हैंహైHaindavamஹிહિં
📍
Font Size:
ബ്രഹ്മയജ്ഞ വിധിഃ - കൃഷ്ണ യജുർവേദ
ശ്രീഗുരുഭ്യോ നമഃ ।
ഹരിഃ ഓം ॥
ആചമ്യ ॥
പ്രാണാനായമ്യ ॥
സങ്കല്പഃ –
പൂർവോക്ത ഏവം ഗുണ വിശേഷണ വിശിഷ്ടായാം ശുഭ തിഥൗ ശ്രീപരമേശ്വരമുദ്ദിശ്യ ശ്രീപരമേശ്വര പ്രീത്യർഥം ശ്രീമാൻ …… സഗോത്രഃ …… നാമധേയോഽഹം ചതുർവേദ പാരായണ ഫലസിദ്ധ്യർഥം നിത്യ സ്വാധ്യായ ബ്രഹ്മയജ്ഞേന യക്ഷ്യേ ॥
(അക്ഷത, കുറച്ച് വെള്ളം അരിവേണത്തിൽ ഇടുക)
ശുദ്ധിഃ –
ഓം വിദ്യു॑ദസി॒ വിദ്യ॑മേ പാ॒പ്മാന॒മൃതാ”ത്സ॒ത്യമുപൈ॑മി ।
(ശ്രുത്യാചമനം ചെയ്യുക)
ഹസ്താ॑വവ॒നിജ്യ॑ । ത്രി॒രാചാ॑മേത് । ദ്വിഃ പരി॒മൃ॑ജ്യ । സ॒കൃദു॑പ॒സ്പൃശ്യ॑ । യത്സ॒വ്യം പാ॒ണിം പാ॒ദൗ പ്രോക്ഷ॑തി । ശിര॒ശ്ചക്ഷു॑ഷീ॒ നാസി॑കേ॒ ശ്രോത്രേ॒ ഹൃദ॑യമാ॒ലഭ്യ॑ ॥ അപ ഉപസ്പൃശ്യ ।
ദ॒ക്ഷി॒ണോ॒ത്ത॒രൗ പാ॒ണീ പാ॒ദൗ കൃ॒ത്വാ । സപ॒വിത്രാ॒ ഓമിതി॒ പ്രതി॑പദ്യതേ ।
ഓം ഋ॒ചോ അ॒ക്ഷരേ॑ പര॒മേ വ്യോ॑മ॒ൻ യസ്മി॑ൻ ദേ॒വാ അധി॒ വിശ്വേ॑ നിഷേ॒ദുഃ ।
യസ്തന്ന വേദ॒ കിമൃ॒ചാ ക॑രിഷ്യതി॒ യ ഇത്തദ്വി॒ദുസ്ത ഇ॒മേ സമാ॑സതേ ॥
ഗായത്രീ മന്ത്ര പഠനം –
ഓം ഭൂഃ – തത്സ॑വിതു॒ർവരേ”ണ്യം॒ ।
ഓം ഭുവഃ – ഭർഗോ॑ ദേ॒വസ്യ॑ ധീ॒മഹി ।
ഓം സുവഃ – ധിയോ॒ യോ ന॑: പ്രചോ॒ദയാ”ത് ।
ഓം ഭൂഃ – തത്സ॑വിതു॒ർവരേ”ണ്യ॒o ഭർഗോ॑ ദേ॒വസ്യ॑ ധീ॒മഹി ।
ഓം ഭുവഃ – ധിയോ॒ യോ ന॑: പ്രചോ॒ദയാ”ത് ।
ഓം സുവഃ – തത്സ॑വിതു॒ർവരേ”ണ്യ॒o ഭർഗോ॑ ദേ॒വസ്യ॑ ധീ॒മഹി ധിയോ॒ യോ ന॑: പ്രചോ॒ദയാ”ത് ।
ഓം പ॒രോ ര॑ജസി സാവ॒ദോം ।
॥ അഥ വേദപഠനം ॥
ശ്രീഗുരുഭ്യോ നമഃ ।
ഹരിഃ ഓം ॥
യജുർവേദാധ്യയനം –
ഓം ഇ॒ഷേ ത്വോ॒ർജേ ത്വാ॑ വാ॒യവ॑സ്സ്ഥോപാ॒യവ॑സ്സ്ഥ ദേ॒വോ വ॑സ്സവി॒താ പ്രാർപ॑യതു॒ ശ്രേഷ്ഠ॑തമായ॒ കർമ॑ണ॒ ആ പ്യാ॑യധ്വമഘ്നിയാ ദേവഭാ॒ഗമൂർജ॑സ്വതീ॒: പയ॑സ്വതീഃ പ്ര॒ജാവ॑തീരനമീ॒വാ അ॑യ॒ക്ഷ്മാഃ മാ വ॑സ്സ്തേ॒ന ഈ॑ശത॒ മാഽഘശഗ്॑oസോ രു॒ദ്രസ്യ॑ ഹേ॒തിഃ പരി॑ വോ വൃണക്തു ധ്രു॒വാ അ॒സ്മിൻ ഗോപ॑തൗ സ്യാത ബ॒ഹ്വീര്യജ॑മാനസ്യ പ॒ശൂൻ പാ॑ഹി ॥ ഹരിഃ ഓം ॥
ഓം ബ്രഹ്മ॒ സന്ധ॑ത്ത॒o തന്മേ॑ ജിന്വതം । ക്ഷ॒ത്ത്രഗ്ം സന്ധ॑ത്ത॒o തന്മേ॑ ജിന്വതം । ഇഷ॒ഗ്॒o സന്ധ॑ത്ത॒o താം മേ॑ ജിന്വതം । ഊർജ॒ഗ്॒o സന്ധ॑ത്ത॒o താം മേ॑ ജിന്വതം । ര॒യിഗ്ം സന്ധ॑ത്ത॒o താം മേ॑ ജിന്വതം । പുഷ്ടി॒ഗ്॒o സന്ധ॑ത്ത॒o താം മേ॑ ജിന്വതം । പ്ര॒ജാഗ്ം സന്ധ॑ത്ത॒o താം മേ॑ ജിന്വതം । പ॒ശൂന്ഥ്സന്ധ॑ത്ത॒o താന്മേ॑ ജിന്വതം । സ്തു॒തോ॑ഽസി॒ ജന॑ധാഃ । ദേ॒വാസ്ത്വാ॑ ശുക്ര॒പാഃ പ്രണ॑യന്തു ॥ സു॒വീരാ”: പ്ര॒ജാഃ പ്ര॑ജ॒നയ॒ൻപരീ॑ഹി ॥ ഹരിഃ ഓം ॥
ഓം നമോ॒ ബ്രഹ്മ॑ണേ ധാ॒രണ॑o മേ അ॒സ്ത്വനി॑രാകരണം ധാ॒രയി॑താ ഭൂയാസ॒o
കർണ॑യോശ്ശ്രു॒തം മാ ച്യോ”ഢ്വ॒o മമാ॒മുഷ്യ॒ ഓം ॥ ഋ॒തം തപ॑സ്സ॒ത്യം തപ॑ശ്ശ്രു॒തം തപ॑ശ്ശാ॒ന്തം തപോ॒ ദമ॒സ്തപ॒ശ്ശമ॒സ്തപോ॒ ദാന॒o തപോ॒ യജ്ഞ॒o തപോ॒ ഭൂർഭുവ॒സ്സുവ॒ർബ്രഹ്മൈ॒തദുപാ”സ്യൈ॒തത്തപ॑: ॥ യഥാ॑ വൃ॒ക്ഷസ്യ॑ സ॒oപുഷ്പി॑തസ്യ ദൂ॒രാദ്ഗ॒ന്ധോ വാ”ത്യേ॒വം പുണ്യ॑സ്യ ക॒ർമണോ॑ ദൂ॒രാദ്ഗ॒ന്ധോ വാ॑തി॒ യഥാ॑ഽസിധാ॒രാം ക॒ർതേഽവ॑ഹിതാമവ॒ക്രാമേ॒ യദ്യുവേ॒ യുവേ॒ ഹവാ॑ വി॒ഹ്വയി॑ഷ്യാമി ക॒ർതം പ॑തിഷ്യാ॒മീത്യേ॒വമ॒മൃതാ॑ദാ॒ത്മാന॑o ജു॒ഗുപ്സേ”ത് ॥
ഓം സ॒ഹ നാ॑വവതു । സ॒ഹ നൗ॑ ഭുനക്തു । സ॒ഹ വീ॒ര്യ॑o കരവാവഹൈ ।
തേ॒ജ॒സ്വിനാ॒വധീ॑തമസ്തു॒ മാ വി॑ദ്വിഷാ॒വഹൈ” । ഓം ശാന്തി॒ശ്ശാന്തി॒ശ്ശാന്തി॑: ॥
അ॒ഹം വൃ॒ക്ഷസ്യ॒ രേരി॑വാ । കീ॒ർതിഃ പൃ॒ഷ്ഠം ഗി॒രേരി॑വ । ഊ॒ർധ്വപ॑വിത്രോ വാ॒ജിനീ॑വ സ്വ॒മൃത॑മസ്മി । ദ്രവി॑ണ॒ഗ്॒o സവ॑ർചസം । സുമേധാ അ॑മൃതോ॒ക്ഷിതഃ । ഇതി ത്രിശങ്കോർവേദാ॑നുവ॒ചനം ॥
