hariḥ̠ ōm kadru̠drāya̠ praché̎tase mī̠ḻhuṣṭámāya̠ tavyáse । vō̠chema̠ śaṁtámaṁ hṛ̠dé ॥ 1.043.01॥ yathā̎ no adítiḥ̠ kara̠tpaśvē̠ nṛbhyō̠ yathā̠ gavé̎ । yathā̎ tō̠kāyá ru̠driyá̎m ॥ 1.043.02॥ yathā̎ no mi̠tro varúṇō̠ yathā̎ ru̠draściké̎tati । yathā̠ viśvé̎ sa̠jōṣásaḥ ॥ 1.043.03॥ gā̠thapátiṁ mē̠dhapátiṁ ru̠draṁ jalā̎ṣabheṣajam । tacchaṁ̠yōḥ su̠mnamī̎mahe ॥ 1.043.04॥ yaḥ śu̠kra íva̠ sūryō̠ hirá̎ṇyamiva̠ rocáte । śreṣṭhō̎ dē̠vānāṁ̠ vasuḥ́ ॥ 1.043.05॥ śaṁ naḥ́ kara̠tyarvátē su̠gaṁ mē̠ṣāyá mē̠ṣyé̎ । nṛbhyō̠ nāríbhyō̠ gavé̎ ॥ 1.043.06॥ a̠sme sō̎ma̠ śriya̠madhi̠ ni dhé̎hi śa̠tasyá nṛ̠ṇām । mahi̠ śrávastuviṇṛ̠mṇam ॥ 1.043.07॥ mā naḥ́ somapari̠bādhō̠ mārā̎tayo juhuranta । ā ná indō̠ vājé̎ bhaja ॥ 1.043.08॥ yāsté̎ pra̠jā a̠mṛtásya̠ parásmi̠ndhāmá̎nnṛ̠tasyá । mū̠rdhā nābhā̎ soma vena ā̠bhūṣá̎ntīḥ soma vedaḥ ॥ 1.043.09॥ i̠mā ru̠drāyá ta̠vasé̎ kapa̠rdiné̎ kṣa̠yadvī̎rāya̠ pra bhárāmahe ma̠tīḥ । yathā̠ śamasádvi̠padē̠ catúṣpadē̠ viśvaṁ̎ pu̠ṣṭaṁ grāmé̎ a̠sminnánātu̠ram ॥ 1.114.01॥ mṛ̠ḻā nō̎ rudrō̠ta nō̠ mayáskṛdhi kṣa̠yadvī̎rāya̠ namásā vidhema te । yacchaṁ ca̠ yośca̠ manúrāyē̠je pi̠tā tadáśyāma̠ tavá rudra̠ praṇī̎tiṣu ॥ 1.114.02॥ a̠śyāmá te suma̠tiṁ dé̎vaya̠jyayā̎ kṣa̠yadvī̎rasya̠ tavá rudra mīḍhvaḥ । su̠mnā̠yannidviśō̎ a̠smāka̠mā ca̠rārístavīrā juhavāma te ha̠viḥ ॥ 1.114.03॥ tvē̠ṣaṁ va̠yaṁ ru̠draṁ yájña̠sādhaṁ̎ va̠ṅkuṁ ka̠vimavásē̠ ni hvá yāmahe । ā̠re a̠smaddaivyaṁ̠ heḻō̎ asyatu suma̠timidva̠yama̠syā vṛ́ṇīmahe ॥ 1.114.04॥ di̠vō várā̠hámaru̠ṣaṁ ká pa̠rdinaṁ̎ tvē̠ṣaṁ rū̠paṁ namásā̠ ni hvá yāmahe । hastē̠ bibhrádheṣa̠jā vāryā̎ṇi̠ śarma̠ varmá ccha̠rdir̠asmabhyaṁ̎ yaṁsat ॥ 1.114.05॥ i̠daṁ pi̠tre ma̠rutā̎mucyatē̠ vacaḥ́ svā̠dōḥ svādī̎yo ru̠drāya̠ vardhá nam । rāsvā̎ ca no amṛta marta̠bhojá naṁ̠ tmané̎ tō̠kāya̠ tanáyāya mṛḻa ॥ 1.114.06॥ mānō̎ ma̠hāntá mu̠ta mānō̎ arbha̠kaṁ mā na̠ ukṣá ntamu̠ta mā ná ukṣi̠tam । mānō̎ vadhīḥ pi̠taraṁ̠ mota mā̠taraṁ̠ mā naḥ́ pri̠yāsta̠nvō̎ rudra rīriṣaḥ ॥ 1.114.07॥ mā nástō̠ke taná yē̠ mā ná ā̠yau mā nō̠ gōṣu̠ mā nō̠ aśvé̎ṣu rīriṣaḥ । vī̠rānmā nō̎ rudra bhāmi̠tō vádhīrha̠viṣmá ntaḥ̠ sada̠mittvā̎ havāmahe ॥ 1.114.08॥ upáte̠ stōmā̎npaśu̠pā i̠vāká raṁ̠ rāsvā̎ pitarmarutāṁ su̠mnama̠sme । bha̠drā hité̎ suma̠tirmṛ́ḻa̠yatta̠māthā̎ va̠yamava̠ itté̎ vṛṇīmahe ॥ 1.114.09॥ ā̠re té̎ gō̠ghnamu̠ta pū̎ruṣa̠ghnaṁ kṣayá dvīra su̠mnama̠sme té̎ astu । mṛ̠ḻā cá nō̠ adhí ca brūhi dē̠vādhā̎ ca naḥ̠ śarmá yaccha dvi̠barhāḥ̎ ॥ 1.114.10॥ avō̎cāma̠ namō̎ asmā ava̠syavaḥ́ śaṛ̠ṇōtú nō̠ havaṁ̎ ru̠drō ma̠rutvā̎n । tannō̎ mi̠trō varúṇō māmahantā̠madítiḥ̠ sindhuḥ́ pṛthi̠vī u̠ta dyauḥ ॥ 1.114.11॥ āté̎ pitarmarutāṁ su̠mnamé̎tu̠ mā naḥ̠ sūryá sya saṁ̠dṛśō̎ yuyothāḥ । a̠bhi nō̎ vī̠rō arvá ti kṣameta̠ pra jā̎yemahi rudra pra̠jābhiḥ́ ॥ 2.033.01॥ tvādáttebhī rudra̠ śaṁtámebhiḥ śa̠taṁ himā̎ aśīya bheṣa̠jebhiḥ́ । vya smaddveṣō̎ vita̠raṁ vyaṁhō̠ vyamī̎vāścātayasvā̠ viṣū̎cīḥ ॥ 2.033.02॥ śreṣṭhō̎ jā̠tasyá rudra śri̠yāsí ta̠vastámasta̠vasāṁ̎ vajrabāho । parṣí ṇaḥ pā̠ramaṁhá saḥ sva̠sti viśvā̎ a̠bhī̎tī̠ rapá so yuyodhi ॥ 2.033.03॥ mātvā̎ rudra cukrudhāmā̠ namō̎bhi̠rmā duṣṭútī vṛṣabha̠ mā sahū̎tī । unnō̎ vī̠rāṁ árpaya bheṣa̠jebhírbhi̠ṣaktá maṁ tvā bhi̠ṣajāṁ̎ śaṛṇomi ॥ 2.033.04॥ havī̎mabhi̠rhavá tē̠ yō ha̠virbhi̠rava̠ stōmé̎bhī ru̠draṁ díṣīya । ṛ̠dū̠daraḥ́ su̠havō̠ mā nō̎ a̠syai ba̠bhruḥ su̠śiprō̎ rīradhanma̠nāyai̎ ॥ 2.033.05॥ unmā̎ mamanda vṛṣa̠bhō ma̠rutvā̠ntvakṣī̎yasā̠ vayá sā̠ nādhá mānam । ghṛṇī̎va cchā̠yāmá ra̠pā áśī̠yā ví vāseyaṁ ru̠drasyá su̠mnam ॥ 2.033.06॥ kva sya té̎ rudra mṛḻa̠yāku̠rhastō̠ yō astí bheṣa̠jō jalā̎ṣaḥ । a̠pa̠bha̠rtā rapá sō̠ daivyá syā̠bhī nu mā̎ vṛṣabha cakṣamīthāḥ ॥ 2.033.07॥ pra ba̠bhravé̎ vṛṣa̠bhāyá śvitī̠ce ma̠hō ma̠hīṁ súṣṭu̠timī̎rayāmi । na̠ma̠syā kálmalī̠kinaṁ̠ namō̎bhirgṛṇī̠masí tvē̠ṣaṁ ru̠drasyá̠ nāmá ॥ 2.033.08॥ sthi̠rebhi̠raṅgaiḥ̎ puru̠rūpá u̠grō ba̠bhruḥ śu̠krebhiḥ́ pipiśē̠ hirá̎ṇyaiḥ । īśā̎nāda̠sya bhuvá nasya̠ bhūrē̠rna vā ú yoṣadru̠drādá su̠ryá̎m ॥ 2.033.09॥ arhá nbibharṣi̠ sāyá kāni̠ dhanvārhá nni̠ṣkaṁ yája̠taṁ vi̠śvarū̎pam । arhá nni̠daṁ dá yasē̠ viśva̠mabhvaṁ̠ na vā ōjī̎yō rudra̠ tvadá sti ॥ 2.033.10॥ stu̠hi śru̠taṁ gá rta̠sadaṁ̠ yuvā̎naṁ mṛ̠gaṁ na bhī̠mamú paha̠tnumu̠gram । mṛ̠ḻā já ri̠tre rú dra̠ stavā̎nō̠'nyaṁ té̎ a̠smanni vá pantu̠ senāḥ̎ ॥ 2.033.11॥ ku̠mā̠raścít pi̠taraṁ̠ vandá mānaṁ̠ pratí nānāma rudropaya̠ntá̎m । bhūré̎rdā̠tāraṁ̠ satpá tiṁ gṛṇīṣe stu̠tastvaṁ bhé̎ṣa̠jā rā̎sya̠sme ॥ 2.033.12॥ yāvō̎ bheṣa̠jā má rutaḥ̠ śucī̎ni̠ yā śaṁtá mā vṛṣaṇō̠ yā má yō̠bhu । yāni̠ manu̠ravṛ́ṇītā pi̠tā na̠stā śaṁ ca̠ yōścá ru̠drasyá vaśmi ॥ 2.033.13॥ parí ṇō hē̠tī ru̠drasyá vṛjyāḥ̠ parí tvē̠ṣasyá durma̠tirma̠hī gā̎t । avá sthi̠rā ma̠ghavá dbhyastanuṣva̠ mīḍhvá stō̠kāya̠ taná yāya mṛḻa ॥ 2.033.14॥ ē̠vā bá bhrō vṛṣabha cekitāna̠ yathā̎ deva̠ na hṛ́ṇī̠ṣe na haṁsí । ha̠va̠na̠śrunnō̎ rudrē̠ha bō̎dhi bṛ̠hadvá dema vi̠dathé̎ su̠vīrāḥ̎ ॥ 2.033.15॥ sōmā̎rudrā dhā̠rayé̎thāmasu̠ryaṁ pra vā̎mi̠ṣṭayō'rá maśnuvantu । damé̎dame sa̠pta ratnā̠ dadhā̎nā̠ śaṁ nō̎ bhūtaṁ dvi̠padē̠ śaṁ catúṣpade ॥ 6.074.01॥ sōmā̎rudrā̠ vi vṛ́hataṁ̠ viṣū̎cī̠mamī̎vā̠ yā nō̠ gayá māvi̠veśá । ā̠re bā̎dhethāṁ̠ nirṛ́tiṁ parā̠cair̠asme bha̠drā sau̎śrava̠sāní santu ॥ 6.074.02॥ sōmā̎rudrā yu̠vamē̠tānya̠sme viśvā̎ ta̠nūṣú bheṣa̠jāní dhattam । avá syataṁ mu̠ñcataṁ̠ yannō̠ astí ta̠nūṣú ba̠ddhaṁ kṛ̠tamenō̎ a̠smat ॥ 6.074.03॥ ti̠gmāyú dhau ti̠gmahé̎tī su̠śevau̠ sōmā̎rudrāvi̠ha su mṛ́ḻataṁ naḥ । pranō̎ muñcataṁ̠ varúṇasya̠ pāśā̎dgōpā̠yataṁ̎ naḥ sumana̠syamā̎nā ॥ 6.074.04॥ i̠mā ru̠drāyá sthi̠radhá̎nvane̠ giraḥ́ kṣi̠preṣá ve dē̠vāyá sva̠dhāvné̎ । aṣā̎ḻhāya̠ sahá mānāya vē̠dhasé̎ ti̠gmāyú dhāya bharatā śaṛ̠ṇōtú naḥ ॥ 7.046.01॥ sa hi kṣayé̎ṇa̠ kṣamyá sya̠ janmá naḥ̠ sāmrā̎jyena di̠vyasya̠ cetá ti । ava̠nnavá ntī̠rupá nō̠ durá ścarānamī̠vō rú dra̠ jāsú nō bhava ॥ 7.046.02॥ yāté̎ di̠dyudavá sṛṣṭā di̠vasparí kṣma̠yā cará ti̠ pari̠ sā vṛ́ṇaktu naḥ । sa̠hasraṁ̎ te svapivāta bheṣa̠jā mā nástō̠keṣu̠ taná yeṣu rīriṣaḥ ॥ 7.046.03॥ mānō̎ vadhī rudra̠ mā parā̎ dā̠ mā té̎ bhūma̠ prasí tau hīḻi̠tasyá । ānō̎ bhaja ba̠rhiṣí jīvaśaṁ̠se yū̠yaṁ pā̎ta sva̠stibhiḥ̠ sadā̎ naḥ ॥ 7.046.04॥ a̠sme ru̠drā mē̠hanā̠ parvá tāsō vṛtra̠hatyē̠ bhará hūtau sa̠jōṣāḥ̎ । yaḥ śaṁsá te stuva̠te dhāyí pa̠jra indrá jyeṣṭhā a̠smāṁ á vantu dē̠vāḥ ॥ 8.063.12॥ tvamá gne ru̠drō asú rō ma̠hō di̠vastvaṁ śardhō̠ mārú taṁ pṛ̠kṣa ī̎śiṣe । tvaṁ vātai̎raru̠ṇairyā̎si śaṁga̠yastvam pū̠ṣā ví dha̠taḥ pā̎si̠ nu tmanā̎ ॥ 2.001.06॥ āvō̠ rājā̎namadhva̠rasyá ru̠draṁ hōtā̎raṁ satya̠yajaṁ̠ rodá syōḥ । a̠gniṁ pu̠rā tá nayi̠tnōra̠cittā̠ddhirá̎ṇyarūpa̠mavá se kṛṇudhvam ॥ 4.003.01॥ tavá śri̠ye ma̠rutō̎ marjayanta̠ rudra̠ yatté̠ janí ma̠ cārú ci̠tram । pa̠daṁ yadviṣṇō̎rupa̠maṁ ni̠dhāyi̠ tená pāsi̠ guhyaṁ̠ nāma̠ gōnā̎m ॥ 5.003.03॥ bhuvá nasya pi̠taraṁ̎ gī̠rbhirā̠bhī ru̠draṁ divā̎ va̠rdhayā̎ ru̠drama̠ktau । bṛ̠hantá mṛ̠ṣvama̠jaraṁ̎ suṣu̠mnamṛdhá gghuvema ka̠viné̎ṣi̠tāsaḥ́ ॥ 6.049.10॥ tamú ṣṭuhi̠ yaḥ svi̠ṣuḥ su̠dhanvā̠ yō viśvá sya̠ kṣayá ti bheṣa̠jasyá । yakṣvā̎ ma̠he sau̎mana̠sāyá ru̠draṁ namō̎bhirdē̠vamasú raṁ duvasya ॥ 5.042.11॥ a̠yaṁ mē̠ hastō̠ bhagá vāna̠yaṁ mē̠ bhagá vattaraḥ । a̠yaṁ mé̎ vi̠śvabhé̎ṣajō̠'yaṁ śi̠vābhí marśanaḥ ॥ 10.060.12॥ ōṁ śāntiḥ̠ śāntiḥ̠ śāntiḥ́ ॥