ಪಿ॒ತುಂ ನು ಸ್ತೋ॑ಷಂ ಮ॒ಹೋ ಧ॒ರ್ಮಾಣಂ॒ ತವಿ॑ಷೀಂ । ಯಸ್ಯ॑ ತ್ರಿ॒ತೋ ವ್ಯೋಜ॑ಸಾ ವೃ॒ತ್ರಂ ವಿಪ॑ರ್ವಮ॒ರ್ದಯ॑ತ್ ॥ 1 ॥ ಸ್ವಾದೋ॑ ಪಿತೋ॒ ಮಧೋ॑ ಪಿತೋ ವ॒ಯಂ ತ್ವಾ॑ ವವೃಮಹೇ । ಅ॒ಸ್ಮಾಕ॑ಮವಿ॒ತಾ ಭ॑ವ ॥ 2 ॥ ಉಪ॑ ನಃ ಪಿತ॒ವಾ ಚ॑ರ ಶಿ॒ವಃ ಶಿ॒ವಾಭಿ॑ರೂ॒ತಿಭಿ॑: । ಮ॒ಯೋ॒ಭುರ॑ದ್ವಿಷೇ॒ಣ್ಯಃ ಸಖಾ॑ ಸು॒ಶೇವೋ॒ ಅದ್ವ॑ಯಾಃ ॥ 3 ॥ ತವ॒ ತ್ಯೇ ಪಿ॑ತೋ॒ ರಸಾ॒ ರಜಾಂ॒ಸ್ಯನು॒ ವಿಷ್ಠಿ॑ತಾಃ । ದಿ॒ವಿ ವಾತಾ॑ ಇವ ಶ್ರಿ॒ತಾಃ ॥ 4 ॥ ತವ॒ ತ್ಯೇ ಪಿ॑ತೋ॒ ದದ॑ತ॒ಸ್ತವ॑ ಸ್ವಾದಿಷ್ಠ॒ ತೇ ಪಿ॑ತೋ । ಪ್ರ ಸ್ವಾ॒ದ್ಮಾನೋ॒ ರಸಾ॑ನಾಂ ತುವಿ॒ಗ್ರೀವಾ॑ ಇವೇರತೇ ॥ 5 ॥ ತ್ವೇ ಪಿ॑ತೋ ಮ॒ಹಾನಾಂ॑ ದೇ॒ವಾನಾಂ॒ ಮನೋ॑ ಹಿ॒ತಂ । ಅಕಾ॑ರಿ॒ ಚಾರು॑ ಕೇ॒ತುನಾ॒ ತವಾಹಿ॒ಮವ॑ಸಾವಧೀತ್ ॥ 6 ॥ ಯದ॒ದೋ ಪಿ॑ತೋ॒ ಅಜ॑ಗನ್ವಿ॒ವಸ್ವ॒ ಪರ್ವ॑ತಾನಾಂ । ಅತ್ರಾ॑ ಚಿನ್ನೋ ಮಧೋ ಪಿ॒ತೋಽರಂ॑ ಭ॒ಕ್ಷಾಯ॑ ಗಮ್ಯಾಃ ॥ 7 ॥ ಯದ॒ಪಾಮೋಷ॑ಧೀನಾಂ ಪರಿಂ॒ಶಮಾ॑ರಿ॒ಶಾಮ॑ಹೇ । ವಾತಾ॑ಪೇ॒ ಪೀವ॒ ಇದ್ಭ॑ವ ॥ 8 ॥ ಯತ್ತೇ॑ ಸೋಮ॒ ಗವಾ॑ಶಿರೋ॒ ಯವಾ॑ಶಿರೋ॒ ಭಜಾ॑ಮಹೇ । ವಾತಾ॑ಪೇ॒ ಪೀವ॒ ಇದ್ಭ॑ವ ॥ 9 ॥ ಕ॒ರಂ॒ಭ ಓ॑ಷಧೇ ಭವ॒ ಪೀವೋ॑ ವೃ॒ಕ್ಕ ಉ॑ದಾರ॒ಥಿಃ । ವಾತಾ॑ಪೇ॒ ಪೀವ॒ ಇದ್ಭ॑ವ ॥ 10 ॥ ತಂ ತ್ವಾ॑ ವ॒ಯಂ ಪಿ॑ತೋ॒ ವಚೋ॑ಭಿ॒ರ್ಗಾವೋ॒ ನ ಹ॒ವ್ಯಾ ಸು॑ಷೂದಿಮ । ದೇ॒ವೇಭ್ಯ॑ಸ್ತ್ವಾ ಸಧ॒ಮಾದ॑ಮ॒ಸ್ಮಭ್ಯಂ॑ ತ್ವಾ ಸಧ॒ಮಾದಂ॑ ॥ 11 ॥