അ॒ഗ്നിമീ॑ലേ പു॒രോഹി॑തം-യഁ॒ജ്ഞസ്യ॑ ദേ॒വമൃ॒ത്വിജം॑ । ഹോതാ॑രം രത്ന॒ധാത॑മം ॥ 1 അ॒ഗ്നിഃ പൂർവേ॑ഭി॒ർ​ഋഷി॑ഭി॒രീഡ്യോ॒ നൂത॑നൈരു॒ത । സ ദേ॒വാ।ണ് ഏഹ വ॑ക്ഷതി ॥ 2 അ॒ഗ്നിനാ॑ ര॒യിമ॑ശ്നവ॒ത്പോഷ॑മേ॒വ ദി॒വേദി॑വേ । യ॒ശസം॑-വീഁ॒രവ॑ത്തമം ॥ 3 അഗ്നേ॒ യം-യഁ॒ജ്ഞമ॑ധ്വ॒രം-വിഁ॒ശ്വതഃ॑ പരി॒ഭൂരസി॑ । സ ഇദ്ദേ॒വേഷു॑ ഗച്ഛതി ॥ 4 അ॒ഗ്നിർ​ഹോതാ॑ ക॒വിക്ര॑തുഃ സ॒ത്യശ്ചി॒ത്രശ്ര॑വസ്തമഃ । ദേ॒വോ ദേ॒വേഭി॒രാ ഗ॑മത് ॥ 5 യദം॒ഗ ദാ॒ശുഷേ॒ ത്വമഗ്നേ॑ ഭ॒ദ്രം ക॑രി॒ഷ്യസി॑ । തവേത്തത്സ॒ത്യമം॑ഗിരഃ ॥ 6 ഉപ॑ ത്വാഗ്നേ ദി॒വേദി॑വേ॒ ദോഷാ॑വസ്തർധി॒യാ വ॒യം । നമോ॒ ഭരം॑ത॒ ഏമ॑സി ॥ 7 രാജം॑തമധ്വ॒രാണാം॑ ഗോ॒പാമൃ॒തസ്യ॒ ദീദി॑വിം । വർധ॑മാനം॒ സ്വേ ദമേ॑ ॥ 8 സ നഃ॑ പി॒തേവ॑ സൂ॒നവേഽഗ്നേ॑ സൂപായ॒നോ ഭ॑വ । സച॑സ്വാ നഃ സ്വ॒സ്തയേ॑ ॥ 9