kalaśa pratiṣṭhāpana mantrāḥ – brahma̍jajñā̱na-mpra̍tha̱ma-mpu̱rastā̱-dvisī̍ma̱ta-ssu̱ruco̍ ve̱na ā̍vaḥ । sa bu̱dhniyā̍ upa̱mā a̍sya vi̱ṣṭhā-ssa̱taśca̱ yoni̱-masa̍taśca̱ viva̍ḥ । nāke̍ supa̱rṇa mupa̱ya-tpata̍ntagṃ hṛ̱dā vena̍nto a̱bhyaca̍kṣa-tatvā । hira̍ṇyapakṣa̱ṃ-vam̐ru̍ṇasya dū̱taṃ-ya̱m̐masya̱ yonau̍ śaku̱na-mbhu̍ra̱ṇyum । āpyā̍yasva̱ same̍tu te vi̱śvata̍ḥ soma̱ vṛṣṇi̍yam । bhavā̱ vāja̍sya saṅga̱the । yo ru̱dro a̱gnau yo a̱phsu ya oṣa̍dhīṣu̱ yo ru̱dro viśvā̱ bhuva̍nā-''vi̱veśa̱ tasmai̍ ru̱drāya̱ namo̍ astu । 1 (apa upaspṛśya) i̱daṃ-vim̐ṣṇu̱ rvica̍krame tre̱dhā nida̍dhe pa̱dam । samū̍ḍhamasya pāgṃ su̱re । indra̱ṃ-vim̐śvā̍ avīvṛdhan-thsamu̱dravya̍casa̱-ṅgira̍ḥ । ra̱thīta̍magṃ rathī̱nāṃ-vām̐jā̍nā̱g̱ṃ satpa̍ti̱-mpati̎m । āpo̱ vā i̱daṃgṃ sarva̱ṃ-vim̐śvā̍ bhū̱tānyāpa̍ḥ prā̱ṇā vā āpa̍ḥ pa̱śava̱ āpo-'nna̱māpo-'mṛ̍ta̱māpa̍-ssa̱mrāḍāpo̍ vi̱rāḍāpa̍-ssva̱rāḍāpa̱-śchandā̱g̱śyāpo̱ jyotī̱g̱ṣyāpo̱ yajū̱g̱ṣyāpa̍-ssa̱tyamāpa̱-ssarvā̍ de̱vatā̱ āpo̱ bhūrbhuva̱ssuva̱rāpa̱ om । 2 a̱paḥ praṇa̍yati । śra̱ddhā vā āpa̍ḥ । śra̱ddhāme̱vārabhya̍ pra̱ṇīya̱ praca̍rati । a̱paḥ praṇa̍yati । ya̱jño vā āpa̍ḥ । ya̱jñame̱vārabhya̍ pra̱ṇīya̱ praca̍rati । a̱paḥ praṇa̍yati । vajro̱ vā āpa̍ḥ । vajra̍me̱va bhrātṛ̍vyebhyaḥ pra̱hṛtya̍ pra̱ṇīya̱ praca̍rati । a̱paḥ praṇa̍yati । āpo̱ vai ra̍kṣo̱ghnīḥ । rakṣa̍sā̱mapa̍hatyai । a̱paḥ praṇa̍yati । āpo̱ vai de̱vānā̎-mpri̱ya-ndhāma̍ । de̱vānā̍me̱va pri̱ya-ndhāma̍ pra̱ṇīya̱ praca̍rati । a̱paḥ praṇa̍yati । āpo̱ vai sarvā̍ de̱vatā̎ḥ । de̱vatā̍ e̱vārabhya̍ pra̱ṇīya̱ praca̍rati । a̱paḥ praṇa̍yati । āpo̱ vai śā̱ntāḥ । śā̱ntābhi̍re̱vāsya̱ śucag̍ṃ śamayati । de̱vo va̍ḥ savi̱to-tpu̍nā̱tva-cchi̍dreṇa pa̱vitre̍ṇa̱ vaso̱ssūrya̍sya ra̱śmibhi̍ḥ ॥ 3 kūrcāgrai rrākṣasā-nghorān chindhi karmavighātinaḥ । tvāmarpayāmi kumbhe-'smin sāphalya-ṅkuru karmaṇi । vṛkṣarāja samudbhūtā-śśākhāyāḥ pallavatva caḥ । yuṣmān kumbheṣvarpayāmi sarvapāpāpanuttaye । nālikera-samudbhūta trinetra hara sammita । śikhayā duritaṃ sarva-mpāpa-mpīḍā-ñca me nuda । sa̱ hi ratnā̍ni dā̱śuṣe̍ su̱vāti̍ savi̱tā bhaga̍ḥ । ta-mbhā̱ga-ñci̱tramī̍mahe । (ṛgveda mantraḥ) tatvā̍ yāmi̱ brahma̍ṇā̱ vanda̍māna̱-stadāśā̎ste̱ yaja̍māno ha̱virbhi̍ḥ । ahe̍ḍamāno varuṇe̱ha bo̱ddhyuru̍śagṃsa̱ mā na̱ āyu̱ḥ pramo̍ṣīḥ ॥ o-mbhūrbhuva̱ssuva̱rom । asmin kumbhe varuṇamāvāhayāmi । varuṇasya idamāsanam । varuṇāya namaḥ । sakalārādhanai-ssvarcitam । ratnasiṃhāsanaṃ samarpayāmi । pādyaṃ samarpayāmi । arghyaṃ samarpayāmi । ācamanīyaṃ samarpayāmi । madhuparkkaṃ samarpayāmi । snānaṃ samarpayāmi । snānānantaraṃ ācamanīyaṃ samarpayāmi । vastrottarīyaṃ samarpayāmi । upavītaṃ samarpayāmi । gandhā-ndhārayāmi । akṣatān samarpayāmi । puṣpāṇi samarpayāmi । 1. oṃ-vam̐ruṇāya namaḥ 2. o-mpracetase namaḥ 3. oṃ surūpiṇe namaḥ 4. oṃ apāmpataye namaḥ 5. o-mmakaravāhanāya namaḥ 6. jalādhipataye namaḥ 7. o-mpāśahastāya namaḥ 8. o-ntīrtharājāya namaḥ oṃ-vam̐ruṇāya namaḥ । nānāvidha parimala patra puṣpāṇi samarpayāmi । dhūpaṃ āghrāpayāmi । dīpa-ndar​śayāmi । dhūpadīpānantaraṃ ācamanīyaṃ samarpayāmi । o-mbhūrbhuvassuvaḥ । tathsa̍vi̱turvare̎ṇya̱-mbhargo̍ de̱vasya̍ dhīmahi । dhiyo̱ yona̍ praco̱dayā̎t । deva savitaḥ prasuvaḥ । satya-ntvartena pariṣiñcāmi । (rātrau - ṛta-ntvā satyena pariṣiñcāmi) । oṃ-vam̐ruṇāya namaḥ । amṛta-mbhavatu । amṛtopastaraṇamasi । o-mprāṇāya svāhā । oṃ apānāya svāhā । oṃ-vyām̐nāya svāhā । oṃ udānāya svāhā । oṃ samānāya svāhā । o-mbrahmaṇe svāhā । kadalīphala-nnivedayāmi । maddhyemaddhye amṛtapānīyaṃ samarpayāmi । amṛtāpidhānamasi । naivedyānantaraṃ ācamanīyaṃ samarpayāmi । tāmbūlaṃ samarpayāmi । karpūra nīrājana-mpradar​śayāmi । nīrājanānantaraṃ ācamanīyaṃ samarpayāmi । mantra puṣpaṃ samarpayāmi । suvarṇa puṣpaṃ samarpayāmi । samastopacārān samarpayāmi ॥ 1. pañcāṅga rudranyāsaḥ – athātaḥ pañcāṅgarudrāṇā-nnyāsapūrvaka-ñjapa-homā-rcanā-bhiṣeka-vidhiṃ-vyām̐khyāsyāmaḥ athātaḥ pañcāṅgarudrāṇā-nnyāsapūrvaka-ñjapa-homā-rcanābhiṣeka-ṅkariṣyamāṇaḥ । hariḥ oṃ athātaḥ pañcāṅga rudrāṇām ॥ oṅkāramantra saṃ​yum̐kta-nnitya-ndhyāyanti yoginaḥ । kāmada-mmokṣada-ntasmai oṅkārāya namo namaḥ ॥ namaste deva deveśa namaste parameśvara । namaste vṛṣabhārūḍha nakārāya namo namaḥ ॥ o-nnamo bhagavate̍ rudrā̱ya ॥ o-mbhūrbhuva̱ssuva̍ḥ ॥ o-nnam ॥ nama̍ste rudra ma̱nyava̍ u̱tota̱ iṣa̍ve̱ nama̍ḥ । nama̍ste astu̱ dhanva̍ne bā̱hubhyā̍mu̱ta te̱ nama̍ḥ ॥ yā ta̱ iṣu̍ḥ śi̱vata̍mā śi̱va-mba̱bhūva̍ te̱ dhanu̍ḥ । śi̱vā śa̍ra̱vyā̍ yā tava̱ tayā̍ no rudra mṛḍaya । o-nnamo bhagavate̍ rudrā̱ya ॥ naṃ om । pūrvāṅga rudrāya̱ namaḥ ॥ (prācyai diśa) mahādeva-mmahātmāna-mmahāpātakanāśanam । mahāpāpaharaṃ-vam̐nde makārāya namo namaḥ ॥ o-mbhūrbhuva̱ssuva̱ḥ ॥ o-mmam ॥ o-nnidha̍napataye̱ namaḥ । nidhanapatāntikāya̱ namaḥ । ūrdhvāya̱ namaḥ । ūrdhvaliṅgāya̱ namaḥ । hiraṇyāya̱ namaḥ । hiraṇyaliṅgāya̱ namaḥ । suvarṇāya̱ namaḥ । suvarṇaliṅgāya̱ namaḥ । divyāya̱ namaḥ । divyaliṅgāya̱ namaḥ । bhavāya̱ḥ namaḥ । bhavaliṅgāya̱ namaḥ । śarvāya̱ namaḥ । śarvaliṅgāya̱ namaḥ । śivāya̱ namaḥ । śivaliṅgāya̱ namaḥ । jvalāya̱ namaḥ । jvalaliṅgāya̱ namaḥ । ātmāya̱ namaḥ । ātmaliṅgāya̱ namaḥ । paramāya̱ namaḥ । paramaliṅgāya̱ namaḥ । etatsomasya̍ sūrya̱sya sarvaliṅgagg̍ sthāpa̱ya̱ti̱ pāṇimantra-mpavi̱tram ॥ o-nnamo bhagavate̍ rudrā̱ya ॥ maṃ om ॥ dakṣiṇāṅga rudrāya̱ namaḥ ॥ (dakṣiṇa diśa) śivaṃ śānta-ñjagannāthaṃ-lom̐kānugrahakāraṇam । śivameka-mparaṃ-vam̐nde śikārāya namo namaḥ ॥ o-mbhūrbhuva̱ssuva̱ḥ ॥ oṃ śim ॥ apai̍tumṛ̱tyuramṛta̍-nna̱ āga̍n vaivasva̱to no̱ a̍bhaya-ṅkṛṇotu । pa̱rṇaṃ-vam̐na̱spaterivā̱bhinaśśīyatāgṃ ra̱yissaca̍tā-nna̱śśacī̱pati̍ḥ ॥ o-nnamo bhagavate̍ rudrā̱ya ॥ śiṃ om ॥ paścimāṅga rudrāya̱ namaḥ ॥ (paścima diśa) vāhanaṃ-vṛm̐ṣabho yasya vāsukī kaṇṭhabhūṣaṇam । vāme śaktidharaṃ-vam̐nde vakārāya namo namaḥ ॥ o-mbhūrbhuva̱ssuva̱ḥ ॥ oṃ-vām̐m ॥ prāṇānā-ṅgranthirasi rudro mā̍ viśā̱ntakaḥ । tenānnenā̎pyāya̱sva ॥ o-nnamo bhagavate rudrāya viṣṇave mṛtyu̍rme pā̱hi ॥ o-nnamo bhagavate̍ rudrā̱ya ॥ vāṃ om ॥ uttarāṅga rudrāya̱ namaḥ ॥ (uttara diśa) yatra kutra sthita-ndevaṃ sarvavyāpinamīśvaram । yalliṅga-mpūjayennityaṃ-yam̐kārāya namo namaḥ ॥ o-mbhūrbhuva̱ssuva̱ḥ ॥ oṃ-yam̐m ॥ yo ru̱dro a̱gnau yo a̱psu ya oṣa̍dhīṣu̱ yo ru̱dro viśvā̱ bhuva̍nā vi̱veśa̱ tasmai̍ ru̱drāya̱ namo̍ astu ॥ o-nnamo bhagavate̍ rudrā̱ya ॥ yaṃ om ॥ ūrdhvāṅga rudrāya̱ namaḥ ॥ (ūrdhva diśa) 2. pañcamukha dhyānam – o-nnam ॥ tatpuru̱ṣāya vi̱dmahe̍ mahāde̱vāya̍ dhīmahi । tanno̍ rudraḥ pracodayā̎t ॥ saṃ​vam̐rtāgni taṭitpradīpta kanaka prasparthi tejomayam । gambhīradhvani sāmavedajanaka-ntāmrādharaṃ sundaram । ardhendudyuti lolapiṅgala jaṭābhāraprabaddhoragam । vande siddha surāsurendranamita-mpūrva-mmukhaṃ śūlinaḥ ॥ o-nnamo bhagavate̍ rudrā̱ya ॥ o-nnam ॥ pūrva mukhāya̱ namaḥ ॥ a̱ghore̎bhyo-'thagho̱re̎bhyo̱ ghora̱ghora̍tarebhyaḥ ॥ sarve̎bhyassarva śarve̎bhyo̱ nama̍ste astu ru̱drarū̍pebhyaḥ ॥ kālābhrabhramarāñjanadyutinibhaṃ-vyām̐vṛtta piṅgekṣaṇam karṇodbhāsita bhogimastaka maṇiprodgīrṇa daṃṣṭrāṅkuram । sarpaprota kapāla śukti śakala vyākīrṇa sacchekharam vande dakṣiṇamīśvarasya kuṭila bhrūbhaṅga raudra-mmukham ॥ o-nnamo bhagavate̍ rudrā̱ya ॥ o-mmam ॥ dakṣiṇa mukhāya̱ namaḥ ॥ sa̱dyo jā̱ta-mpra̍padyā̱mi̱ sa̱dyo jā̱tāya̱ vai namo̱ nama̍ḥ । bha̱ve bha̍ve̱ nāti̍ bhave bhavasva̱ mām । bha̱vo-dbha̍vāya̱ nama̍ḥ ॥ prāleyācalamindukunda dhavala-ṅgokṣīraphenaprabham bhasmābhyaktamanaṅga deha dahana jvālāvalī locanam । brahmendrādi marudgaṇaisputipadai rabhyarcitaṃ-yom̐gibhiḥ vande-'haṃ sakala-ṅkalaṅkarahitaṃ sthāṇormukha-mpaścimam ॥ o-nnamo bhagavate̍ rudrā̱ya ॥ oṃ śim ॥ paścima mukhāya̱ namaḥ ॥ vā̱ma̱de̱vāya̱ namo̎ jye̱ṣṭhāya̱ nama̍ḥ śre̱ṣṭhāya̱ namo̍ ru̱drāya̱ nama̱ḥ kālā̍ya̱ nama̱ḥ kala̍vikaraṇāya̱ namo̱ bala̍vikaraṇāya̱ namo̱ balā̍ya̱ namo̱ bala̍pramathanāya̱ nama̱-ssarva̍bhūtadamanāya̱ namo̍ ma̱nonma̍nāya̱ nama̍ḥ ॥ gaura-ṅkuṅkuma paṅkilaṃ stilakaṃ-vyām̐pāṇḍu gaṇḍasthalam bhrūvikṣepa kaṭākṣa lasatsaṃsakta karṇotphalam । snigdha-mbimbaphalādhara-mprahasita-nnīlālakāla-ṅkṛtam vande pūrṇa śaśāṅka maṇḍalanibhaṃ-vam̐ktraṃ harasyottaram ॥ o-nnamo bhagavate̍ rudrā̱ya ॥ oṃ-vām̐m ॥ uttara mukhāya̱ namaḥ ॥ īśāna-ssarva̍vidyā̱nā̱-mīśvara-ssarva̍bhūtā̱nā̱-mbrahmādhi̍pati̱-rbrahma̱ṇo 'dhi̍pati̱-rbrahmā̍ śi̱vo me̍ astu sadāśi̱vom ॥ (kaniṣṭhikābhyā-nnamaḥ) vyaktāvyakta guṇetara-mparataraṃ ṣaṭtriṃśatattvātmakam tasmāduttama tattvamakṣaramida-ndhyeyaṃ sadā yogibhiḥ । oṅkārādi samasta mantrajanakaṃ sūkṣmādi sūkṣma-mparaṃ śānta-mpañcamamīśvarasya vadana-ṅkhaṃ​vyām̐pti tejomayam ॥ o-nnamo bhagavate̍ rudrā̱ya ॥ oṃ-vām̐m ॥ ūrdhva mukhāya̱ namaḥ ॥ diṅnamaskāraḥ pūrve paśupatiḥ pātu । dakṣiṇe pātu śaṅkaraḥ । paścime pātu viśveśaḥ । nīlakaṇṭhastadottare ॥ īśānyā-mpātu me śarvaḥ । āgneyā-mpārvatīpatiḥ । naiṛtyā-mpātu me rudraḥ । vāyavyā-nnīlalohitaḥ ॥ ūrdhve trilocanaḥ pātu । adharāyā-mmaheśvaraḥ । etābhyo daśa digbhyastu । sarvataḥ pātu śaṅkaraḥ ॥ (nā rudro rudramarcaye̎t । nyāsapūrvaka-ñjapahomārcanā-'bhiṣekavidhi vyākhyāsyāmaḥ ।) 3. aṅganyāsaḥ – yā te̍ rudra śi̱vā ta̱nūragho̱rā-'pā̍pakāśinī । tayā̍ na sta̱nuvā̱ śanta̍mayā̱ giri̍śantā̱bhi cā̍kaśīhi । śikhāyai namaḥ । 1 a̱smi-nma̍ha̱tya̍rṇa̱ve̎-'ntari̍kṣe bha̱vā adhi̍ । teṣāg̍ṃ sahasrayoja̱ne-'va̱dhanvā̍ni tanmasi । śirase namaḥ । 2 sa̱hasrā̍ṇi sahasra̱śo ye ru̱drā adhi̱ bhūmyā̎m । teṣāg̍ṃ sahasra-yoja̱ne-'va̱dhanvā̍ni tanmasi । lalāṭāya namaḥ । 3 ha̱g̱ṃsa-śśu̍ci̱ṣa-dvasu̍rantarikṣa̱saddhotā̍ vedi̱ṣadati̍thi-rduroṇa̱sat । nṛ̱ṣadva̍ra̱-sadṛ̍ta̱-sadvyo̍ma̱ sada̱bjā go̱jā ṛ̍ta̱jā a̍dri̱jā ṛ̱ta-mbṛ̱hat । bhruvormaddhyāya namaḥ । 4 trya̍baṅkaṃ-yam̐jāmahe suga̱ndhi-mpu̍ṣṭi̱vardha̍nam । u̱rvā̱ru̱kami̍va̱ bandha̍nān mṛ̱tyo-rmu̍kṣīya̱ mā-'mṛtā̎t । netrābhyā-nnamaḥ । 5 nama̱-ssrutyā̍ya ca̱ pathyā̍ya ca̱ nama̍ḥ kā̱ṭyā̍ya ca nī̱pyā̍ya ca । karṇābhyā-nnamaḥ । 6 mā na̍sto̱ke tana̍ye̱ mā na̱ āyu̍ṣi̱ mā no̱ goṣu̱ mā no̱ aśve̍ṣu rīriṣaḥ । vī̱rānmāno̍ rudra bhāmi̱to va̍dhīr-ha̱viṣma̍nto̱ nama̍sā vidhema te । nāsikābhyā-nnamaḥ । 7 a̱va̱tatya̱ dhanu̱stvagṃ saha̍srākṣa̱ śate̍ṣudhe । ni̱śīrya̍ śa̱lyānā̱-mmukhā̍ śi̱vo na̍ḥ su̱manā̍ bhava । mukhāya namaḥ । 8 nīla̍grīvā śśiti̱kaṇṭhā̎-śśa̱rvā a̱dhaḥ, kṣa̍māca̱rāḥ । teṣāg̍ṃ sahasrayoja̱ne-' va̱dhanvā̍ni tanmasi । kaṇṭhāya namaḥ । 9.1 nīla̍grīvā-śśiti̱kaṇṭhā̱ divag̍ṃ ru̱drā upa̍śritāḥ । teṣāg̍ṃ sahasrayoja̱ne-' va̱dhanvā̍ni tanmasi । upakaṇṭhāya namaḥ । 9.2 nama̍ste a̱stvāyu̍dhā̱yā-nā̍tatāya dhṛ̱ṣṇave̎ । u̱bhābhyā̍mu̱ta te̱ namo̍ bā̱hubhyā̱-ntava̱ dhanva̍ne । bāhubhyā-nnamaḥ । 10 yā te̍ he̱ti-rmī̍ḍhuṣṭama̱ haste̍ ba̱bhūva̍ te̱ dhanu̍ḥ । tayā̱-'smān vi̱śvata̱stva-ma̍ya̱kṣmayā̱ pari̍bbhuja । upabāhubhyā-nnamaḥ । 11 pari̍ṇo ru̱drasya̍ he̱ti-rvṛ̍ṇaktu̱ pari̍tve̱ṣasya̍ durma̱tira̍ghā̱yoḥ । ava̍ sthi̱rā ma̱ghava̍dbhyaḥ tanuṣva̱ mīḍhva̍sto̱kāya̱ tana̍yāya mṛḍaya । maṇibandhābhyā-nnamaḥ । 12 ye tī̱rthāni̍ pra̱cara̍nti sṛ̱kāva̍nto niṣa̱ṅgiṇa̍ḥ । teṣāg̍ṃ sahasrayoja̱ne-' va̱dhanvā̍ni tanmasi । hastābhyā-nnamaḥ । 13 sa̱dyo jā̱ta-mpra̍padyā̱mi̱ sa̱dyo jā̱tāya̱ vai namo̱ nama̍ḥ । bha̱ve bha̍ve̱ nāti̍ bhave bhavasva̱ mām । bha̱vo-dbha̍vāya̱ nama̍ḥ ॥ aguṃṣṭhābhyā-nnamaḥ । 14.1 vā̱ma̱de̱vāya̱ namo̎ jye̱ṣṭhāya̱ nama̍ḥ śre̱ṣṭhāya̱ namo̍ ru̱drāya̱ nama̱ḥ kālā̍ya̱ nama̱ḥ kala̍vikaraṇāya̱ namo̱ bala̍vikaraṇāya̱ namo̱ balā̍ya̱ namo̱ bala̍pramathanāya̱ nama̱-ssarva̍bhūtadamanāya̱ namo̍ ma̱nonma̍nāya̱ nama̍ḥ । tarjanībhyā-nnamaḥ । 14.2 a̱ghore̎bhyo 'tha̱ghore̎bhyo̱ ghora̱ghora̍tarebhyaḥ । sarve̎bhya-ssarva̱ śarve̎bhyo̱ nama̍ste astu ru̱dra rū̍pebhyaḥ ॥ maddhyamābhyā-nnamaḥ । 14.3 tatpuru̍ṣāya vi̱dmahe̍ mahāde̱vāya̍ dhīmahi । tanno̍ rudraḥ praco̱dayā̎t ॥ anāmikābhyā-nnamaḥ । 14.4 īśāna-ssarva̍vidyā̱nā̱-mīśvara-ssarva̍bhūtā̱nā̱ṃ rahmādhi̍pati̱-rbrahma̱ṇo 'dhi̍pati̱-rbrahmā̍ śi̱vo me̍ astu sadāśi̱vom ॥ kaniṣṭhikābhyā-nnamaḥ । 14.5 namo̍ vaḥ kiri̱kebhyo̍ de̱vānā̱g̱ṃ hṛda̍yebhyaḥ । hṛdayāya namaḥ । 15 namo̍ ga̱ṇebhyo̍ ga̱ṇapa̍tibhyaśca vo̱ nama̍ḥ । pṛṣṭhāya namaḥ । 16 namo̱ hira̍ṇyabāhave senā̱nye̍ di̱śāñca̱ pata̍ye̱ nama̍ḥ । pār​śvābhyā-nnamaḥ । 17 vijya̱-ndhanu̍ḥ kapa̱rdino̱ viśa̍lyo̱ bāṇa̍vāgṃ u̱ta । ane̍śanna̱syeṣa̍va ā̱bhura̍sya niṣa̱ṅgathi̍ḥ । jaṭharāya namaḥ । 18 hi̱ra̱ṇya̱ga̱rbha ssama̍varta̱tāgre̍ bhū̱tasya̍ jā̱taḥ pati̱reka̍ āsīt । sadā̍dhāra pṛthi̱vī-ndyāmu̱temā-ṅkasmai̍ de̱vāya̍ ha̱viṣā̍ vidhema । nābhyai namaḥ । 