ಋಗ್ವೇದ ಸಂಧ್ಯಾವಂದನಂ - ಋಗ್ವೇದ

ಶ್ರೀ ಗುರುಭ್ಯೋ ನಮಃ । ಹರಿಃ ಓಂ । ಶರೀರಶುದ್ಧಿಃ ॥ ಅಪವಿತ್ರಃ ಪವಿತ್ರೋ ವಾ ಸರ್ವಾವಸ್ಥಾಂ ಗತೋಽಪಿ ವಾ । ಯಃ ಸ್ಮರೇತ್ಪುಂಡರೀಕಾಕ್ಷಂ ಸ ಬಾಹ್ಯಾಭ್ಯಂತರಃ ಶುಚಿಃ ॥ ಪುಂಡರೀಕಾಕ್ಷ ಪುಂಡರೀಕಾಕ್ಷ ಪುಂಡರೀಕಾಕ್ಷಾಯ ನಮಃ । ಆಚಮ್ಯ ॥ ಭೂತೋಚ್ಚಾಟನಂ ॥ ಉತ್ತಿಷ್ಠಂತು ಭೂತಪಿಶಾಚಾಃ ಯ ಏತೇ ಭೂಮಿಭಾರಕಾಃ । ಏತೇಷಾಮವಿರೋಧೇನ ಬ್ರಹ್ಮಕರ್ಮ ಸಮಾರಭೇ ॥ ಆಸನ ಸಂಸ್ಕಾರಂ ॥ ಓಂ ಪೃಥ್ವೀತಿ ಮಂತ್ರಸ್ಯ । ಮೇರುಪೃಷ್ಠ ಋಷಿಃ । ಕೂರ್ಮೋ ದೇವತಾ । ಸುತಲಂ ಛಂದಃ । ಆಸನೇ ವಿನಿಯೋಗಃ । ಅನಂತಾಸನಾಯ ನಮಃ । ಓಂ ಪೃಥ್ವಿ ತ್ವಯಾ ಧೃತಾ ಲೋಕಾ ದೇವಿ ತ್ವಂ-ವಿಁಷ್ಣುನಾ ಧೃತಾ । ತ್ವಂ ಚ ಧಾರಯ ಮಾಂ ದೇವಿ ಪವಿತ್ರಂ ಕುರು ಚಾಸನಂ ॥ ಪ್ರಾಣಾಯಾಮಂ ॥ ಪ್ರಣವಸ್ಯ ಪರಬ್ರಹ್ಮ ಋಷಿಃ । ಪರಮಾತ್ಮಾ ದೇವತಾ । ದೈವೀ ಗಾಯತ್ರೀ ಛಂದಃ । ಪ್ರಾಣಾಯಾಮೇ ವಿನಿಯೋಗಃ ॥ ಓಂ ಭೂಃ । ಓಂ ಭುವಃ । ಓಂ ಸ್ವಃ । ಓಂ ಮಹಃ । ಓಂ ಜನಃ । ಓಂ ತಪಃ । ಓಂ ಸ॒ತ್ಯಂ । ಓಂ ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ ಧೀಯೋ॒ ಯೋ ನಃ॑ ಪ್ರಚೋ॒ದಯಾ᳚ತ್ । ಓಂ ಆಪೋ॒ ಜ್ಯೋತೀ॒ ರಸೋ॒ಽಮೃತಂ॒ ಬ್ರಹ್ಮ॒ ಭುರ್ಭುವ॒ಸ್ಸ್ವ॒ರೋಂ ॥ ಸಂಕಲ್ಪಂ ॥ ಶ್ರೀ ಶುಭೇ ಶೋಭನೇ ಮುಹೂರ್ತೇ ವಿಷ್ಣೋರಾಜ್ಞಯಾ ಅತ್ರ ಪೃಥಿವ್ಯಾಂ ಜಂಬೂದ್ವೀಪೇ ಭರತವರ್ಷೇ ಭರತಖಂಡೇ ಮೇರೋಃ ದಕ್ಷಿಣ ದಿಗ್ಭಾಗೇ ಶ್ರೀಶೈಲಸ್ಯ …….. ಪ್ರದೇಶೇ, …….. ನದ್ಯೋಃ ಮಧ್ಯದೇಶೇ ಲಕ್ಷ್ಮೀನಿವಾಸ ಗೃಹೇ, ಸಮಸ್ತ ದೇವತಾ ಬ್ರಾಹ್ಮಣ ಹರಿಹರಸನ್ನಿಧೌ, ಆದ್ಯ ಬ್ರಹ್ಮಣಃ ದ್ವಿತೀಯೇ ಪರಾರ್ಥೇ ಶ್ರೀ ಶ್ವೇತವರಾಹಕಲ್ಪೇ ವೈವಸ್ವತ ಮನ್ವಂತರೇ ಕಲಿಯುಗೇ ಪ್ರಥಮಪಾದೇ ಅಸ್ಮಿನ್ ವರ್ತಮಾನ ವ್ಯಾವಹಾರಿಕ ಚಾಂದ್ರಮಾನೇನ ಶ್ರೀ …… ಸಂವಁತ್ಸರೇ …… ಅಯನೇ …… ಋತೌ …… ಮಾಸೇ …… ಪಕ್ಷೇ …… ತಿಥೌ …… ವಾಸರೇ ಶುಭನಕ್ಷತ್ರೇ ಶುಭಯೋಗೇ ಶುಭಕರಣ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಶ್ರೀಪರಮೇಶ್ವರ ಪ್ರೀತ್ಯರ್ಥಂ ಪ್ರಾತಃ/ಮಾಧ್ಯಾಹ್ನಿಕ/ಸಾಯಂ ಸಂಧ್ಯಾಮುಪಾಶಿಷ್ಯೇ । ಮಾರ್ಜನಂ॥ ಆಪೋಹಿಷ್ಠೇತಿ ತೃಚಸ್ಯ ಅಂಬರೀಷಃ ಸಿಂಧುದ್ವೀಪ ಋಷಿಃ । ಆಪೋ ದೇವತಾ । ಗಾಯತ್ರೀ ಛಂದಃ । ಮಾರ್ಜನೇ ವಿನಿಯೋಗಃ ॥ ಓಂ ಆಪೋ॒ ಹಿಷ್ಠಾ ಮ॑ಯೋ॒ಭುವಃ॑ । ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇರಣಾ॑ಯ॒ ಚಕ್ಷ॑ಸೇ । ಯೋ ವಃ॑ ಶಿ॒ವತ॑ಮೋ॒ ರಸಃ॑ । ತಸ್ಯ॑ ಭಾಜಯತೇ॒ ಹ ನಃ॑ । ಉ॒ಶ॒ತೀರಿ॑ವ ಮಾ॒ತ॑ರಃ । ತಸ್ಮಾ॒ ಅರಂ॑ಗಮಾಮವಃ । ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚ ನಃ । ಮಂತ್ರಾಚಮನಂ ॥ (ಪ್ರಾತಃ ಕಾಲೇ) ಸೂರ್ಯಶ್ಚೇತ್ಯಸ್ಯ ಮಂತ್ರಸ್ಯ । ನಾರಾಯಣ ಋಷಿಃ । ಸೂರ್ಯಮಾಮನ್ಯು ಮನ್ಯುಪತಯೋ ರಾತ್ರಿರ್ದೇವತಾ । ಪ್ರಕೃತಿಶ್ಛಂದಃ । ಮಂತ್ರಾಚಮನೇ ವಿನಿಯೋಗಃ ॥ ಓಂ ಸೂರ್ಯಶ್ಚ ಮಾ ಮನ್ಯುಶ್ಚ ಮನ್ಯುಪತಯಶ್ಚ ಮನ್ಯು॑ ಕೃತೇ॒ಭ್ಯಃ । ಪಾಪೇಭ್ಯೋ॑ ರಕ್ಷಂ॒ತಾಂ । ಯದ್ರಾತ್ರಿಯಾ ಪಾಪ॑ಮಕಾ॒ರ್ಷಂ । ಮನಸಾ ವಾಚಾ॑ ಹಸ್ತಾ॒ಭ್ಯಾಂ । ಪದ್ಭ್ಯಾಮುದರೇ॑ಣ ಶಿ॒ಶ್ನಾ । ರಾತ್ರಿ॒ಸ್ತದ॑ವಲುಂ॒ಪತು । ಯತ್ಕಿಂಚ॑ ದುರಿ॒ತಂ ಮಯಿ॑ । ಇದಮಹಂ ಮಾಮಮೃ॑ತ ಯೋ॒ನೌ । ಸೂರ್ಯೇ ಜ್ಯೋತಿಷಿ ಜುಹೋ॑ಮಿ ಸ್ವಾ॒ಹಾ । (ಮಧ್ಯಾಹ್ನ ಕಾಲೇ) ಆಪಃ ಪುನಂತ್ವಿತ್ಯಸ್ಯ ಮಂತ್ರಸ್ಯ । ಪೂತ ಋಷಿಃ । ಆಪೋ ದೇವತಾ । ಅಷ್ಠೀ ಛಂದಃ । ಅಪಾಂ ಪ್ರಾಶನೇ ವಿನಿಯೋಗಃ । ಓಂ ಆಪಃ॑ ಪುನಂತು ಪೃಥಿ॒ವೀಂ ಪೃ॑ಥಿ॒ವೀ ಪೂ॒ತಾ ಪು॑ನಾತು॒ ಮಾಂ । ಪು॒ನಂತು॒ ಬ್ರಹ್ಮ॑ಣ॒ಸ್ಪತಿ॒ರ್ಬ್ರಹ್ಮ॑ಪೂ॒ತಾ ಪು॑ನಾತು॒ ಮಾಂ ॥ ಯದುಚ್ಛಿ॑ಷ್ಟ॒ಮಭೋ᳚ಜ್ಯಂ॒-ಯಁದ್ವಾ॑ ದು॒ಶ್ಚರಿ॑ತಂ॒ ಮಮ॑ । ಸರ್ವಂ॑ ಪುನಂತು॒ ಮಾಮಾಪೋ॑ಽಸ॒ತಾಂ ಚ॑ ಪ್ರತಿ॒ಗ್ರಹಂ॒ ಸ್ವಾಹಾ᳚ ॥ (ಸಾಯಂ ಕಾಲೇ) ಅಗ್ನಿಶ್ಚೇತ್ಯಸ್ಯ ಮಂತ್ರಸ್ಯ । ನಾರಾಯಣ ಋಷಿಃ । ಅಗ್ನಿಮಾಮನ್ಯು ಮನ್ಯುಪತಯೋ ಅಹರ್ದೇವತಾ । ಪ್ರಕೃತಿಶ್ಛಂದಃ । ಮಂತ್ರಾಚಮನೇ ವಿನಿಯೋಗಃ ॥ ಓಂ ಅಗ್ನಿಶ್ಚ ಮಾ ಮನ್ಯುಶ್ಚ ಮನ್ಯುಪತಯಶ್ಚ ಮನ್ಯು॑ ಕೃತೇ॒ಭ್ಯಃ । ಪಾಪೇಭ್ಯೋ॑ ರಕ್ಷಂ॒ತಾಂ । ಯದಹ್ನಾ ಪಾಪ॑ಮಕಾ॒ರ್ಷಂ । ಮನಸಾ ವಾಚಾ॑ ಹಸ್ತಾ॒ಭ್ಯಾಂ । ಪದ್ಭ್ಯಾಮುದರೇ॑ಣ ಶಿ॒ಶ್ನಾ । ಅಹ॒ಸ್ತದ॑ವಲುಂ॒ಪತು । ಯತ್ಕಿಂಚ॑ ದುರಿ॒ತಂ ಮಯಿ॑ । ಇ॒ದಮ॒ಹಂ ಮಾಮಮೃ॑ತ ಯೋ॒ನೌ । ಸತ್ಯೇ ಜ್ಯೋತಿಷಿ ಜುಹೋ॑ಮಿ ಸ್ವಾ॒ಹಾ । ಆಚಮ್ಯ ॥ ಪುನರ್ಮಾರ್ಜನಂ ॥ ಆಪೋಹಿಷ್ಠೇತಿ ನವರ್ಚಸ್ಯ ಸೂಕ್ತಸ್ಯ । ಅಂಬರೀಷ ಸಿಂಧುದ್ವೀಪ ಋಷಿಃ । ಆಪೋ ದೇವತಾ । ಗಾಯತ್ರೀ ಛಂದಃ । ಪಂಚಮೀ ವರ್ಧಮಾನಾ । ಸಪ್ತಮೀ ಪ್ರತಿಷ್ಠಾ । ಅಂತ್ಯೇ ದ್ವೇ ಅನುಷ್ಟುಭೌ । ಪುನರ್ಮಾರ್ಜನೇ ವಿನಿಯೋಗಃ ॥ ಓಂ ಆಪೋ॒ ಹಿಷ್ಠಾ ಮ॑ಯೋ॒ಭುವಃ॑ । ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇರಣಾ॑ಯ॒ ಚಕ್ಷ॑ಸೇ । ಯೋ ವಃ॑ ಶಿ॒ವತ॑ಮೋ॒ ರಸಃ॑ । ತಸ್ಯ॑ ಭಾಜಯತೇ॒ ಹ ನಃ॑ । ಉ॒ಶ॒ತೀರಿ॑ವ ಮಾ॒ತ॑ರಃ । ತಸ್ಮಾ॒ ಅರಂ॑ಗಮಾಮವಃ । ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚ ನಃ । ಓಂ ಶಂ ನೋ॑ ದೇ॒ವೀರ॒ಭಿಷ್ಟ॑ಯ॒ ಆಪೋ॑ ಭವಂತು ಪೀ॒ತಯೇ॑ । ಶಂ-ಯೋಁರ॒ಭಿ ಸ್ರ॑ವಂತು ನಃ ॥ ಈಶಾ॑ನಾ॒ ವಾರ್ಯಾ॑ಣಾಂ॒ ಕ್ಷಯಂ॑ತೀಶ್ಚರ್ಷಣೀ॒ನಾಂ । ಅ॒ಪೋ ಯಾ॑ಚಾಮಿ ಭೇಷ॒ಜಂ ॥ ಅ॒ಪ್ಸು ಮೇ॒ ಸೋಮೋ॑ ಅಬ್ರವೀದಂ॒ತರ್ವಿಶ್ವಾ॑ನಿ ಭೇಷ॒ಜಾ । ಅ॒ಗ್ನಿಂ ಚ॑ ವಿ॒ಶ್ವಶಂ॑ಭುವಂ ॥ ಆಪಃ॑ ಪೃಣೀ॒ತ ಭೇ॑ಷ॒ಜಂ-ವಁರೂ॑ಥಂ ತ॒ನ್ವೇ॒ 3॒ ಮಮ॑ । ಜ್ಯೋಕ್ಚ॒ ಸೂರ್ಯಂ॑ ದೃ॒ಶೇ ॥ ಇ॒ದಮಾ॑ಪಃ॒ ಪ್ರವ॑ಹತ॒ ಯತ್ಕಿಂ ಚ॑ ದುರಿ॒ತಂ ಮಯಿ॑ । ಯದ್ವಾ॒ಹಮ॑ಭಿದು॒ದ್ರೋಹ॒ ಯದ್ವಾ॑ ಶೇ॒ಪ ಉ॒ತಾನೃ॑ತಂ ॥ ಆಪೋ॑ ಅ॒ದ್ಯಾನ್ವ॑ಚಾರಿಷಂ॒ ರಸೇ॑ನ॒ ಸಮ॑ಗಸ್ಮಹಿ । ಪಯ॑ಸ್ವಾನಗ್ನ॒ ಆ ಗ॑ಹಿ॒ ತಂ ಮಾ॒ ಸಂ ಸೃ॑ಜ॒ ವರ್ಚ॑ಸಾ ॥ ಸ॒ಸೃಷೀ॒ಸ್ತದ॑ಪಸೋ॒ ದಿವಾ॒ನಕ್ತಂ॑ಚ ಸ॒ಸೃಷೀಃ᳚ । ವರೇ॑ಣ್ಯ ಕ್ರ॒ತೂರಹ॑ಮಾ ದೇ॒ವೀ॒ ರವ॑ಸೇ ಹುವೇ ॥ ಪಾಪಪುರುಷ ವಿಸರ್ಜನಂ ॥ ಋತಂ ಚೇತ್ಯಸ್ಯ ಮಂತ್ರಸ್ಯ । ಅಘಮರ್ಷಣ ಋಷಿಃ । ಭಾವವೃತ್ತೋ ದೇವತಾ । ಅನುಷ್ಟುಪ್ ಛಂದಃ । ಮಮ ಪಾಪಪುರುಷ ಜಲ ವಿಸರ್ಜನೇ ವಿನಿಯೋಗಃ ॥ ಓಂ ಋ॒ತಂ ಚ॑ ಸ॒ತ್ಯಂ ಚಾ॒ಭೀ॑ದ್ಧಾ॒ತ್ತಪ॒ಸೋಽಧ್ಯ॑ಜಾಯತ । ತತೋ॒ ರಾತ್ರ್ಯ॑ಜಾಯತ॒ ತತಃ॑ ಸಮು॒ದ್ರೋ ಅ॑ರ್ಣ॒ವಃ । ಸ॒ಮು॒ದ್ರಾದ॑ರ್ಣ॒ವಾದಧಿ॑ ಸಂವಁಥ್ಸ॒ರೋ ಅ॑ಜಾಯತ ॥ ಅ॒ಹೋ॒ರಾ॒ತ್ರಾಣಿ॑ ವಿ॒ದಧ॒ದ್ವಿಶ್ವ॑ಸ್ಯ ಮಿಷ॒ತೋ ವ॒ಶೀ । ಸೂ॒ರ್ಯಾ॒ಚಂ॒ದ್ರ॒ಮಸೌ॑ ಧಾ॒ತಾ ಯ॑ಥಾಪೂ॒ರ್ವಮ॑ಕಲ್ಪಯತ್ । ದಿವಂ॑ ಚ ಪೃಥಿ॒ವೀಂ ಚಾಂ॒ತರಿ॑ಕ್ಷ॒ಮಥೋ॒ ಸ್ವಃ॑ ॥ ಆಚಮ್ಯ ॥ ಪ್ರಾಣಾಯಾಮಂ ॥ ಅರ್ಘ್ಯಪ್ರದಾನಂ ॥ ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಶ್ರೀಲಕ್ಷ್ಮೀನಾರಾಯಣ ಪ್ರೀತ್ಯರ್ಥಂ ಪ್ರಾತಃ/ಮಾಧ್ಯಾಹ್ನಿಕ/ಸಾಯಂ ಸಂಧ್ಯಾರ್ಘ್ಯ ಪ್ರದಾನಂ ಕರಿಷ್ಯೇ ॥ (ಪ್ರಾತಃ ಕಾಲೇ) ತತ್ಸವಿತುರಿತ್ಯಸ್ಯ ಮಂತ್ರಸ್ಯ । ವಿಶ್ವಾಮಿತ್ರ ಋಷಿಃ । ಸವಿತಾ ದೇವತಾ । ಗಾಯತ್ರೀ ಛಂದಃ । ಪ್ರಾತಃ ಸಂಧ್ಯಾರ್ಘ್ಯಪ್ರದಾನೇ ವಿನಿಯೋಗಃ ॥ ಓಂ ಭೂರ್ಭುವಃ॒ ಸ್ವಃ॑ । ತತ್ಸ॑ವಿ॒ತುರ್ವರೇ॑ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ । ಧಿಯೋ॒ ಯೋ ನಃ॑ ಪ್ರಚೋ॒ದಯಾ॑ತ್ ॥ [ ಪ್ರಾತಃ ಸಂಧ್ಯಾಂಗ ಮುಖ್ಯಕಾಲಾತಿಕ್ರಮಣ ದೋಷಪರಿಹಾರಾರ್ಥಂ ಪ್ರಾಯಶ್ಚಿತ್ತರ್ಘ್ಯ ಪ್ರದಾನಂ ಕರಿಷ್ಯೇ । ಯದದ್ಯಕಚ್ಚೇತ್ಯಸ್ಯ ಮಂತ್ರಸ್ಯ । ಕುತ್ಸ ಋಷಿಃ । ಸವಿತಾ ದೇವತಾ । ಗಾಯತ್ರೀ ಛಂದಃ । ಪ್ರಾತಃ ಸಂಧ್ಯಾಂಗ ಪ್ರಾಯಶ್ಚಿತ್ತಾರ್ಘ್ಯಪ್ರದಾನೇ ವಿನಿಯೋಗಃ । ಯದ॒ದ್ಯ ಕಚ್ಚ॑ ವೃತ್ರಹನ್ನು॒ದಗಾ॑ ಅ॒ಭಿಸೂ॑ರ್ಯ । ಸರ್ವಂ॒ ತದಿಂ॑ದ್ರ ತೇ॒ ವಶೇ॑ । ] (ಮಧ್ಯಾಹ್ನ ಕಾಲೇ) ಹಂಸಶ್ಶುಚಿಷದಿತ್ಯಸ್ಯ ಮಂತ್ರಸ್ಯ । ಗೌತಮಪುತ್ರೋ ವಾಮದೇವ ಋಷಿಃ । ಸೂರ್ಯೋ ದೇವತಾ । ಜಗತೀ ಛಂದಃ । ಮಾಧ್ಯಾಹ್ನಿಕ ಸಂಧ್ಯಾರ್ಘ್ಯ ಪ್ರದಾನೇ ವಿನಿಯೋಗಃ ॥ ಓಂ ಹಂ॒ಸಶ್ಶು॑ಚಿ॒ಷದ್ವಸು॑ರಂತರಿಕ್ಷ॒ ಸದ್ಧೋ॑ ತಾವೇದಿ॒ಷದತಿ॑ಥಿರ್ದುರೋಣ॒ ಸತ್ । ನೃ॒ಷದ್ವ॑ರ॒ ಸದೃ॑ತ॒ ಸದ್ವ್ಯೋ॑ಮ॒ ಸದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತಂ ಬೃ॒ಹತ್ । ಇತಿ ಪ್ರಥಮಾರ್ಘ್ಯಂ ॥ ಆಕೃಷ್ಣೇನೇತ್ಯಸ್ಯ ಮಂತ್ರಸ್ಯ । ಹಿರಣ್ಯ ಸ್ತೂಪ ಋಷಿಃ । ಸವಿತಾ ದೇವತಾ । ತ್ರಿಷ್ಟುಪ್ಛಂದಃ । ಮಾಧ್ಯಾಹ್ನಿಕ ಸಂಧ್ಯಾರ್ಘ್ಯ ಪ್ರದಾನೇ ವಿನಿಯೋಗಃ ॥ ಓಂ ಆಕೃ॒ಷ್ಣೇನ॒ ರಜ॑ಸಾ॒ ವರ್ತ॑ಮಾನೋ ನಿವೇ॒ಶಯ॑ನ್ನ॒ಮೃತಂ॒ ಮರ್ತ್ಯಂ॑ಚ । ಹಿ॒ರ॒ಣ್ಯ ಯೇ॑ನ ಸವಿ॒ತಾ ರಥೇ॒ನಾಽಽದೇ॒ವೋ ಯಾ॑ತಿ॒ಭುವ॑ನಾನಿ॒ ಪಶ್ಯನ್॑ । ಇತಿ ದ್ವಿತೀಯಾರ್ಘ್ಯಂ ॥ ತತ್ಸವಿತುರಿತ್ಯಸ್ಯ ಮಂತ್ರಸ್ಯ । ವಿಶ್ವಾಮಿತ್ರ ಋಷಿಃ । ಸವಿತಾ ದೇವತಾ । ಗಾಯತ್ರೀ ಛಂದಃ । ಮಾಧ್ಯಾಹ್ನಿಕ ಸಂಧ್ಯಾರ್ಘ್ಯಪ್ರದಾನೇ ವಿನಿಯೋಗಃ ॥ ಓಂ ಭೂರ್ಭುವಃ॒ ಸ್ವಃ॑ । ತತ್ಸ॑ವಿ॒ತುರ್ವರೇ॑ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ । ಧಿಯೋ॒ ಯೋ ನಃ॑ ಪ್ರಚೋ॒ದಯಾ॑ತ್ । ಇತಿ ತೃತೀಯಾರ್ಘ್ಯಂ ॥ [ ಮಾಧ್ಯಾಹ್ನಿಕ ಸಂಧ್ಯಾಂಗ ಮುಖ್ಯಕಾಲಾತಿಕ್ರಮಣ ದೋಷಪರಿಹಾರಾರ್ಥಂ ಪ್ರಾಯಶ್ಚಿತ್ತರ್ಘ್ಯ ಪ್ರದಾನಂ ಕರಿಷ್ಯೇ । ಪ್ರಾತರ್ದೇವೀತ್ಯಸ್ಯ ಮಂತ್ರಸ್ಯ । ಅಭಿತಪ ಋಷಿಃ । ಸೂರ್ಯೋ ದೇವತಾ । ತ್ರಿಷ್ಟುಪ್ ಛಂದಃ । ಮಾಧ್ಯಾಹ್ನಿಕ ಸಂಧ್ಯಾಂಗ ಪ್ರಾಯಶ್ಚಿತ್ತಾರ್ಘ್ಯ ಪ್ರದಾನೇ ವಿನಿಯೋಗಃ । ಓಂ ಪ್ರಾ॒ತರ್ದೇ॒ವೀಮದಿ॑ತಿಂ ಜೋಹವೀಮಿ ಮ॒ಧ್ಯಂದಿ॑ನ॒ ಉದಿ॑ತಾ॒ ಸೂರ್ಯ॑ಸ್ಯ । ರಾ॒ಯೇ ಮಿ॑ತ್ರಾ ವರುಣಾ ಸ॒ರ್ವತಾ॒ತೇ॑ಲೇ ತೋ॒ಕಾಯ॒ ತನ॑ಯಾಯ॒ ಶಂ-ಯೋಃ ಁ। ] (ಸಾಯಂ ಕಾಲೇ) ತತ್ಸವಿತುರಿತ್ಯಸ್ಯ ಮಂತ್ರಸ್ಯ । ವಿಶ್ವಾಮಿತ್ರ ಋಷಿಃ । ಸವಿತಾ ದೇವತಾ । ಗಾಯತ್ರೀ ಛಂದಃ । ಸಾಯಂ ಸಂಧ್ಯಾರ್ಘ್ಯಪ್ರದಾನೇ ವಿನಿಯೋಗಃ ॥ ಓಂ ಭೂರ್ಭುವಃ॒ ಸ್ವಃ॑ । ತತ್ಸ॑ವಿ॒ತುರ್ವರೇ॑ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ । ಧಿಯೋ॒ ಯೋ ನಃ॑ ಪ್ರಚೋ॒ದಯಾ॑ತ್ ॥ [ ಸಾಯಂ ಸಂಧ್ಯಾಂಗ ಮುಖ್ಯಕಾಲಾತಿಕ್ರಮಣ ದೋಷಪರಿಹಾರಾರ್ಥಂ ಪ್ರಾಯಶ್ಚಿತ್ತರ್ಘ್ಯ ಪ್ರದಾನಂ ಕರಿಷ್ಯೇ । ಉದ್ಘೇದಭೀತ್ಯಸ್ಯ ಮಂತ್ರಸ್ಯ । ಕುತ್ಸ ಋಷಿಃ । ಸವಿತಾ ದೇವತಾ । ಗಾಯತ್ರೀ ಛಂದಃ । ಸಾಯಂ ಸಂಧ್ಯಾಂಗ ಪ್ರಾಯಶ್ಚಿತ್ತಾರ್ಘ್ಯ ಪ್ರದಾನೇ ವಿನಿಯೋಗಃ । ಓಂ ಉದ್ಘೇದ॒ಭಿಶ್ರು॒ತಾ ಮ॑ಘಂ-ವೃಁಷ॒ಭಂ ನರ್ಯಾ᳚ಪಸಂ । ಅಸ್ತಾ᳚ರ ಮೇಷಿ ಸೂರ್ಯ । ] ಆತ್ಮಪ್ರದಕ್ಷಿಣ ॥ ಬ್ರಹ್ಮೈವ ಸತ್ಯಂ ಬ್ರಹ್ಮೈವಾಹಂ । ಯೋಸಾವಾದಿತ್ಯೋ ಹಿರಣ್ಮಯಃ ಪುರುಷಃ ಸ ಏವಾಹಮಸ್ಮಿ । ಅ॒ಸಾವಾ॑ದಿ॒ತ್ಯೋ ಬ್ರ॒ಹ್ಮ ॥ ಆಚಮ್ಯ ॥ ಪ್ರಾಣಾಯಾಮಂ ॥ ತರ್ಪಣಂ ॥ ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಶ್ರೀಲಕ್ಷ್ಮೀನಾರಾಯಣ ಪ್ರೀತ್ಯರ್ಥಂ ಪ್ರಾತಃ/ಮಾಧ್ಯಾಹ್ನಿಕ/ಸಾಯಂ ಸಂಧ್ಯಾಂಗ ತರ್ಪಣಂ ಕರಿಷ್ಯೇ । (ಪ್ರಾತಃ ಕಾಲೇ) ಸಂಧ್ಯಾಂ ತರ್ಪಯಾಮಿ । ಗಾಯತ್ರೀಂ ತರ್ಪಯಾಮಿ । ಬ್ರಾಹ್ಮೀಂ ತರ್ಪಯಾಮಿ । ನಿಮೃಜೀಂ ತರ್ಪಯಾಮಿ । (ಮಧ್ಯಾಹ್ನ ಕಾಲೇ) ಸಂಧ್ಯಾಂ ತರ್ಪಯಾಮಿ । ಸಾವಿತ್ರೀಂ ತರ್ಪಯಾಮಿ । ರೌದ್ರೀಂ ತರ್ಪಯಾಮಿ । ನಿಮೃಜೀಂ ತರ್ಪಯಾಮಿ । (ಸಾಯಂ ಕಾಲೇ) ಸಂಧ್ಯಾಂ ತರ್ಪಯಾಮಿ । ಸರಸ್ವತೀಂ ತರ್ಪಯಾಮಿ । ವೈಷ್ಣವೀಂ ತರ್ಪಯಾಮಿ । ನಿಮೃಜೀಂ ತರ್ಪಯಾಮಿ । ಗಾಯತ್ರೀ ಆವಾಹನಂ ॥ ಓಮಿತ್ಯೇಕಾಕ್ಷ॑ರಂ ಬ್ರ॒ಹ್ಮ । ಅಗ್ನಿರ್ದೇವತಾ । ಬ್ರಹ್ಮ॑ ಇತ್ಯಾ॒ರ್ಷಂ । ಗಾಯತ್ರೀ ಛಂದಃ । ಪರಮಾತ್ಮಂ॑ ಸರೂ॒ಪಂ । ಸಾಯುಜ್ಯಂ-ವಿಁ॑ನಿಯೋ॒ಗಂ । ಆಯಾ॑ತು॒ ವರ॑ದಾ ದೇ॒ವೀ॒ ಅ॒ಕ್ಷರಂ॑ ಬ್ರಹ್ಮ॒ ಸಮ್ಮಿ॑ತಂ । ಗಾ॒ಯ॒ತ್ರೀಂ᳚ ಛಂದ॑ಸಾಂ ಮಾ॒ತೇದಂ ಬ್ರ॑ಹ್ಮ ಜು॒ಷಸ್ವ॑ ಮೇ । ಯದಹ್ನಾ᳚ತ್ಕುರು॑ತೇ ಪಾ॒ಪಂ॒ ತದಹ್ನಾ᳚ತ್ಪ್ರತಿ॒ ಮುಚ್ಯ॑ತೇ । ಯದ್ರಾತ್ರಿಯಾ᳚ತ್ಕುರು॑ತೇ ಪಾ॒ಪಂ॒ ತದ್ರಾತ್ರಿಯಾ᳚ತ್ಪ್ರತಿ॒ ಮುಚ್ಯ॑ತೇ । ಸರ್ವ॑ವ॒ರ್ಣೇ ಮ॑ಹಾದೇ॒ವಿ॒ ಸಂ॒ಧ್ಯಾ ವಿ॑ದ್ಯೇ ಸ॒ರಸ್ವ॑ತಿ । ಓಜೋ॑ಽಸಿ॒ ಸಹೋ॑ಽಸಿ॒ ಬಲಮ॑ಸಿ॒ ಭ್ರಾಜೋ॑ಽಸಿ ದೇ॒ವಾನಾಂ॒ ಧಾಮ॒ನಾಮಾ॑ಸಿ ವಿಶ್ವ॑ಮಸಿ ವಿ॒ಶ್ವಾಯುಃ॒ ಸರ್ವ॑ಮಸಿ ಸ॒ರ್ವಾಯುರಭಿಭೂರೋಂ । ಗಾಯತ್ರೀಮಾವಾ॑ಹಯಾ॒ಮಿ॒ । ಸಾವಿತ್ರೀಮಾವಾ॑ಹಯಾ॒ಮಿ॒ । ಸರಸ್ವತೀಮಾವಾ॑ಹಯಾ॒ಮಿ॒ । ಛಂದರ್ಷೀನಾವಾ॑ಹಯಾ॒ಮಿ॒ । ಶ್ರಿಯಮಾವಾ॑ಹಯಾ॒ಮಿ॒ । ಬಲಮಾವಾ॑ಹಯಾ॒ಮಿ॒ । ಗಾಯತ್ರ್ಯಾ ಗಾಯತ್ರೀ ಛಂದೋ ವಿಶ್ವಾಮಿತ್ರ ಋಷಿಃ ಸವಿತಾ ದೇವತಾ ಅಗ್ನಿರ್ಮುಖಂ ಬ್ರಹ್ಮಾ ಶಿರೋ ವಿಷ್ಣುರ್ ಹೃದಯಂ ರುದ್ರಃ ಶಿಖಾ ಪೃಥಿವೀ ಯೋನಿಃ ಪ್ರಾಣಾಪಾನವ್ಯಾನೋದಾನ ಸಮಾನಾ ಸ ಪ್ರಾಣಾ ಶ್ವೇತವರ್ಣಾ ಸಾಂಖ್ಯಾಯನ ಸಗೋತ್ರಾ ಗಾಯತ್ರೀ ಚತುರ್ವಿಂಶತ್ಯಕ್ಷರಾ ತ್ರಿಪದಾ॑ ಷಟ್ಕು॒ಕ್ಷಿಃ॒ ಪಂಚಶೀರ್ಷೋಪನಯನೇ ವಿ॑ನಿಯೋ॒ಗಃ ॥ ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಶ್ರೀಲಕ್ಷ್ಮೀನಾರಾಯಣ ಪ್ರೀತ್ಯರ್ಥಂ ಪ್ರಾತಃ/ಮಾಧ್ಯಾಹ್ನಿಕ/ಸಾಯಂ ಸಂಧ್ಯಾಂಗ ಯಥಾಶಕ್ತಿ ಗಾಯತ್ರೀ ಮಹಾಮಂತ್ರಜಪಂ ಕರಿಷ್ಯೇ ॥ ಕರನ್ಯಾಸಂ ॥ ಓಂ ತತ್ಸ॑ವಿತುಃ॒ ಬ್ರಹ್ಮಾತ್ಮನೇ ಅಂಗುಷ್ಠಾಭ್ಯಾಂ ನಮಃ । ವರೇ᳚ಣ್ಯಂ॒-ವಿಁಷ್ಣ್ವಾತ್ಮನೇ ತರ್ಜನೀಭ್ಯಾಂ ನಮಃ । ಭರ್ಗೋ॑ ದೇವ॒ಸ್ಯ॑ ರುದ್ರಾತ್ಮನೇ ಮಧ್ಯಮಾಭ್ಯಾಂ ನಮಃ । ಧೀ॒ಮಹಿ ಸತ್ಯಾತ್ಮನೇ ಅನಾಮಿಕಾಭ್ಯಾಂ ನಮಃ । ಧಿಯೋ॒ ಯೋ ನಃ॑ ಜ್ಞಾನಾತ್ಮನೇ ಕನಿಷ್ಠಿಕಾಭ್ಯಾಂ ನಮಃ । ಪ್ರಚೋ॒ದಯಾ᳚ತ್ ಸರ್ವಾತ್ಮನೇ ಕರತಲ ಕರಪೃಷ್ಠಾಭ್ಯಾಂ ನಮಃ । ಅಂಗನ್ಯಾಸಂ ॥ ಓಂ ತತ್ಸವಿತುಃ॒ ಬ್ರಹ್ಮಾತ್ಮನೇ ಹೃದಯಾಯ ನಮಃ । ವರೇ᳚ಣ್ಯಂ॒-ವಿಁಷ್ಣ್ವಾತ್ಮನೇ ಶಿರಸೇ ಸ್ವಾಹಾ । ಭರ್ಗೋ॑ ದೇವ॒ಸ್ಯ॑ ರುದ್ರಾತ್ಮನೇ ಶಿಖಾಯೈ ವಷಟ್ । ಧೀ॒ಮಹಿ ಸತ್ಯಾತ್ಮನೇ ಕವಚಾಯ ಹುಂ । ಧಿಯೋ॒ ಯೋ ನಃ॑ ಜ್ಞಾನಾತ್ಮನೇ ನೇತ್ರತ್ರಯಾಯ ವೌಷಟ್ । ಪ್ರಚೋ॒ದಯಾ᳚ತ್ ಸರ್ವಾತ್ಮನೇ ಅಸ್ತ್ರಾಯ ಫಟ್ । ಭೂರ್ಭುವ॒ಸ್ಸ್ವರೋಂ ಇತಿ ದಿಗ್ಬಂಧಃ ॥ ಧ್ಯಾನಂ ॥ ಮುಕ್ತಾ ವಿದ್ರುಮ ಹೇಮನೀಲ ಧವಲಚ್ಛಾಯೈರ್ಮುಖೈಸ್ತ್ರೀಕ್ಷಣೈಃ ಯುಕ್ತಾಮಿಂದು ನಿಬದ್ಧ ರತ್ನಮಕುಟಾಂ ತತ್ತ್ವಾರ್ಥ ವರ್ಣಾತ್ಮಿಕಾಂ । ಗಾಯತ್ರೀಂ-ವಁರದಾಭಯಾಂಕುಶ ಕಶಾಶ್ಶುಭ್ರಂಕಪಾಲಂ ಗದಾಂ ಶಂಖಂ ಚಕ್ರಮಥಾರವಿಂದಯುಗಲಂ ಹಸ್ತೈರ್ವಹಂತೀಂ ಭಜೇ ॥ ಧ್ಯೇಯಸ್ಸದಾ ಸವಿತೃಮಂಡಲಮಧ್ಯವರ್ತೀ ನಾರಾಯಣಸ್ಸರಸಿಜಾಸನ ಸನ್ನಿವಿಷ್ಟಃ । ಕೇಯೂರವಾನ್ ಮಕರಕುಂಡಲವಾನ್ ಕಿರೀಟೀ ಹಾರೀ ಹಿರಣ್ಮಯ ವಪುರ್ಧೃತಶಂಖಚಕ್ರಃ ॥ ಮುದ್ರಾಪ್ರದರ್ಶನಂ ॥ ಸುಮುಖಂ ಸಂಪುಟಂ ಚೈವ ವಿತತಂ-ವಿಁಸ್ತೃತಂ ತಥಾ । ದ್ವಿಮುಖಂ ತ್ರಿಮುಖಂ ಚೈವ ಚತುಃ ಪಂಚಮುಖಂ ತಥಾ । ಷಣ್ಮುಖೋಽಧೋಮುಖಂ ಚೈವ ವ್ಯಾಪಿಕಾಂಜಲಿಕಂ ತಥಾ । ಶಕಟಂ-ಯಁಮಪಾಶಂ ಚ ಗ್ರಥಿತಂ ಸಮ್ಮುಖೋನ್ಮುಖಂ । ಪ್ರಲಂಬಂ ಮುಷ್ಟಿಕಂ ಚೈವ ಮತ್ಸ್ಯಃ ಕೂರ್ಮೋ ವರಾಹಕಂ । ಸಿಂಹಾಕ್ರಾಂತಂ ಮಹಾಕ್ರಾಂತಂ ಮುದ್ಗರಂ ಪಲ್ಲವಂ ತಥಾ । ಚತುರ್ವಿಂಶತಿ ಮುದ್ರಾ ವೈ ಗಾಯತ್ರ್ಯಾಂ ಸುಪ್ರತಿಷ್ಠಿತಾಃ । ಇತಿ ಮುದ್ರಾ ನ ಜಾನಾತಿ ಗಾಯತ್ರೀ ನಿಷ್ಫಲಾಭವೇತ್ ।] ಗಾಯತ್ರೀ ಮಂತ್ರಂ ॥ ಓಂ ಭೂರ್ಭುವಃ॒ ಸ್ವಃ॑ । ತತ್ಸ॑ವಿತು॒ರ್ವರೇ᳚ಣ್ಯಂ॒ । ಭ॒ರ್ಗೋ॑ ದೇ॒ವಸ್ಯ॑ ಧೀ॒ಮಹಿ । ಧಿಯೋ॒ ಯೋ ನಃ॑ ಪ್ರಚೋ॒ದಯಾ᳚ತ್ ॥ ಕರನ್ಯಾಸಂ ॥ ಓಂ ತತ್ಸ॑ವಿತುಃ॒ ಬ್ರಹ್ಮಾತ್ಮನೇ ಅಂಗುಷ್ಠಾಭ್ಯಾಂ ನಮಃ । ವರೇ᳚ಣ್ಯಂ॒-ವಿಁಷ್ಣ್ವಾತ್ಮನೇ ತರ್ಜನೀಭ್ಯಾಂ ನಮಃ । ಭರ್ಗೋ॑ ದೇವ॒ಸ್ಯ॑ ರುದ್ರಾತ್ಮನೇ ಮಧ್ಯಮಾಭ್ಯಾಂ ನಮಃ । ಧೀ॒ಮಹಿ ಸತ್ಯಾತ್ಮನೇ ಅನಾಮಿಕಾಭ್ಯಾಂ ನಮಃ । ಧಿಯೋ॒ ಯೋ ನಃ॑ ಜ್ಞಾನಾತ್ಮನೇ ಕನಿಷ್ಠಿಕಾಭ್ಯಾಂ ನಮಃ । ಪ್ರಚೋ॒ದಯಾ᳚ತ್ ಸರ್ವಾತ್ಮನೇ ಕರತಲ ಕರಪೃಷ್ಠಾಭ್ಯಾಂ ನಮಃ । ಅಂಗನ್ಯಾಸಂ ॥ ಓಂ ತತ್ಸವಿತುಃ॒ ಬ್ರಹ್ಮಾತ್ಮನೇ ಹೃದಯಾಯ ನಮಃ । ವರೇ᳚ಣ್ಯಂ॒-ವಿಁಷ್ಣ್ವಾತ್ಮನೇ ಶಿರಸೇ ಸ್ವಾಹಾ । ಭರ್ಗೋ॑ ದೇವ॒ಸ್ಯ॑ ರುದ್ರಾತ್ಮನೇ ಶಿಖಾಯೈ ವಷಟ್ । ಧೀ॒ಮಹಿ ಸತ್ಯಾತ್ಮನೇ ಕವಚಾಯ ಹುಂ । ಧಿಯೋ॒ ಯೋ ನಃ॑ ಜ್ಞಾನಾತ್ಮನೇ ನೇತ್ರತ್ರಯಾಯ ವೌಷಟ್ । ಪ್ರಚೋ॒ದಯಾ᳚ತ್ ಸರ್ವಾತ್ಮನೇ ಅಸ್ತ್ರಾಯ ಫಟ್ । ಭೂರ್ಭುವ॒ಸ್ಸ್ವರೋಂ ಇತಿ ದಿಗ್ವಿಮೋಕಃ ॥ ಉತ್ತರಮುದ್ರಾ ಪ್ರದರ್ಶನಂ ॥ ಸುರಭಿಃ ಜ್ಞಾನ ಚಕ್ರಂ ಚ ಯೋನಿಃ ಕೂರ್ಮೋಽಥ ಪಂಕಜಂ । ಲಿಂಗಂ ನಿರ್ಯಾಣ ಮುದ್ರಾ ಚೇತ್ಯಷ್ಟಮುದ್ರಾಃ ಪ್ರಕೀರ್ತಿತಾಃ ।] ಸೂರ್ಯೋಪಸ್ಥಾನಂ ॥ ಜಾತವೇದಸೇತ್ಯಸ್ಯ ಮಂತ್ರಸ್ಯ ಕಶ್ಯಪ ಋಷಿಃ । ದುರ್ಗಾಜಾತವೇದಾಗ್ನಿರ್ದೇವತಾ । ತ್ರಿಷ್ಟುಪ್ ಛಂದಃ । ಸೂರ್ಯೋಪಸ್ಥಾನೇ ವಿನಿಯೋಗಃ । ಓಂ ಜಾ॒ತವೇ᳚ದಸೇ ಸುನವಾಮ॒ ಸೋಮ॑ಮರಾತೀಯ॒ತೋ ನಿದ॑ಹಾತಿ॒ ವೇದಃ॑ । ಸ ನಃ॑ ಪರ್ಷ॒ದತಿ॑ ದು॒ರ್ಗಾಣಿ॒ ವಿಶ್ವಾ᳚ ನಾ॒ವೇವ॒ ಸಿಂಧುಂ᳚ ದುರಿ॒ತಾಽತ್ಯ॒ಗ್ನಿಃ ॥ ತ್ರ್ಯಂಬಕಮಿತಿ ಮಂತ್ರಸ್ಯ । ಮೈತ್ರಾ ವರುಣಿರ್ವಸಿಷ್ಠ ಋಷಿಃ । ರುದ್ರೋ ದೇವತಾ । ಅನುಷ್ಟುಪ್ ಛಂದಃ । ಉಪಸ್ಥಾನೇ ವಿನಿಯೋಗಃ । ಓಂ ತ್ರ್ಯಂ॑ಬಕಂ-ಯಁಜಾಮಹೇ ಸು॒ಗಂಧಿಂ॑ ಪುಷ್ಟಿ॒ವರ್ಧ॑ನಂ । ಉ॒ರ್ವಾ॒ರು॒ಕಮಿ॑ವ॒ ಬಂಧ॑ನಾನ್ಮೃ॒ತ್ಯೋರ್ಮೃ॑ಕ್ಷೀಯ॒ ಮಾಽಮೃತಾ॑ತ್ । [ತಚ್ಛಂಯೋಁರಿತ್ಯಸ್ಯ ಮಂತ್ರಸ್ಯ । ಶಮ್ಯುರ ಋಷಿಃ । ವಿಶ್ವೇದೇವಾಃ ದೇವತಾ । ಶಕ್ವರೀ ಛಂದಃ । ಶಾಂತ್ಯರ್ಥೇ ಉಪಸ್ಥಾನೇ ವಿನಿಯೋಗಃ । ಓಂ ತಚ್ಛಂ॒-ಯೋಁರಾವೃ॑ಣೀಮಹೇ । ಗಾ॒ತುಂ-ಯಁ॒ಜ್ಞಾಯ॑ । ಗಾ॒ತುಂ-ಯಁ॒ಜ್ಞ॑ಪತಯೇ । ದೈವೀಃ᳚ ಸ್ವ॒ಸ್ತಿರ॑ಸ್ತು ನಃ । ಸ್ವ॒ಸ್ತಿರ್ಮಾನು॑ಷೇಭ್ಯಃ । ಊ॒ರ್ಧ್ವಂ ಜಿ॑ಗಾತು ಭೇಷ॒ಜಂ । ಶಂ ನೋ᳚ ಅಸ್ತು ದ್ವಿ॒ಪದೇ॒ । ಶಂ ಚತು॑ಷ್ಪದೇ ।] ನಮೋ ಬ್ರಹ್ಮಣೇ ಇತ್ಯಸ್ಯ ಮಂತ್ರಸ್ಯ ಪ್ರಜಾಪತಿ ಋಷಿಃ ವಿಶ್ವೇದೇವಾಃ ದೇವತಾ । ಜಗತೀಃ ಛಂದಃ ಪ್ರದಕ್ಷಿಣೇ ವಿನಿಯೋಗಃ । ಓಂ ನಮೋ᳚ ಬ್ರ॒ಹ್ಮಣೇ॒ ನಮೋ᳚ಽಸ್ತ್ವ॒ಗ್ನಯೇ॒ ನಮಃ॑ ಪೃಥಿ॒ವ್ಯೈ ನಮ॒ ಓಷ॑ಧೀಭ್ಯಃ । ನಮೋ᳚ ವಾ॒ಚೇ ನಮೋ᳚ ವಾ॒ಚಸ್ಪ॑ತಯೇ॒ ನಮೋ॒ ವಿಷ್ಣ॑ವೇ ಮಹ॒ತೇ ಕ॑ರೋಮಿ ॥ ದಿಗ್ದೇವತಾ ನಮಸ್ಕಾರಃ ॥ ಓಂ ನಮಃ॒ ಪ್ರಾಚ್ಯೈ॑ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾಂ॒ ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮಃ । ಓಂ ನಮೋ॒ ದಕ್ಷಿ॑ಣಾಯೈ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾಂ॒ ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮಃ । ಓಂ ನಮಃ॒ ಪ್ರತೀ᳚ಚ್ಯೈ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾಂ॒ ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮಃ । ಓಂ ನಮ॒ ಉದೀ᳚ಚ್ಯೈ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾಂ॒ ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮಃ । ಓಂ ನಮ॑ ಊ॒ರ್ಧ್ವಾ॑ಯೈ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾಂ॒ ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮಃ । ಓಂ ನಮೋಽಧ॑ರಾಯೈ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾಂ॒ ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮಃ । ಓಂ ನಮೋ॑ಽವಾಂತ॒ರಾಯೈ॑ ದಿ॒ಶೇ ಯಾಶ್ಚ॑ ದೇ॒ವತಾ॑ ಏ॒ತಸ್ಯಾಂ॒ ಪ್ರತಿ॑ವಸಂತ್ಯೇ॒ ತಾಭ್ಯ॑ಶ್ಚ॒ ನಮಃ ॥ ಋಷಿ ದೇವತಾದಿ ನಮಸ್ಕಾರಃ ॥ ನಮೋ ಗಂಗಾಯಮುನಯೋರ್ಮಧ್ಯೇ ಯೇ॑ ವ॒ಸಂತಿ॒ ತೇ ಮೇ ಪ್ರಸನ್ನಾತ್ಮಾನಶ್ಚಿರಂ ಜೀವಿತಂ-ವಁ॑ರ್ಧಯಂ॒ತಿ॒ ನಮೋ ಗಂಗಾಯಮುನಯೋರ್ಮುನಿ॑ಭ್ಯಶ್ಚ॒ ನಮೋ॒ ನಮೋ ಗಂಗಾಯಮುನಯೋರ್ಮುನಿ॑ಭ್ಯಶ್ಚ ನಮಃ । ಓಂ ಸಂಧ್ಯಾ॑ಯೈ ನಮಃ । ಸಾವಿ॑ತ್ರ್ಯೈ ನಮಃ । ಗಾಯ॑ತ್ರ್ಯೈ ನಮಃ । ಸರ॑ಸ್ವತ್ಯೈ ನಮಃ । ಸರ್ವಾ᳚ಭ್ಯೋ ದೇ॒ವತಾ᳚ಭ್ಯೋ॒ ನಮಃ । ದೇ॒ವೇಭ್ಯೋ॒ ನಮಃ । ಋಷಿ॑ಭ್ಯೋ॒ ನಮಃ । ಮುನಿ॑ಭ್ಯೋ॒ ನಮಃ । ಗುರು॑ಭ್ಯೋ॒ ನಮಃ । ಮಾತೃ॑ಭ್ಯೋ॒ ನಮಃ । ಪಿತೃ॑ಭ್ಯೋ॒ ನಮಃ । ಕಾಮೋಽಕಾರಿಷೀ᳚ನ್ನಮೋ॒ ನಮಃ । ಮನ್ಯುರಕಾರಿಷೀ᳚ನ್ನಮೋ॒ ನಮಃ । ಯಾಂ॒ ಸದಾ॑ ಸರ್ವ॑ಭೂತಾ॒ನಿ॒ ಚ॒ರಾ॑ಣಿ ಸ್ಥಾ॒ವರಾ॑ಣಿ ಚ । ಸಾಯಂ॑ ಪ್ರಾ॒ತರ್ನ॑ಮಸ್ಯಂ॒ತಿ ಸಾ॒ಮಾ॒ ಸಂಧ್ಯಾ॑ಽಭಿರ॑ಕ್ಷತು ॥ ದೇವತಾ ಸ್ಮರಣಂ ॥ ಬ್ರಹ್ಮಣ್ಯೋ ದೇವಕೀಪುತ್ರೋ ಬ್ರಹ್ಮಣ್ಯೋ ಮಧುಸೂದನಃ । ಬ್ರಹ್ಮಣ್ಯಃ ಪುಂಡರೀಕಾಕ್ಷೋ ಬ್ರಹ್ಮಣ್ಯೋ ವಿಷ್ಣುರಚ್ಯುತಃ ॥ ನಮೋ ಬ್ರಹ್ಮಣ್ಯದೇವಾಯ ಗೋಬ್ರಾಹ್ಮಣಹಿತಾಯ ಚ । ಜಗದ್ಧಿತಾಯ ಕೃಷ್ಣಾಯ ಗೋವಿಂದಾಯ ನಮೋ ನಮಃ ॥ ಕ್ಷೀರೇಣ ಸ್ನಾಪಿತೇ ದೇವೀ ಚಂದನೇನ ವಿಲೇಪಿತೇ । ಬಿಲ್ವಪತ್ರಾರ್ಚಿತೇ ದೇವೀ ದುರ್ಗೇಽಹಂ ಶರಣಂ ಗತಃ ॥ ಗಾಯತ್ರೀ ಪ್ರಸ್ಥಾನ ಪ್ರಾರ್ಥನಾ ॥ ಉ॒ತ್ತಮೇ॑ ಶಿಖ॑ರೇ ಜಾ॒ತೇ॒ ಭೂ॒ಮ್ಯಾಂ ಪ॑ರ್ವತ॒ ಮೂರ್ಧ॑ನಿ । ಬ್ರಾ॒ಹ್ಮಣೇ॑ಭ್ಯೋಽಭ್ಯ॑ನುಜ್ಞಾ॒ತಾ॒ ಗ॒ಚ್ಛದೇ॑ವಿ ಯ॒ಥಾ ಸು॑ಖಂ ॥ ಸ್ತುತೋ ಮಯಾ ವರದಾ ವೇ॑ದಮಾ॒ತಾ॒ ಪ್ರಚೋದಯಂತೀ ಪವನೇ᳚ ದ್ವಿಜಾ॒ತಾ । ಆಯುಃ ಪೃಥಿವ್ಯಾಂ ದ್ರವಿಣಂ ಬ್ರ॑ಹ್ಮವ॒ರ್ಚಸಂ ಮಹ್ಯಂ ದತ್ವಾ ಪ್ರಯಾತುಂ ಬ್ರ॑ಹ್ಮಲೋ॒ಕಂ ॥ ನಾರಾಯಣ ನಮಸ್ಕೃತಿ ॥ ನಮೋಽಸ್ತ್ವನಂತಾಯ ಸಹಸ್ರ ಮೂರ್ತಯೇ ಸಹಸ್ರ ಪಾದಾಕ್ಷಿ ಶಿರೋರು ಬಾಹವೇ । ಸಹಸ್ರನಾಮ್ನೇ ಪುರುಷಾಯ ಶಾಶ್ವತೇ ಸಹಸ್ರ ಕೋಟೀ ಯುಗಧಾರಿಣೇ ನಮಃ ॥ ಭೂಮ್ಯಾಕಾಶಾಭಿವಂದನಂ ॥ ಇ॒ದಂ ದ್ಯಾ॑ವಾ ಪೃಥಿ॒ವೀ ಸ॒ತ್ಯಮ॑ಸ್ತು । ಪಿತ॒ರ್ಮಾತ॒ರ್ಯದಿ॒ಹೋಪ॑ಬ್ರುವೇ ವಾಂ॑ । ಭೂ॒ತಂ ದೇ॒ವಾನಾ॑ಮವ॒ಮೇ ಅವೋ॑ಭಿಃ । ವಿದ್ಯಾಮೇ॒ಷಂ-ವೃಁ॒ಜಿ॑ನಂ ಜೀ॒ರದಾ॑ನುಂ । ಆಕಾಶಾತ್ಪತಿತಂ ತೋಯಂ-ಯಁಥಾ ಗಚ್ಛತಿ ಸಾಗರಂ । ಸರ್ವದೇವ ನಮಸ್ಕಾರಃ ಕೇಶವಂ ಪ್ರತಿಗಚ್ಛತಿ ॥ ಸರ್ವವೇದೇಷು ಯತ್ಪುಣ್ಯಂ ಸರ್ವತೀರ್ಥೇಷು ಯತ್ಫಲಂ । ತತ್ಫಲಂ ಸಮವಾಪ್ನೋತಿ ಸ್ತುತ್ವಾ ದೇವಂ ಜನಾರ್ದನಂ ॥ ವಾಸನಾದ್ವಾಸುದೇವಸ್ಯ ವಾಸಿತಂ ತೇ ಜಗತ್ತ್ರಯಂ । ಸರ್ವಭೂತ ನಿವಾಸೋಽಸಿ ವಾಸುದೇವ ನಮೋಽಸ್ತು ತೇ ॥ ಅಭಿವಾದನಂ ॥ ಚತುಸ್ಸಾಗರ ಪರ್ಯಂತಂ ಗೋಬ್ರಾಹ್ಮಣೇಭ್ಯಃ ಶುಭಂ ಭವತು ॥ …… ಪ್ರವರಾನ್ವಿತ …… ಸ ಗೋತ್ರಃ ಆಶ್ವಲಾಯನಸೂತ್ರಃ ಋಕ್ ಶಾಖಾಧ್ಯಾಯೀ …….. ಶರ್ಮಾಽಹಂ ಭೋ ಅಭಿವಾದಯೇ ॥ ಆಚಮ್ಯ ॥ ಸಮರ್ಪಣಂ ॥ ಯಸ್ಯ ಸ್ಮೃತ್ಯಾಚ ನಾಮೋಕ್ತ್ಯಾ ತಪಃ ಸಂಧ್ಯಾ ಕ್ರಿಯಾದಿಷು । ನ್ಯೂನಂ ಸಂಪೂರ್ಣತಾಂ-ಯಾಁತಿ ಸದ್ಯೋವಂದೇ ತಮಚ್ಯುತಂ ॥ ಮಂತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ರಮಾಪತೇ । ಯತ್ಕೃತಂ ತು ಮಯಾದೇವ ಪರಿಪೂರ್ಣಂ ತದಸ್ತು ತೇ ॥ ಅನೇನ ಪ್ರಾತಃ/ಮಾಧ್ಯಾಹ್ನಿಕ/ಸಾಯಂ ಸಂಧ್ಯಾವಂದನೇನ ಭಗವಾನ್ ಸರ್ವಾತ್ಮಕಃ ಶ್ರೀ ಲಕ್ಷ್ಮೀನಾರಾಯಣಃ ಪ್ರೀಯತಾಂ । ಸುಪ್ರೀತೋ ವರದೋ ಭವತು । ಆಬ್ರಹ್ಮಲೋಕಾದಾಶೇಷಾದಾಲೋಕಾಲೋಕ ಪರ್ವತಾತ್ । ಯೇ ಸಂತಿ ಬ್ರಾಹಣಾ ದೇವಾಸ್ತೇಭ್ಯೋ ನಿತ್ಯಂ ನಮೋ ನಮಃ ॥ ಕಾಯೇನ ವಾಚಾ ಮನಸೇಂದ್ರಿಯೈರ್ವಾ ಬುದ್ಧ್ಯಾತ್ಮನಾ ವಾ ಪ್ರಕೃತೇಃ ಸ್ವಭಾವಾತ್ । ಕರೋಮಿ ಯದ್ಯತ್ಸಕಲಂ ಪರಸ್ಮೈ ನಾರಾಯಣಾಯೇತಿ ಸಮರ್ಪಯಾಮಿ ॥ ಸರ್ವಂ ಶ್ರೀಮನ್ನಾರಾಯಣಾರ್ಪಣಮಸ್ತು ॥

Recite with devotion and pure heart

Regular practice brings spiritual benefits

More Vedic chants of Vedic Rituals: