ഓം ॥ ഓം ഭൂമി॑ർഭൂ॒മ്നാ ദ്യൗർവ॑രി॒ണാഽന്തരി॑ക്ഷം മഹി॒ത്വാ । ഉ॒പസ്ഥേ॑ തേ ദേവ്യദിതേ॒ഽഗ്നിമ॑ന്നാ॒ദ-മ॒ന്നാദ്യാ॒യാദ॑ധേ ॥ ആഽയംഗൗഃ പൃശ്ഞി॑രക്രമീ॒-ദസ॑നന്മാ॒തരം॒ പുനഃ॑ । പി॒തരം॑ ച പ്ര॒യന്ഥ്-സുവഃ॑ ॥ ത്രി॒ഗ്ം॒ശദ്ധാമ॒ വിരാ॑ജതി॒ വാക്പ॑തം॒ഗായ॑ ശിശ്രിയേ । പ്രത്യ॑സ്യ വഹ॒ദ്യുഭിഃ॑ ॥ അ॒സ്യ പ്രാ॒ണാദ॑പാന॒ത്യം॑തശ്ച॑രതി രോച॒നാ । വ്യ॑ഖ്യൻ-മഹി॒ഷഃ സുവഃ॑ ॥ യത്ത്വാ᳚ ക്രു॒ദ്ധഃ പ॑രോ॒വപ॑മ॒ന്യുനാ॒ യദവ॑ർത്യാ । സു॒കല്പ॑മഗ്നേ॒ തത്തവ॒ പുന॒സ്ത്വോദ്ദീ॑പയാമസി ॥ യത്തേ॑ മ॒ന്യുപ॑രോപ്തസ്യ പൃഥി॒വീ-മനു॑ദധ്വ॒സേ । ആ॒ദി॒ത്യാ വിശ്വേ॒ തദ്ദേ॒വാ വസ॑വശ്ച സ॒മാഭ॑രന്ന് ॥ മേ॒ദിനീ॑ ദേ॒വീ വ॒സുന്ധ॑രാ സ്യാ॒ദ്വസു॑ധാ ദേ॒വീ വാ॒സവീ᳚ । ബ്ര॒ഹ്മ॒വ॒ർച॒സഃ പി॑തൃ॒ണാം ശ്രോത്രം॒ ചക്ഷു॒ർമനഃ॑ ॥ ദേ॒വീ ഹി॑രണ്യഗ॒ർഭിണീ॑ ദേ॒വീ പ്ര॑സോ॒ദരീ᳚ । സദ॑നേ സ॒ത്യായ॑നേ സീദ । സ॒മു॒ദ്രവ॑തീ സാവി॒ത്രീ ആഹ॒നോ ദേ॒വീ മ॒ഹ്യം॑ഗീ᳚ । മ॒ഹോ ധര॑ണീ മ॒ഹോഽത്യ॑തിഷ്ഠത് ॥ ശൃം॒ഗേ ശൃം॑ഗേ യ॒ജ്ഞേ യ॑ജ്ഞേ വിഭീ॒ഷണീ᳚ ഇന്ദ്ര॑പത്നീ വ്യാ॒പിനീ॒ സര॑സിജ ഇ॒ഹ । വാ॒യു॒മതീ॑ ജ॒ലശയ॑നീ സ്വ॒യം ധാ॒രാജാ॑ സ॒ത്യന്തോ॒ പരി॑മേദിനീ സോ॒പരി॑ധത്തംഗായ ॥ വി॒ഷ്ണു॒പ॒ത്നീം മ॑ഹീം ദേ॒വീം᳚ മാ॒ധ॒വീം മാ॑ധവ॒പ്രിയാം । ലക്ഷ്മീം᳚ പ്രിയസ॑ഖീം ദേ॒വീം॒ ന॒മാ॒മ്യച്യു॑തവ॒ല്ലഭാം ॥ ഓം ധ॒നു॒ർധ॒രായൈ॑ വി॒ദ്മഹേ॑ സർവസി॒ദ്ധ്യൈ ച॑ ധീമഹി । തന്നോ॑ ധരാ പ്രചോ॒ദയാ᳚ത് । ശൃ॒ണ്വന്തി॑ ശ്രോ॒ണാമമൃത॑സ്യ ഗോ॒പാം പുണ്യാ॑മസ്യാ॒ ഉപ॑ശൃണോമി॒ വാചം᳚ । മ॒ഹീന്ദേ॒വീം-വിഁഷ്ണു॑പത്നീ മജൂ॒ര്യാം പ്രതീ॒ചീ॑മേനാഗ്ം ഹ॒വിഷാ॑ യജാമഃ ॥ ത്രേ॒ധാ വിഷ്ണു॑-രുരുഗാ॒യോ വിച॑ക്രമേ മ॒ഹീം ദിവം॑ പൃഥി॒വീ-മം॒തരി॑ക്ഷം । തച്ഛ്രോ॒ണൈത്രിശവ॑ ഇ॒ച്ഛമാ॑നാ പുണ്യ॒ഗ്ഗ്॒ ശ്ലോകം॒-യഁജ॑മാനായ കൃണ്വ॒തീ ॥ സ്യോ॒നാപൃ॑ഥിവി॒ഭവാ॑നൃക്ഷ॒രാനി॒വേശ॑നീ യച്ഛാ॑ന॒ശ്ശർമ॑ സ॒പ്രഥാഃ᳚ ॥ അദി॑തിർദേ॒വാ ഗം॑ധ॒ർവാ മ॑നു॒ഷ്യാഃ᳚ പി॒തരോ സു॑രാസ്തേഷാഗ്ം സ॒ർവ ഭൂ॒താ॒നാം᳚ മാ॒താ മേ॒ദിനീ॑ മഹതാ മ॒ഹീ । സാവി॒ത്രീ ഗാ॑യ॒ത്രീ ജഗ॑ത്യു॒ർവീ പൃ॒ഥ്വീ ബ॑ഹുലാ॒ വിശ്വാ॑ ഭൂ॒താക॒തമാകായാസാ സ॒ത്യേത്യ॒മൃതേ॑തി വസി॒ഷ്ഠഃ ॥ ഇക്ഷുശാലിയവസസ്യഫലാഢ്യേ പാരിജാത തരുശോഭിതമൂലേ । സ്വർണ രത്ന മണി മണ്ടപ മധ്യേ ചിന്തയേത് സകല ലോകധരിത്രീം ॥ ശ്യാമാം-വിഁചിത്രാം നവരത്ന ഭൂഷിതാം ചതുർഭുജാം തുംഗപയോധരാന്വിതാം । ഇന്ദീവരാക്ഷീം നവശാലി മഞ്ജരീം ശുകം ദധാനാം ശരണം ഭജാമഹേ ॥ സക്തു॑മിവ॒ തിത॑ഉനാ പുനന്തോ॒ യത്ര॒ ധീരാ॒ മന॑സാ॒ വാച॒ മക്ര॑ത । അത്രാ॒ സഖാ᳚സ്സ॒ഖ്യാനി॑ ജാനതേ ഭ॒ദ്രൈഷാം᳚-ലഁ॒ക്ഷ്മീർനി॑ഹി॒താധി॑വാ॒ചി ॥ ഓം ശാന്തിഃ॒ ശാന്തിഃ॒ ശാന്തിഃ॑ ॥