അഷ്ടോത്തരശതം നാമ്നാം വിഷ്ണോരതുലതേജസഃ । യസ്യ ശ്രവണമാത്രേണ നരോ നാരായണോ ഭവേത് ॥ 1 ॥ വിഷ്ണുര്ജിഷ്ണുർവഷട്കാരോ ദേവദേവോ വൃഷാകപിഃ । ദാമോദരോ ദീനബംധുരാദിദേവോഽദിതേസ്തുതഃ ॥ 2 ॥ പുംഡരീകഃ പരാനംദഃ പരമാത്മാ പരാത്പരഃ । പരശുധാരീ വിശ്വാത്മാ കൃഷ്ണഃ കലിമലാപഹാ ॥ 3 ॥ കൌസ്തുഭോദ്ഭാസിതോരസ്കോ നരോ നാരായണോ ഹരിഃ । ഹരോ ഹരപ്രിയഃ സ്വാമീ വൈകുംഠോ വിശ്വതോമുഖഃ ॥ 4 ॥ ഹൃഷീകേശോഽപ്രമേയാത്മാ വരാഹോ ധരണീധരഃ । വാമനോ വേദവക്താ ച വാസുദേവഃ സനാതനഃ ॥ 5 ॥ രാമോ വിരാമോ വിരജോ രാവണാരീ രമാപതിഃ । വൈകുംഠവാസീ വസുമാന് ധനദോ ധരണീധരഃ ॥ 6 ॥ ധര്മേശോ ധരണീനാഥോ ധ്യേയോ ധര്മഭൃതാംവരഃ । സഹസ്രശീര്ഷാ പുരുഷഃ സഹസ്രാക്ഷഃ സഹസ്രപാത് ॥ 7 ॥ സർവഗഃ സർവവിത്സർവഃ ശരണ്യഃ സാധുവല്ലഭഃ । കൌസല്യാനംദനഃ ശ്രീമാന് രാക്ഷസഃകുലനാശകഃ ॥ 8 ॥ ജഗത്കര്താ ജഗദ്ധര്താ ജഗജ്ജേതാ ജനാര്തിഹാ । ജാനകീവല്ലഭോ ദേവോ ജയരൂപോ ജലേശ്വരഃ ॥ 9 ॥ ക്ഷീരാബ്ധിവാസീ ക്ഷീരാബ്ധിതനയാവല്ലഭസ്തഥാ । ശേഷശായീ പന്നഗാരിവാഹനോ വിഷ്ടരശ്രവഃ ॥ 10 ॥ മാധവോ മഥുരാനാഥോ മുകുംദോ മോഹനാശനഃ । ദൈത്യാരിഃ പുംഡരീകാക്ഷോ ഹ്യച്യുതോ മധുസൂദനഃ ॥ 11 ॥ സോമസൂര്യാഗ്നിനയനോ നൃസിംഹോ ഭക്തവത്സലഃ । നിത്യോ നിരാമയശ്ശുദ്ധോ വരദേവോ ജഗത്പ്രഭുഃ ॥ 12 ॥ ഹയഗ്രീവോ ജിതരിപുരുപേംദ്രോ രുക്മിണീപതിഃ । സർവദേവമയഃ ശ്രീശഃ സർവാധാരഃ സനാതനഃ ॥ 13 ॥ സൌമ്യഃ സൌമ്യപ്രദഃ സ്രഷ്ടാ വിഷ്വക്സേനോ ജനാര്ദനഃ । യശോദാതനയോ യോഗീ യോഗശാസ്ത്രപരായണഃ ॥ 14 ॥ രുദ്രാത്മകോ രുദ്രമൂര്തിഃ രാഘവോ മധുസൂധനഃ । ഇതി തേ കഥിതം ദിവ്യം നാമ്നാമഷ്ടോത്തരം ശതമ് ॥ 15 ॥ സർവപാപഹരം പുണ്യം ദിവ്യോരതുലതേജസഃ । ദുഃഖദാരിദ്ര്യദൌര്ഭാഗ്യനാശനം സുഖവര്ധനമ് ॥ 16 ॥ സർവസംപത്കരം സൌമ്യം മഹാപാതകനാശനമ് । പ്രാതരുത്ഥായ വിപേംദ്ര പഠേദേകാഗ്രമാനസഃ ॥ 17 ॥ തസ്യ നശ്യംതി വിപദാം രാശയഃ സിദ്ധിമാപ്നുയാത് ॥ 18 ॥ ഇതി ശ്രീ വിഷ്ണോഃ അഷ്ടോത്തരശതനാമ സ്തോത്രമ് ॥