നക്ഷത്രം - കൃത്തികാ, ദേവതാ - അഗ്നിഃ ഓം അ॒ഗ്നിർനഃ॑ പാതു॒ കൃത്തി॑കാഃ । നക്ഷ॑ത്രം ദേ॒വമിം॑ദ്രി॒യം । ഇ॒ദമാ॑സാം-വിഁചക്ഷ॒ണം । ഹ॒വിരാ॒സം ജു॑ഹോതന । യസ്യ॒ ഭാന്തി॑ ര॒ശ്മയോ॒ യസ്യ॑ കേ॒തവഃ॑ । യസ്യേ॒മാ വിശ്വാ॒ ഭുവ॑നാനി॒ സർവാ᳚ । സ കൃത്തി॑കാഭി-ര॒ഭിസം॒​വഁസാ॑നഃ । അ॒ഗ്നിർനോ॑ ദേ॒വസ്സു॑വി॒തേ ദ॑ധാതു ॥ 1 നക്ഷത്രം - രോഹിണീ, ദേവതാ - പ്രജാപതിഃ പ്ര॒ജാപ॑തേ രോഹി॒ണീവേ॑തു॒ പത്നീ᳚ । വി॒ശ്വരൂ॑പാ ബൃഹ॒തീ ചി॒ത്രഭാ॑നുഃ । സാ നോ॑ യ॒ജ്ഞസ്യ॑ സുവി॒തേ ദ॑ധാതു । യഥാ॒ ജീവേ॑മ ശ॒രദ॒സ്സവീ॑രാഃ । രോ॒ഹി॒ണീ ദേ॒വ്യുദ॑ഗാത്പു॒രസ്താ᳚ത് । വിശ്വാ॑ രൂ॒പാണി॑ പ്രതി॒മോദ॑മാനാ । പ്ര॒ജാപ॑തിഗ്ം ഹ॒വിഷാ॑ വ॒ർധയം॑തീ । പ്രി॒യാ ദേ॒വാനാ॒-മുപ॑യാതു യ॒ജ്ഞം ॥ 2 നക്ഷത്രം - മൃഗശീർ​ഷഃ, ദേവതാ - സോമഃ സോമോ॒ രാജാ॑ മൃഗശീ॒ർ॒ഷേണ॒ ആഗന്ന്॑ । ശി॒വം നക്ഷ॑ത്രം പ്രി॒യമ॑സ്യ॒ ധാമ॑ । ആ॒പ്യായ॑മാനോ ബഹു॒ധാ ജനേ॑ഷു । രേതഃ॑ പ്ര॒ജാം-യഁജ॑മാനേ ദധാതു । യത്തേ॒ നക്ഷ॑ത്രം മൃഗശീ॒ർ॒ഷമസ്തി॑ । പ്രി॒യഗ്ം രാ॑ജൻ പ്രി॒യത॑മം പ്രി॒യാണാം᳚ । തസ്മൈ॑ തേ സോമ ഹ॒വിഷാ॑ വിധേമ । ശന്ന॑ ഏധി ദ്വി॒പദേ॒ ശഞ്ചതു॑ഷ്പദേ ॥ 3 നക്ഷത്രം - ആർദ്രാ, ദേവതാ - രുദ്രഃ ആ॒ർദ്രയാ॑ രു॒ദ്രഃ പ്രഥ॑മാ ന ഏതി । ശ്രേഷ്ഠോ॑ ദേ॒വാനാം॒ പതി॑രഘ്നി॒യാനാം᳚ । നക്ഷ॑ത്രമസ്യ ഹ॒വിഷാ॑ വിധേമ । മാ നഃ॑ പ്ര॒ജാഗ്ം രീ॑രിഷ॒ന്മോത വീ॒രാൻ । ഹേ॒തീ രു॒ദ്രസ്യ॒ പരി॑ണോ വൃണക്തു । ആ॒ർദ്രാ നക്ഷ॑ത്രം ജുഷതാഗ്ം ഹ॒വിർനഃ॑ । പ്ര॒മും॒ചമാ॑നൗ ദുരി॒താനി॒ വിശ്വാ᳚ । അപാ॒ഘശഗ്ം॑ സന്നു-ദതാ॒മരാ॑തിം ॥ 