19 mīḍhu̍ṣṭama̱ śiva̍tama śi̱vo na̍ssu̱manā̍ bhava । pa̱ra̱me vṛ̱kṣa āyu̍dha-nni̱dhāya̱ kṛtti̱ṃ-vam̐sā̍na̱ āca̍ra̱ pinā̍ka̱-mbibhra̱dāga̍hi । kaṭhyai namaḥ । 20 ye bhū̱tānā̱-madhi̍patayo viśi̱khāsa̍ḥ kapa̱rdi̍naḥ । teṣāg̍ṃ sahasrayoja̱ne 'va̱dhanvā̍ni tanmasi । guhyāya namaḥ । 21 ye anne̍ṣu vi̱viddhya̍nti̱ pātre̍ṣu̱ piba̍to̱ janān̍ । teṣāg̍ṃ sahasrayoja̱ne-' va̱dhanvā̍ni tanmasi । aṇḍābhyā-nnamaḥ । 22 sa̱ śi̱rā jā̱tave̍dā a̱kṣara̍-mpara̱ma-mpa̱dam । vedā̍nā̱g̱ṃ śira̍si mā̱tā̱ ā̱yu̱ṣmanta̍-ṅkarotu̱ mām । apānāya namaḥ । 23 mā no̍ ma̱hānta̍mu̱ta mā no̍ arbha̱ka-mmā na̱ ukṣa̍ntamu̱ta mā na̍ ukṣi̱tam । mā no̍ vadhīḥ pi̱tara̱-mmota mā̱tara̍-mpri̱yā mā na̍sta̱nuvo̍ rudra rīriṣaḥ । ūrubhyā-nnamaḥ । 24 e̱ṣa te̍ rudrabhā̱ga-stañju̍ṣasva̱ tenā̍va̱sena̍ pa̱ro mūja̍va̱to-'tī̱hyava̍tata-dhanvā̱ pinā̍kahasta̱ḥ kṛtti̍vāsāḥ । jānubhyā-nnamaḥ । 25 sa̱g̱ṃ sṛ̱ṣṭa̱jithso̍ma̱pā bā̍hu-śa̱rdhyū̎rdhva dha̍nvā̱ prati̍hitā-bhi̱rastā̎ । bṛha̍spate̱ pari̍dīyā̱ rathe̍na rakṣo̱hā-'mitrāg̍ṃ apa̱bādha̍mānaḥ । jaṅghābhyā-nnamaḥ । 26 viśva̍-mbhū̱ta-mbhuva̍na-ñci̱tra-mba̍hu̱dhā jā̱ta-ñjāya̍māna-ñca̱ yat । sarvo̱ hye̍ṣa ru̱dra-stasmai̍ ru̱drāya̱ namo̍ astu ॥ gulphābhyā-nnamaḥ । 27 ye pa̱thā-mpa̍thi̱rakṣa̍ya ailabṛ̱dā ya̱vyudha̍ḥ । teṣāg̍ṃ sahasrayoja̱ne 'va̱dhanvā̍ni tanmasi । pādābhyā-nnamaḥ । 28 addhya̍voca-dadhiva̱ktā pra̍tha̱mo daivyo̍ bhi̱ṣak । ahīg̍śca̱ sarvā̎n ja̱bhaṃ​ya̱m̐-nthsarvā̎śca yātu dhā̱nya̍ḥ । kavacāya hum । 29 namo̍ bi̱lmine̍ ca kava̱cine̍ ca̱ nama̍ḥ śru̱tāya̍ ca śrutase̱nāya̍ ca । upakavacāya hum । 30 namo̍ astu̱ nīla̍grīvāya sahasrā̱kṣāya̍ mī̱ḍhuṣe̎ । atho̱ ye a̍sya̱ satvā̍no̱-'ha-ntebhyo̍-'kara̱nnama̍ḥ । tṛtīya netrāya namaḥ । 31 pramu̍ñca̱ dhanva̍na̱stva-mu̱bhayo̱-rārtni̍yo̱rjyām । yāśca̍ te̱ hasta̱ iṣa̍va̱ḥ parā̱ tā bha̍gavo vapa । astrāya phaṭ । 32 ya e̱tāva̍ntaśca̱ bhūyāg̍ṃsaśca̱ diśo̍ ru̱drā vi̍tasthi̱re । teṣāg̍ṃ̍ sahasrayoja̱ne 'va̱dhanvā̍ni tanmasi । iti digbandhaḥ । 33 iti prathama nyāsaḥ ॥ (śikhādi astraparyantaṃ ekatriṃśadaṅganyāsaḥ digbandha sahitaḥ prathamaḥ)   4. daśāṅga nyāsaḥ – o-nnamo bhagavate̍ rudrā̱ya । iti namaskārā-nnyase̎t ॥ oṃ o-mmūrthne namaḥ (mūrdhni) । o-nna-nnāsikāyai namaḥ (nāsikāgraḥ) । o-mmoṃ-lam̐laṭāya namaḥ (lalāṭaḥ) । o-mbha-mmukhāya namaḥ (mukhām) । o-ṅga-ṅkaṇṭhāya namaḥ (kaṇṭhaḥ) । oṃ-vaṃm̐ hṛdayāya namaḥ (hṛdayaḥ) । o-nte-ndakṣiṇa hastāya namaḥ (dakṣiṇa hastaḥ) । oṃ ruṃ-vām̐ma hastāya namaḥ (vāma hastaḥ) । o-ndrā-nnābhyai namaḥ (nābhhī) । oṃ-yam̐-mpādābhyā-nnamaḥ (pādau) ॥ [apa upaspṛśya] iti dvitīya nyāsaḥ mūrdhādi pādānta-ndaśāṅga nyāsaḥ dvitīyaḥ 5. pañcāṅga nyāsaḥ – sa̱dyo jā̱ta-mpra̍padyā̱mi̱ sa̱dyo jā̱tāya̱ vai namo̱ nama̍ḥ । bha̱ve bha̍ve̱ nāti̍bhave bhavasva̱ mām । bha̱vo-dbha̍vāya̱ nama̍ḥ ॥ pādābhyā-nnamaḥ । 1 [apa upaspṛśya] vā̱ma̱de̱vāya̱ namo̎ jye̱ṣṭhāya̱ nama̍ḥ śre̱ṣṭhāya̱ namo̍ ru̱drāya̱ nama̱ḥ kālā̍ya̱ nama̱ḥ kala̍vikaraṇāya̱ namo̱ bala̍vikaraṇāya̱ namo̱ balā̍ya̱ namo̱ bala̍pramathanāya̱ nama̱ ssarva̍bhūtadamanāya̱ namo̍ ma̱nonma̍nāya̱ nama̍ḥ । ūrumadhyamābhyā-nnamaḥ । 2 a̱ghore̎bhyo 'tha̱ghore̎bhyo̱ ghora̱ghora̍tarebhyaḥ । sarve̎bhya-ssarva̱ śarve̎bhyo̱ nama̍ste astu ru̱drarū̍pebhyaḥ ॥ hṛdayāya namaḥ । 3 tatpuru̍ṣāya vi̱dmahe̍ mahāde̱vāya̍ dhīmahi । tanno̍ rudraḥ praco̱dayā̎t ॥ mukhāya namaḥ । 4 īśāna-ssarva̍vidyā̱nā̱-mīśvarasarva̍ bhūtā̱nā̱ṃ brahmādhi̍pati̱-rbrahma̱ṇo-'dhi̍pati̱-rbrahmā̍ śi̱vo me̍ astu sadāśi̱vom ॥ mūrdhne namaḥ । 5 5.1 haṃsa gāyatrī – asya śrī haṃsagāyatrī mahāmantrasya, avyakta parabrahma ṛṣiḥ, anuṣṭu-pchandaḥ, paramahaṃso devatā । haṃsā-mbījam, haṃsīṃ śaktiḥ । haṃsū-ṅkīlakam । paramahaṃsa prasāda siddhyarthe jape viniyogaḥ ॥ 1 karanyāsaḥ – haṃsāṃ aguṃṣṭhābhyā-nnamaḥ । haṃsī-ntarjanībhyā-nnamaḥ । haṃsūṃ - maddhyamābhyā-nnamaḥ । haṃsaiṃ - anāmikābhyā-nnamaḥ । haṃsauṃ - kaniṣṭhikābhyā-nnamaḥ । haṃsaḥ-karatala karapṛṣṭhābhyā-nnamaḥ । 2 hṛdayādi nyāsaḥ – haṃsāṃ - hṛdayāya namaḥ । haṃsīṃ - śirase svāhā । haṃsūṃ - śikhāyai vaṣaṭ । haṃsaiṃ - kavacāya hum । haṃsauṃ - netratrayāya vauṣaṭ । haṃsaḥ - astrāya phaṭ ॥ o-mbhūrbhuva̱ssuva̱romiti digbandhaḥ । 3 dhyānaṃ – gamāgamastha-ṅgamanādiśūnya-ñci-drūpadīpa-ntimirāpahāram । paśyāmi te sarvajanāntarastha-nnamāmi haṃsa-mparamātmarūpam ॥ 4 deho devālayaḥ prokto jīvo deva-ssanātanaḥ । tyajedajñānanirmālyaṃ so-'hambhāvena pūjayet ॥ ha̱ṃsa ha̱ṃsāya̍ vi̱dmahe̍ paramaha̱ṃsāya̍ dhīmahi । tanno̍ haṃsaḥ praco̱dayā̎t ॥ 5 (iti trivāra-ñjapitvā) haṃsa ha̱ṃseti yo brūyā-dhaṃso (brūyāddhaṃso) nāma sadāśivaḥ । eva-nnyāsa vidhi-ṅkṛtvā tata-ssampuṭamārabhet ॥ 6 5.2 dik sampuṭanyāsaḥ (sampuṭīkaraṇam) – indrādī-ndikṣuvinyasya । o-mbhūrbhuva̱ssuva̍ḥ । oṃ om । trā̱tāra̱mindra̍ mavi̱tāra̱mindra̱g̱ṃ have̍ have su̱hava̱g̱ṃ śūra̱mindra̎m । hu̱ve nu śa̱kra-mpu̍ruhū̱tamindragg̍ sva̱sti no̍ ma̱ghavā̍ dhā̱tvindra̍ḥ ॥ o-nnamo bhagavate̍ rudrā̱ya । oṃ om । pūrvadigbhāge indrāya namaḥ ॥ 1 (tai.saṃ.1-6-12-50) o-mbhūrbhuva̱ssuva̍ḥ । o-nnam । tva-nno̍ agne̱ varu̍ṇasya vi̱dvānde̱vasya̱ heḍo-'va̍ yāsisīṣṭhāḥ । yaji̍ṣṭho̱ vahni̍tama̱-śśośu̍cāno̱ viśvā̱ dveṣāg̍ṃsi̱ pramu̍mugdhya̱smat ॥ o-nnamo bhagavate̍ rudrā̱ya । naṃ om । āgneyadigbhāge agnaye namaḥ ॥ 2 (tai.saṃ.2-5-12-72) o-mbhūrbhuva̱ssuva̍ḥ । o-mmom । su̱ga-nna̱ḥ panthā̱mabha̍ya-ṅkṛṇotu । yasmi̱nnakṣa̍tre ya̱ma eti̱ rājā̎ । yasmi̍nnenama̱bhyaṣi̍ñcanta de̱vāḥ । tada̍sya ci̱tragṃ ha̱viṣā̍ yajāma ॥ o-nnamo bhagavate̍ rudrā̱ya । moṃ om । dakṣiṇadigbhāge yamāya namaḥ ॥ 3 (tai.brā.3-1-2-11-23) o-mbhūrbhuva̱ssuva̍ḥ । o-mbham । asu̍nvanta̱maya̍jamānamiccha ste̱nasye̱tyāntaska̍ra̱syānve̍ṣi । a̱nyama̱smadi̍ccha̱ sā ta̍ i̱tyā namo̍ devi nir.ṛte̱ tubhya̍mastu ॥ o-nnamo bhagavate̍ rudrā̱ya । bhaṃ om । nir-ṛtidigbhāge nir-ṛtaye namaḥ ॥ 4 (tai.saṃ.4-2-5-21) o-mbhūrbhuva̱ssuva̍ḥ । o-ṅgam । tattvā̍ yāmi̱ brahma̍ṇā̱ vanda̍māna̱stadā śā̎ste̱ yaja̍māno ha̱virbhi̍ḥ । ahe̍ḍamāno varuṇe̱ha bo̱dhyuru̍śagṃsa̱ mā na̱ āyu̱ḥ pramo̍ṣīḥ ॥ o-nnamo bhagavate̍ rudrā̱ya । gaṃ om । paścimadigbhāge varuṇāya namaḥ ॥ 5 (tai.saṃ.2-1-11-65) o-mbhūrbhuva̱ssuva̍ḥ । oṃ-vam̐m । ā no̍ ni̱yudbhi̍ḥ śa̱tinī̍bhiradhva̱ragm । sa̍ha̱sriṇī̍bhi̱rupa̍ yāhi ya̱jñam । vāyo̍ a̱smin ha̱viṣi̍ mādayasva । yū̱ya-mpā̍ta sva̱stibhi̱-ssadā̍ naḥ ॥ o-nnamo bhagavate̍ rudrā̱ya । vaṃ om । vāyavyadigbhāge vāyave namaḥ ॥ 6 (tai.brā.2-8-1-2) o-mbhūrbhuva̱ssuva̍ḥ । o-ntem । va̱yagṃ so̍ma vra̱te tava̍ । mana̍sta̱nūṣu̱ bibhra̍taḥ । pra̱jāva̍nto aśīmahi । i̱ndrā̱ṇī de̱vī su̱bhagā̍ su̱patnī̎ ॥ o-nnamo bhagavate̍ rudrā̱ya । teṃ om । uttaradigbhāge kuberāya namaḥ ॥ 7 (tai.brā.2-4-2-7-18) o-mbhūrbhuva̱ssuva̍ḥ । oṃ rum । tamīśā̎na̱-ñjaga̍tasta̱sthuṣa̱spati̎-ndhiya-ñji̱nvamava̍se hūmahe va̱yam । pū̱ṣā no̱ yathā̱ veda̍sā̱masa̍dvṛ̱dhe ra̍kṣi̱tā pā̱yurada̍bdha-ssva̱staye̎ ॥ o-nnamo bhagavate̍ rudrā̱ya । ruṃ om । īśānyadigbhāge īśānāya namaḥ ॥ 8 o-mbhūrbhuva̱ssuva̍ḥ । o-ndrām । a̱sme ru̱drā me̱hanā̱ parva̍tāso vṛtra̱hatye̱ bhara̍hūtau sa̱joṣā̎ḥ । ya-śśaṃsa̍te stuva̱te dhāyi̍ pa̱jra indra̍jyeṣṭhā a̱smāṃ a̍vantu de̱vāḥ ॥ o-nnamo bhagavate̍ rudrā̱ya । drāṃ om । ūrdhvadigbhāge ākāśāya namaḥ ॥ 9 o-mbhūrbhuva̱ssuva̍ḥ । oṃ-yam̐m । syo̱nā pṛ̍thivi̱ bhavā̍nṛkṣa̱rā ni̱veśa̍nī । yacchā̍ na̱-śśarma̍ sa̱prathā̎ḥ ॥ o-nnamo bhagavate̍ rudrā̱ya । yaṃ om । adhodigbhāge pṛthivyai namaḥ ॥ 10 [apa upaspṛśya] 5.3 daśāṅga raudrīkaraṇam – o-mbhūrbhuva̱ssuva̍ḥ । oṃ om । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ trā̱tāra̱mindra̍ mavi̱tāra̱mindra̱g̱ṃ have̍ have su̱hava̱g̱ṃ śūra̱mindra̎m । hu̱ve nu śa̱kra-mpu̍ruhū̱tamindragg̍ sva̱sti no̍ ma̱ghavā̍ dhā̱tvindra̍ḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । oṃ om । pūrvadigbhāge lalāṭasthāne indrāya namaḥ ॥ 1 ॥ (tai.saṃ.1-6-12-50) o-mbhūrbhuva̱ssuva̍ḥ । o-nnam । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ tva-nno̍ agne̱ varu̍ṇasya vi̱dvānde̱vasya̱ heḍo-'va̍ yāsisīṣṭhāḥ । yaji̍ṣṭho̱ vahni̍tama̱-śśośu̍cāno̱ viśvā̱ dveṣāg̍ṃsi̱ pramu̍mugdhya̱smat ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । naṃ om । āgneyadigbhāge netrayosthāne agnaye namaḥ ॥ 2 ॥ (tai.saṃ.2-5-12-72) o-mbhūrbhuva̱ssuva̍ḥ । o-mmom । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ su̱ga-nna̱ḥ panthā̱mabha̍ya-ṅkṛṇotu । yasmi̱nnakṣa̍tre ya̱ma eti̱ rājā̎ । yasmi̍nnenama̱bhyaṣi̍ñcanta de̱vāḥ । tada̍sya ci̱tragṃ ha̱viṣā̍ yajāma ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । moṃ om । dakṣiṇadigbhāge karṇayosthāne yamāya namaḥ ॥ 3 ॥ (tai.brā.3-1-2-11-23) o-mbhūrbhuva̱ssuva̍ḥ । o-mbham । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ asu̍nvanta̱ maya̍jamānamicchaste̱nasye̱tyāntaska̍ra̱syānve̍ṣi । a̱nyama̱smadi̍ccha̱ sā ta̍ i̱tyā namo̍ devi nir.ṛte̱ tubhya̍mastu ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । bhaṃ om । nir.ṛtidigbhāge mukhasthāne nir.ṛtaye namaḥ ॥ 4 ॥ (tai.saṃ.4-2-5-21) o-mbhūrbhuva̱ssuva̍ḥ । o-ṅgam । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ tattvā̍yāmi̱ brahma̍ṇā̱ vanda̍māna̱stadā śā̎ste̱ yaja̍māno ha̱virbhi̍ḥ । ahe̍ḍamāno varuṇe̱ha bo̱dhyuru̍śagṃsa̱ mā na̱ āyu̱ḥ pramo̍ṣīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । gaṃ om । paścimadigbhāge bāhvosthāne varuṇāya namaḥ ॥ 5 ॥ (tai.saṃ.2-1-11-65) o-mbhūrbhuva̱ssuva̍ḥ । oṃ-vam̐m । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ ā no̍ ni̱yudbhi̍ḥ śa̱tinī̍bhiradhva̱ragm । sa̍ha̱sriṇī̍bhi̱rupa̍ yāhi ya̱jñam । vāyo̍ a̱smin ha̱viṣi̍ mādayasva । yū̱ya-mpā̍ta sva̱stibhi̱-ssadā̍ naḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । vaṃ om । vāyavyadigbhāge nāsikāsthāne vāyave namaḥ ॥ 6 ॥ (tai.brā.2-8-1-2) o-mbhūrbhuva̱ssuva̍ḥ । o-ntem । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ va̱yagṃ so̍ma vra̱te tava̍ । mana̍sta̱nūṣu̱bibhra̍taḥ । pra̱jāva̍nto aśīmahi । i̱ndrā̱ṇī de̱vī su̱bhagā̍ su̱patnī̎ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । teṃ om । uttaradigbhāge jaṭharasthāne kuberāya namaḥ ॥ 7 ॥ (tai.brā.2-4-2-7-18) o-mbhūrbhuva̱ssuva̍ḥ । oṃ rum । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ tamīśā̎na̱-ñjaga̍tasta̱sthuṣa̱spati̎-ndhiya-ñji̱nvamava̍se hūmahe va̱yam । pū̱ṣā no̱ yathā̱ veda̍sā̱masa̍dvṛ̱dhe ra̍kṣi̱tā pā̱yurada̍bdha-ssva̱staye̎ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । ruṃ om । īśānyadigbhāge nābhisthāne īśānāya namaḥ ॥ 8 ॥ o-mbhūrbhuva̱ssuva̍ḥ । o-ndrām । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ a̱sme ru̱drā me̱hanā̱ parva̍tāso vṛtra̱hatye̱ bhara̍hūtau sa̱joṣā̎ḥ । ya-śśaṃsa̍te stuva̱te dhāyi̍ pa̱jra indra̍jyeṣṭhā a̱smām̐ a̍vantu de̱vāḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । drāṃ om । ūrdhvadigbhāge mūrdhnisthāne ākāśāya namaḥ ॥ 9 ॥ o-mbhūrbhuva̱ssuva̍ḥ । oṃ-yam̐m । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ syo̱nā pṛ̍thivi̱ bhavā̍nṛkṣa̱rā ni̱veśa̍nī । yacchā̍ na̱-śśarma̍ sa̱prathā̎ḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । yaṃ om । adhodigbhāge pādasthāne pṛthivyai namaḥ ॥ 10 ॥ [apa upaspṛśya] 5.4 ṣoḍaśāṅga raudrīkaraṇaṃ – o-mbhūrbhuva̱ssuva̍ḥ । oṃ am । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ vi̱bhūra̍si pra̱vāha̍ṇo̱ raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । aṃ om । śikhāsthāne rudrāya namaḥ ॥ 1 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ ām । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ vahni̍rasi havya̱vāha̍no̱ raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । āṃ om । śirasthāne rudrāya namaḥ ॥ 2 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ im । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ śvā̱tro̍si̱ prace̍tā̱ raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । iṃ om । mūrdhnisthāne rudrāya namaḥ ॥ 3 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ īm । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ tu̱tho̍si vi̱śvave̍dā̱ raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । īṃ om । lalāṭasthāne rudrāya namaḥ ॥ 4 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ um । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ u̱śiga̍sika̱vī raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । uṃ om । netrayosthāne rudrāya namaḥ ॥ 5 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ ūm । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ aṅghā̍rirasi̱ bambhā̍rī̱ raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । ūṃ om । karṇayosthāne rudrāya namaḥ ॥ 