हैंహైHaindavamஹிહિં
📍
Font Size:
കേന ഉപനിഷദ് - ചതുർഥഃ ഖണ്ഡഃ
സാ ബ്രഹ്മേതി ഹോവാച ബ്രഹ്മണോ വാ ഏതദ്വിജയേ മഹീയധ്വമിതി തതോ ഹൈവ വിദാഞ്ചകാര ബ്രഹ്മേതി ॥ 1॥
തസ്മാദ്വാ ഏതേ ദേവാ അതിതരാമിവാന്യാന്ദേവാന്യദഗ്നിർവായുരിന്ദ്രസ്തേ ഹ്യേനന്നേദിഷ്ഠം പസ്പർശുസ്തേ ഹ്യേനത്പ്രഥമോ വിദാഞ്ചകാര ബ്രഹ്മേതി ॥ 2॥
തസ്മാദ്വാ ഇന്ദ്രോഽതിതരാമിവാന്യാന്ദേവാൻസ ഹ്യേനന്നേദിഷ്ഠം പസ്പർശ സ ഹ്യേനത്പ്രഥമോ വിദാഞ്ചകാര ബ്രഹ്മേതി ॥ 3॥
തസ്യൈഷ ആദേശോ യദേതദ്വിദ്യുതോ വ്യദ്യുതദാ(3) ഇതീൻ ന്യമീമിഷദാ(3) ഇത്യധിദൈവതം ॥ 4॥
അഥാധ്യാത്മം-യഁദ്ദേതദ്ഗച്ഛതീവ ച മനോഽനേന ചൈതദുപസ്മരത്യഭീക്ഷ്ണം സങ്കല്പഃ ॥ 5॥
തദ്ധ തദ്വനം നാമ തദ്വനമിത്യുപാസിതവ്യം സ യ ഏതദേവം-വേഁദാഭി ഹൈനഗ്ം സർവാണി ഭൂതാനി സംവാംഁഛന്തി ॥ 6॥
ഉപനിഷദം ഭോ ബ്രൂഹീത്യുക്താ ത ഉപനിഷദ്ബ്രാഹ്മീം-വാഁവ ത ഉപനിഷദമബ്രൂമേതി ॥ 7॥
തസൈ തപോ ദമഃ കർമേതി പ്രതിഷ്ഠാ വേദാഃ സർവാംഗാനി സത്യമായതനം ॥ 8॥
യോ വാ ഏതാമേവം-വേഁദാപഹത്യ പാപ്മാനമനന്തേ സ്വർഗേ ലോകേ ജ്യേയേ പ്രതിതിഷ്ഠതി പ്രതിതിഷ്ഠതി ॥ 9॥
॥ ഇതി കേനോപനിഷദി ചതുർഥഃ ഖണ്ഡഃ ॥
ഓം ആപ്യായന്തു മമാംഗാനി വാക്പ്രാണശ്ചക്ഷുഃ ശ്രോത്രമഥോ ബലമിന്ദ്രിയാണി ച സർവാണി । സർവം ബ്രഹ്മൗപനിഷദം മാഽഹം ബ്രഹ്മ നിരാകുര്യാം മാ മാ ബ്രഹ്മ നിരാകരോദനിരാകരണമസ്ത്വനിരാകരണം മേഽസ്തു । തദാത്മനി നിരതേ യ ഉപനിഷത്സു ധർമാസ്തേ മയി സന്തു തേ മയി സന്തു ।
ഓം ശാന്തിഃ॒ ശാന്തിഃ॒ ശാന്തിഃ॑ ॥
॥ ഇതി കേനോപനിഷത് ॥
Recite with devotion and pure heart
Regular practice brings spiritual benefits