4 നക്ഷത്രം - പുനർവസു, ദേവതാ - അദിതിഃ പുന॑ർനോ ദേ॒വ്യദി॑തി-സ്പൃണോതു । പുന॑ർവസൂ നഃ॒ പുന॒രേതാം᳚-യഁ॒ജ്ഞം । പുന॑ർനോ ദേ॒വാ അ॒ഭിയം॑തു॒ സർവേ᳚ । പുനഃ॑ പുനർവോ ഹ॒വിഷാ॑ യജാമഃ । ഏ॒വാ ന ദേ॒വ്യ-ദി॑തിരന॒ർവാ । വിശ്വ॑സ്യ ഭ॒ർത്രീ ജഗ॑തഃ പ്രതി॒ഷ്ഠാ । പുന॑ർവസൂ ഹ॒വിഷാ॑ വ॒ർധയം॑തീ । പ്രി॒യം ദേ॒വാനാ॒-മപ്യേ॑തു॒ പാഥഃ॑ ॥ 5 നക്ഷത്രം - പുഷ്യഃ, ദേവതാ - ബൃഹസ്പതിഃ ബൃഹ॒സ്പതിഃ॑ പ്രഥ॒മഞ്ജായ॑മാനഃ । തി॒ഷ്യം॑ നക്ഷ॑ത്രമ॒ഭി സംബ॑ഭൂവ । ശ്രേഷ്ഠോ॑ ദേ॒വാനാം॒ പൃത॑നാസു ജി॒ഷ്ണുഃ । ദി॒ശോഽനു॒ സർവാ॒ അഭ॑യന്നോ അസ്തു । തി॒ഷ്യഃ॑ പു॒രസ്താ॑ദു॒ത മ॑ധ്യ॒തോ നഃ॑ । ബൃഹ॒സ്പതി॑ർനഃ॒ പരി॑പാതു പ॒ശ്ചാത് । ബാധേ॑ താം॒ദ്വേഷോ॒ അഭ॑യം കൃണുതാം । സു॒വീര്യ॑സ്യ॒ പത॑യസ്യാമ ॥ 6 നക്ഷത്രം -ആശ്രേഷം, ദേവതാ - സർപാഃ ഇ॒ദഗ്ം സ॒ർപേഭ്യോ॑ ഹ॒വിര॑സ്തു॒ ജുഷ്ടം᳚ । ആ॒ശ്രേ॒ഷാ യേഷാ॑മനു॒യന്തി॒ ചേതഃ॑ । യേ അം॒തരി॑ക്ഷം പൃഥി॒വീം-ക്ഷി॒യന്തി॑ । തേന॑ സ്സ॒ർപാസോ॒ ഹവ॒മാഗ॑മിഷ്ഠാഃ । യേ രോ॑ച॒നേ സൂര്യ॒സ്യാപി॑ സ॒ർപാഃ । യേ ദിവം॑ ദേ॒വീ-മനു॑സം॒ചരം॑തി । യേഷാ॑മാശ്രേ॒ഷാ അ॑നു॒യന്തി॒ കാമം᳚ । തേഭ്യ॑-സ്സ॒ർപേഭ്യോ॒ മധു॑-മജ്ജുഹോമി ॥ 7 നക്ഷത്രം - മഘാ, ദേവതാ - പിതരഃ ഉപ॑ഹൂതാഃ പി॒തരോ॒ യേ മ॒ഘാസു॑ । മനോ॑ജവസ-സ്സു॒കൃത॑-സ്സുകൃ॒ത്യാഃ । തേ നോ॒ നക്ഷ॑ത്രേ॒ ഹവ॒മാഗ॑മിഷ്ഠാഃ । സ്വ॒ധാഭി॑ര്യ॒ജ്ഞം പ്രയ॑തം ജുഷന്താം । യേ അ॑ഗ്നിദ॒ഗ്ധാ യേഽന॑ഗ്നി-ദഗ്ധാഃ । യേ॑ഽമുല്ലോ॒കം പി॒തരഃ॑, ക്ഷി॒യന്തി॑ । യാഗ്ഗ്​ശ്ച॑ വി॒ദ്മയാഗ്ം ഉ॑ ച॒ ന പ്ര॑വി॒ദ്മ । മ॒ഘാസു॑ യ॒ജ്ഞഗ്ം സുകൃ॑തം ജുഷന്താം ॥ 