6 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ ṛm । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ a̱va̱syura̍si̱ duva̍svā̱-nraudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । ṛṃ om । mukhasthāne rudrāya namaḥ ॥ 7 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ ṝm । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ śu̱ndhyūra̍si mārjā̱līyo̱ raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । ṝṃ om । kaṇṭhasthāne rudrāya namaḥ ॥ 8 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ ḷm । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ sa̱mrāḍa̍si kṛ̱śānū̱ raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । ḷṃ om । bāhvosthāne rudrāya namaḥ ॥ 9 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ ḹm । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ pa̱ri̱ṣadyo̍si̱ pava̍māno̱ raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । ḹṃ om । hṛdisthāne rudrāya namaḥ ॥ 10 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ em । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ pra̱takvā̍-'si̱ nabha̍svā̱-nraudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । eṃ om । nābhisthāne rudrāya namaḥ ॥ 11 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ aim । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ asa̍mmṛṣṭosi havya̱sūdo̱ raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । aiṃ om । kaṭisthāne rudrāya namaḥ ॥ 12 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ om । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ ṛ̱tadhā̍mā-'si̱ suva̍rjyotī̱ raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । oṃ om । ūrusthāne rudrāya namaḥ ॥ 13 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ aum । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ brahma̍jyotirasi̱ suva̍rdhāmā̱ raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । auṃ om । jānusthāne rudrāya namaḥ ॥ 14 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ am । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ a̱jo̎-'syeka̍pā̱t raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । aṃ om । jaṅghāsthāne rudrāya namaḥ ॥ 15 ॥ (tai.saṃ.1-3-3-5) o-mbhūrbhuva̱ssuva̍ḥ । oṃ aḥ । nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ ahi̍rasi bu̱dhniyo̱ raudre̱ṇānī̍kena pā̱hi mā̎-'gne pipṛ̱hi mā̱ mā mā̍ higṃsīḥ ॥ nama̍ḥ śa̱mbhave̍ ca mayo̱bhave̍ ca̱ nama̍ḥ śaṅka̱rāya̍ ca mayaska̱rāya̍ ca̱ nama̍ḥ śi̱vāya̍ ca śi̱vata̍rāya ca̱ ॥ o-nnamo bhagavate̍ rudrā̱ya । aḥ om । pādayo-ssthāne rudrāya namaḥ ॥ 16 ॥ (tai.saṃ.1-3-3-5) [apa upaspṛśya] tvagasthigatai-ssarvapāpaiḥ pramucyate । sarvabhūteṣvaparājito bhavati । tato bhūtapreta piśāca baddha brahmarākṣasa yakṣa yamadūta śākinī ḍākinī hākinī śatru sarpa śvāpada taskara jvarādyupadravajopaghātā-ssarve jvalanta-mpaśyantu । [kartasya vacanam] māṃ rakṣantu ॥ [purohita vacanam] yajamānagṃ rakṣantu ॥ iti tṛtīyaḥ nyāsaḥ pādāti mūrdhānta-mpañcāṅga nyāsaḥ 6. ātmarakṣā – 6.1 mano jyotiḥ – mano̱ jyoti̍ rjuṣatā̱-mājya̱ṃ-vim̐cchi̍nnaṃ-ya̱m̐jñagṃ sami̱ma-nda̍dhātu । yā i̱ṣṭā u̱ṣaso̍ ni̱mruca̍śca̱ tāssanda̍dhāmi ha̱viṣā̍ ghṛ̱tena̍ । (guhyāya namaḥ) । 1 (tai. saṃ. 1.5.10.2) abo̎ddhya̱gni-ssa̱midhā̱ janā̍nā̱-mprati̍dhe̱nu-mi̍vāya̱tī mu̱ṣāsa̎m । ya̱hvā i̍va̱ prava̱yā-mu̱jjihā̍nā̱ḥ prabhā̱nava̍ḥ sisrate̱ nāka̱maccha̍ । (nābhyai namaḥ) । 2 (tai. saṃ. 4.4.4.2) a̱gni rmū̱rdhā di̱vaḥ ka̱kutpati̍ḥ pṛthi̱vyā a̱yam । a̱pāgṃ retāg̍ṃsi jinvati । (hṛdayāya namaḥ) । 3 (tai. saṃ. 1.5.5.1) mū̱rdhāna̍-ndi̱vo a̍ra̱ti-mpṛ̍thi̱vyā vai̎śvāna̱ra-mṛ̱tāya̍ jā̱tama̱gnim । ka̱vigṃ sa̱mrāja̱-mati̍thi̱-ñjanā̍nā-mā̱sannā pātra̍-ñjanayanta de̱vāḥ । (kaṇṭhāya namaḥ) । 4 (tai. saṃ. 1.4.13.1) marmā̍ṇi te̱ varma̍bhiśchā-dayāmi̱ soma̍stvā̱ rājā̱-'mṛ̍te nā̱bhiva̍stām । u̱ro rvarī̍yo̱ vari̍vaste astu̱ ja̍yanta̱-ntvā manu̍madantu de̱vāḥ । (mukhāya namaḥ) । 5 (tai. saṃ. 4.6.4.5) jā̱tave̍dā̱ yadi̍ vā pāva̱ko-'si̍ । vai̱śvā̱na̱ro yadi̍ vā vaidyu̱to-'si̍ । śa-mpra̱jābhyo̱ yaja̍mānāya lo̱kam । ūrja̱-mpuṣṭi̱-ndada̍ da̱bhyāva̍ vṛthsva ॥ (śirase namaḥ) ॥ 6 (tai. brā. 3.10.5.1) 6.2 ātmarakṣā – (tai. brā. 2.3.11.1 - tai. brā. 2.3.11.4) brahmā̎tma̱n vada̍sṛjata । tada̍kāmayata । samā̱tmanā̍ padye̱yeti̍ । ātma̱nnā-tma̱nnityā-ma̍ntrayata । tasmai̍ daśa̱magṃ hū̱taḥ pratya̍śṛṇot । sa daśa̍hūto-'bhavat । daśa̍hūto ha̱vai nāmai̱ṣaḥ । taṃ-vām̐ e̱ta-ndaśa̍hūta̱g̱ṃ santa̎m । daśa̍ho̱tetyā ca̍kṣate pa̱rokṣe̍ṇa । pa̱rokṣa̍priyā iva̱ hi de̱vāḥ ॥ 1 ātma̱nnā-tma̱nnityā-ma̍ntrayata । tasmai̍ sapta̱magṃ hū̱taḥ pratya̍śṛṇot । sa sa̱ptahū̍to-'bhavat । sa̱ptahū̍to ha̱vai nāmai̱ṣaḥ । taṃ-vām̐ e̱tagṃ sa̱ptahū̍ta̱g̱ṃ santa̎m । sa̱ptaho̱tetyā ca̍kṣate pa̱rokṣe̍ṇa । pa̱rokṣa̍priyā iva̱ hi de̱vāḥ ॥ 2 ātma̱nnā-tma̱nnityā-ma̍ntrayata । tasmai̍ ṣa̱ṣṭhagṃ hū̱taḥ pratya̍śṛṇot । sa ṣaḍḍhū̍to-'bhavat । ṣaḍḍhū̍to ha̱vai nāmai̱ṣaḥ । taṃ-vām̐ e̱tagṃ ṣaḍḍhū̍ta̱g̱ṃ santa̎m । ṣaḍḍho̱tetyā ca̍kṣate pa̱rokṣe̍ṇa । pa̱rokṣa̍priyā iva̱ hi de̱vāḥ ॥ 3 ātma̱nnā-tma̱nnityā-ma̍ntrayata । tasmai̍ pañca̱magṃ hū̱taḥ pratya̍śṛṇot । sa pañca̍hūto-'bhavat । pañca̍hūto ha̱vai nāmai̱ṣaḥ । taṃ-vām̐ e̱ta-mpañca̍hūta̱g̱ṃ santa̎m । pañca̍ho̱tetyā ca̍kṣate pa̱rokṣe̍ṇa । pa̱rokṣa̍priyā iva̱ hi de̱vāḥ ॥ 4 ātma̱nnā-tma̱nnityā-ma̍ntrayata । tasmai̍ catu̱rthagṃ hū̱taḥ pratya̍śṛṇot । sa catu̍r​hūto-'bhavat । catu̍r​hūto ha̱vai nāmai̱ṣaḥ । taṃ-vām̐ e̱ta-ñcatu̍r​hūta̱g̱ṃ santa̎m । catu̍r​ho̱tetyā ca̍kṣate pa̱rokṣe̍ṇa । pa̱rokṣa̍priyā iva̱ hi de̱vāḥ ॥ 5 tama̍bravīt । tvaṃ-vaim̐ me̱ nedi̍ṣṭhagṃ hū̱taḥ pratya̍śrauṣīḥ । tvayai̍ nānākhyā̱tāra̱ iti̍ । tasmā̱nnuhai̍nā̱g̱-śca̍tu r​hotāra̱ ityāca̍kṣate । tasmā̎cchuśrū̱ṣuḥ pu̱trāṇā̱g̱ṃ hṛdya̍tamaḥ । nedi̍ṣṭho̱ hṛdya̍tamaḥ । nedi̍ṣṭho̱ brahma̍ṇo bhavati । ya e̱vaṃ-vem̐da̍ ॥ 6 (ātmane̱ nama̍ḥ) iti caturtha nyāsaḥ guhyādi mastakānta ṣaḍaṅganyāsa-ścaturthaḥ 7. śivasaṅkalpāḥ – (ṛg veda khila kāṇḍaṃ 4.11 9.1) yene̱da-mbhū̱ta-mbhuva̍na-mbhavi̱ṣya-tpari̍gṛhīta-ma̱mṛte̍na̱ sarva̎m । yena̍ ya̱jñastā̍yate (ya̱jñastrā̍yate) sa̱ptaho̍tā̱ tanme̱ mana̍ḥ śi̱vasa̍ṅka̱lpama̍stu ॥ 1 yena̱ karmā̍ṇi pra̱cara̍nti̱ dhīrā̱ yato̍ vā̱cā mana̍sā̱ cāru̱yanti̍ । ya-thsa̱mmita̱manu̍ sa̱ṃ​yam̐nti̍ prā̱ṇina̱stanme̱ mana̍ḥ śi̱vasa̍ṅka̱lpama̍stu ॥ 