हैंహైHaindavamஹிહિં
📍
Font Size:
ശിവ സങ്കല്പോപനിഷത്
യേനേദം ഭൂതം ഭുവനം ഭവിഷ്യത് പരിഗൃഹീതമമൃതേന സർവം ।
യേന യജ്ഞസ്തായതേ സപ്തഹോതാ തന്മേ മനഃ ശിവസങ്കല്പമസ്തു ॥ 1॥
യേന കർമാണി പ്രചരന്തി ധീരാ യതോ വാചാ മനസാ ചാരു യന്തി ।
യത്സമ്മിതമനു സംയന്തി പ്രാണിനസ്തന്മേ മനഃ ശിവസങ്കല്പമസ്തു ॥ 2॥
യേന കർമാണ്യപസോ മനീഷിണോ യജ്ഞേ കൃണ്വന്തി വിദഥേഷു ധീരാഃ ।
യദപൂർവം യക്ഷമന്തഃ പ്രജാനാം തന്മേ മനഃ ശിവസങ്കല്പമസ്തു ॥ 3॥
യത്പ്രജ്ഞാനമുത ചേതോ ധൃതിശ്ച യജ്ജ്യോതിരന്തരമൃതം പ്രജാസു ।
യസ്മാന്ന ഋതേ കിഞ്ചന കർമ ക്രിയതേ തന്മേ മനഃ ശിവസങ്കല്പമസ്തു ॥ 4॥
സുഷാരഥിരശ്വാനിവ യന്മനുഷ്യാന്നേനീയതേഽഭീശുഭിർവാജിന ഇവ ।
ഹൃത്പ്രതിഷ്ഠം യദജിരം ജവിഷ്ഠം തന്മേ മനഃ ശിവസങ്കല്പമസ്തു ॥ 5॥
യസ്മിന്നൃചഃ സാമ യജൂഷി യസ്മിൻ പ്രതിഷ്ഠിതാ രഥനാഭാവിവാരാഃ ।
യസ്മിംശ്ചിത്തം സർവമോതം പ്രജാനാം തന്മേ മനഃ ശിവസങ്കല്പമസ്തു ॥ 6॥
യദത്ര ഷഷ്ഠം ത്രിശതം സുവീരം യജ്ഞസ്യ ഗുഹ്യം നവനാവമായ്യം ।
ദശ പഞ്ച ത്രിംശതം യത്പരം ച തന്മേ മനഃ ശിവസങ്കല്പമസ്തു ॥ 7॥
യജ്ജാഗ്രതോ ദൂരമുദൈതി ദൈവം തദു സുപ്തസ്യ തഥൈവൈതി ।
ദൂരംഗമം ജ്യോതിഷാം ജ്യോതിരേകം തന്മേ മനഃ ശിവസങ്കല്പമസ്തു ॥ 8॥
യേന ദ്യൗഃ പൃഥിവീ ചാന്തരിക്ഷം ച യേ പർവതാഃ പ്രദിശോ ദിശശ്ച ।
യേനേദം ജഗദ്വ്യാപ്തം പ്രജാനാം തന്മേ മനഃ ശിവസങ്കല്പമസ്തു ॥ 9॥
യേനേദം വിശ്വം ജഗതോ ബഭൂവ യേ ദേവാ അപി മഹതോ ജാതവേദാഃ ।
തദേവാഗ്നിസ്തമസോ ജ്യോതിരേകം തന്മേ മനഃ ശിവസങ്കല്പമസ്തു ॥ 10॥
യേ മനോ ഹൃദയം യേ ച ദേവാ യേ ദിവ്യാ ആപോ യേ സൂര്യരശ്മിഃ ।
തേ ശ്രോത്രേ ചക്ഷുഷീ സഞ്ചരന്തം തന്മേ മനഃ ശിവസങ്കല്പമസ്തു ॥ 11॥
അചിന്ത്യം ചാപ്രമേയം ച വ്യക്താവ്യക്തപരം ച യത ।
സൂക്ഷ്മാത്സൂക്ഷ്മതരം ജ്ഞേയം തന്മേ മനഃ ശിവസങ്കല്പമസ്തു ॥ 12॥
ഏകാ ച ദശ ശതം ച സഹസ്രം ചായുതം ച
നിയുതം ച പ്രയുതം ചാർബുദം ച ന്യർബുദം ച ।