ഋഗ്വേദാധ്യയനം –
ഓം അ॒ഗ്നിമീ”ളേ പു॒രോഹി॑തം യ॒ജ്ഞസ്യ॑ ദേ॒വമൃ॒ത്വിജ”മ് ।
ഹോതാ”രം രത്ന॒ധാത॑മം ॥
സാമവേദാധ്യയനം –
ഓം അഗ്ന॒ ആ യാ”ഹി വീ॒തയേ” ഗൃണാ॒നോ ഹ॒വ്യദാ”തയേ । നി ഹോതാ” സഥ്സി ബ॒ർഹിഷി॑ ॥
അഥർവവേദാധ്യയനം –
ഓം ശം നോ” ദേ॒വീര॒ഭിഷ്ട॑യ॒ ആപോ” ഭവന്തു പീ॒തയേ” ।
ശം യോര॒ഭിസ്ര॑വന്തു നഃ ॥
॥ അഥ വേദാംഗ പഠനം ॥
ശീക്ഷാധ്യയനം –
അഥ ശീക്ഷാം പ്രവക്ഷ്യാമി പാണിനീയ മതം യഥാ ।
ശാസ്ത്രാനുപൂർവം തദ്വിദ്യാദ്യഥോക്തം ലോകവേദയോഃ ॥
വ്യാകരണാധ്യയനം –
(അഷ്ടാധ്യായീ പാരായണം)
വാക്യകാരം വരരുചിം ഭാഷ്യകാരം പതഞ്ജലിം ।
പാണിനിം സൂത്രകാരം ച പ്രണതോഽസ്മി മുനിത്രയം ॥
അ ഇ ഉ ണ് । ഋ ളു* ക് । ഏ ഓ ങ് । ഐ ഔ ച് । ഹ യ വ ര ട് । ല ണ് । ഞ മ ങ ണ ന മ് । ഝ ഭ ഞ് । ഘ ഢ ധ ഷ് । ജ ബ ഗ ഡ ദ ശ് । ഖ ഫ ഛ ഠ ഥ ച ട ത വ് । ക പ യ് । ശ ഷ സ ര് । ഹ ല് ॥
വൃദ്ധിരാദൈച് । അദേംഗുണഃ । ഇകോ ഗുണവൃദ്ധീ ।
ഛന്ദോഽധ്യയനം –
(പിംഗളഛന്ദഃ സൂത്രം 1.1)
മയരസതജഭനലഗ സമ്മിതം
ഭ്രമതി വാങ്മയം ജഗതി യസ്യ ।
സ ജയതി പിംഗളനാഗഃ
ശിവപ്രസാദാദ്വിശുദ്ധമതിഃ ॥
നിരുക്താധ്യയനം –
(നിഘണ്ടുശാസ്ത്രം 1)
ഗൗഃ, ഗ്മാ, ജ്മാ, ക്ഷ്മാ, ക്ഷാ, ക്ഷൗമാ, ക്ഷോണീ, ക്ഷിതിഃ, അവനിഃ, ഉർവീ, പൃഥ്വീ, മഹീ, അദിതിഃ, രിപഃ, ഇളാ, നിർഋതിഃ, മാ, ഭൂമിഃ, പൂഷാ, ഗാതുഃ, ഗോത്രാ – ഇത്യേകവിംശതിഃ പൃഥ്വീനാമാനി ॥
(യസ്കപ്രണീത നിരുക്തം 1.1)
ഓം സമാമ്നായഃ സമാമ്നാതഃ സ വ്യാഖ്യാതവ്യസ്തമിമം സമാമ്നായം നിഘണ്ടവ ഇത്യാചക്ഷതേ ।
ജ്യൗതിഷം –
പഞ്ചസംവത്സരമയം യുഗാധ്യക്ഷം പ്രജാപതിം ।
ദിനർത്വയനമാസാംഗം പ്രണമ്യ ശിരസാ ശുചിഃ ॥ 1
പ്രണമ്യ ശിരസാ കാലമഭിവാദ്യ സരസ്വതീം ।
കാലജ്ഞാനം പ്രവക്ഷ്യാമി ലഗധസ്യ മഹാത്മനഃ ॥ 2
പൂർവമീമാംസാ –
(ഭാരദ്വാജ കർമ മീമാംസാ)
