हैंహైHaindavamஹிહિં
📍
Font Size:
ആയുഷ്യ സൂക്തം
യോ ബ്രഹ്മാ ബ്രഹ്മണ ഉ॑ജ്ജഹാ॒ര പ്രാ॒ണൈഃ ശി॒രഃ കൃത്തിവാസാഃ᳚ പിനാ॒കീ ।
ഈശാനോ ദേവഃ സ ന ആയു॑ർദധാ॒തു॒ തസ്മൈ ജുഹോമി ഹവിഷാ॑ ഘൃതേ॒ന ॥ 1 ॥
വിഭ്രാജമാനഃ സരിര॑സ്യ മ॒ധ്യാ॒-ദ്രോ॒ച॒മാ॒നോ ഘർമരുചി॑ര്യ ആ॒ഗാത് ।
സ മൃത്യുപാശാനപനു॑ദ്യ ഘോ॒രാ॒നി॒ഹാ॒യു॒ഷേ॒ണോ ഘൃതമ॑ത്തു ദേ॒വഃ ॥ 2 ॥
ബ്രഹ്മജ്യോതി-ര്ബ്രഹ്മ-പത്നീ॑ഷു ഗ॒ർഭം॒-യഁ॒മാ॒ദ॒ധാത് പുരുരൂപം॑ ജയം॒തം ।
സുവർണരംഭഗ്രഹ-മ॑ർകമ॒ർച്യം॒ ത॒മാ॒യു॒ഷേ വർധയാമോ॑ ഘൃതേ॒ന ॥ 3 ॥
ശ്രിയം-ലഁക്ഷ്മീ-മൗബലാ-മംബികാം॒ ഗാം॒ ഷ॒ഷ്ഠീം ച യാ॒മിന്ദ്രസേനേ᳚ത്യുദാ॒ഹുഃ ।
താം-വിഁദ്യാം ബ്രഹ്മയോനിഗ്ം॑ സരൂ॒പാ॒മി॒ഹാ॒യു॒ഷേ തർപയാമോ॑ ഘൃതേ॒ന ॥ 4 ॥
ദാക്ഷായണ്യഃ സർവയോന്യഃ॑ സ യോ॒ന്യഃ॒ സ॒ഹ॒സ്ര॒ശോ വിശ്വരൂപാ॑ വിരൂ॒പാഃ ।
സസൂനവഃ സപതയഃ॑ സയൂ॒ഥ്യാ॒ ആ॒യു॒ഷേ॒ണോ ഘൃതമിദം॑ ജുഷം॒താം ॥ 5 ॥
ദിവ്യാ ഗണാ ബഹുരൂപാഃ᳚ പുരാ॒ണാ॒ ആയുശ്ഛിദോ നഃ പ്രമഥ്നം॑തു വീ॒രാൻ ।
തേഭ്യോ ജുഹോമി ബഹുധാ॑ ഘൃതേ॒ന॒ മാ॒ നഃ॒ പ്ര॒ജാഗ്ം രീരിഷോ മോ॑ത വീ॒രാൻ ॥ 6 ॥
ഏ॒കഃ॒ പു॒ര॒സ്താത് യ ഇദം॑ ബഭൂ॒വ॒ യതോ ബഭൂവ ഭുവന॑സ്യ ഗോ॒പാഃ ।
യമപ്യേതി ഭുവനഗ്ം സാം᳚പരാ॒യേ॒ സ നോ ഹവിർഘൃത-മിഹായുഷേ᳚ത്തു ദേ॒വഃ ॥ 7 ॥
വ॒സൂ॒ൻ രുദ്രാ॑-നാദി॒ത്യാൻ മരുതോ॑ഽഥ സാ॒ധ്യാ॒ൻ ഋ॑ഭൂൻ യ॒ക്ഷാ॒ൻ ഗന്ധർവാഗ്ശ്ച പിതൄഗ്ശ്ച വി॒ശ്വാൻ ।
ഭൃഗൂൻ സർപാഗ്ശ്ചാംഗിരസോ॑ഽഥ സ॒ർവാ॒ൻ ഘൃ॒ത॒ഗ്ം ഹു॒ത്വാ സ്വായുഷ്യാ മഹയാ॑മ ശ॒ശ്വത് ॥ 8 ॥
വിഷ്ണോ॒ ത്വം നോ॒ അന്ത॑മ॒ശ്ശർമ॑യച്ഛ സഹന്ത്യ ।
പ്രതേ॒ധാരാ॑ മധു॒ശ്ചുത॒ ഉഥ്സം॑ ദുഹ്രതേ॒ അക്ഷി॑തം ॥
॥ ഓം ശാന്തിഃ॒ ശാന്തിഃ॒ ശാന്തിഃ॑ ॥
Recite with devotion and pure heart
Regular practice brings spiritual benefits