സമുദ്രശ്ച മധ്യം ചാന്തശ്ച പരാർധശ്ച
തന്മേ മനഃ ശിവസങ്കല്പമസ്തു ॥ 13॥
യേ പഞ്ച പഞ്ചദശ ശതം സഹസ്രമയുതം ന്യർബുദം ച ।
തേഽഗ്നിചിത്യേഷ്ടകാസ്തം ശരീരം തന്മേ മനഃ ശിവസങ്കല്പമസ്തു ॥ 14॥
വേദാഹമേതം പുരുഷം മഹാന്തമാദിത്യവർണം തമസഃ പരസ്താത് ।
യസ്യ യോനിം പരിപശ്യന്തി ധീരാസ്തന്മേ മനഃ ശിവസങ്കല്പമസ്തു ॥
യസ്യേദം ധീരാഃ പുനന്തി കവയോ ബ്രഹ്മാണമേതം ത്വാ വൃണുത ഇന്ദും ।
സ്ഥാവരം ജംഗമം ദ്യൗരാകാശം തന്മേ മനഃ ശിവസങ്കല്പമസ്തു ॥ 16॥
പരാത് പരതരം ചൈവ യത്പരാച്ചൈവ യത്പരം ।
യത്പരാത് പരതോ ജ്ഞേയം തന്മേ മനഃ ശിവസങ്കല്പമസ്തു ॥ 17॥
പരാത് പരതരോ ബ്രഹ്മാ തത്പരാത് പരതോ ഹരിഃ ।
തത്പരാത് പരതോഽധീശസ്തന്മേ മനഃ ശിവസങ്കല്പമസ്തു ॥ 18॥
യാ വേദാദിഷു ഗായത്രീ സർവവ്യാപീ മഹേശ്വരീ ।
ഋഗ്യജുസ്സാമാഥർവൈശ്ച തന്മേ മനഃ ശിവസങ്കല്പമസ്തു ॥ 19॥
യോ വൈ ദേവം മഹാദേവം പ്രണവം പുരുഷോത്തമം ।
യഃ സർവേ സർവവേദൈശ്ച തന്മേ മനഃ ശിവസങ്കല്പമസ്തു ॥ 20॥
പ്രയതഃ പ്രണവോങ്കാരം പ്രണവം പുരുഷോത്തമം ।
ഓങ്കാരം പ്രണവാത്മാനം തന്മേ മനഃ ശിവസങ്കല്പമസ്തു ॥ 21॥
യോഽസൗ സർവേഷു വേദേഷു പഠ്യതേ ഹ്യജ ഇശ്വരഃ ।
അകായോ നിർഗുണോ ഹ്യാത്മാ തന്മേ മനഃ ശിവസങ്കല്പമസ്തു ॥ 22॥
ഗോഭിർജുഷ്ടം ധനേന ഹ്യായുഷാ ച ബലേന ച ।
പ്രജയാ പശുഭിഃ പുഷ്കരാക്ഷം തന്മേ മനഃ ശിവസങ്കല്പമസ്തു ॥ 23॥
ത്രിയംബകം യജാമഹേ സുഗന്ധിം പുഷ്ടിവർധനം ।
ഉർവാരുകമിവ ബന്ധനാന്മൃത്യോർമുക്ഷീയ
മാഽമൃതാത്തന്മേ മനഃ ശിവസങ്കല്പമസ്തു ॥ 24॥
കൈലാസശിഖരേ രമ്യേ ശങ്കരസ്യ ശിവാലയേ ।
ദേവതാസ്തത്ര മോദന്തേ തന്മേ മനഃ ശിവസങ്കല്പമസ്തു ॥ 25॥
വിശ്വതശ്ചക്ഷുരുത വിശ്വതോമുഖോ വിശ്വതോഹസ്ത ഉത വിശ്വതസ്പാത് ।
സംബാഹുഭ്യാം നമതി സമ്പതത്രൈർദ്യാവാപൃഥിവീ
ജനയൻ ദേവ ഏകസ്തന്മേ മനഃ ശിവസങ്കല്പമസ്തു ॥ 26॥
ചതുരോ വേദാനധീയീത സർവശാസ്യമയം വിദുഃ ।
ഇതിഹാസപുരാണാനാം തന്മേ മന ശിവസങ്കൻല്പമസ്തു ॥ 27॥
