ಭ॒ದ್ರಂ ಕರ್ಣೇ॑ಭಿಃ ಶೃಣು॒ಯಾಮ॑ ದೇವಾಃ । ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॒ರ್ಯಜ॑ತ್ರಾಃ । ಸ್ಥಿ॒ರೈರಂಗೈ᳚ಸ್ತುಷ್ಟು॒ವಾಗ್ಂಸ॑ಸ್ತ॒ನೂಭಿಃ॑ । ವ್ಯಶೇ॑ಮ ದೇ॒ವಹಿ॑ತಂ॒-ಯಁದಾಯುಃ॑ ॥ ಸ್ವ॒ಸ್ತಿ ನ॒ ಇಂದ್ರೋ॑ ವೃ॒ದ್ಧಶ್ರ॑ವಾಃ । ಸ್ವ॑ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ॑ದಾಃ । ಸ್ವ॒॒ಸ್ತಿನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ । ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥ ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥ ಯೋ॑ಽಪಾಂ ಪುಷ್ಪಂ॒-ವೇಁದ॑ । ಪುಷ್ಪ॑ವಾನ್ ಪ್ರ॒ಜಾವಾ᳚ನ್ ಪಶು॒ಮಾನ್ ಭ॑ವತಿ । ಚಂ॒ದ್ರಮಾ॒ ವಾ ಅ॒ಪಾಂ ಪುಷ್ಪಂ᳚ । ಪುಷ್ಪ॑ವಾನ್ ಪ್ರ॒ಜಾವಾ᳚ನ್ ಪಶು॒ಮಾನ್ ಭ॑ವತಿ । ಯ ಏ॒ವಂ-ವೇಁದ॑ । ಯೋ॑ಽಪಾಮಾ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ ॥ ಅ॒ಗ್ನಿರ್ವಾ ಅ॒ಪಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯೋ᳚ಽಗ್ನೇರಾ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ । ಆಪೋ॒ವಾ ಅ॒ಗ್ನೇರಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯ ಏ॒ವಂ-ವೇಁದ॑ । ಯೋ॑ಽಪಾಮಾ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ ॥ ವಾ॒ಯುರ್ವಾ ಅ॒ಪಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯೋ ವಾ॒ಯೋರಾ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ । ಆಪೋ॒ ವೈ ವಾ॒ಯೋರಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯ ಏ॒ವಂ-ವೇಁದ॑ । ಯೋ॑ಽಪಾಮಾ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ ॥ ಅ॒ಸೌ ವೈ ತಪ॑ನ್ನ॒ಪಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯೋ॑ಽಮುಷ್ಯ॒ತಪ॑ತ ಆ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ । ಆಪೋ॒ ವಾ ಅ॒ಮುಷ್ಯ॒ತಪ॑ತ ಆ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯ ಏ॒ವಂ-ವೇಁದ॑ । ಯೋ॑ಽಪಾಮಾ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ ॥ ಚಂ॒ದ್ರಮಾ॒ ವಾ ಅ॒ಪಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯಶ್ಚಂ॒ದ್ರಮ॑ಸ ಆ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ । ಆಪೋ॒ ವೈ ಚಂ॒ದ್ರಮ॑ಸ ಆ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯ ಏ॒ವಂ-ವೇಁದ॑ । ಯೋ॑ಽಪಾಮಾ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ ॥ ನಕ್ಷತ್ರ॑ತ್ರಾಣಿ॒ ವಾ ಅ॒ಪಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯೋ ನಕ್ಷತ್ರ॑ತ್ರಾಣಾಮಾ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ । ಆಪೋ॒ ವೈ ನಕ್ಷ॑ತ್ರಾಣಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯ ಏ॒ವಂ-ವೇಁದ॑ । ಯೋ॑ಽಪಾಮಾ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ ॥ ಪ॒ರ್ಜನ್ಯೋ॒ ವಾ ಅ॒ಪಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯಃ ಪ॒ರ್ಜನ್ಯ॑ಸ್ಯಾ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ । ಆಪೋ॒ ವೈ ಪ॒ರ್ಜನ್ಯ॑ಸ್ಯಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯ ಏ॒ವಂ-ವೇಁದ॑ । ಯೋ॑ಽಪಾಮಾ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ ॥ ಸಂ॒​ವಁ॒ತ್ಸ॒ರೋ ವಾ ಅ॒ಪಾಮಾ॒ಯತ॑ನಂ॒ । ಆ॒ಯತ॑ನವಾನ್ ಭವತಿ । ಯಃ ಸಂ॑​ವಁತ್ಸ॒ರಸ್ಯಾ॒ಯತ॑ನಂ॒-ವೇಁದ॑ । ಆ॒ಯತ॑ನವಾನ್ ಭವತಿ । ಆಪೋ॒ ವೈ ಸಂ॑​ವಁತ್ಸ॒ರಸ್ಯಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯ ಏವಂ-ವೇಁದ॑ । ಯೋ᳚ಽಫ್ಸು ನಾವಂ॒ ಪ್ರತಿ॑ಷ್ಠಿತಾಂ॒-ವೇಁದ॑ । ಪ್ರತ್ಯೇ॒ವ ತಿ॑ಷ್ಠತಿ ॥ ಓಂ ರಾ॒ಜಾ॒ಧಿ॒ರಾ॒ಜಾಯ॑ ಪ್ರಸಹ್ಯ ಸಾ॒ಹಿನೇ᳚ । ನಮೋ॑ ವ॒ಯಂ-ವೈಁ᳚ಶ್ರವ॒ಣಾಯ॑ ಕುರ್ಮಹೇ । ಸ ಮೇ॒ ಕಾಮಾ॒ನ್ ಕಾಮ॒ ಕಾಮಾ॑ಯ॒ ಮಹ್ಯಂ᳚ । ಕಾ॒ಮೇ॒ಶ್ವ॒ರೋ ವೈ᳚ಶ್ರವ॒ಣೋ ದ॑ದಾತು । ಕು॒ಬೇ॒ರಾಯ॑ ವೈಶ್ರವ॒ಣಾಯ॑ । ಮ॒ಹಾ॒ರಾಜಾಯ॒ ನಮಃ॑ ॥ ಓಂ᳚ ತದ್ಬ್ರ॒ಹ್ಮ । ಓಂ᳚ ತದ್ವಾ॒ಯುಃ । ಓಂ᳚ ತದಾ॒ತ್ಮಾ । ಓಂ᳚ ತಥ್ಸ॒ತ್ಯಂ । ಓಂ᳚ ತತ್ಸರ್ವಂ᳚ । ಓಂ᳚ ತತ್ಪುರೋ॒ರ್ನಮಃ ॥ ಅಂತಶ್ಚರತಿ॑ ಭೂತೇ॒ಷು ಗುಹಾಯಾಂ-ವಿಁ॑ಶ್ವಮೂ॒ರ್ತಿಷು । ತ್ವಂ-ಯಁಜ್ಞಸ್ತ್ವಂ-ವಁಷಟ್ಕಾರಸ್ತ್ವ-ಮಿಂದ್ರಸ್ತ್ವಗ್ಂ ರುದ್ರಸ್ತ್ವಂ-ವಿಁಷ್ಣುಸ್ತ್ವಂ ಬ್ರಹ್ಮತ್ವಂ॑ ಪ್ರಜಾ॒ಪತಿಃ । ತ್ವಂ ತ॑ದಾಪ॒ ಆಪೋ॒ ಜ್ಯೋತೀ॒ರಸೋ॒ಽಮೃತಂ ಬ್ರಹ್ಮ॒ ಭೂರ್ಭುವ॒ಸ್ಸುವ॒ರೋಂ । ಈಶಾನಸ್ಸರ್ವ॑ ವಿದ್ಯಾ॒ನಾಮೀಶ್ವರಸ್ಸರ್ವ॑ಭೂತಾ॒ನಾಂ ಬ್ರಹ್ಮಾಧಿ॑ಪತಿ॒-ರ್ಬ್ರಹ್ಮ॒ಣೋಽಧಿ॑ಪತಿ॒-ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಂ । ತದ್ವಿಷ್ಣೋಃ᳚ ಪರ॒ಮಂ ಪ॒ದಗ್ಂ ಸದಾ॑ ಪಶ್ಯಂತಿ ಸೂ॒ರಯಃ॑ । ದಿ॒ವೀವ॒ ಚಕ್ಷು॒ರಾತ॑ತಂ । ತದ್ವಿಪ್ರಾ॑ಸೋ ವಿಪ॒ನ್ಯವೋ॑ ಜಾಗೃ॒ವಾಗ್ಂ ಸಸ್ಸಮಿಂ॑ಧತೇ । ವಿಷ್ನೋ॒ರ್ಯತ್ಪ॑ರ॒ಮಂ ಪ॒ದಂ । ಋತಗ್ಂ ಸ॒ತ್ಯಂ ಪ॑ರಂ ಬ್ರ॒ಹ್ಮ॒ ಪು॒ರುಷಂ॑ ಕೃಷ್ಣ॒ಪಿಂಗ॑ಲಂ । ಊ॒ರ್ಧ್ವರೇ॑ತಂ-ವಿಁ॑ರೂಪಾ॒ಕ್ಷಂ॒-ವಿಁ॒ಶ್ವರೂ॑ಪಾಯ॒ ವೈ ನಮೋ॒ ನಮಃ॑ ॥ ಓಂ ನಾ॒ರಾ॒ಯ॒ಣಾಯ॑ ವಿ॒ದ್ಮಹೇ॑ ವಾಸುದೇ॒ವಾಯ॑ ಧೀಮಹಿ । ತನ್ನೋ॑ ವಿಷ್ಣುಃ ಪ್ರಚೋ॒ದಯಾ᳚ತ್ ॥ ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ।