oṃ athātmānagṃ śivātmānaṃ śrī rudrarūpaṃ dhyāyet ॥ śuddhasphaṭika saṃkāśaṃ trinetraṃ paṃca vaktrakam । gaṃgādharaṃ daśabhujaṃ sarvābharaṇa bhūṣitam ॥ nīlagrīvaṃ śaśāṃkāṃkaṃ nāga yajñopa vītinam । vyāghra carmottarīyaṃ ca vareṇyamabhaya pradam ॥ kamaṃḍal-vakṣa sūtrāṇāṃ dhāriṇaṃ śūlapāṇinam । jvalaṃtaṃ piṃgalajaṭā śikhā muddyota dhāriṇam ॥ vṛṣa skaṃdha samārūḍhaṃ umā dehārtha dhāriṇam । amṛtenāplutaṃ śāṃtaṃ divyabhoga samanvitam ॥ digdevatā samāyuktaṃ surāsura namaskṛtam । nityaṃ ca śāśvataṃ śuddhaṃ dhruva-makṣara-mavyayam । sarva vyāpina-mīśānaṃ rudraṃ-vaim̐ viśvarūpiṇam । evaṃ dhyātvā dvijaḥ samyak tato yajanamārabhet ॥ athāto rudra snānārcanābhiṣeka vidhiṃ-vyā̎m̐kṣyāsyāmaḥ । ādita eva tīrthe snātvā, udetya śuciḥ prayato brahmacārī śuklavāsā devābhimukhaḥ sthitvā, ātmani devatāḥ sthāpayet ॥ prajanane brahmā tiṣṭhatu । pādayorviṣṇustiṣṭhatu । hastayor​harastiṣṭhatu । bāhvoriṃdrastiṣṭatu । jaṭhare'agnistiṣṭhatu । hṛda̍ye śivastiṣṭhatu । kaṃṭhe vasavastiṣṭhaṃtu । vaktre sarasvatī tiṣṭhatu । nāsikayo-rvāyustiṣṭhatu । nayanayo-ścaṃdrādityau tiṣṭetām । karṇayoraśvinau tiṣṭetām । lalāṭe rudrāstiṣṭhaṃtu । mūrthnyādityāstiṣṭhaṃtu । śirasi mahādevastiṣṭhatu । śikhāyāṃ-vām̐madevāstiṣṭhatu । pṛṣṭhe pinākī tiṣṭhatu । purataḥ śūlī tiṣṭhatu । pār​śvayoḥ śivāśaṃkarau tiṣṭhetām । sarvato vāyustiṣṭhatu । tato bahiḥ sarvato'gnirjvālāmālā-parivṛtastiṣṭhatu । sarveṣvaṃgeṣu sarvā devatā yathāsthānaṃ tiṣṭhaṃtu । māgṃ rakṣaṃtu । a̱gnirme̍ vā̱ci śri̱taḥ । vāghṛda̍ye । hṛda̍ya̱ṃ mayi̍ । a̱hama̱mṛte̎ । a̱mṛta̱ṃ brahma̍ṇi । vā̱yurme̎ prā̱ṇe śri̱taḥ । prā̱ṇo hṛda̍ye । hṛda̍ya̱ṃ mayi̍ । a̱hama̱mṛte̎ । a̱mṛta̱ṃ brahma̍ṇi । sūryo̍ me̱ cakṣuṣi śri̱taḥ । cakṣu̱r​hṛda̍ye । hṛda̍ya̱ṃ mayi̍ । a̱hama̱mṛte̎ । a̱mṛta̱ṃ brahma̍ṇi । ca̱ṃdramā̍ me̱ mana̍si śri̱taḥ । mano̱ hṛda̍ye । hṛda̍ya̱ṃ mayi̍ । a̱hama̱mṛte̎ । a̱mṛta̱ṃ brahma̍ṇi । diśo̍ me̱ śrotre̎ śri̱tāḥ । śrotra̱g̱ṃ hṛda̍ye । hṛda̍ya̱ṃ mayi̍ । a̱hama̱mṛte̎ । a̱mṛta̱ṃ brahma̍ṇi । āpome̱ retasi śri̱tāḥ । reto hṛda̍ye । hṛda̍ya̱ṃ mayi̍ । a̱hama̱mṛte̎ । a̱mṛta̱ṃ brahma̍ṇi । pṛ̱thi̱vī me̱ śarī̍re śri̱tā । śarī̍ra̱g̱ṃ hṛda̍ye । hṛda̍ya̱ṃ mayi̍ । a̱hama̱mṛte̎ । a̱mṛta̱ṃ brahma̍ṇi । o̱ṣa̱dhi̱ va̱na̱spatayo̍ me̱ loma̍su śri̱tāḥ । lomā̍ni̱ hṛda̍ye । hṛda̍ya̱ṃ mayi̍ । a̱hama̱mṛte̎ । a̱mṛta̱ṃ brahma̍ṇi । iṃdro̍ me̱ bale̎ śri̱taḥ । bala̱g̱ṃ hṛda̍ye । hṛda̍ya̱ṃ mayi̍ । a̱hama̱mṛte̎ । a̱mṛta̱ṃ brahma̍ṇi । pa̱rjanyo̍ me̱ mū̱rdni śri̱taḥ । mū̱rdhā hṛda̍ye । hṛda̍ya̱ṃ mayi̍ । a̱hama̱mṛte̎ । a̱mṛta̱ṃ brahma̍ṇi । īśā̍no me̱ ma̱nyau śri̱taḥ । ma̱nyur​hṛda̍ye । hṛda̍ya̱ṃ mayi̍ । a̱hama̱mṛte̎ । a̱mṛta̱ṃ brahma̍ṇi । ā̱tmā ma̍ ā̱tmani̍ śri̱taḥ । ā̱tmā hṛda̍ye । hṛda̍ya̱ṃ mayi̍ । a̱hama̱mṛte̎ । a̱mṛta̱ṃ brahma̍ṇi । puna̍rma ā̱tmā puna̱rāyu̱ rāgā̎t । puna̍ḥ prā̱ṇaḥ puna̱rākū̍ta̱māgā̎t । vai̱śvā̱na̱ro ra̱śmibhi̍rvāvṛdhā̱naḥ । a̱ṃtasti̍ṣṭha̱tvamṛta̍sya go̱pāḥ ॥ asya śrī rudrādhyāya praśna mahāmaṃtrasya, aghora ṛṣiḥ, anuṣṭup chaṃdaḥ, saṃkar​ṣaṇa mūrti svarūpo yo'sāvādityaḥ paramapuruṣaḥ sa eṣa rudro devatā । namaḥ śivāyeti bījam । śivatarāyeti śaktiḥ । mahādevāyeti kīlakam । śrī sāṃba sadāśiva prasāda siddhyarthe jape viniyogaḥ ॥ oṃ agnihotrātmane aṃguṣṭhābhyāṃ namaḥ । dar​śapūrṇa māsātmane tarjanībhyāṃ namaḥ । cāturmāsyātmane madhyamābhyāṃ namaḥ । nirūḍha paśubaṃdhātmane anāmikābhyāṃ namaḥ । jyotiṣṭomātmane kaniṣṭhikābhyāṃ namaḥ । sarvakratvātmane karatala karapṛṣṭhābhyāṃ namaḥ ॥ agnihotrātmane hṛdayāya namaḥ । dar​śapūrṇa māsātmane śirase svāhā । cāturmāsyātmane śikhāyai vaṣaṭ । nirūḍha paśubaṃdhātmane kavacāya hum । jyotiṣṭomātmane netratrayāya vauṣaṭ । sarvakratvātmane astrāyaphaṭ । bhūrbhuvassuvaromiti digbaṃdhaḥ ॥ dhyānaṃ – āpātāla-nabhaḥsthalāṃta-bhuvana-brahmāṃḍa-māvisphurat- jyotiḥ sphāṭika-liṃga-mauli-vilasat-pūrṇeṃdu-vāṃtāmṛtaiḥ । astokāpluta-meka-mīśa-maniśaṃ rudrānu-vākāṃjapan dhyāye-dīpsita-siddhaye dhruvapadaṃ-vim̐pro'bhiṣiṃce-ccivam ॥ brahmāṃḍa vyāptadehā bhasita himarucā bhāsamānā bhujaṃgaiḥ kaṃṭhe kālāḥ kapardāḥ kalita-śaśikalā-ścaṃḍa kodaṃḍa hastāḥ । tryakṣā rudrākṣamālāḥ prakaṭitavibhavāḥ śāṃbhavā mūrtibhedāḥ rudrāḥ śrīrudrasūkta-prakaṭitavibhavā naḥ prayaccaṃtu saukhyam ॥ oṃ ga̱ṇānā̎ṃ tvā ga̱ṇapa̍tigṃ havāmahe ka̱viṃ ka̍vī̱nāmu̍pa̱maśra̍vastamam । jye̱ṣṭha̱rāja̱ṃ brahma̍ṇāṃ brahmaṇaspada̱ ā na̍ḥ śṛ̱ṇvannū̱tibhi̍ssīda̱ sāda̍nam ॥ mahāgaṇapataye̱ namaḥ ॥ śaṃ ca̍ me̱ maya̍śca me pri̱yaṃ ca̍ me'nukā̱maśca̍ me̱ kāma̍śca me saumanasa̱śca̍ me bha̱draṃ ca̍ me̱ śreya̍śca me̱ vasya̍śca me̱ yaśa̍śca me̱ bhaga̍śca me̱ dravi̍ṇaṃ ca me ya̱ṃtā ca̍ me dha̱rtā ca̍ me̱ kṣema̍śca me̱ dhṛti̍śca me̱ viśva̍ṃ ca me̱ maha̍śca me sa̱ṃ​vim̐cca̍ me̱ jñātra̍ṃ ca me̱ sūśca̍ me pra̱sūśca̍ me̱ sīra̍ṃ ca me la̱yaśca̍ ma ṛ̱taṃ ca̍ me̱'mṛta̍ṃ ca me'ya̱kṣmaṃ ca̱ me'nā̍mayacca me jī̱vātu̍śca me dīrghāyu̱tvaṃ ca̍ me'nami̱traṃ ca̱ me'bha̍yaṃ ca me su̱gaṃ ca̍ me̱ śaya̍naṃ ca me sū̱ṣā ca̍ me̱ su̱dina̍ṃ ca me ॥ oṃ śāṃti̱ḥ śāṃti̱ḥ śāṃti̍ḥ ॥