധ്യമാഭ്യാം നമഃ । ധീ॒മഹി സത്യാത്മനേ അനാമികാഭ്യാം നമഃ । ധിയോ॒ യോ നഃ॑ ജ്ഞാനാത്മനേ കനിഷ്ഠികാഭ്യാം നമഃ । പ്രചോ॒ദയാ᳚ത് സർവാത്മനേ കരതല കരപൃഷ്ഠാഭ്യാം നമഃ । അംഗന്യാസം ॥ ഓം തത്സവിതുഃ॒ ബ്രഹ്മാത്മനേ ഹൃദയായ നമഃ । വരേ᳚ണ്യം॒-വിഁഷ്ണ്വാത്മനേ ശിരസേ സ്വാഹാ । ഭർഗോ॑ ദേവ॒സ്യ॑ രുദ്രാത്മനേ ശിഖായൈ വഷട് । ധീ॒മഹി സത്യാത്മനേ കവചായ ഹും । ധിയോ॒ യോ നഃ॑ ജ്ഞാനാത്മനേ നേത്രത്രയായ വൗഷട് । പ്രചോ॒ദയാ᳚ത് സർവാത്മനേ അസ്ത്രായ ഫട് । ഭൂർഭുവ॒സ്സ്വരോം ഇതി ദിഗ്വിമോകഃ ॥ ഉത്തരമുദ്രാ പ്രദർശനം ॥ സുരഭിഃ ജ്ഞാന ചക്രം ച യോനിഃ കൂർമോഽഥ പങ്കജം । ലിംഗം നിര്യാണ മുദ്രാ ചേത്യഷ്ടമുദ്രാഃ പ്രകീർതിതാഃ ।] സൂര്യോപസ്ഥാനം ॥ ജാതവേദസേത്യസ്യ മന്ത്രസ്യ കശ്യപ ഋഷിഃ । ദുർഗാജാതവേദാഗ്നിർദേവതാ । ത്രിഷ്ടുപ് ഛന്ദഃ । സൂര്യോപസ്ഥാനേ വിനിയോഗഃ । ഓം ജാ॒തവേ᳚ദസേ സുനവാമ॒ സോമ॑മരാതീയ॒തോ നിദ॑ഹാതി॒ വേദഃ॑ । സ നഃ॑ പർഷ॒ദതി॑ ദു॒ർഗാണി॒ വിശ്വാ᳚ നാ॒വേവ॒ സിന്ധും᳚ ദുരി॒താഽത്യ॒ഗ്നിഃ ॥ ത്ര്യംബകമിതി മന്ത്രസ്യ । മൈത്രാ വരുണിർവസിഷ്ഠ ഋഷിഃ । രുദ്രോ ദേവതാ । അനുഷ്ടുപ് ഛന്ദഃ । ഉപസ്ഥാനേ വിനിയോഗഃ । ഓം ത്ര്യം॑ബകം-യഁജാമഹേ സു॒ഗന്ധിം॑ പുഷ്ടി॒വർധ॑നം । ഉ॒ർവാ॒രു॒കമി॑വ॒ ബന്ധ॑നാന്മൃ॒ത്യോർമൃ॑ക്ഷീയ॒ മാഽമൃതാ॑ത് । [തച്ഛംയോഁരിത്യസ്യ മന്ത്രസ്യ । ശമ്യുര ഋഷിഃ । വിശ്വേദേവാഃ ദേവതാ । ശക്വരീ ഛന്ദഃ । ശാന്ത്യർഥേ ഉപസ്ഥാനേ വിനിയോഗഃ । ഓം തച്ഛം॒-യോഁരാവൃ॑ണീമഹേ । ഗാ॒തും-യഁ॒ജ്ഞായ॑ । ഗാ॒തും-യഁ॒ജ്ഞ॑പതയേ । ദൈവീഃ᳚ സ്വ॒സ്തിര॑സ്തു നഃ । സ്വ॒സ്തിർമാനു॑ഷേഭ്യഃ । ഊ॒ർധ്വം ജി॑ഗാതു ഭേഷ॒ജം । ശം നോ᳚ അസ്തു ദ്വി॒പദേ॒ । ശം ചതു॑ഷ്പദേ ।] നമോ ബ്രഹ്മണേ ഇത്യസ്യ മന്ത്രസ്യ പ്രജാപതി ഋഷിഃ വിശ്വേദേവാഃ ദേവതാ । ജഗതീഃ ഛന്ദഃ പ്രദക്ഷിണേ വിനിയോഗഃ । ഓം നമോ᳚ ബ്ര॒ഹ്മണേ॒ നമോ᳚ഽസ്ത്വ॒ഗ്നയേ॒ നമഃ॑ പൃഥി॒വ്യൈ നമ॒ ഓഷ॑ധീഭ്യഃ । നമോ᳚ വാ॒ചേ നമോ᳚ വാ॒ചസ്പ॑തയേ॒ നമോ॒ വിഷ്ണ॑വേ മഹ॒തേ ക॑രോമി ॥ ദിഗ്ദേവതാ നമസ്കാരഃ ॥ ഓം നമഃ॒ പ്രാച്യൈ॑ ദി॒ശേ യാശ്ച॑ ദേ॒വതാ॑ ഏ॒തസ്യാം॒ പ്രതി॑വസന്ത്യേ॒ താഭ്യ॑ശ്ച॒ നമഃ । ഓം നമോ॒ ദക്ഷി॑ണായൈ ദി॒ശേ യാശ്ച॑ ദേ॒വതാ॑ ഏ॒തസ്യാം॒ പ്രതി॑വസന്ത്യേ॒ താഭ്യ॑ശ്ച॒ നമഃ । ഓം നമഃ॒ പ്രതീ᳚ച്യൈ ദി॒ശേ യാശ്ച॑ ദേ॒വതാ॑ ഏ॒തസ്യാം॒ പ്രതി॑വസന്ത്യേ॒ താഭ്യ॑ശ്ച॒ നമഃ । ഓം നമ॒ ഉദീ᳚ച്യൈ ദി॒ശേ യാശ്ച॑ ദേ॒വതാ॑ ഏ॒തസ്യാം॒ പ്രതി॑വസന്ത്യേ॒ താഭ്യ॑ശ്ച॒ നമഃ । ഓം നമ॑ ഊ॒ർധ്വാ॑യൈ ദി॒ശേ യാശ്ച॑ ദേ॒വതാ॑ ഏ॒തസ്യാം॒ പ്രതി॑വസന്ത്യേ॒ താഭ്യ॑ശ്ച॒ നമഃ । ഓം നമോഽധ॑രായൈ ദി॒ശേ യാശ്ച॑ ദേ॒വതാ॑ ഏ॒തസ്യാം॒ പ്രതി॑വസന്ത്യേ॒ താഭ്യ॑ശ്ച॒ നമഃ । ഓം നമോ॑ഽവാന്ത॒രായൈ॑ ദി॒ശേ യാശ്ച॑ ദേ॒വതാ॑ ഏ॒തസ്യാം॒ പ്രതി॑വസന്ത്യേ॒ താഭ്യ॑ശ്ച॒ നമഃ ॥ ഋഷി ദേവതാദി നമസ്കാരഃ ॥ നമോ ഗംഗായമുനയോർമധ്യേ യേ॑ വ॒സന്തി॒ തേ മേ പ്രസന്നാത്മാനശ്ചിരം ജീവിതം-വഁ॑ർധയം॒തി॒ നമോ ഗംഗായമുനയോർമുനി॑ഭ്യശ്ച॒ നമോ॒ നമോ ഗംഗായമുനയോർമുനി॑ഭ്യശ്ച നമഃ । ഓം സന്ധ്യാ॑യൈ നമഃ । സാവി॑ത്ര്യൈ നമഃ । ഗായ॑ത്ര്യൈ നമഃ । സര॑സ്വത്യൈ നമഃ । സർവാ᳚ഭ്യോ ദേ॒വതാ᳚ഭ്യോ॒ നമഃ । ദേ॒വേഭ്യോ॒ നമഃ । ഋഷി॑ഭ്യോ॒ നമഃ । മുനി॑ഭ്യോ॒ നമഃ । ഗുരു॑ഭ്യോ॒ നമഃ । മാതൃ॑ഭ്യോ॒ നമഃ । പിതൃ॑ഭ്യോ॒ നമഃ । കാമോഽകാരിഷീ᳚ന്നമോ॒ നമഃ । മന്യുരകാരിഷീ᳚ന്നമോ॒ നമഃ । യാം॒ സദാ॑ സർവ॑ഭൂതാ॒നി॒ ച॒രാ॑ണി സ്ഥാ॒വരാ॑ണി ച । സായം॑ പ്രാ॒തർന॑മസ്യം॒തി സാ॒മാ॒ സന്ധ്യാ॑ഽഭിര॑ക്ഷതു ॥ ദേവതാ സ്മരണം ॥ ബ്രഹ്മണ്യോ ദേവകീപുത്രോ ബ്രഹ്മണ്യോ മധുസൂദനഃ । ബ്രഹ്മണ്യഃ പുണ്ഡരീകാക്ഷോ ബ്രഹ്മണ്യോ വിഷ്ണുരച്യുതഃ ॥ നമോ ബ്രഹ്മണ്യദേവായ ഗോബ്രാഹ്മണഹിതായ ച । ജഗദ്ധിതായ കൃഷ്ണായ ഗോവിന്ദായ നമോ നമഃ ॥ ക്ഷീരേണ സ്നാപിതേ ദേവീ ചന്ദനേന വിലേപിതേ । ബില്വപത്രാർചിതേ ദേവീ ദുർഗേഽഹം ശരണം ഗതഃ ॥ ഗായത്രീ പ്രസ്ഥാന പ്രാർഥനാ ॥ ഉ॒ത്തമേ॑ ശിഖ॑രേ ജാ॒തേ॒ ഭൂ॒മ്യാം പ॑ർവത॒ മൂർധ॑നി । ബ്രാ॒ഹ്മണേ॑ഭ്യോഽഭ്യ॑നുജ്ഞാ॒താ॒ ഗ॒ച്ഛദേ॑വി യ॒ഥാ സു॑ഖം ॥ സ്തുതോ മയാ വരദാ വേ॑ദമാ॒താ॒ പ്രചോദയന്തീ പവനേ᳚ ദ്വിജാ॒താ । ആയുഃ പൃഥിവ്യാം ദ്രവിണം ബ്ര॑ഹ്മവ॒ർചസം മഹ്യം ദത്വാ പ്രയാതും ബ്ര॑ഹ്മലോ॒കം ॥ നാരായണ നമസ്കൃതി ॥ നമോഽസ്ത്വനന്തായ സഹസ്ര മൂർതയേ സഹസ്ര പാദാക്ഷി ശിരോരു ബാഹവേ । സഹസ്രനാമ്നേ പുരുഷായ ശാശ്വതേ സഹസ്ര കോടീ യുഗധാരിണേ നമഃ ॥ ഭൂമ്യാകാശാഭിവന്ദനം ॥ ഇ॒ദം ദ്യാ॑വാ പൃഥി॒വീ സ॒ത്യമ॑സ്തു । പിത॒ർമാത॒ര്യദി॒ഹോപ॑ബ്രുവേ വാം॑ । ഭൂ॒തം ദേ॒വാനാ॑മവ॒മേ അവോ॑ഭിഃ । വിദ്യാമേ॒ഷം-വൃഁ॒ജി॑നം ജീ॒രദാ॑നും । ആകാശാത്പതിതം തോയം-യഁഥാ ഗച്ഛതി സാഗരം । സർവദേവ നമസ്കാരഃ കേശവം പ്രതിഗച്ഛതി ॥ സർവവേദേഷു യത്പുണ്യം സർവതീർഥേഷു യത്ഫലം । തത്ഫലം സമവാപ്നോതി സ്തുത്വാ ദേവം ജനാർദനം ॥ വാസനാദ്വാസുദേവസ്യ വാസിതം തേ ജഗത്ത്രയം । സർവഭൂത നിവാസോഽസി വാസുദേവ നമോഽസ്തു തേ ॥ അഭിവാദനം ॥ ചതുസ്സാഗര പര്യന്തം ഗോബ്രാഹ്മണേഭ്യഃ ശുഭം ഭവതു ॥ …… പ്രവരാന്വിത …… സ ഗോത്രഃ ആശ്വലായനസൂത്രഃ ഋക് ശാഖാധ്യായീ …….. ശർമാഽഹം ഭോ അഭിവാദയേ ॥ ആചമ്യ ॥ സമർപണം ॥ യസ്യ സ്മൃത്യാച നാമോക്ത്യാ തപഃ സന്ധ്യാ ക്രിയാദിഷു । ന്യൂനം സമ്പൂർണതാം-യാഁതി സദ്യോവന്ദേ തമച്യുതം ॥ മന്ത്രഹീനം ക്രിയാഹീനം ഭക്തിഹീനം രമാപതേ । യത്കൃതം തു മയാദേവ പരിപൂർണം തദസ്തു തേ ॥ അനേന പ്രാതഃ/മാധ്യാഹ്നിക/സായം സന്ധ്യാവന്ദനേന ഭഗവാൻ സർവാത്മകഃ ശ്രീ ലക്ഷ്മീനാരായണഃ പ്രീയതാം । സുപ്രീതോ വരദോ ഭവതു । ആബ്രഹ്മലോകാദാശേഷാദാലോകാലോക പർവതാത് । യേ സന്തി ബ്രാഹണാ ദേവാസ്തേഭ്യോ നിത്യം നമോ നമഃ ॥ കായേന വാചാ മനസേന്ദ്രിയൈർവാ ബുദ്ധ്യാത്മനാ വാ പ്രകൃതേഃ സ്വഭാവാത് । കരോമി യദ്യത്സകലം പരസ്മൈ നാരായണായേതി സമർപയാമി ॥ സർവം ശ്രീമന്നാരായണാർപണമസ്തു ॥

Recite with devotion and pure heart

Regular practice brings spiritual benefits

More Vedic chants of Vedic Rituals: