വാസ്തോ॑ഷ്പതേ॒ പ്രതി॑ ജാനീഹ്യ॒സ്മാൻസ്വാ॑വേ॒ശോ അ॑നമീ॒വോ ഭ॑വാ നഃ । യത്ത്വേമ॑ഹേ॒ പ്രതി॒ തന്നോ॑ ജുഷസ്വ॒ ശം നോ॑ ഭവ ദ്വി॒പദേ॒ ശം ചതു॑ഷ്പദേ ॥ വാസ്തോ॑ഷ്പതേ പ്ര॒തര॑ണോ ന ഏധി ഗയ॒സ്ഫാനോ॒ ഗോഭി॒രശ്വേ॑ഭിരിന്ദോ । അ॒ജരാ॑സസ്തേ സ॒ഖ്യേ സ്യാ॑മ പി॒തേവ॑ പു॒ത്രാൻപ്രതി॑ നോ ജുഷസ്വ ॥ വാസ്തോ॑ഷ്പതേ ശ॒ഗ്മയാ॑ സം॒സദാ॑ തേ സക്ഷീ॒മഹി॑ ര॒ണ്വയാ॑ ഗാതു॒മത്യാ॑ । പാ॒ഹി ക്ഷേമ॑ ഉ॒ത യോഗേ॒ വരം॑ നോ യൂ॒യം പാ॑ത സ്വ॒സ്തിഭിഃ॒ സദാ॑ നഃ ॥ അ॒മീ॒വ॒ഹാ വാ॑സ്തോഷ്പതേ॒ വിശ്വാ॑ രൂ॒പാണ്യാ॑വി॒ശൻ । സഖാ॑ സു॒ശേവ॑ ഏധി നഃ ॥ വാസ്തോ॑ഷ്പതേ ധ്രു॒വാ സ്ഥൂണാംസ॑ത്രം സോ॒മ്യാനാം॑ । ദ്ര॒പ്സോ ഭേ॒ത്താ പു॒രാം ശശ്വ॑തീനാ॒മിന്ദ്രോ॒ മുനീ॑നാം॒ സഖാ॑ ॥