8 നക്ഷത്രം - പൂർവഫൽഗുനീ, ദേവതാ - അര്യമാ ഗവാം॒ പതിഃ॒ ഫൽഗു॑നീ-നാമസി॒ ത്വം । തദ॑ര്യമന്വരുണ മിത്ര॒ ചാരു॑ । തം ത്വാ॑ വ॒യഗ്ം സ॑നി॒താരഗ്ം॑ സനീ॒നാം । ജീ॒വാ ജീവം॑ത॒മുപ॒ സം​വിഁ॑ശേമ । യേനേ॒മാ വിശ്വാ॒ ഭുവ॑നാനി॒ സഞ്ജി॑താ । യസ്യ॑ ദേ॒വാ അ॑നുസം॒​യംഁതി॒ ചേതഃ॑ । അ॒ര്യ॒മാ രാജാ॒ഽജര॒സ്തു വി॑ഷ്മാൻ । ഫൽഗു॑നീനാ-മൃഷ॒ഭോ രോ॑രവീതി ॥ 9 നക്ഷത്രം - ഉത്തര ഫൽഗുനീ, ദേവതാ - ഭഗഃ ശ്രേഷ്ഠോ॑ ദേ॒വാനാം᳚ ഭഗവോ ഭഗാസി । തത്ത്വാ॑ വിദുഃ॒ ഫൽഗു॑നീ॒-സ്തസ്യ॑ വിത്താത് । അ॒സ്മഭ്യം॑-ക്ഷ॒ത്രമ॒ജരഗ്ം॑ സു॒വീര്യം᳚ । ഗോമ॒ദശ്വ॑-വ॒ദുപ॒സന്നു॑-ദേ॒ഹ । ഭഗോ॑ഹ ദാ॒താ ഭഗ॒ ഇത്പ്ര॑ദാ॒താ । ഭഗോ॑ ദേ॒വീഃ ഫൽഗു॑നീ॒-രാവി॑വേശ । ഭഗ॒സ്യേത്തം പ്ര॑സ॒വം ഗ॑മേമ । യത്ര॑ ദേ॒വൈ-സ്സ॑ധ॒മാദം॑ മദേമ ॥ 10 നക്ഷത്രം - ഹസ്തഃ, ദേവതാ - സവിതാ ആയാ॑തു ദേ॒വ-സ്സ॑വി॒തോ പ॑യാതു । ഹി॒ര॒ണ്യയേ॑ന സു॒വൃതാ॒ രഥേ॑ന । വഹ॒ന॒, ഹസ്തഗ്ം॑ സു॒ഭഗം॑-വിഁദ്മ॒നാപ॑സം । പ്ര॒യച്ഛം॑തം॒ പപു॑രിം॒ പുണ്യ॒മച്ഛ॑ । ഹസ്തഃ॒ പ്രയ॑ച്ഛ ത്വ॒മൃതം॒-വഁസീ॑യഃ । ദക്ഷി॑ണേന॒ പ്രതി॑ഗൃഭ്ണീമ ഏനത് । ദാ॒താര॑-മ॒ദ്യ സ॑വി॒താ വി॑ദേയ । യോ നോ॒ ഹസ്താ॑യ പ്രസു॒വാതി॑ യ॒ജ്ഞം ॥ 11 നക്ഷത്രം - ചിത്രാ, ദേവതാ - ത്വഷ്ടാ ത്വഷ്ടാ॒ നക്ഷ॑ത്ര-മ॒ഭ്യേ॑തി ചി॒ത്രാം । സു॒ഭഗ്ം സ॑സം​യുഁവ॒തിഗ്ം രോച॑മാനാം । നി॒വേ॒ശയ॑-ന്ന॒മൃതാ॒-ന്മർത്യാഗ്ഗ്॑ശ്ച । രൂ॒പാണി॑ പി॒ഗ്ം॒ശൻ ഭുവ॑നാനി॒ വിശ്വാ᳚ । തന്ന॒സ്ത്വഷ്ടാ॒ തദു॑ ചി॒ത്രാ വിച॑ഷ്ടാം । തന്നക്ഷ॑ത്രം ഭൂരി॒ദാ അ॑സ്തു॒ മഹ്യം᳚ । തന്നഃ॑ പ്ര॒ജാം-വീഁ॒രവ॑തീഗ്ം സനോതു । ഗോഭി॑ർനോ॒ അശ്വൈ॒-സ്സമ॑നക്തു യ॒ജ്ഞം ॥ 12 നക്ഷത്രം - സ്വാതീ, ദേവതാ - വായുഃ വാ॒യു-ര്നക്ഷ॑ത്ര-മ॒ഭ്യേ॑തി॒ നിഷ്ട്യാം᳚ । തി॒ഗ്മശൃം॑ഗോ വൃഷ॒ഭോ രോരു॑വാണഃ । സ॒മീ॒രയ॒ൻ ഭുവ॑നാ മാത॒രിശ്വാ᳚ । അപ॒ ദ്വേഷാഗ്ം॑സി നുദതാ॒മരാ॑തീഃ । തന്നോ॑ വാ॒യസ്തദു॒ നിഷ്ട്യാ॑ ശൃണോതു । തന്നക്ഷ॑ത്രം ഭൂരി॒ദാ അ॑സ്തു॒ മഹ്യം᳚ । തന്നോ॑ ദേ॒വാസോ॒ അനു॑ ജാനന്തു॒ കാമം᳚ । യഥാ॒ തരേ॑മ ദുരി॒താനി॒ വിശ്വാ᳚ ॥ 13 നക്ഷത്രം - വിശാഖാ, ദേവതാ - ഇന്ദ്രാഗ്നീ ദൂ॒രമ॒സ്മച്ഛത്ര॑വോ യന്തു ഭീ॒താഃ । തദിം॑ദ്രാ॒ഗ്നീ കൃ॑ണുതാം॒ തദ്വിശാ॑ഖേ । തന്നോ॑ ദേ॒വാ അനു॑മദന്തു യ॒ജ്ഞം । പ॒ശ്ചാത് പു॒രസ്താ॒-ദഭ॑യന്നോ അസ്തു । നക്ഷ॑ത്രാണാ॒-മധി॑പത്നീ॒ വിശാ॑ഖേ । ശ്രേഷ്ഠാ॑-വിന്ദ്രാ॒ഗ്നീ ഭുവ॑നസ്യ ഗോ॒പൗ । വിഷൂ॑ച॒-ശ്ശത്രൂ॑നപ॒ബാധ॑മാനൗ । അപ॒ക്ഷുധ॑-ന്നുദതാ॒മരാ॑തിം ॥ 14 പൗർണമാസി പൂ॒ർണാ പ॒ശ്ചാദു॒ത പൂ॒ർണാ പു॒രസ്താ᳚ത് । ഉന്മ॑ധ്യ॒തഃ പൗ᳚ർണമാ॒സീ ജി॑ഗായ । തസ്യാം᳚ ദേ॒വാ അധി॑ സം॒-വഁസം॑തഃ । ഉ॒ത്ത॒മേ നാക॑ ഇ॒ഹ മാ॑ദയന്താം । പൃ॒ഥ്വീ സു॒വർചാ॑ യുവ॒തി-സ്സ॒ജോഷാഃ᳚ । പൗ॒ർണ॒മാ॒സ്യുദ॑ഗാ॒-ച്ഛോഭ॑മാനാ । ആ॒പ്യാ॒യയം॑തീ ദുരി॒താനി॒ വിശ്വാ᳚ । ഉ॒രും ദുഹാം॒-യഁജ॑മാനായ യ॒ജ്ഞം ॥ 15 നക്ഷത്രം - അനൂരാധാ, ദേവതാ - മിത്രഃ ഋ॒ദ്ധ്യാസ്മ॑ ഹ॒വ്യൈ-ര്നമ॑സോപ॒-സദ്യ॑ । മി॒ത്രം ദേ॒വം മി॑ത്ര॒ധേയ॑ന്നോ അസ്തു । അ॒നൂ॒രാ॒ധാൻ, ഹ॒വിഷാ॑ വ॒ർധയം॑തഃ । ശ॒തം ജീ॑വേമ ശ॒രദ॒-സ്സവീ॑രാഃ । ചി॒ത്രം-നക്ഷ॑ത്ര॒-മുദ॑ഗാ-ത്പു॒രസ്താ᳚ത് । അ॒നൂ॒രാ॒ധാ സ॒ ഇതി॒ യദ്വദം॑തി । തന്മി॒ത്ര ഏ॑തി പ॒ഥിഭി॑-ര്ദേവ॒യാനൈഃ᳚ । ഹി॒ര॒ണ്യയൈ॒-ര്വിത॑തൈ-രം॒തരി॑ക്ഷേ ॥ 16 നക്ഷത്രം - ജ്യേഷ്ഠാ, ദേവതാ - ഇന്ദ്രഃ ഇന്ദ്രോ᳚ ജ്യേ॒ഷ്ഠാ മനു॒ നക്ഷ॑ത്രമേതി । യസ്മി॑ൻ വൃ॒ത്രം-വൃഁ॑ത്ര॒ തൂര്യേ॑ ത॒താര॑ । തസ്മി॑ന്വ॒യ-മ॒മൃതം॒ ദുഹാ॑നാഃ । ക്ഷുധം॑തരേമ॒ ദുരി॑തിം॒ ദുരി॑ഷ്ടിം । പു॒രം॒ദ॒രായ॑ വൃഷ॒ഭായ॑ ധൃ॒ഷ്ണവേ᳚ । അഷാ॑ഢായ॒ സഹ॑മാനായ മീ॒ഢുഷേ᳚ । ഇന്ദ്രാ॑യ ജ്യേ॒ഷ്ഠാ മധു॑മ॒ദ്ദുഹാ॑നാ । ഉ॒രും കൃ॑ണോതു॒ യജ॑മാനായ ലോ॒കം ॥ 17 നക്ഷത്രം - മൂലം, ദേവതാ - പ്രജാപതിഃ മൂലം॑ പ്ര॒ജാം-വീഁ॒രവ॑തീം-വിഁദേയ । പരാ᳚ച്യേതു॒ നിർ​ഋ॑തിഃ പരാ॒ചാ । ഗോഭി॒-ര്നക്ഷ॑ത്രം പ॒ശുഭി॒-സ്സമ॑ക്തം । അഹ॑-ര്ഭൂയാ॒-ദ്യജ॑മാനായ॒ മഹ്യം᳚ । അഹ॑ർനോ അ॒ദ്യ സു॑വി॒തേ ദ॑ധാതു । മൂലം॒ നക്ഷ॑ത്ര॒മിതി॒ യദ്വദം॑തി । പരാ॑ചീം-വാഁ॒ചാ നിർ​ഋ॑തിം നുദാമി । ശി॒വം പ്ര॒ജായൈ॑ ശി॒വമ॑സ്തു॒ മഹ്യം᳚ ॥ 18 നക്ഷത്രം - പൂർവാഷാഢാ, ദേവതാ - ആപഃ യാ ദി॒വ്യാ ആപഃ॒ പയ॑സാ സംബഭൂ॒വുഃ । യാ അം॒തരി॑ക്ഷ ഉ॒ത പാർഥി॑വീ॒ര്യാഃ । യാസാ॑മഷാ॒ഢാ അ॑നു॒യന്തി॒ കാമം᳚ । താ ന॒ ആപഃ॒ ശഗ്ഗ്​ സ്യോ॒നാ ഭ॑വന്തു । യാശ്ച॒ കൂപ്യാ॒ യാശ്ച॑ നാ॒ദ്യാ᳚-സ്സമു॒ദ്രിയാഃ᳚ । യാശ്ച॑ വൈശം॒തീരു॒ത പ്രാ॑സ॒ചീര്യാഃ । യാസാ॑മഷാ॒ഢാ മധു॑ ഭ॒ക്ഷയം॑തി । താ ന॒ ആപഃ॒ ശഗ്ഗ്​ സ്യോ॒നാ ഭ॑വന്തു ॥ 19 നക്ഷത്രം - ഉത്തരാഷാഢാ, ദേവതാ - വിശ്വേദേവഃ തന്നോ॒ വിശ്വേ॒ ഉപ॑ ശൃണ്വന്തു ദേ॒വാഃ । തദ॑ഷാ॒ഢാ അ॒ഭിസം​യഁം॑തു യ॒ജ്ഞം । തന്നക്ഷ॑ത്രം പ്രഥതാം പ॒ശുഭ്യഃ॑ । കൃ॒ഷി-ര്വൃ॒ഷ്ടി-ര്യജ॑മാനായ കല്പതാം । ശു॒ഭ്രാഃ ക॒ന്യാ॑ യുവ॒തയ॑-സ്സു॒പേശ॑സഃ । ക॒ർമ॒കൃത॑-സ്സു॒കൃതോ॑ വീ॒ര്യാ॑വതീഃ । വിശ്വാ᳚ൻ ദേ॒വാൻ, ഹ॒വിഷാ॑ വ॒ർധയം॑തീഃ । അ॒ഷാ॒ഢാഃ കാമ॒ മുപ॑യാന്തു യ॒ജ്ഞം ॥ 20 നക്ഷത്രം - അഭിജിത്, ദേവതാ - ബ്രഹ്മാ യസ്മി॒ൻ ബ്രഹ്മാ॒ഭ്യജ॑യ॒ഥ് സർവ॑മേ॒തത് । അ॒മുഞ്ച॑ ലോ॒ക മി॒ദമൂ॑ച॒ സർവം᳚ । തന്നോ॒ നക്ഷ॑ത്ര-മഭി॒ജി-ദ്വി॒ജിത്യ॑ । ശ്രിയം॑ ദധാ॒ത്വ-ഹൃ॑ണീയമാനം । ഉ॒ഭൗ ലോ॒കൗ ബ്രഹ്മ॑ണാ॒ സഞ്ജി॑തേ॒മൗ । തന്നോ॒ നക്ഷ॑ത്ര-മഭി॒ജി-ദ്വിച॑ഷ്ടാം । തസ്മി॑ൻ വ॒യം പൃത॑നാ॒ സ്സഞ്ജ॑യേമ । തന്നോ॑ ദേ॒വാസോ॒ അനു॑ജാനന്തു॒ കാമം᳚ ॥ 21 നക്ഷത്രം - ശ്രവണം, ദേവതാ - വിഷ്ണുഃ ശൃ॒ണ്വന്തി॑ ശ്രോ॒ണാ-മ॒മൃത॑സ്യ ഗോ॒പാം । പുണ്യാ॑മസ്യാ॒ ഉപ॑ശൃണോമി॒ വാചം᳚ । മ॒ഹീം ദേ॒വീം-വിഁഷ്ണു॑പത്നീ മജൂ॒ര്യാം । പ്ര॒തീചീ॑ മേനാഗ്ം ഹ॒വിഷാ॑ യജാമഃ । ത്രേ॒ധാ വിഷ്ണു॑-രുരുഗാ॒യോ വിച॑ക്രമേ । മ॒ഹീം ദിവം॑ പൃഥി॒വീ-മം॒തരി॑ക്ഷം । തച്ഛ്രോ॒ണൈതി॒ ശ്രവ॑-ഇ॒ച്ഛമാ॑നാ । പുണ്യ॒ഗ്ഗ്॒ ശ്ലോകം॒-യഁജ॑മാനായ കൃണ്വ॒തീ ॥ 22 നക്ഷത്രം - ശ്രവിഷ്ടാ, ദേവതാ - വസവഃ അ॒ഷ്ടൗ ദേ॒വാ വസ॑വസ്സോ॒മ്യാസഃ॑ । ചത॑സ്രോ ദേ॒വീ ര॒ജരാഃ॒ ശ്രവി॑ഷ്ഠാഃ । തേ യ॒ജ്ഞം പാം᳚തു॒ രജ॑സഃ പ॒രസ്താ᳚ത് । സം॒​വഁ॒ഥ്സ॒രീണ॑-മ॒മൃതഗ്ഗ്॑ സ്വ॒സ്തി । യ॒ജ്ഞം നഃ॑ പാന്തു॒ വസ॑വഃ പു॒രസ്താ᳚ത് । ദ॒ക്ഷി॒ണ॒തോ॑-ഽഭിയം॑തു॒ ശ്രവി॑ഷ്ഠാഃ । പുണ്യ॒ന്നക്ഷ॑ത്രമ॒ഭി സം​വിഁ॑ശാമ । മാ നോ॒ അരാ॑തി-ര॒ഘശ॒ഗ്ം॒ സാഗന്ന്॑ ॥ 23 നക്ഷത്രം - ശതഭിഷക്, ദേവതാ - വരുണഃ ക്ഷ॒ത്രസ്യ॒ രാജാ॒ വരു॑ണോഽധിരാ॒ജഃ । നക്ഷ॑ത്രാണാഗ്ം ശ॒തഭി॑ഷ॒ഗ് വസി॑ഷ്ഠഃ । തൗ ദേ॒വേഭ്യഃ॑ കൃണുതോ ദീ॒ർഘമായഃ॑ । ശ॒തഗ്ം സ॒ഹസ്രാ॑ ഭേഷ॒ജാനി॑ ധത്തഃ । യ॒ജ്ഞന്നോ॒ രാജാ॒ വരു॑ണ॒ ഉപ॑യാതു । തന്നോ॒ വിശ്വേ॑ അ॒ഭിസം​യഁം॑തു ദേ॒വാഃ । തന്നോ॒ നക്ഷ॑ത്രഗ്ം ശ॒തഭി॑ഷഗ് ജുഷാ॒ണം । ദീ॒ർഘമായുഃ॒ പ്രതി॑ര-ദ്ഭേഷ॒ജാനി॑ ॥ 24 നക്ഷത്രം - പൂർവപ്രോഷ്ഠപദാ, ദേവതാ - അജയേകപാദഃ അ॒ജ ഏക॑പാ॒- ദുദ॑ഗാത് പു॒രസ്താ᳚ത് । വിശ്വാ॑ ഭൂ॒താനി॑ പ്രതി॒ മോദ॑മാനഃ । തസ്യ॑ ദേ॒വാഃ പ്ര॑സ॒വം-യഁം॑തി॒ സർവേ᳚ । പ്രോ॒ഷ്ഠ॒പ॒ദാസോ॑ അ॒മൃത॑സ്യ ഗോ॒പാഃ । വി॒ഭ്രാജ॑മാന-സ്സമിധാ॒ന ഉ॒ഗ്രഃ । ആഽന്തരി॑ക്ഷ-മരുഹ॒ദ-ദ്ഗം॒ദ്യാം । തഗ്ം സൂര്യം॑ ദേ॒വ-മ॒ജമേക॑പാദം । പ്രോ॒ഷ്ഠ॒പ॒ദാസോ॒ അനു॑യന്തി॒ സർവേ᳚ ॥ 25 നക്ഷത്രം - ഉത്തരപ്രോഷ്ഠപദാ, ദേവതാ - അഹിർബുദ്ധ്നിയഃ അഹി॑-ര്ബു॒ദ്ധ്നിയഃ॒ പ്രഥ॑മാന ഏതി । ശ്രേഷ്ഠോ॑ ദേ॒വാനാ॑മു॒ത മാനു॑ഷാണാം । തം ബ്രാ᳚ഹ്മ॒ണാ-സ്സോ॑മ॒പാ-സ്സോ॒മ്യാസഃ॑ । പ്രോ॒ഷ്ഠ॒പ॒ദാസോ॑ അ॒ഭിര॑ക്ഷന്തി॒ സർവേ᳚ । ച॒ത്വാര॒ ഏക॑മ॒ഭി കർമ॑ ദേ॒വാഃ । പ്രോ॒ഷ്ഠ॒പ॒ദാസ॒ ഇതി॒ യാൻ, വദം॑തി । തേ ബു॒ദ്ധനിയം॑ പരി॒ഷദ്യഗ്ഗ്॑ സ്തു॒വന്തഃ॑ । അഹിഗ്ം॑ രക്ഷന്തി॒ നമ॑സോപ॒ സദ്യ॑ ॥ 26 നക്ഷത്രം - രേവതീ, ദേവതാ - പൂഷാ പൂ॒ഷാ രേ॒വത്യന്വേ॑തി॒ പന്ഥാം᳚ । പു॒ഷ്ടി॒പതീ॑ പശു॒പാ വാജ॑ബസ്ത്യൗ । ഇ॒മാനി॑ ഹ॒വ്യാ പ്രയ॑താ ജുഷാ॒ണാ । സു॒ഗൈർനോ॒ യാനൈ॒രുപ॑യാതാം-യഁ॒ജ്ഞം । ക്ഷു॒ദ്രാൻ പ॒ശൂൻ ര॑ക്ഷതു രേ॒വതീ॑ നഃ । ഗാവോ॑ നോ॒ അശ്വാ॒ഗ്ം॒ അന്വേ॑തു പൂ॒ഷാ । അന്ന॒ഗ്ം॒ രക്ഷം॑തൗ ബഹു॒ധാ വിരൂ॑പം । വാജഗ്ം॑ സനുതാം॒-യഁജ॑മാനായ യ॒ജ്ഞം ॥ 27 നക്ഷത്രം - അശ്വിനീ, ദേവതാ - അശ്വിനീ ദേവ തദ॒ശ്വിനാ॑-വശ്വ॒യുജോ-പ॑യാതാം । ശുഭം॒ഗമി॑ഷ്ഠൗ സു॒യമേ॑ഭി॒രശ്വൈഃ᳚ । സ്വന്നക്ഷ॑ത്രഗ്ം ഹ॒വിഷാ॒ യജം॑തൗ । മദ്ധ്വാ॒-സമ്പൃ॑ക്തൗ॒ യജു॑ഷാ॒ സമ॑ക്തൗ । യൗ ദേ॒വാനാം᳚ ഭി॒ഷജൗ॑ ഹവ്യവാ॒ഹൗ । വിശ്വ॑സ്യ ദൂ॒താ-വ॒മൃത॑സ്യ ഗോ॒പൗ । തൗ നക്ഷ॑ത്രം-ജുജുഷാ॒ണോ-പ॑യാതാം । നമോ॒ഽശ്വിഭ്യാം᳚ കൃണുമോ-ഽശ്വ॒ഗ്യുഭ്യാം᳚ ॥ 28 നക്ഷത്രം - അപഭരണീ, ദേവതാ - യമഃ അപ॑ പാ॒പ്മാനം॒ ഭര॑ണീ-ര്ഭരന്തു । തദ്യ॒മോ രാജാ॒ ഭഗ॑വാ॒ൻ॒, വിച॑ഷ്ടാം । ലോ॒കസ്യ॒ രാജാ॑ മഹ॒തോ മ॒ഹാൻ, ഹി । സു॒ഗന്നഃ॒ പന്ഥാ॒മഭ॑യം കൃണോതു । യസ്മി॒-ന്നക്ഷ॑ത്രേ യ॒മ ഏതി॒ രാജാ᳚ । യസ്മി॑ന്നേന-മ॒ഭ്യഷിം॑ചന്ത ദേ॒വാഃ । തദ॑സ്യ ചി॒ത്രഗ്ം ഹ॒വിഷാ॑ യജാമ । അപ॑ പാ॒പ്മാനം॒ ഭര॑ണീ-ര്ഭരന്തു ॥ 29 അമാവാസി നി॒വേശ॑നീ സം॒ഗമ॑നീ॒ വസൂ॑നാം॒-വിഁശ്വാ॑ രൂ॒പാണി॒ വസൂ᳚ന്യാ-വേ॒ശയം॑തീ । സ॒ഹ॒സ്ര॒-പോ॒ഷഗ്ം സു॒ഭഗാ॒ രരാ॑ണാ॒ സാ ന॒ ആഗ॒ൻ വർച॑സാ സം​വിഁദാ॒നാ । യത്തേ॑ ദേ॒വാ അദ॑ധു-ര്ഭാഗ॒ധേയ॒-മമാ॑വാസ്യേ സം॒​വഁസം॑തോ മഹി॒ത്വാ । സാ നോ॑ യ॒ജ്ഞം പി॑പൃഹി വിശ്വവാരേ ര॒യിന്നോ॑ ധേഹി സുഭഗേ സു॒വീരം᳚ ॥ 30 ഓം ശാന്തിഃ॒ ശാന്തിഃ॒ ശാന്തിഃ॑ ॥