ಅ॒ಗ್ನಿಮೀ॑ಲೇ ಪು॒ರೋಹಿ॑ತಂ-ಯಁ॒ಜ್ಞಸ್ಯ॑ ದೇ॒ವಮೃ॒ತ್ವಿಜಂ॑ । ಹೋತಾ॑ರಂ ರತ್ನ॒ಧಾತ॑ಮಂ ॥ 1 ಅ॒ಗ್ನಿಃ ಪೂರ್ವೇ॑ಭಿ॒ರ್​ಋಷಿ॑ಭಿ॒ರೀಡ್ಯೋ॒ ನೂತ॑ನೈರು॒ತ । ಸ ದೇ॒ವಾ।ಣ್ ಏಹ ವ॑ಕ್ಷತಿ ॥ 2 ಅ॒ಗ್ನಿನಾ॑ ರ॒ಯಿಮ॑ಶ್ನವ॒ತ್ಪೋಷ॑ಮೇ॒ವ ದಿ॒ವೇದಿ॑ವೇ । ಯ॒ಶಸಂ॑-ವೀಁ॒ರವ॑ತ್ತಮಂ ॥ 3 ಅಗ್ನೇ॒ ಯಂ-ಯಁ॒ಜ್ಞಮ॑ಧ್ವ॒ರಂ-ವಿಁ॒ಶ್ವತಃ॑ ಪರಿ॒ಭೂರಸಿ॑ । ಸ ಇದ್ದೇ॒ವೇಷು॑ ಗಚ್ಛತಿ ॥ 4 ಅ॒ಗ್ನಿರ್​ಹೋತಾ॑ ಕ॒ವಿಕ್ರ॑ತುಃ ಸ॒ತ್ಯಶ್ಚಿ॒ತ್ರಶ್ರ॑ವಸ್ತಮಃ । ದೇ॒ವೋ ದೇ॒ವೇಭಿ॒ರಾ ಗ॑ಮತ್ ॥ 5 ಯದಂ॒ಗ ದಾ॒ಶುಷೇ॒ ತ್ವಮಗ್ನೇ॑ ಭ॒ದ್ರಂ ಕ॑ರಿ॒ಷ್ಯಸಿ॑ । ತವೇತ್ತತ್ಸ॒ತ್ಯಮಂ॑ಗಿರಃ ॥ 6 ಉಪ॑ ತ್ವಾಗ್ನೇ ದಿ॒ವೇದಿ॑ವೇ॒ ದೋಷಾ॑ವಸ್ತರ್ಧಿ॒ಯಾ ವ॒ಯಂ । ನಮೋ॒ ಭರಂ॑ತ॒ ಏಮ॑ಸಿ ॥ 7 ರಾಜಂ॑ತಮಧ್ವ॒ರಾಣಾಂ॑ ಗೋ॒ಪಾಮೃ॒ತಸ್ಯ॒ ದೀದಿ॑ವಿಂ । ವರ್ಧ॑ಮಾನಂ॒ ಸ್ವೇ ದಮೇ॑ ॥ 8 ಸ ನಃ॑ ಪಿ॒ತೇವ॑ ಸೂ॒ನವೇಽಗ್ನೇ॑ ಸೂಪಾಯ॒ನೋ ಭ॑ವ । ಸಚ॑ಸ್ವಾ ನಃ ಸ್ವ॒ಸ್ತಯೇ॑ ॥ 9