മാ നോ മഹാന്തമുത മാ നോ അർഭകം മാ ന ഉക്ഷന്തമുത മാ ന ഉക്ഷിതം ।
മാ നോ വധീഃ പിതരം മോത മാതരം പ്രിയാ മാ നഃ
തനുവോ രുദ്ര രീരിഷസ്തന്മേ മനഃ ശിവസങ്കല്പമസ്തു ॥ 28॥
മാ നസ്തോകേ തനയേ മാ ന ആയുഷി മാ നോ ഗോഷു മാ നോ അശ്വേഷു രീരിഷഃ ।
വീരാന്മാ നോ രുദ്ര ഭാമിതോ വധീർഹവിഷ്മന്തഃ
നമസാ വിധേമ തേ തന്മേ മനഃ ശിവസങ്കല്പമസ്തു ॥ 29॥
ഋതം സത്യം പരം ബ്രഹ്മ പുരുഷം കൃഷ്ണപിംഗലം ।
ഊർധ്വരേതം വിരൂപാക്ഷം വിശ്വരൂപായ വൈ നമോ നമഃ
തന്മേ മനഃ ശിവസങ്കല്പമസ്തു ॥ 30॥
കദ്രുദ്രായ പ്രചേതസേ മീഢുഷ്ടമായ തവ്യസേ ।
വോചേമ ശന്തമം ഹൃദേ । സർവോ ഹ്യേഷ രുദ്രസ്തസ്മൈ രുദ്രായ
നമോ അസ്തു തന്മേ മനഃ ശിവസങ്കല്പമസ്തു ॥ 31॥
ബ്രഹ്മ ജജ്ഞാനം പ്രഥമം പുരസ്താത് വി സീമതഃ സുരുചോ വേന ആവഃ ।
സ ബുധ്നിയാ ഉപമാ അസ്യ വിഷ്ഠാഃ സതശ്ച യോനിം
അസതശ്ച വിവസ്തന്മേ മനഃ ശിവസങ്കല്പമസ്തു ॥ 32॥
യഃ പ്രാണതോ നിമിഷതോ മഹിത്വൈക ഇദ്രാജാ ജഗതോ ബഭൂവ ।
യ ഈശേ അസ്യ ദ്വിപദശ്ചതുഷ്പദഃ കസ്മൈ ദേവായ
ഹവിഷാ വിധേമ തന്മേ മനഃ ശിവസങ്കല്പമസ്തു ॥ 33॥
യ ആത്മദാ ബലദാ യസ്യ വിശ്വേ ഉപാസതേ പ്രശിഷം യസ്യ ദേവാഃ ।
യസ്യ ഛായാഽമൃതം യസ്യ മൃത്യുഃ കസ്മൈ ദേവായ
ഹവിഷാ വിധേമ തന്മേ മനഃ ശിവസങ്കല്പമസ്തു ॥ 34॥
യോ രുദ്രോ അഗ്നൗ യോ അപ്സു യ ഓഷധീഷു യോ രുദ്രോ വിശ്വാ ഭുവനാഽഽവിവേശ ।
തസ്മൈ രുദ്രായ നമോ അസ്തു തന്മേ മനഃ ശിവസങ്കല്പമസ്തു ॥ 35॥
ഗന്ധദ്വാരാം ദുരാധർഷാം നിത്യപുഷ്ടാം കരീഷിണീം ।
ഈശ്വരീം സർവഭൂതാനാം താമിഹോപഹ്വയേ ശ്രിയം
തന്മേ മനഃ ശിവസങ്കല്പമസ്തു ॥ 36॥
യ ഇദം ശിവസങ്കല്പം സദാ ധ്യായന്തി ബ്രാഹ്മണാഃ ।
തേ പരം മോക്ഷം ഗമിഷ്യന്തി തന്മേ മനഃ ശിവസങ്കല്പമസ്തു ॥ 37॥
ഇതി ശിവസങ്കല്പമന്ത്രാഃ സമാപ്താഃ ।
ഇതി ശിവസങ്കല്പോപനിഷത് സമാപ്ത ।
Recite with devotion and pure heart
Regular practice brings spiritual benefits