ಸ್ವ॒ಸ್ತಿ ನೋ᳚ ಮಿಮೀತಾಮ॒ಶ್ವಿನಾ॒ ಭಗಃ॑ ಸ್ವ॒ಸ್ತಿ ದೇ॒ವ್ಯದಿ॑ತಿರನ॒ರ್ವಣಃ॑ । ಸ್ವ॒ಸ್ತಿ ಪೂ॒ಷಾ ಅಸು॑ರೋ ದಧಾತು ನಃ ಸ್ವ॒ಸ್ತಿ ದ್ಯಾವಾ᳚ಪೃಥಿ॒ವೀ ಸು॑ಚೇ॒ತುನಾ᳚ ॥ ಸ್ವ॒ಸ್ತಯೇ᳚ ವಾ॒ಯುಮುಪ॑ ಬ್ರವಾಮಹೈ॒ ಸೋಮಂ᳚ ಸ್ವ॒ಸ್ತಿ ಭುವ॑ನಸ್ಯ॒ ಯಸ್ಪತಿಃ॑ । ಬೃಹ॒ಸ್ಪತಿಂ॒ ಸರ್ವ॑ಗಣಂ ಸ್ವ॒ಸ್ತಯೇ᳚ ಸ್ವ॒ಸ್ತಯ॑ ಆದಿ॒ತ್ಯಾಸೋ᳚ ಭವಂತು ನಃ ॥ ವಿಶ್ವೇ᳚ ದೇ॒ವಾ ನೋ᳚ ಅ॒ದ್ಯಾ ಸ್ವ॒ಸ್ತಯೇ᳚ ವೈಶ್ವಾನ॒ರೋ ವಸು॑ರ॒ಗ್ನಿಃ ಸ್ವ॒ಸ್ತಯೇ᳚ । ದೇ॒ವಾ ಅ॑ವಂತ್ವೃ॒ಭವಃ॑ ಸ್ವ॒ಸ್ತಯೇ᳚ ಸ್ವ॒ಸ್ತಿ ನೋ᳚ ರು॒ದ್ರಃ ಪಾ॒ತ್ವಂಹ॑ಸಃ ॥ ಸ್ವ॒ಸ್ತಿ ಮಿ॑ತ್ರಾವರುಣಾ ಸ್ವ॒ಸ್ತಿ ಪ॑ಥ್ಯೇ ರೇವತಿ । ಸ್ವ॒ಸ್ತಿ ನ॒ ಇಂದ್ರ॑ಶ್ಚಾ॒ಗ್ನಿಶ್ಚ॑ ಸ್ವ॒ಸ್ತಿ ನೋ᳚ ಅದಿತೇ ಕೃಧಿ ॥ ಸ್ವ॒ಸ್ತಿ ಪಂಥಾ॒ಮನು॑ ಚರೇಮ ಸೂರ್ಯಾಚಂದ್ರ॒ಮಸಾ᳚ವಿವ । ಪುನ॒ರ್ದದ॒ತಾಘ್ನ॑ತಾ ಜಾನ॒ತಾ ಸಂ ಗ॑ಮೇಮಹಿ ॥ ಸ್ವ॒ಸ್ತ್ಯಯ॑ನಂ॒ ತಾರ್ಕ್ಷ್ಯ॒ಮರಿ॑ಷ್ಟನೇಮಿಂ ಮ॒ಹದ್ಭೂ᳚ತಂ ವಾಯ॒ಸಂ ದೇ॒ವತಾ᳚ನಾಂ । ಅ॒ಸು॒ರ॒ಘ್ನಮಿಂದ್ರ॑ಸಖಂ ಸ॒ಮತ್ಸು॑ ಬೃ॒ಹದ್ಯಶೋ॑ ನಾವ॑ಮಿ॒ವಾ ರು॑ಹೇಮ ॥ ಅಂ॒ಹೋ॒ಮುಚ॑ಮಾಂ॒ಗಿ॑ರಸಂ॒ ಗಯಂ᳚ ಚ ಸ್ವ॒ಸ್ತ್ಯಾ᳚ತ್ರೇ॒ಯಂ ಮನ॑ಸಾ ಚ॒ ತಾರ್ಕ್ಷ್ಯಂ᳚ । ಪ್ರಯ॑ತಪಾಣಿಃ ಶ॒ರಣಂ ಪ್ರಪ॑ದ್ಯೇ ಸ್ವ॒ಸ್ತಿ ಸಂ᳚ಬಾ॒ಧೇಷ್ವಭ॑ಯಂ ನೋ ಅಸ್ತು ॥ ಸ್ವ॒ಸ್ತಿ ನ॒ ಇಂದ್ರೋ॑ ವೃ॒ದ್ಧಶ್ರ॑ವಾಃ ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ॑ದಾಃ । ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥ ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ । ಹರಿಃ ಓಂ ।