ఓం శం నో॑ మి॒త్రశ్శం-వఀరు॑ణః । శం నో॑ భవత్వర్య॒మా । శం న॒ ఇంద్రో॒ బృహ॒స్పతిః॑ । శం నో॒ విష్ణు॑రురుక్ర॒మః । నమో॒ బ్రహ్మ॑ణే । నమ॑స్తే వాయో । త్వమే॒వ ప్ర॒త్యక్షం॒ బ్రహ్మా॑సి । త్వమే॒వ ప్ర॒త్యక్షం॒ బ్రహ్మ॑ వదిష్యామి । ఋ॒తం-వఀ॑దిష్యామి । స॒త్యం-వఀ॑దిష్యామి । తన్మామ॑వతు । తద్వ॒క్తార॑మవతు । అవ॑తు॒ మాం । అవ॑తు వ॒క్తారం᳚ । ఓం శాంతిః॒ శాంతిః॒ శాంతిః॑ ॥ 1 ॥ శం నో॑ మి॒త్రశ్శం-వఀరు॑ణః । శం నో॑ భవత్వర్య॒మా । శం న॒ ఇంద్రో॒ బృహ॒స్పతిః॑ । శం నో॒ విష్ణు॑రురుక్ర॒మః । నమో॒ బ్రహ్మ॑ణే । నమ॑స్తే వాయో । త్వమే॒వ ప్ర॒త్యక్షం॒ బ్రహ్మా॑సి । త్వామే॒వ ప్ర॒త్యక్షం॒ బ్రహ్మావా॑దిషం । ఋ॒తమ॑వాదిషం । స॒త్యమ॑వాదిషం । తన్మామా॑వీత్ । తద్వ॒క్తార॑మావీత్ । ఆవీ॒న్మాం । ఆవీ᳚ద్వ॒క్తారం᳚ । ఓం శాంతిః॒ శాంతిః॒ శాంతిః॑ ॥ 2 ॥ ఓం స॒హ నా॑వవతు । స॒హ నౌ॑ భునక్తు । స॒హ వీ॒ర్యం॑ కరవావహై । తే॒జ॒స్వినా॒వధీ॑తమస్తు॒ మా వి॑ద్విషా॒వహై᳚ । ఓం శాంతిః॒ శాంతిః॒ శాంతిః॑ ॥ 3 ॥ నమో॑ వా॒చే యా చో॑ది॒తా యా చాను॑దితా॒ తస్యై॑ వా॒చే నమో॒ నమో॑ వా॒చే నమో॑ వా॒చస్పత॑యే॒ నమ॒ ఋషి॑భ్యో మంత్ర॒కృద్భ్యో॒ మంత్ర॑పతిభ్యో॒ మా మామృష॑యో మంత్ర॒కృతో॑ మంత్ర॒పత॑యః॒ పరా॑దు॒ర్మా-ఽహమృషీ᳚న్ మంత్ర॒కృతో॑ మంత్ర॒పతీ॒న్ పరా॑దాం-వైఀశ్వదే॒వీం-వాఀచ॑ముద్యాసగ్ం శి॒వా మద॑స్తాం॒జుష్టాం᳚ దే॒వేభ్యః॒ శర్మ॑ మే॒ ద్యౌః శర్మ॑ పృథి॒వీ శర్మ॒ విశ్వ॑మి॒దం జగ॑త్ । శర్మ॑ చం॒ద్రశ్చ॒ సూర్య॑శ్చ॒ శర్మ॑ బ్రహ్మ ప్రజాప॒తీ । భూ॒తం-వఀ॑దిష్యే॒ భువ॑నం-వఀదిష్యే॒ తేజో॑ వదిష్యే॒ యశో॑ వదిష్యే॒ తపో॑ వదిష్యే॒ బ్రహ్మ॑ వదిష్యే స॒త్యం-వఀ॑దిష్యే॒ తస్మా॑ అ॒హమి॒ద-ము॑ప॒స్తర॑ణ॒-ముప॑స్తృణ ఉప॒స్తర॑ణం మే ప్ర॒జాయై॑ పశూ॒నాం భూ॑యాదుప॒స్తర॑ణమ॒హం ప్ర॒జాయై॑ పశూ॒నాం భూ॑యాసం॒ ప్రాణా॑పానౌ మృ॒త్యోర్మా॑పాతం॒ ప్రాణా॑పానౌ॒ మా మా॑ హాసిష్టం॒ మధు॑ మనిష్యే॒ మధు॑ జనిష్యే॒ మధు॑ వక్ష్యామి॒ మధు॑ వదిష్యామి॒ మధు॑మతీం దే॒వేభ్యో॒ వాచ॑ముద్యాసగ్ం శుశ్రూ॒షేణ్యాం᳚ మను॒ష్యే᳚భ్య॒స్తం మా॑ దే॒వా అ॑వంతు శో॒భాయై॑ పి॒తరోఽను॑మదంతు ॥ ఓం శాంతిః॒ శాంతిః॒ శాంతిః॑ ॥ 4 ॥ శన్నో॒ వాతః॑ పవతాం మాత॒రిశ్వా॒ శన్న॑ స్తపతు॒ సూర్యః॑ । అహా॑ని॒ శం భ॑వంతు న॒ శ్శగ్ం రాత్రిః॒ ప్రతి॑ధీయతాం ॥ శము॒షా నో॒ వ్యు॑చ్ఛతు॒ శమా॑ది॒త్య ఉదే॑తు నః । శి॒వా న॒ శ్శంత॑మాభవ సుమృడీ॒కా సర॑స్వతి । మాతే॒ వ్యో॑మ సం॒దృశి॑ ॥ 1 ఇడా॑యై॒ వాస్త్వ॑సి వాస్తు॒మద్వా᳚స్తు॒మంతో॑ భూయాస్మ॒ మా వాస్తో᳚శ్ఛిథ్స్ మహ్యవా॒స్తు స్స భూ॑యా॒ద్ యో᳚ఽస్మాన్ ద్వేష్టి॒ యం చ॑ వ॒యం ద్వి॒ష్మః ॥ ప్ర॒తి॒ష్ఠాఽసి॑ ప్రతి॒ష్ఠావం॑తో భూయాస్మ॒ మా ప్ర॑తి॒ష్ఠాయా᳚ఛిథ్స్ మహ్య ప్రతి॒ష్ఠస్స భూ॑యా॒ద్ యో᳚ఽస్మాన్ ద్వేష్టి॒ యం చ॑ వ॒యం ద్వి॒ష్మః ॥ 2 ఆవా॑త వాహి భేష॒జం-విఀవా॑త-వాహి॒ యద్రపః॑ । త్వగ్ంహి వి॒శ్వభే॑షజో దే॒వానాం᳚ దూ॒త ఈయ॑సే ॥ ద్వావి॒మౌ వాతౌ॑ వాత॒ ఆసింధో॒రా ప॑రా॒వతః॑ । దక్షం॑ మే అ॒న్య ఆ॒వాతు॒ పరా॒ఽన్యో వా॑తు॒ యద్రపః॑ ॥ యద॒దో వా॑త తే గృ॒హే॑ఽమృత॑స్య ని॒ధిర్​హి॒తః । తతో॑ నో దేహి జీ॒వసే॒ తతో॑ నో ధేహి భేష॒జం । తతో॑ నో॒ మహ॒ ఆవ॑హ॒ వాత॒ ఆవా॑తు భేష॒జం ॥ శం॒భూర్-మ॑యో॒భూర్-నో॑ హృ॒దే ప్రణ॒ ఆయుగ్ం॑షి తారిషత్ । ఇంద్ర॑స్య గృ॒హో॑ఽసి॒ తం త్వా॒ ప్ర॑పద్యే॒ సగు॒స్సాశ్వః॑ । స॒హ యన్మే॒ అస్తి॒ తేన॑ ॥ 3 భూః ప్రప॑ద్యే॒ భువః॒ ప్రప॑ద్యే॒ సువః॒ ప్రప॑ద్యే॒ భూర్భువ॒స్సువః॒ ప్రప॑ద్యే వా॒యుం ప్రప॒ద్యేఽనా᳚ర్తాం దే॒వతాం॒ ప్రప॒ద్యే-ఽశ్మా॑నమాఖ॒ణం ప్రప॑ద్యే ప్ర॒జాప॑తేర్ బ్రహ్మకో॒శం బ్రహ్మ॒ ప్రప॑ద్య॒ ఓం ప్రప॑ద్యే ॥ అం॒తరి॑క్షం మ ఉ॒ర్వం॑తరం॑ బృ॒హద॒గ్నయః॒ పర్వ॑తాశ్చ॒ యయా॒ వాతః॑ స్వ॒స్త్యా స్వ॑స్తి॒మాంతయా᳚ స్వ॒స్త్యా స్వ॑స్తి॒ మాన॑సాని ॥ ప్రాణా॑పానౌ మృ॒త్యోర్ మా॑ పాతం॒ ప్రాణా॑పానౌ॒ మా మా॑ హాసిష్టం॒ మయి॑ మే॒ధాం మయి॑ ప్ర॒జాం మయ్య॒గ్ని స్తేజో॑ దధాతు॒ మయి॑ మే॒ధాం మయి॑ ప్ర॒జాం మయీంద్ర॑ ఇంద్రి॒యం ద॑ధాతు॒ మయి॑ మే॒ధాం మయి॑ ప్ర॒జాం మయి॒ సూర్యో॒ భ్రాజో॑ దధాతు ॥ 4 ద్యు॒భిర॒క్తుభిః॒ పరి॑పాత-మ॒స్మా-నరి॑ష్టేభిరశ్వినా॒ సౌభ॑గేభిః । తన్నో॑ మి॒త్రో వరు॑ణో మామహంతా॒-మది॑తిః॒-సింధుః॑ పృథి॒వీ ఉ॒తద్యౌః ॥ కయా॑నశ్చి॒త్ర ఆభు॑వ దూ॒తీ స॒దావృ॑ధ॒ స్సఖా᳚ । కయా॒శచి॑ష్ఠయా వృ॒తా ॥ కస్త్వా॑ స॒త్యో మదా॑నాం॒ మగ్ంహి॑ష్ఠో మథ్స॒దంధ॑సః । దృ॒ఢా-చి॑దా॒-రుజే॒-వసు॑ ॥ అ॒భీషుణ॒ స్సఖీ॑నా-మవి॒తా-జ॑రిత్-ౠ॒ణాం । శ॒తం భ॑వాస్యూ॒తిభిః॑ ॥ వయ॑స్సుప॒ర్ణా ఉప॑సేదు॒రింద్రం॑ ప్రి॒యమే॑ధా॒ ఋష॑యో॒ నాధ॑మానాః । అప॑ద్ధ్వాం॒తమూ᳚ర్ణు॒హి పూ॒ర్ధిచక్షు॑ర్ ముము॒గ్ధ్య॑స్మా-న్ని॒ధయే॑వ బ॒ద్ధాన్ ॥ శన్నో॑ దే॒వీర॒భిష్ట॑య॒ ఆపో॑ భవంతు పీ॒తయే᳚ । శం​యోఀ-ర॒భిస్ర॑వంతునః ॥ ఈశా॑నా॒ వార్యా॑ణాం॒ క్షయం॑తీ శ్చర్​షణీ॒నాం । అ॒పో యా॑చామి భేష॒జం ॥ సు॒మి॒త్రాన॒ ఆప॒ ఓష॑ధయ స్సంతు దుర్మి॒త్రాస్తస్మై॑ భూయా-సు॒ర్యో᳚ఽస్మాన్ ద్వేష్టి॒ యం చ॑ వ॒యం ద్వి॒ష్మః ॥ 5 ఆపో॒హిష్ఠా మ॑యో॒భువ॒-స్తాన॑ ఊ॒ర్జే ద॑ధాతన । మ॒హే రణా॑య॒ చక్ష॑సే । యో వః॑ శి॒వత॑మో॒ రస॒స్తస్య॑ భాజయతే॒హ నః॑ । ఉ॒శ॒తీరి॑వ మా॒తరః॑ । తస్మా॒ అరం॑ గమామవో॒ యస్య॒ క్షయా॑య॒ జిన్వ॑థ । ఆపో॑ జ॒నయ॑థా చనః ॥ పృ॒థి॒వీ శాం॒తా సాఽగ్నినా॑ శాం॒తా సా మే॑ శాం॒తా శుచగ్ం॑ శమయతు । అం॒తరి॑క్షగ్ం శాం॒తం తద్ వా॒యునా॑ శాం॒తం తన్మే॑ శాం॒తగ్ం శుచగ్ం॑ శమయతు । ద్యౌః శాం॒తా సాఽఽది॒త్యేన॑ శాం॒తా సా మే॑ శాం॒తా శుచగ్ం॑ శమయతు ॥ 