അഥാതോ ധർമജിജ്ഞാസാ । ധാരകോ ധർമഃ ।
(ജൈമിനീയ കർമ മീമാംസാ)
അഥാതോ ധർമജിജ്ഞാസാ । ചോദനാ ലക്ഷണോഽർഥോ ധർമഃ ।
ഉത്തര (ബ്രഹ്മ) മീമാംസാ –
അഥാതോ ബ്രഹ്മജിജ്ഞാസാ । ജന്മാദ്യസ്യ യതഃ । ശാസ്ത്രയോനിത്വാത് । തത്തു സമന്വയാത് ॥
ന്യായദർശനം –
(ഗൗതമ ന്യായസൂത്രം)
പ്രമാണ പ്രമേയ സംശയ പ്രയോജന ദൃഷ്ടാന്ത സിദ്ധാന്താവയവ തർക നിർണയ വാദ ജല്പ വിതണ്ഡാ ഹേത്വാഭാസ ച്ഛല ജതി നിഗ്രഹ സ്ഥാനാനാം തത്ത്വജ്ഞാനാന്നിശ്ശ്രേയസാധിഗമഃ ॥
വൈശേഷിക ദർശനം –
അഥാതോ ധർമം വ്യാഖ്യാസ്യാമഃ । യതോഽഭ്യുദയ നിശ്ശ്രേയസ സിദ്ധിഃ സ ധർമഃ ॥
യോഗ ദർശനം –
അഥ യോഗാനുശാസനം । യോഗശ്ചിത്തവൃത്തി നിരോധഃ ॥
സാംഖ്യ ദർശനം –
അഥ ത്രിവിധദുഃഖാത്യന്ത നിവൃത്തിരത്യന്ത പുരുഷാർഥഃ ।
ന ദൃഷ്ടാദ്ദൃഷ്ടാത്തത്സിദ്ധിർനിവൃത്തേഽപ്യനുവൃത്തി ദർശനാത് ॥
സ്മൃതിഃ –
(മനുസ്മൃതി)
മനുമേകാഗ്രമാസീനമഭിഗമ്യ മഹർഷയഃ ।
പ്രതിപൂജ്യ യഥാന്യായമിദം വചനമബ്രുവൻ ॥
രാമായണം –
തപഃസ്വാധ്യായനിരതം തപസ്വീ വാഗ്വിദാം വരം ।
നാരദം പരിപപ്രച്ഛ വാല്മീകിർമുനിപുംഗവം ॥
മഹാഭാരതം –
നാരായണം നമസ്കൃത്യ നരം ചൈവ നരോത്തമം ।
ദേവീം സരസ്വതീം വ്യാസം തതോ ജയമുദീരയേത് ॥
ഭഗവദ്ഗീതാ –
ധർമക്ഷേത്രേ കുരുക്ഷേത്രേ സമവേതാ യുയുത്സവഃ ।
മാമകാഃ പാണ്ഡവാശ്ചൈവ കിമകുർവത സഞ്ജയ ॥
ഭാഗവതം –
ജന്മാദ്യസ്യ യതോഽന്വയാദിതരതശ്ചാർഥേഷ്വഭിജ്ഞഃ സ്വരാട്
തേനേ ബ്രഹ്മ ഹൃദായ ആദികവയേ മുഹ്യന്തി യത്സൂരയഃ ।
തേജോവാരിമൃദാം യഥാ വിനിമയോ യത്ര ത്രിസർഗോഽമൃഷാ
ധാമ്നാ സ്വേന സദാ നിരസ്തകുഹകം സത്യം പരം ധീമഹി ॥
തന്ത്രം –
ആചാരമൂലാഃ ജാതിഃ സ്യാദാചാരഃ ശാസ്ത്രമൂലകഃ ।
വേദവാക്യം ശാസ്ത്രമൂലം വേദഃ സാധകമൂലകഃ ॥
സാധകശ്ച ക്രിയാമൂലഃ ക്രിയാപി ഫലമൂലികാ ।
