ಯದಿ ಮನ್ಯಸೇ ಸುವೇದೇತಿ ದಹರಮೇವಾಪಿ ನೂನಂ ತ್ವಂ-ವೇಁತ್ಥ ಬ್ರಹ್ಮಣೋ ರೂಪಂ । ಯದಸ್ಯ ತ್ವಂ-ಯಁದಸ್ಯ ದೇವೇಷ್ವಥ ನು ಮೀಮಾಮ್ಸ್ಯಮೇವ ತೇ ಮನ್ಯೇ ವಿದಿತಂ ॥ 1॥ ನಾಹಂ ಮನ್ಯೇ ಸುವೇದೇತಿ ನೋ ನ ವೇದೇತಿ ವೇದ ಚ । ಯೋ ನಸ್ತದ್ವೇದ ತದ್ವೇದ ನೋ ನ ವೇದೇತಿ ವೇದ ಚ ॥ 2॥ ಯಸ್ಯಾಮತಂ ತಸ್ಯ ಮತಂ ಮತಂ-ಯಁಸ್ಯ ನ ವೇದ ಸಃ । ಅವಿಜ್ಞಾತಂ-ವಿಁಜಾನತಾಂ-ವಿಁಜ್ಞಾತಮವಿಜಾನತಾಂ ॥ 3॥ ಪ್ರತಿಬೋಧವಿದಿತಂ ಮತಮಮೃತತ್ವಂ ಹಿ ವಿಂದತೇ । ಆತ್ಮನಾ ವಿಂದತೇ ವೀರ್ಯಂ-ವಿಁದ್ಯಯಾ ವಿಂದತೇಽಮೃತಂ ॥ 4॥ ಇಹ ಚೇದವೇದೀದಥ ಸತ್ಯಮಸ್ತಿ ನ ಚೇದಿಹಾವೇದೀನ್ಮಹತೀ ವಿನಷ್ಟಿಃ । ಭೂತೇಷು ಭೂತೇಷು ವಿಚಿತ್ಯ ಧೀರಾಃ ಪ್ರೇತ್ಯಾಸ್ಮಾಲ್ಲೋಕಾದಮೃತಾ ಭವಂತಿ ॥ 5॥ ॥ ಇತಿ ಕೇನೋಪನಿಷದಿ ದ್ವಿತೀಯಃ ಖಂಡಃ ॥