യാ ഓഷ॑ധീ॒: പൂർവാ॑ ജാ॒താ ദേ॒വേഭ്യ॑സ്ത്രിയു॒ഗം പു॒രാ । മനൈ॒ നു ബ॒ഭ്രൂണാ॑മ॒ഹം ശ॒തം ധാമാ॑നി സ॒പ്ത ച॑ ॥ 1 ശ॒തം വോ॑ അംബ॒ ധാമാ॑നി സ॒ഹസ്ര॑മു॒ത വോ॒ രുഹ॑: । അധാ॑ ശതക്രത്വോ യൂ॒യമി॒മം മേ॑ അഗ॒ദം കൃ॑ത ॥ 2 ഓഷ॑ധീ॒: പ്രതി॑ മോദധ്വം॒ പുഷ്പ॑വതീഃ പ്ര॒സൂവ॑രീഃ । അശ്വാ॑ ഇവ സ॒ജിത്വ॑രീർവീ॒രുധ॑: പാരയി॒ഷ്ണ്വ॑: ॥ 3 ഓഷ॑ധീ॒രിതി॑ മാതര॒സ്തദ്വോ॑ ദേവീ॒രുപ॑ ബ്രുവേ । സ॒നേയ॒മശ്വം॒ ഗാം വാസ॑ ആ॒ത്മാനം॒ തവ॑ പൂരുഷ ॥ 4 അ॒ശ്വ॒ത്ഥേ വോ॑ നി॒ഷദ॑നം പ॒ർണേ വോ॑ വസ॒തിഷ്കൃ॒താ । ഗോ॒ഭാജ॒ ഇത്കിലാ॑സഥ॒ യത്സ॒നവ॑ഥ॒ പൂരു॑ഷം ॥ 5 യത്രൗഷ॑ധീഃ സ॒മഗ്മ॑ത॒ രാജാ॑ന॒: സമി॑താവിവ । വിപ്ര॒: സ ഉ॑ച്യതേ ഭി॒ഷഗ്ര॑ക്ഷോ॒ഹാമീ॑വ॒ചാത॑നഃ ॥ 6 അ॒ശ്വാ॒വ॒തീം സോ॑മാവ॒തീമൂ॒ർജയ॑ന്തീ॒മുദോ॑ജസം । ആവി॑ത്സി॒ സർവാ॒ ഓഷ॑ധീര॒സ്മാ അ॑രി॒ഷ്ടതാ॑തയേ ॥ 7 ഉച്ഛുഷ്മാ॒ ഓഷ॑ധീനാം॒ ഗാവോ॑ ഗോ॒ഷ്ഠാദി॑വേരതേ । ധനം॑ സനി॒ഷ്യന്തീ॑നാമാ॒ത്മാനം॒ തവ॑ പൂരുഷ ॥ 8 ഇഷ്കൃ॑തി॒ർനാമ॑ വോ മാ॒താഥോ॑ യൂ॒യം സ്ഥ॒ നിഷ്കൃ॑തീഃ । സീ॒രാഃ പ॑ത॒ത്രിണീ॑: സ്ഥന॒ യദാ॒മയ॑തി॒ നിഷ്കൃ॑ഥ ॥ 9 അതി॒ വിശ്വാ॑: പരി॒ഷ്ഠാഃ സ്തേ॒ന ഇ॑വ വ്ര॒ജമ॑ക്രമുഃ । ഓഷ॑ധീ॒: പ്രാചു॑ച്യവു॒ര്യത്കിം ച॑ ത॒ന്വോ॒3॒॑ രപ॑: ॥ 10 യദി॒മാ വാ॒ജയ॑ന്ന॒ഹമോഷ॑ധീ॒ർഹസ്ത॑ ആദ॒ധേ । ആ॒ത്മാ യക്ഷ്മ॑സ്യ നശ്യതി പു॒രാ ജീ॑വ॒ഗൃഭോ॑ യഥാ ॥ 11 യസ്യൗ॑ഷധീഃ പ്ര॒സർപ॒ഥാംഗ॑മംഗം॒ പരു॑ഷ്പരുഃ । തതോ॒ യക്ഷ്മം॒ വി ബാ॑ധധ്വ ഉ॒ഗ്രോ മ॑ധ്യമ॒ശീരി॑വ ॥ 12 സാ॒കം യ॑ക്ഷ്മ॒ പ്ര പ॑ത॒ ചാഷേ॑ണ കികിദീ॒വിനാ॑ । സാ॒കം വാത॑സ്യ॒ ധ്രാജ്യാ॑ സാ॒കം ന॑ശ്യ നി॒ഹാക॑യാ ॥ 13 അ॒ന്യാ വോ॑ അ॒ന്യാമ॑വത്വ॒ന്യാന്യസ്യാ॒ ഉപാ॑വത । താഃ സർവാ॑: സംവിദാ॒നാ ഇ॒ദം മേ॒ പ്രാവ॑താ॒ വച॑: ॥ 14 യാഃ ഫ॒ലിനീ॒ര്യാ അ॑ഫ॒ലാ അ॑പു॒ഷ്പാ യാശ്ച॑ പു॒ഷ്പിണീ॑: । ബൃഹ॒സ്പതി॑പ്രസൂതാ॒സ്താ നോ॑ മുഞ്ച॒ന്ത്വംഹ॑സഃ ॥ 15 മു॒ഞ്ചന്തു॑ മാ ശപ॒ഥ്യാ॒॒3॑ദഥോ॑ വരു॒ണ്യാ॑ദു॒ത । അഥോ॑ യ॒മസ്യ॒ പഡ്ബീ॑ശാ॒ത്സർവ॑സ്മാദ്ദേവകിൽബി॒ഷാത് ॥ 16 അ॒വ॒പത॑ന്തീരവദൻ ദി॒വ ഓഷ॑ധയ॒സ്പരി॑ । യം ജീ॒വമ॒ശ്നവാ॑മഹൈ॒ ന സ രി॑ഷ്യാതി॒ പൂരു॑ഷഃ ॥ 17 യാ ഓഷ॑ധീ॒: സോമ॑രാജ്ഞീർബ॒ഹ്വീഃ ശ॒തവി॑ചക്ഷണാഃ । താസാം॒ ത്വമ॑സ്യുത്ത॒മാരം॒ കാമാ॑യ॒ ശം ഹൃ॒ദേ ॥ 18 യാ ഓഷ॑ധീ॒: സോമ॑രാജ്ഞീ॒ർവിഷ്ഠി॑താഃ പൃഥി॒വീമനു॑ । ബൃഹ॒സ്പതി॑പ്രസൂതാ അ॒സ്യൈ സം ദ॑ത്ത വീ॒ര്യം॑ ॥ 19 മാ വോ॑ രിഷത്ഖനി॒താ യസ്മൈ॑ ചാ॒ഹം ഖനാ॑മി വഃ । ദ്വി॒പച്ചതു॑ഷ്പദ॒സ്മാകം॒ സർവ॑മസ്ത്വനാതു॒രം ॥ 20 യാശ്ചേ॒ദമു॑പശൃ॒ണ്വന്തി॒ യാശ്ച॑ ദൂ॒രം പരാ॑ഗതാഃ । സർവാ॑: സം॒ഗത്യ॑ വീരുധോ॒ഽസ്യൈ സം ദ॑ത്ത വീ॒ര്യം॑ ॥ 21 ഓഷ॑ധയ॒: സം വ॑ദന്തേ॒ സോമേ॑ന സ॒ഹ രാജ്ഞാ॑ । യസ്മൈ॑ കൃ॒ണോതി॑ ബ്രാഹ്മ॒ണസ്തം രാ॑ജൻപാരയാമസി ॥ 22 ത്വമു॑ത്ത॒മാസ്യോ॑ഷധേ॒ തവ॑ വൃ॒ക്ഷാ ഉപ॑സ്തയഃ । ഉപ॑സ്തിരസ്തു॒ സോ॒॒3॑ഽസ്മാകം॒ യോ അ॒സ്മാഁ അ॑ഭി॒ദാസ॑തി ॥ 23 ഓം ശാന്തി॒: ശാന്തി॒: ശാന്തി॑: ।