6 పృ॒థి॒వీ శాంతి॑రం॒తరి॑క్ష॒గ్ం॒ శాంతి॒ర్ ద్యౌ శ్శాంతి॒ర్ దిశః॒ శాంతి॑-రవాంతరది॒శాః-శాంతి॑-ర॒గ్నిశ్శాంతి॑ర్-వా॒యుశ్శాంతి॑-రాది॒త్య శ్శాంతి॑- శ్చం॒ద్రమా॒ శ్శాంతి॒ర్-నక్ష॑త్రాణి॒ శాంతి॒-రాప॒శ్శాంతి॒-రోష॑ధయ॒ శ్శాంతి॒ర్- వన॒స్పత॑య॒ శ్శాంతి॒ర్-గౌ శ్శాంతి॑-ర॒జా శాంతి॒-రశ్వ॒ శ్శాంతిః॒ పురు॑ష॒ శ్శాంతి॒ర్ బ్రహ్మ॒ శాంతి॑ర్ బ్రాహ్మ॒ణ శ్శాంతి॒-శ్శాంతి॑-రే॒వ శాంతి॒ శ్శాంతి॑ర్ మే అస్తు శాంతిః॑ ॥ తయా॒ఽహగ్ం శాం॒త్యా స॑ర్వ శాం॒త్యా మహ్యం॑ ద్వి॒పదే॒ చతు॑ష్పదే చ॒ శాంతిం॑ కరోమి॒ శాంతి॑ర్ మే అస్తు॒ శాంతిః॑ ॥ 7 ఏహ॒ శ్రీశ్చ॒ హ్రీశ్చ॒ ధృతి॑శ్చ॒ తపో॑ మే॒ధా ప్ర॑తి॒ష్ఠా శ్ర॒ద్ధా స॒త్యం ధర్మ॑శ్చై॒తాని॒ మోత్తి॑ష్ఠంత॒-మనూత్తి॑ష్ఠంతు॒ మామా॒గ్గ్ శ్రీశ్చ॒ హ్రీశ్చ॒ ధృతి॑శ్చ॒ తపో॑ మే॒ధా ప్ర॑తి॒ష్ఠా శ్ర॒ద్ధా స॒త్యం ధర్మ॑శ్చై॒తాని॑ మా॒ మా హా॑సిషుః ॥ ఉదాయు॑షా స్వా॒యుషో-దోష॑ధీనా॒గ్ం॒ రసే॒నోత్ ప॒ర్జన్య॑స్య॒ శుష్మే॒ణోద॑స్థా- మ॒మృతా॒గ్ం॒ అను॑ ॥ తచ్చక్షు॑ర్ దే॒వహి॑తం పు॒రస్తా᳚-చ్ఛు॒క్రము॒చ్చర॑త్ ॥ 8 పశ్యే॑మ శ॒రద॑శ్శ॒తం జీవే॑మ శ॒రద॑శ్శ॒తం నందా॑మ శ॒రద॑శ్శ॒తం మోదా॑మ శ॒రద॑శ్శ॒తం భవా॑మ శ॒రద॑శ్శ॒తగ్ం శృ॒ణవా॑మ శ॒రద॑శ్శ॒తం ప్రబ్ర॑వామ శ॒రద॑శ్శ॒త-మజీ॑తాస్యామ శ॒రద॑శ్శ॒తం జోక్చ॒ సూర్యం॑ దృ॒శే ॥ య ఉద॑గాన్ మహ॒తోఽర్ణవా᳚న్ వి॒బ్రాజ॑మాన-స్సరి॒రస్య॒ మద్ధ్యా॒థ్స మా॑ వృష॒భో లో॑హితా॒క్ష స్సూర్యో॑ విప॒శ్చిన్ మన॑సా పునాతు ॥ 9 బ్రహ్మ॑ణ॒శ్చోత॑న్యసి॒ బ్రహ్మ॑ణ ఆ॒ణీస్థో॒ బ్రహ్మ॑ణ ఆ॒వప॑నమసి ధారి॒తేయం పృ॑థి॒వీ బ్రహ్మ॑ణా మ॒హీ ధా॑రి॒త-మే॑నేన మ॒హదం॒తరి॑క్షం॒ దివం॑ దాధార పృథి॒వీగ్ం సదే॑వాంయఀద॒హం​వేఀద॒ తద॒హం ధా॑రయాణి॒ మామద్వేదోఽధి॒ విస్ర॑సత్ । మే॒ధా॒మ॒నీ॒షే మావి॑శతాగ్ం స॒మీచీ॑ భూ॒తస్య॒ భవ్య॒స్యావ॑రుద్ధ్యై॒ సర్వ॒మాయు॑రయాణి॒ సర్వ॒మాయు॑రయాణి ॥ 10 ఆ॒భిర్ గీ॒ర్భిర్ యదతో॑న ఊ॒నమాప్యా॑యయ హరివో॒ వర్ధ॑మానః । య॒దా స్తో॒తృభ్యో॒ మహి॑ గో॒త్రా రు॒జాసి॑ భూయిష్ఠ॒భాజో॒ అధ॑తే శ్యామ । బ్రహ్మ॒ ప్రావా॑దిష్మ॒ తన్నో॒ మాహా॑సీత్ ॥ ఓం శాంతిః॒ శాంతిః॒ శాంతిః॑ ॥ 5 ॥