2 yena̱ karmā̎ṇya̱paso̍ manī̱ṣiṇo̍ ya̱jñe kṛ̍ṇvanti vi̱dathe̍ṣu̱ dhīrā̎ḥ । yada̍pū̱rvaṃ-ya̱m̐kṣmama̱ntaḥ pra̱jānā̱-ntanme̱ mana̍ḥ śi̱vasa̍ṅka̱lpama̍stu ॥ 3 yatpra̱jñāna̍-mu̱ta ceto̱ dhṛti̍śca̱ yajjyoti̍ ra̱ntara̱mṛta̍-mpra̱jāsu̍ । yasmā̱nna ṛ̱te kiñca̱na karma̍ kri̱yate̱ tanme̱ mana̍ḥ śi̱vasa̍ṅka̱lpama̍stu ॥ 4 su̱ṣā̱ra̱thi-raśvā̍niva̱ yanma̍nu̱ṣyā̎nne nī̱yate̍-'bhī̱śu̍bhi rvā̱jina̍ iva । hṛtpra̍tiṣṭha̱ṃ-yam̐da̍jira̱-ñjavi̍ṣṭha̱-ntanme̱ mana̍ḥ śi̱vasa̍ṅka̱lpama̍stu ॥ 5 yasmi̱n ṛca̱ssāma̱-yajūg̍ṃṣi̱ yasmi̍-npratiṣṭhi̱tā ra̍tha̱nābhā̍ vi̱vārā̎ḥ । yasmigg̍ści̱ttagṃ sarva̱mota̍-mpra̱jānā̱-ntanme̱ mana̍ḥ śi̱vasa̍ṅka̱lpama̍stu ॥ 6 yadatra̍ ṣa̱ṣṭha-ntri̱śatag̍ṃ su̱vīra̍ṃ-ya̱m̐jñasya̍ gu̱hya-nnava̍ nāva̱māyya̎m । daśa̱ pañca̍ tri̱g̱ṃśata̱ṃ-yam̐tpara̍-ñca̱ tanme̱ mana̍ḥ śi̱vasa̍ṅka̱lpama̍stu ॥ 7 yajjāgra̍to dū̱ramu̱daiti̱ daiva̱-ntadu̍ su̱ptasya̱ tathai̱vaiti̍ । dū̱ra̱ga̱mma-ñjyoti̍ṣā̱-ñjyoti̱reka̱-ntanme̱ mana̍ḥ śi̱vasa̍ṅka̱lpama̍stu ॥ 8 yene̱daṃ-vim̐śva̱-ñjaga̍to ba̱bhūva̱ ye de̱vāpi̍ maha̱to jā̱tave̍dāḥ । tade̱vāgni-stama̍so̱ jyoti̱reka̱-ntanme̱ mana̍ḥ śi̱vasa̍ṅka̱lpama̍stu ॥ 9 yena̱ dyauḥ pṛ̍thi̱vī cā̱ntari̍kṣa-ñca̱ ye parva̍tāḥ pra̱diśo̱ diśa̍śca । yene̱da-ñjaga̱-dvyāpta̍-mpra̱jānā̱-ntanme̱ mana̍ḥ śi̱vasa̍ṅka̱lpama̍stu ॥ 10 ye ma̍no̱ hṛda̍ya̱ṃ-yem̐ ca̍ de̱vā ye di̱vyā āpo̱ ye sūrya̍raśmiḥ । te śrotre̱ cakṣu̍ṣī sa̱ñcara̍nta̱-ntanme̱ mana̍ḥ śi̱vasa̍ṅka̱lpama̍stu ॥ 11 aci̍ntya̱-ñcā pra̍meya̱-ñca vya̱ktā-vyakta̍ para̱-ñca ya̍t । sūkṣmā̎-thsūkṣmata̍ra-ñjñe̱ya̱-ntanme̱ mana̍ḥ śi̱vasa̍ṅka̱lpama̍stu ॥ 12 ekā̍ ca da̱śa śa̱ta-ñca̍ sa̱hasra̍-ñcā̱yuta̍-ñca ni̱yuta̍-ñca pra̱yuta̱ṃ cārbu̍da-ñca̱ nya̍rbuda-ñca samu̱draśca̱ maddhya̱-ñcānta̍śca parā̱rdhaśca̱ tanme̱ mana̍ḥ śi̱vasa̍ṅka̱lpama̍stu ॥ 13 ye pa̍ñca̱ pañca̍ daśa śa̱tagṃ sa̱hasra̍-ma̱yuta̱-nnya̍rbuda-ñca । te a̍gni-ci̱tyeṣṭa̍kā̱stagṃ śarī̍ra̱-ntanme̱ mana̍ḥ śi̱vasa̍ṅka̱lpama̍stu ॥ 14 vedā̱hame̱ta-mpu̍ruṣa-mma̱hānta̍-mādi̱tya-va̍rṇa̱-ntama̍sa̱ḥ para̍stāt । yasya̱ yoni̱-mpari̱paśya̍nti̱ dhīrā̱stanme̱ mana̍ḥ śi̱vasa̍ṅka̱lpama̍stu ॥ 15 yasye̱da-ndhīrā̎ḥ pu̱nanti̍ ka̱vayo̎ bra̱hmāṇa̍me̱ta-ntvā̍ vṛṇata̱ indu̎m । sthā̱va̱ra-ñjaṅga̍ma̱ṃ-dyau̍rākā̱śa-ntanme̱ mana̍ḥ śi̱vasa̍ṅka̱lpama̍stu ॥ 16 parā̎-tpa̱rata̍ra-ñcai̱va̱ ya̱-tparā̎ścaiva̱ yatpa̍ram । ya̱tparā̎-tpara̍to jñe̱ya̱-ntanme̱ mana̍ḥ śi̱vasa̍ṅka̱lpama̍stu ॥ 17 parā̎-tparata̍ro bra̱hmā̱ ta̱tparā̎-tpara̱to ha̍riḥ । ta̱tparā̎-tpara̍to 'dhī̱śa̱stanme̱ mana̍ḥ śi̱vasa̍ṅka̱lpama̍stu ॥ 18 yā ve̍dā̱diṣu̍ gāya̱trī̱ sa̱rva̱vyāpi̍ mahe̱śvarī । ṛg ya̍ju-ssāmā-tharvai̱śca̱ tanme̱ mana̍ḥ śi̱vasa̍ṅka̱lpama̍stu ॥ 19 yo vai̍ de̱va-mma̍hāde̱va̱-mpra̱ṇava̍-mpara̱meśva̍ram । ya-ssarve̍ sarva̍ vedai̱śca̱ tanme̱ mana̍ḥ śi̱vasa̍ṅka̱lpama̍stu ॥ 20 praya̍ta̱ḥ praṇa̍voṅkā̱ra̱-mpra̱ṇava̍-mpuru̱ṣotta̍mam । okā̍ṃra̱-mpraṇa̍vātmā̱na̱-ntanme̱ mana̍ḥ śi̱vasa̍ṅka̱lpama̍stu ॥ 21 yo-'sau̍ sa̱rveṣu̍ vede̱ṣu̱ pa̱ṭhyate̎ hyaja̱ īśva̍raḥ । a̱kāyo̍ nirgu̍ṇo hyā̱tmā̱ tanme̱ mana̍ḥ śi̱vasa̍ṅka̱lpama̍stu ॥ 22 gobhi̱ rjuṣṭa̱-ndhane̍na̱ hyāyu̍ṣā ca̱ bale̍na ca । pra̱jayā̍ pa̱śubhi̍ḥ puṣkarā̱kṣa̱-ntanme̱ mana̍ḥ śi̱vasa̍ṅka̱lpama̍stu ॥ 23 kailā̍sa̱ śikha̍re ra̱mye̱ śa̱ṅkara̍sya śi̱vāla̍ye । de̱vatā̎statra̍ moda̱nte̱ tanme̱ mana̍ḥ śi̱vasa̍ṅka̱lpama̍stu ॥ 24 trya̍baṅkaṃ-yam̐jāmahe suga̱ndhi-mpu̍ṣṭi̱vardha̍nam । u̱rvā̱ru̱kami̍va̱ bandha̍nā-nmṛ̱tyo-rmu̍kṣīya̱ mā-'mṛtā̱-ttanme̱ mana̍ḥ śi̱vasa̍ṅka̱lpama̍stu ॥ 25 vi̱śvata̍-ścakṣuru̱ta vi̱śvato̍ mukho vi̱śvato̍ hasta u̱ta vi̱śvata̍spāt । sambā̱hubhyā̱ṃ-nama̍ti̱ sampa̍tatrai̱ rdyāvā̍ pṛthi̱vī ja̱naya̍-nde̱va eka̱stanme̱ mana̍ḥ śi̱vasa̍ṅka̱lpama̍stu ॥ 26 ca̱turo̍ ve̱dāna̍dhīyī̱ta̱ sa̱rva śā̎strama̱yaṃ-vi̍m̐duḥ । i̱ti̱hā̱sa̱ pu̱rā̱ṇā̱nā̱-ntanme̱ mana̍ḥ śi̱vasa̍ṅka̱lpama̍stu ॥ 27 mā no̍ ma̱hānta̍mu̱ta mā no̍ arbha̱ka-mmā na̱ ukṣa̍ntamu̱ta mā na̍ ukṣi̱tam । mā no̍ vadhīḥ pi̱tara̱-mmota mā̱tara̍-mpri̱yā mā na̍sta̱nuvo̍ rudra rīriṣa̱stanme̱ mana̍ḥ śi̱vasa̍ṅka̱lpama̍stu ॥ 28 mā na̍sto̱ke tana̍ye̱ mā na̱ āyu̍ṣi̱ mā no̱ goṣu̱ mā no̱ aśve̍ṣu rīriṣaḥ । vī̱rānmāno̍ rudra bhāmi̱tova̍dhī r​ha̱viṣma̍nto̱ nama̍sā vidhema te̱ tanme̱ mana̍ḥ śi̱vasa̍ṅka̱lpama̍stu ॥ 29 ṛ̱tagṃ sa̱tya-mpa̍ra-mbra̱hma̱ pu̱ruṣa̍-ṅkṛṣṇa̱piṅga̍lam । ū̱rdhvare̍taṃ-vi̍m̐rūpā̱kṣa̱ṃ-vi̱m̐śvarū̍pāya̱ vai namo̱ nama̱stanme̱ mana̍ḥ śi̱vasa̍ṅka̱lpama̍stu ॥ 30 ka-dru̱drāya̱ prace̍tase mī̱ḍhuṣṭa̍māya̱ tavya̍se । vo̱cema̱ śanta̍magṃ hṛ̱de । sarvo̱ hye̍ṣa ru̱drastasmai̍ ru̱drāya̱ namo̍ astu̱ tanme̱ mana̍ḥ śi̱vasa̍ṅka̱lpama̍stu ॥ 31 brahma̍jajñā̱na-mpra̍tha̱ma-mpu̱rastā̱-dvisī̍ma̱ta-ssu̱ruco̍ ve̱na ā̍vaḥ । sa bu̱dhniyā̍ upa̱mā a̍sya vi̱ṣṭhā-ssa̱taśca̱ yoni̱-masa̍taśca̱ viva̱stanme̱ mana̍ḥ śi̱vasa̍ṅka̱lpama̍stu ॥ 32 yaḥ prā̍ṇa̱to ni̍miṣa̱to ma̍hi̱tvaika̱ idrājā̱ jaga̍to ba̱bhūva̍ । ya īśe̍ a̱sya dvi̱pada̱-ścatu̍ṣpada̱ḥ kasmai̍ de̱vāya̍ ha̱viṣā̍ vidhema̱ tanme̱ mana̍ḥ śi̱vasa̍ṅka̱lpama̍stu ॥ 33 ya ā̎tma̱dā ba̍la̱dā yasya̱ viśva̍ u̱pāsa̍te pra̱śiṣa̱ṃ-yam̐sya̍ de̱vāḥ । yasya̍ chā̱yā-'mṛta̱ṃ-yam̐sya̍ mṛ̱tyuḥ kasmai̍ de̱vāya̍ ha̱viṣā̍ vidhema̱ tanme̱ mana̍ḥ śi̱vasa̍ṅka̱lpama̍stu ॥ 34 yo ru̱dro a̱gnau yo a̱phsu ya oṣa̍dhīṣu̱ yo ru̱dro viśvā̱ bhuva̍nā-''vi̱veśa̱ tasmai̍ ru̱drāya̱ namo̍ astu̱ tanme̱ mana̍ḥ śi̱vasa̍ṅka̱lpama̍stu ॥ 35 ga̱ndha̱dvā̱rā-ndu̍rādha̱r​ṣā̱-nni̱tyapu̍ṣṭā-ṅkarī̱ṣiṇī̎m । ī̱śvarīg̍ṃ sarva̍ bhūtā̱nā̱-ntāmi̱hopa̍hvaye̱ śriya̱-ntanme̱ mana̍ḥ śi̱vasa̍ṅka̱lpama̍stu ॥ 36 ya idag̍ṃ śiva̍saṅka̱lpa̱g̱ṃ sa̱dā dhyā̍yanti̱ brāhma̍ṇāḥ । te pa̍ra-mmokṣa̍-ṅgamiṣya̱nti̱ tanme̱ mana̍ḥ śi̱vasa̍ṅka̱lpama̍stu ॥ 37 o-nnamo bhagavate̍ rudrā̱ya ॥ śivasaṅkalpagṃ hṛdayāya nama̍ḥ ॥ 7.2 puruṣa sūktaṃ – (tai. ara. 3.12.1 - tai. ara. 3.12.7) sa̱hasra̍śīr​ṣā̱ puru̍ṣaḥ । sa̱ha̱srā̱kṣa-ssa̱hasra̍pāt । sa bhūmi̍ṃ-vi̱m̐śvato̍ vṛ̱tvā । atya̍tiṣṭha-ddaśāṅgu̱lam । puru̍ṣa e̱vedagṃ sarva̎m । ya-dbhū̱taṃ-yam̐cca̱ bhavya̎m । u̱tāmṛ̍ta̱tvasyeśā̍naḥ । yadanne̍nā-ti̱roha̍ti । e̱tāvā̍nasya mahi̱mā । ato̱ jyāyāg̍śca̱ pūru̍ṣaḥ ॥ 1 pādo̎-'sya̱ viśvā̍ bhū̱tāni̍ । tri̱pāda̍syā̱-mṛta̍-ndi̱vi । tri̱pādū̱rdhva udai̱-tpuru̍ṣaḥ । pādo̎ 'sye̱hā-''bha̍vā̱-tpuna̍ḥ । tato̱ viṣva̱ṃ-vya̍m̐krāmat । sā̱śa̱nā̱na̱śa̱ne a̱bhi ॥ tasmā̎-dvi̱rāḍa̍jāyata । vi̱rājo̱ adhi̱ pūru̍ṣaḥ । sa jā̱to atya̍ricyata । pa̱ścā-dbhūmi̱matho̍ pu̱raḥ ॥ 2 yatpuru̍ṣeṇa ha̱viṣā̎ । de̱vā ya̱jñamata̍nvata । va̱sa̱nto a̍syāsī̱dājya̎m । grī̱ṣma i̱ddhma śśa̱raddha̱viḥ । sa̱ptāsyā̍sa-npari̱dhaya̍ḥ । tri-ssa̱pta sa̱midha̍ḥ kṛ̱tāḥ । de̱vāya-dya̱jña-nta̍nvā̱nāḥ । aba̍dhna̱-npuru̍ṣa-mpa̱śum ॥ taṃ-ya̱m̐jña-mba̱r​hiṣi̱ praukṣann̍ । puru̍ṣa-ñjā̱tama̍gra̱taḥ ॥ 3 tena̍ de̱vā aya̍janta । sā̱ddhyā ṛṣa̍yaśca̱ ye । tasmā̎-dya̱jñā-thsa̍rva̱huta̍ḥ । sambhṛ̍ta-mpṛṣadā̱jyam । pa̱śūg​stāg​śca̍kre vāya̱vyān̍ । ā̱ra̱ṇyā-ngrā̱myāśca̱ ye । tasmā̎-dya̱jñā-thsa̍rva̱huta̍ḥ । ṛca̱-ssāmā̍ni jajñire । chandāg̍ṃsi jajñire̱ tasmā̎t । yaju̱stasmā̍-dajāyata ॥ 4 tasmā̱daśvā̍ ajāyanta । ye ke co̍bha̱yāda̍taḥ । gāvo̍ ha jajñire̱ tasmā̎t । tasmā̎jjā̱tā a̍jā̱vaya̍ḥ । yatpuru̍ṣa̱ṃ-vya̍m̐dadhuḥ । ka̱ti̱dhā vya̍kalpayann । mukha̱-ṅkima̍sya̱ kau bā̱hū । kāvū̱rū pādā̍vucyete । brā̱hma̱ṇo̎-'sya̱ mukha̍māsīt । bā̱hū rā̍ja̱nya̍ḥ kṛ̱taḥ ॥ 5 ū̱rū tada̍sya̱ ya-dvaiśya̍ḥ । pa̱dbhyāgṃ śū̱dro a̍jāyata । ca̱ndramā̱ mana̍so jā̱taḥ । cakṣo̱-ssūryo̍ ajāyata । mukhā̱-dindra̍ścā̱gniśca̍ । prā̱ṇā-dvā̱yura̍jāyata । nābhyā̍ āsīda̱ntari̍kṣam । śī̱r​ṣṇo dyau-ssama̍vartata । pa̱dbhyā-mbhūmi̱ rdiśa̱-śśrotrā̎t । tathā̍ lo̱kāgṃ a̍kalpayann ॥ 6 vedā̱hame̱ta-mpuru̍ṣa-mma̱hānta̎m । ā̱di̱tyava̍rṇa̱-ntama̍sa̱stu pā̱re । sarvā̍ṇi rū̱pāṇi̍ vi̱citya̱ dhīra̍ḥ । nāmā̍ni kṛ̱tvābhi̱vada̱n yadāste̎ । dhā̱tā pu̱rastā̱-dyamu̍dāja̱hāra̍ । śa̱kraḥ pravi̱dvā-npra̱diśa̱ścata̍sraḥ । tame̱vaṃ-vi̱m̐dvāna̱mṛta̍ i̱ha bha̍vati । nānyaḥ panthā̱ aya̍nāya vidyate । ya̱jñena̍ ya̱jñama̍yajanta de̱vāḥ । tāni̱ dharmā̍ṇi pratha̱mānyā̍sann । te ha̱ nāka̍-mmahi̱māna̍-ssacante । yatra̱ pūrve̍ sā̱ddhyā-ssanti̍ de̱vāḥ ॥ 7 o-nnamo bhagavate̍ rudrā̱ya ॥ puruṣasūktagṃ śirase svāhā ॥ 7.3 uttara nārāyaṇaṃ – (tai. ara. 3.13.1 - tai. ara. 3.13.2) a̱dbhya-ssambhū̍taḥ pṛthi̱vyai rasā̎cca । vi̱śvaka̍rmaṇa̱-ssama̍varta̱tādhi̍ । tasya̱ tvaṣṭā̍ vi̱dadha̍-drū̱pame̍ti । tatpuru̍ṣasya̱ viśva̱mājā̍na̱magre̎ । vedā̱hame̱ta-mpuru̍ṣa-mma̱hānta̎m । ā̱di̱tyava̍rṇa̱-ntama̍sa̱ḥ para̍stāt । tame̱vaṃ-vi̱m̐dvāna̱mṛta̍ i̱ha bha̍vati । nānyaḥ panthā̍ vidya̱te-'ya̍nāya । pra̱jāpa̍tiścarati̱ garbhe̍ a̱ntaḥ । a̱jāya̍māno bahu̱dhā vijā̍yate । tasya̱ dhīrā̱ḥ pari̍jānanti̱ yoni̎m । marī̍cīnā-mpa̱dami̍cchanti ve̱dhasa̍ḥ ॥ 1 yo de̱vebhya̱ āta̍pati । yo de̱vānā̎-mpu̱rohi̍taḥ । pūrvo̱ yo de̱vebhyo̍ jā̱taḥ । namo̍ ru̱cāya̱ brāhma̍ye । ruca̍-mbrā̱hma-ñja̱naya̍ntaḥ । de̱vā agre̱ tada̍bruvann । yastvai̱va-mbrā̎hma̱ṇo vi̱dyāt । tasya̍ de̱vā asa̱n vaśe̎ । hrīśca̍ te la̱kṣmīśca̱ patnyau̎ । a̱ho̱rā̱tre pā̱r​śve । nakṣa̍trāṇi rū̱pam । a̱śvinau̱ vyātta̎m । i̱ṣṭa-mma̍niṣāṇa । a̱mu-mma̍niṣāṇa । sarva̍-mmaniṣāṇa ॥ 2 o-nnamo bhagavate̍ rudrā̱ya ॥ uttara nārāyaṇagṃ śikhāyai vaṣaṭ ॥ 7.4 apratirathaṃ – (tai. saṃ. 4.6.4.1 - tai. saṃ. 4.6.4.5) ā̱śu-śśiśā̍no vṛṣa̱bho na yu̱dhmo gha̍nāgha̱naḥ, kṣobha̍ṇa-ścar​ṣaṇī̱nām । sa̱̱ṅkranda̍no-'nimi̱ṣa e̍ka vī̱raśśa̱tagṃ senā̍ ajayathsā̱-kamindra̍ḥ । sa̱ṅkranda̍nenā nimi̱ṣeṇa̍ ji̱ṣṇunā̍ yutkā̱reṇa̍ duścyava̱nena̍ dhṛ̱ṣṇunā̎ । tadindre̍ṇa jayata̱ tathsa̍hadhva̱ṃ-yum̐dho̍ nara̱ iṣu̍ hastena̱ vṛṣṇā̎ । sa iṣu̍hastai̱-ssa ni̍ṣa̱ṅgibhi̍ rva̱śī sagg​sra̍ṣṭā̱ sayudha̱ indro̍ ga̱ṇena̍ । sa̱g̱ṃsṛ̱ṣṭa̱-jithso̍ma̱pā bā̍hu śa̱rdhyū̎rdhva-dha̍nvā̱ prati̍hitā-bhi̱rastā̎ । bṛha̍spate̱ pari̍dīyā̱ rathe̍na rakṣo̱hā-'mitrāg̍ṃ apa̱ bādha̍mānaḥ । 1 pra̱bha̱ñja-nthsenā̎ḥ pramṛ̱ṇo yu̱dhā jaya̍nna̱smāka̍-meddhyavi̱tā rathā̍nām । go̱tra̱bhida̍-ṅgo̱vida̱ṃ-vam̐jra̍bāhu̱-ñjaya̍nta̱majma̍ pramṛ̱ṇanta̱-moja̍sā । i̱magṃ sa̍jātā̱ anu̍vīra-yadhva̱mindrag̍ṃ sakhā̱yo-'nu̱ sara̍bhadhvam । ba̱la̱vi̱jñā̱ya-ssthavi̍ra̱ḥ pravī̍ra̱-ssaha̍svān vā̱jī saha̍māna u̱graḥ । a̱bhivī̍ro a̱bhisa̍tvā saho̱jā jaitra̍mindra̱ ratha̱māti̍ṣṭha go̱vit । 2 a̱bhi go̱trāṇi̱ saha̍sā̱ gāha̍māno-'dā̱yo vī̱ra śśa̱ta-ma̍nyu̱rindra̍ḥ । du̱ścya̱va̱naḥ pṛ̍tanā̱ṣāḍa̍ yu̱ddhyo̎-'smāka̱g̱ṃ senā̍ avatu̱ prayu̱thsu । indra̍ āsā-nne̱tā bṛha̱spati̱ rdakṣi̍ṇā ya̱jñaḥ pu̱ra e̍tu̱ soma̍ḥ । de̱va̱se̱nānā̍-mabhibha-ñjatī̱nā-ñjaya̍ntīnā-mma̱ruto̍ ya̱ntvagre̎ । indra̍sya̱ vṛṣṇo̱ varu̍ṇasya̱ rājña̍ ādi̱tyānā̎-mma̱rutā̱g̱ṃ śardha̍ u̱gram । ma̱hāma̍nasā-mbhuvanacya̱vānā̱-ṅghoṣo̍ de̱vānā̱-ñjaya̍tā̱ muda̍sthāt । a̱smāka̱-mindra̱ḥ-samṛ̍teṣu-dhva̱je-ṣva̱smāka̱ṃ-yām̐ iṣa̍va̱stā ja̍yantu । 3 a̱smāka̍ṃ-vī̱m̐rā utta̍re bhavantva̱smānu̍ devā avatā̱ have̍ṣu । uddha̍r​ṣaya maghava̱nnā-yu̍dhā̱-nyuthsatva̍nā-mmāma̱kānā̱-mmahāg̍ṃsi । udvṛ̍trahan vā̱jinā̱ṃ-vām̐ji̍nā̱-nyudrathā̍nā̱-ñjaya̍tāmetu̱ ghoṣa̍ḥ । upa̱preta̱ jaya̍tā nara-ssthi̱rā va̍ḥ santu bā̱hava̍ḥ । indro̍ va̱-śśarma̍ yacchatvanā-dhṛ̱ṣyā yathā-'sa̍tha । ava̍sṛṣṭā̱ parā̍pata̱ śara̍vye̱ brahma̍ sagṃśitā । gacchā̱mitrā̱-npravi̍śa̱ maiṣā̱-ṅkañca̱nocchi̍ṣaḥ । marmā̍ṇi te̱ varma̍bhiśchā-dayāmi̱ soma̍stvā̱ rājā̱-'mṛte̍nā̱-bhiva̍stām । u̱ro rvarī̍yo̱ vari̍vaste astu̱ jaya̍nta̱-ntvāmanu̍ madantu de̱vāḥ । yatra̍ bā̱ṇā-ssa̱mpata̍nti kumā̱rā vi̍śi̱khā i̍va । indro̍ na̱statra̍ vṛtra̱hā vi̍śvā̱hā śarma̍ yacchatu ॥ 4 ॥ o-nnamo bhagavate̍ rudrā̱ya ॥ āśuśśiśāno-'pratiratha-ṅkavacāya hum । 7.5 prati pūruṣaṃ – (tai. saṃ. 1.8.6.1 - tai. saṃ. 1.8.6.2) (tai. brā. 1.6.10.1 - tai. brā. 1.6.10.5) pra̱ti̱pū̱ru̱ṣa meka̍kapālā̱-nnirva̍pa̱tye-ka̱mati̍rikta̱ṃ-yām̐va̍nto gṛ̱hyā̎-ssmastebhya̱ḥ kama̍kara-mpaśū̱nāgṃ śarmā̍si̱ śarma̱ yaja̍mānasya̱ śarma̍ me ya̱cchaika̍ e̱va ru̱dro na dvi̱tīyā̍ya tastha ā̱khuste̍ rudra pa̱śusta-ñju̍ṣasvai̱ṣa te̍ rudra bhā̱ga-ssa̱ha svasrāṃ-'bi̍kayā̱ tañju̍ṣasva bheṣa̱ja-ṅgave-'śvā̍ya̱ puru̍ṣāya bheṣa̱jamatho̍ a̱smabhya̍-mbheṣa̱jagṃ subhe̍ṣaja̱ṃ-yam̐thā-'sa̍ti । 1 su̱ga-mme̱ṣāya̍ me̱ṣyā̍ avā̎baṃ ru̱drama̍di-ma̱hyava̍ de̱va-ntrya̍baṅkam । yathā̍ na̱-śśreya̍sa̱ḥ kara̱dyathā̍ no̱ vasya̍ sa̱ḥ kara̱dyathā̍ naḥ paśu̱mata̱ḥ kara̱dyathā̍ no vyavasā̱yayā̎t । trya̍baṅkaṃ-yam̐jāmahe suga̱ndhi-mpu̍ṣṭi̱vardha̍nam । u̱rvā̱ru̱kami̍va̱ bandha̍nā-nmṛ̱tyo rmu̍kṣīya̱ mā-'mṛtā̎t । e̱ṣate̍ rudra bhā̱ga stañju̍ṣasva̱ tenā̍va̱sena̍ pa̱ro mūja̍va̱to-'tī̱hyava̍tata dhanvā̱ pinā̍kahasta̱ḥ kṛtti̍vāsāḥ ॥ 