ഫലമൂലം സുഖം ചൈവ സുഖമാനന്ദമൂലകം ॥
॥ അഥ പരിധാനീയ മന്ത്രം ॥
(ഈ മന്ത്രം മൂന്ന് തവണ ഉച്ചരിക്കുക)
ഓം നമോ॒ ബ്രഹ്മ॑ണേ॒ നമോ॑ അസ്ത്വ॒ഗ്നയേ॒ നമ॑: പൃഥി॒വ്യൈ നമ॒ ഓഷ॑ധീഭ്യഃ ।
നമോ॑ വാ॒ചേ നമോ॑ വാ॒ചസ്പത॑യേ॒ നമോ॒ വിഷ്ണ॑വേ ബൃഹ॒തേ ക॑രോമി ॥
ഓം ശാന്തി॒ശ്ശാന്തി॒ശ്ശാന്തി॑: । ഏവം ത്രിഃ । ഓം ഓം ഓം ॥
(ഈ മന്ത്രം വായിച്ച് കൈ വെള്ളം കൊണ്ട് ശുദ്ധീകരിക്കുക)
ഓം ഭൂർഭുവ॒സ്സുവ॑സ്സ॒ത്യം തപ॑ശ്ശ്ര॒ദ്ധായാ”o ജുഹോമി ।
വൃഷ്ടി॑രസി॒ വൃശ്ച॑മേ പാ॒പ്മാന॒മൃതാ”ത്സ॒ത്യമുപാ॑ഗാം ॥
ആചമ്യ ॥
॥ നിത്യ തർപണ വിധിഃ ॥
പ്രാണാനായമ്യ ॥
പുനഃ സങ്കല്പം –
പൂർവോക്ത ഏവം ഗുണ വിശേഷണ വിശിഷ്ടായാം ശുഭതിഥൗ ശ്രീപരമേശ്വരമുദ്ദിശ്യ ശ്രീപരമേശ്വര പ്രീത്യർഥം ബ്രഹ്മയജ്ഞാംഗ ദേവർഷിപിതൄനുദ്ദിശ്യ ദേവർഷിപിതൃ പ്രീത്യർഥം ദേവർഷിപിതൃ തർപണം കരിഷ്യേ ॥
പ്രാർഥന –
ബ്രഹ്മാദയഃ സുരാഃ സർവേ ഋഷയഃ സനകാദയഃ ।
ആഗച്ഛന്തു മഹാഭാഗാ ബ്രഹ്മാണ്ഡോദരവർതിനഃ ॥
1. ദേവ തർപണം –
(യജ്ഞോപവീതം സവ്യമായി ധരിച്ച് ദേവതീർത്ഥത്തിന് ഓരോ തർപ്പണം നൽകുക)
ബ്രഹ്മാദയോ യേ ദേവാഃ താൻ ദേവാഗ്സ്തർപയാമി ।
സർവാൻ ദേവാഗ്സ്തർപയാമി ।
സർവാൻ ദേവഗണാഗ്സ്തർപയാമി ।
സർവാഃ ദേവപത്നീസ്തർപയാമി ।
സർവാൻ ദേവപുത്രാഗ്സ്തർപയാമി ।
സർവാൻ ദേവപൗത്രാഗ്സ്തർപയാമി ।
ഭൂർദേവാഗ്സ്തർപയാമി ।
ഭുവർദേവാഗ്സ്തർപയാമി ।
സുവർദേവാഗ്സ്തർപയാമി ।
ഭൂർഭുവസ്സുവർദേവാഗ്സ്തർപയാമി ।
2. ഋഷി തർപണം –
(യജ്ഞോപവീതം നിവീതമായി ധരിച്ച് ഋഷിതീർത്ഥത്തിന് രണ്ടു തർപ്പണങ്ങൾ നൽകുക)
കൃഷ്ണദ്വൈപായനാദയോ യേ ഋഷയഃ താൻ ഋഷീഗ്സ്തർപയാമി തർപയാമി ।
സർവാൻ ഋഷീഗ്സ്തർപയാമി തർപയാമി ।
സർവാൻ ഋഷിഗണാഗ്സ്തർപയാമി തർപയാമി ।
സർവാഃ ഋഷിപത്നീസ്തർപയാമി തർപയാമി ।
സർവാൻ ഋഷിപുത്രാഗ്സ്തർപയാമി തർപയാമി ।
സർവാൻ ഋഷിപൗത്രാഗ്സ്തർപയാമി തർപയാമി ।
ഭൂരൃഷീഗ്സ്തർപയാമി തർപയാമി ।
ഭുവരൃഷീഗ്സ്തർപയാമി തർപയാമി ।
സുവരൃഷീഗ്സ്തർപയാമി തർപയാമി ।
ഭൂർഭുവസ്സുവരൃഷീഗ് സ്തർപയാമി തർപയാമി ।
കണ്ഡർഷി തർപണം –
പ്രജാപതിം കാണ്ഡർഷിം തർപയാമി തർപയാമി ।
സോമം കാണ്ഡർഷിം തർപയാമി തർപയാമി ।
അഗ്നിം കാണ്ഡർഷിം തർപയാമി തർപയാമി ।
വിശ്വാൻ ദേവാൻ കാണ്ഡർഷീഗ്സ്തർപയാമി തർപയാമി ।
സാഗ്ംഹിതീർദേവതാ ഉപനിഷദസ്തർപയാമി തർപയാമി ।
യാജ്ഞികീർദേവതാ ഉപനിഷദസ്തർപയാമി തർപയാമി ।
വാരുണീർദേവതാ ഉപനിഷദസ്തർപയാമി തർപയാമി ।
ബ്രഹ്മാണഗ്ഗ് സ്വയംഭുവം തർപയാമി തർപയാമി ।
സദസസ്പതിം തർപയാമി തർപയാമി ।
3. പിതൃ തർപണം –
(യജ്ഞോപവീതം പ്രാചീനാവീതമായി ധരിച്ച് പിതൃതീർത്ഥത്തിന് മൂന്നു തർപ്പണങ്ങൾ നൽകുക)
സോമഃ പിതൃമാൻ യമോഽംഗിരസ്വാൻ അഗ്നിഷ്വാത്താഗ്നിഃ കവ്യവാഹനാദയോ യേ പിതരഃ താൻ പിതൄഗ്സ്തർപയാമി തർപയാമി തർപയാമി ।
സർവാൻ പിതൄഗ്സ്തർപയാമി തർപയാമി തർപയാമി ।
സർവാൻ പിതൃഗണാഗ്സ്തർപയാമി തർപയാമി തർപയാമി ।
സർവാഃ പിതൃപത്നീസ്തർപയാമി തർപയാമി തർപയാമി ।
സർവാൻ പിതൃപുത്രാഗ്സ്തർപയാമി തർപയാമി തർപയാമി ।
സർവാൻ പിതൃപൗത്രാഗ്സ്തർപയാമി തർപയാമി തർപയാമി ।
ഭൂഃ പിതൄഗ്സ്തർപയാമി തർപയാമി തർപയാമി ।
ഭുവഃ പിതൄഗ്സ്തർപയാമി തർപയാമി തർപയാമി ।
സുവഃ പിതൄഗ്സ്തർപയാമി തർപയാമി തർപയാമി ।
ഭൂർഭുവസ്സുവഃ പിതൄഗ്സ്തർപയാമി തർപയാമി തർപയാമി ।
അനേന ബ്രഹ്മയജ്ഞേന ദേവർഷിപിതൃ തർപണേന ച ഭഗവാൻ സർവാത്മകഃ ശ്രീപരമേശ്വരസ്സുപ്രീണാതു ॥
ആബ്രഹ്മലോകാദാശേഷാദാലോകാലോകപർവതാത് ।
യേസന്തി ബ്രാഹ്മണാദേവാസ്തേഭ്യോ നിത്യം നമോ നമഃ ॥
Recite with devotion and pure heart
Regular practice brings spiritual benefits