2 pra̱ti̱pū̱ru̱ṣa-meka̍kapālā̱-nnirva̍pati । jā̱tā e̱va pra̱jā ru̱drā-nni̱rava̍dayate । eka̱mati̍riktam । ja̱ni̱ṣyamā̍ṇā e̱va pra̱jā ru̱drā-nni̱rava̍dayate । eka̍kapālā bhavanti । e̱ka̱dhaiva ru̱dra-nni̱rava̍dayate । nābhighā̍rayati । yada̍bhighā̱raye̎t । a̱nta̱ra̱va̱-cā̱riṇag̍ṃ ru̱dra-ṅku̍ryāt । e̱ko̱lmu̱kena̍ yanti । 3 taddhi ru̱drasya̍ bhāga̱dheya̎m । i̱mā-ndiśa̍ṃ-yam̐nti । e̱ṣā vai ru̱drasya̱ dik । svāyā̍ me̱va di̱śi ru̱dra-nni̱rava̍dayate । ru̱dro vā a̍pa̱śukā̍yā̱ āhu̍tyai̱ nāti̍ṣṭhata । a̱sau te̍ pa̱śuriti̱ nirdi̍śe̱dya-ndvi̱ṣyāt । yame̱va dveṣṭi̍ । tama̍smai pa̱śu-nnirdi̍śati । yadi̱ na dvi̱ṣyāt । ā̱khuste̍ pa̱śuriti̍ brūyāt । 4 na grā̱myā-npa̱śūn hi̱nasti̍ । nāra̱ṇyān । ca̱tu̱ṣpa̱the ju̍hoti । e̱ṣa vā a̍gnī̱nā-mpaḍbī̍śo̱ nāma̍ । a̱gni̱vatye̱va ju̍hoti । ma̱ddhya̱mena̍ pa̱rṇena̍ juhoti । srugghye̍ṣā । atho̱ khalu̍ । a̱nta̱menai̱va ho̍ta̱vya̎m । a̱nta̱ta e̱va ru̱dra-nni̱rava̍dayate । 5 eṣa̱ te̍ rudrabhā̱ga-ssa̱hasvasrāṃ-'bi̍ka̱yetyā̍ha । śa̱radvā a̱syāmbi̍kā̱ svasā̎ । tayā̱ vā e̱ṣa hi̍nasti । yagṃ hi̱nasti̍ । tayai̱vainag̍ṃ sa̱ha śa̍mayati । bhe̱ṣa̱jaṅgava̱ ityā̍ha । yāva̍nta e̱va grā̱myāḥ pa̱śava̍ḥ । tebhyo̍ bheṣa̱ja-ṅka̍roti । avā̎baṃ ru̱drama̍di ma̱hītyā̍ha । ā̱śiṣa̍me̱vai-tāmā śā̎ste । 6 trya̍baṅkaṃ-yam̐jāmaha̱ ityā̍ha । mṛ̱tyo rmu̍kṣīya̱ mā-'mṛtā̱-diti̱ vā vai tadā̍ha । utki̍ranti । bhaga̍sya līphsante । mūte̍ kṛ̱tvā sa̍janti । yathā̱ jana̍ṃ-ya̱m̐te̍-'va̱sa-ṅka̱roti̍ । tā̱dṛge̱va tat । e̱ṣa te̍ rudrabhā̱ga ityā̍ha ni̱rava̍tyai । apra̍tīkṣa̱-māya̍nti । a̱paḥ pari̍ṣiñcati । ru̱drasyā̱nta r​hi̍tyai । pravā e̱te̎-'smā-llo̱kā-ccya̍vante । ye trya̍baṅkai̱-ścara̍nti । ā̱di̱tya-ñca̱ru-mpuna̱retya̱ nirva̍pati । i̱yaṃ-vām̐ adi̍tiḥ । a̱syāme̱va prati̍tiṣṭhanti ॥ 7 o-nnamo bhagavate̍ rudrā̱ya ॥ pratipūruṣaṃ-vim̐bhāḍiti netratrayā̍ya vau̱ṣaṭ ॥ 7.6 śata rudrīyaṃ (tvamagne rudro-'nuvākaḥ) – tai. brā. 3.11.2.1 - tai. brā. 3.11.2.4 tvama̍gne ru̱dro asu̍ro ma̱ho di̱vaḥ । tvagṃ śardho̱ māru̍ta-mpṛ̱kṣa ī̍śiṣe । tvaṃ-vām̐tai̍raru̱ṇai ryā̍si śaṅga̱yaḥ । tva-mpū̱ṣā vi̍dha̱taḥ pā̍si̱ nutmanā̎ḥ । devā̍ de̱veṣu̍ śrayaddhvam । pratha̍mā dvi̱tīye̍ṣu śrayaddhvam । dvitī̍yā-stṛ̱tīye̍ṣu śrayaddhvam । tṛtī̍yā-ścatu̱rtheṣu̍ śrayaddhvam । ca̱tu̱rthāḥ pa̍ñca̱meṣu̍ śrayaddhvam । pa̱ñca̱mā-ṣṣa̱ṣṭheṣu̍ śrayaddhvam । 1 ṣa̱ṣṭhā-ssa̍pta̱meṣu̍ śrayaddhvam । sa̱pta̱mā a̍ṣṭa̱meṣu̍ śrayaddhvam । a̱ṣṭa̱mā na̍va̱meṣu̍ śrayaddhvam । na̱va̱mā da̍śa̱meṣu̍ śrayaddhvam । da̱śa̱mā e̍kāda̱śeṣu̍ śrayaddhvam । e̱ka̱da̱śā dvā̍da̱śeṣu̍ śrayaddhvam । dvā̱da̱śā-stra̍yoda̱śeṣu̍ śrayaddhvam । tra̱yo̱da̱śā-śca̍tu rde̱śeṣu̍ śrayaddhvam । ca̱tu̱rda̱śāḥ pa̍ñcada̱śeṣu̍ śrayaddhvam । pa̱ñca̱da̱śā-ṣṣo̍ḍa̱śeṣu̍ śrayaddhvam । 2 ṣo̱ḍa̱śā-ssa̍ptada̱śeṣu̍ śrayaddhvam । sa̱pta̱da̱śā a̍ṣṭāda̱śeṣu̍ śrayaddhvam । a̱ṣṭā̱da̱śā e̍kānnavi̱g̱ṃśeṣu̍ śrayaddhvam । e̱kā̱nna̱vi̱g̱ṃśā vi̱g̱ṃśeṣu̍ śrayaddhvam । vi̱g̱ṃśā e̍kavi̱g̱ṃśeṣu̍ śrayaddhvam । e̱ka̱vi̱g̱ṃśā dvā̍vi̱g̱ṃśeṣu̍ śrayaddhvam । dvā̱vi̱g̱ṃśā stra̍yovi̱g̱ṃśeṣu̍ śrayaddhvam । tra̱yo̱vi̱g̱ṃśā śca̍turvi̱g̱ṃśeṣu̍ śrayaddhvam । ca̱tu̱rvi̱g̱ṃśāḥ pa̍ñcavi̱g̱ṃśeṣu̍ śrayaddhvam । pa̱ñca̱vi̱g̱ṃśā-ṣṣa̍ḍvi̱g̱ṃśeṣu̍ śrayaddhvam । 3 ṣa̱ḍvi̱g̱ṃśā ssa̍ptavi̱g̱ṃśeṣu̍ śrayaddhvam । sa̱pta̱vi̱g̱ṃśā a̍ṣṭāvi̱g̱ṃśeṣu̍ śrayaddhvam । a̱ṣṭā̱vi̱g̱ṃśā e̍kānnatri̱g̱ṃśeṣu̍ śrayaddhvam । e̱kā̱nna̱tri̱g̱ṃśā stri̱g̱ṃśeṣu̍ śrayaddhvam । tri̱g̱ṃśā e̍katri̱g̱ṃśeṣu̍ śrayaddhvam । e̱ka̱tri̱g̱ṃśā dvā̎tri̱g̱ṃśeṣu̍ śrayaddhvam । dvā̱tri̱g̱ṃśā tra̍yastri̱g̱ṃśeṣu̍ śrayaddhvam । devā̎strirekādaśā̱ stristra̍yastrigṃśāḥ । utta̍re bhavata । utta̍ra vartmāna̱ utta̍ra satvānaḥ । yatkā̍ma i̱da-ñju̱homi̍ । tanme̱ samṛ̍ddhyatām । va̱yagg​syā̍ma̱ pata̍yo rayī̱ṇām । bhūrbhuva̱sva̍ssvāhā̎ । 4 o-nnamo bhagavate̍ rudrā̱ya ॥ tvamagne tvamagne śatarudrīyamityastrāya phaṭ ॥ 7.7 pañcāṅga japaḥ – atha pañcāṅgajapaḥ ॥ sa̱dyojā̱ta-mpra̍padyā̱mi̱ sa̱dyojā̱tāya̱ vai namo̱ nama̍ḥ । bha̱ve bha̍ve̱ nāti̍bhave bhavasva̱ mām । bha̱vodbha̍vāya̱ nama̍ḥ ॥ 1 vā̱ma̱de̱vāya̱ namo̎ jye̱ṣṭhāya̱ nama̍ḥ śre̱ṣṭhāya̱ namo̍ ru̱drāya̱ nama̱ḥ kālā̍ya̱ nama̱ḥ kala̍vikaraṇāya̱ namo̱ bala̍vikaraṇāya̱ namo̱ balā̍ya̱ namo̱ bala̍pramathanāya̱ nama̱-ssarva̍bhūtadamanāya̱ namo̍ ma̱nonma̍nāya̱ nama̍ḥ ॥ 2 a̱ghore̎bhyo-'tha̱ ghore̎bhyo̱ ghora̱ghora̍tarebhyaḥ । sarve̎bhya-ssarva̱śarve̎bhyo̱ nama̍ste astu ru̱drarū̍pebhyaḥ ॥ 3 tatpuru̍ṣāya vi̱dmahe̍ mahāde̱vāya̍ dhīmahi । tanno̍ rudraḥ praco̱dayā̎t ॥ 4 īśāna-ssarva̍vidyā̱nā̱mīśvara-ssarva̍bhūtā̱nā̱ṃ brahmādhi̍pati̱rbrahma̱ṇo-'dhi̍pati̱rbrahmā̍ śi̱vo me̍ astu sadāśi̱vom ॥ 5 7.8 aṣṭāṅga praṇāmaḥ – hi̱ra̱ṇya̱ga̱rbha-ssama̍varta̱-tāgre̍ bhū̱tasya̍ jā̱taḥ pati̱reka̍ āsīt । sadā̍dhāra pṛthi̱vī-ndyāmu̱temā-ṅkasmai̍ de̱vāya̍ ha̱viṣā̍ vidhema ॥ urasā namaḥ ॥ 1 (tai. saṃ. 4.1.8.3) yaḥ prā̍ṇa̱to ni̍miṣa̱to ma̍hi̱tvaika̱ idrājā̱ jaga̍to ba̱bhūva̍ । ya īśe̍ a̱sya dvi̱pada̱-ścatu̍ṣpada̱ḥ kasmai̍ de̱vāya̍ ha̱viṣā̍ vidhema ॥ śirasā namaḥ ॥ 2 (tai. saṃ. 4.1.8.4) brahma̍jajñā̱na-mpra̍tha̱ma-mpu̱rastā̱-dvisī̍ma̱ta-ssu̱ruco̍ ve̱na ā̍vaḥ । sa bu̱dhniyā̍ upa̱mā a̍sya vi̱ṣṭhā-ssa̱taśca̱ yoni̱ma-sa̍taśca̱ viva̍ḥ । ( dṛṣyā namaḥ । 3 (tai. saṃ. 4.2.8.2.) ma̱hī dyauḥ pṛ̍thi̱vī ca̍ na i̱maṃ-ya̱m̐jña-mmi̍mikṣatām । pi̱pṛ̱tānno̱ bharī̍mabhiḥ । manasā namaḥ ॥ 4 (tai. saṃ. 3.3.10.2) upa̍śvāsaya pṛthi̱vī-mu̱ta dyā-mpu̍ru̱trā te̍ manutā̱ṃ-vim̐ṣṭhi̍ta̱-ñjaga̍t । sa du̍ndubhe sa̱jūrindre̍ṇa de̱vai-rdū̱rāddavī̍yo̱ apa̍sedha̱ śatrūn̍ । vacasā namaḥ ॥ 5 (tai. saṃ. 4.6.6.6) agne̱ naya̍ su̱pathā̍ rā̱ye a̱smān viśvā̍ni deva va̱yunā̍ni vi̱dvān । yu̱yo̱ddhya̍sma-jju̍hurā̱ṇa-meno̱ bhūyi̍ṣṭhānte̱ nama̍ uktiṃ-vim̐dhema ॥ padhbhyā-nnamaḥ ॥ 6 (tai. saṃ. 1.1.14.3) yā te̍ agne̱ rudri̍yā ta̱nūstayā̍ naḥ pāhi̱ tasyā̎ste̱ svāhā̎ । yā te̍ agne-'yāśa̱yā ra̍jāśa̱yā ha̍rāśa̱yā ta̱nūrvar​ṣi̍ṣṭhā gahvare̱ṣṭhograṃ-vam̐co̱ apā̍vadhī-ntve̱ṣaṃ-vam̐co̱ apā̍vadhī̱g̱ṃ svāhā̎ ॥ karābhyā-nnamaḥ ॥ 7 (tai. saṃ. 1.2.11.2) i̱maṃ-ya̍m̐maprasta̱ramāhi sīdāṅgi̍robhiḥ pi̱tṛbhi̍ḥ saṃ​vim̐dā̱naḥ । ātvā̱ mantrā̍ḥ kaviśa̱stā va̍hantve̱nā rā̍jan ha̱viṣā̍ mādayasva ॥ karṇābhyā-nnamaḥ ॥ 8 (tai. saṃ. 2.6.12.6) urasā śirasā dṛṣṭyā mana̍sā vacasā ta̱thā । padbhyā-ṅkarābhyā-ṅkarṇābhyā-mpraṇāmo-'ṣṭāṅga̍ ucyate ॥ umāmaheśvarābhyā-nnamaḥ ॥