വിനിയോഗഃ – പുരാണപുരുഷോ വിഷ്ണുഃ പുരുഷോത്തമ ഉച്യതേ । നാമ്നാം സഹസ്രം വക്ഷ്യാമി തസ്യ ഭാഗവതോദ്ധൃതം ॥ 1 ॥ യസ്യ പ്രസാദാദ്വാഗീശാഃ പ്രജേശാ വിഭവോന്നതാഃ । ക്ഷുദ്രാ അപി ഭവന്ത്യാശു ശ്രീകൃഷ്ണം തം നതോഽസ്മ്യഹം ॥ 2 ॥ അനന്താ ഏവ കൃഷ്ണസ്യ ലീലാ നാമപ്രവർതികാഃ । ഉക്താ ഭാഗവതേ ഗൂഹാഃ പ്രകടാ അപി കുത്രചിത് ॥ 3 ॥ അതസ്താനി പ്രവക്ഷ്യാമി നാമാനി മുരവൈരിണഃ । സഹസ്രം യൈസ്തു പഠിതൈഃ പഠിതം സ്യാച്ഛുകാമൃതം ॥ 4 ॥ കൃഷ്ണനാമസഹസ്രസ്യ ഋഷിരഗ്നിർനിരൂപിതഃ । ഗായത്രീ ച തഥാ ഛന്ദോ ദേവതാ പുരുഷോത്തമഃ ॥ 5 ॥ വിനിയോഗഃ സമസ്തേഷു പുരുഷാർഥേഷു വൈ മതഃ । ബീജം ഭക്തപ്രിയഃ ശക്തിഃ സത്യവാഗുച്യതേ ഹരിഃ ॥ 6 ॥ ഭക്തോദ്ധരണയത്നസ്തു മന്ത്രോഽത്ര പരമോ മതഃ । അവതാരിതഭക്താംശഃ കീലകം പരികീർതിതം ॥ 7 ॥ അസ്ത്രം സർവസമർഥശ്ച ഗോവിന്ദഃ കവചം മതം । പുരുഷോ ധ്യാനമത്രോക്തഃ സിദ്ധിഃ ശരണസംസ്മൃതിഃ ॥ 8 ॥ അധികാരലീലാ – ശ്രീകൃഷ്ണഃ സച്ചിദാനന്ദോ നിത്യലീലാവിനോദകൃത് । സർവാഗമവിനോദീ ച ലക്ഷ്മീശഃ പുരുഷോത്തമഃ ॥ 9 ॥ ആദികാലഃ സർവകാലഃ കാലാത്മാ മായയാവൃതഃ । ഭക്തോദ്ധാരപ്രയത്നാത്മാ ജഗത്കർതാ ജഗന്മയഃ ॥ 10 ॥ നാമലീലാപരോ വിഷ്ണുർവ്യാസാത്മാ ശുകമോക്ഷദഃ । വ്യാപിവൈകുണ്ഠദാതാ ച ശ്രീമദ്ഭാഗവതാഗമഃ ॥ 11 ॥ ശുകവാഗമൃതാബ്ധീന്ദുഃ ശൗനകാദ്യഖിലേഷ്ടദഃ । ഭക്തിപ്രവർതകസ്ത്രാതാ വ്യാസചിന്താവിനാശകഃ ॥ 12 ॥ സർവസിദ്ധാന്തവാഗാത്മാ നാരദാദ്യഖിലേഷ്ടദഃ । അന്തരാത്മാ ധ്യാനഗമ്യോ ഭക്തിരത്നപ്രദായകഃ ॥ 13 ॥ മുക്തോപസൃപ്യഃ പൂർണാത്മാ മുക്താനാം രതിവർധനഃ । ഭക്തകാര്യൈകനിരതോ ദ്രൗണ്യസ്ത്രവിനിവാരകഃ ॥ 14 ॥ ഭക്തസ്മയപ്രണേതാ ച ഭക്തവാക്പരിപാലകഃ । ബ്രഹ്മണ്യദേവോ ധർമാത്മാ ഭക്താനാം ച പരീക്ഷകഃ ॥ 15 ॥ ആസന്നഹിതകർതാ ച മായാഹിതകരഃ പ്രഭുഃ । ഉത്തരാപ്രാണദാതാ ച ബ്രഹ്മാസ്ത്രവിനിവാരകഃ ॥ 16 ॥ സർവതഃ പാണവപതിഃ പരീക്ഷിച്ഛുദ്ധികാരണം । ഗൂഹാത്മാ സർവവേദേഷു ഭക്തൈകഹൃദയംഗമഃ ॥ 17 ॥ കുന്തീസ്തുത്യഃ പ്രസന്നാത്മാ പരമാദ്ഭുതകാര്യകൃത് । ഭീഷ്മമുക്തിപ്രദഃ സ്വാമീ ഭക്തമോഹനിവാരകഃ ॥ 18 ॥ സർവാവസ്ഥാസു സംസേവ്യഃ സമഃ സുഖഹിതപ്രദഃ । കൃതകൃത്യഃ സർവസാക്ഷീ ഭക്തസ്ത്രീരതിവർധനഃ ॥ 19 ॥ സർവസൗഭാഗ്യനിലയഃ പരമാശ്ചര്യരൂപധൃക് । അനന്യപുരുഷസ്വാമീ ദ്വാരകാഭാഗ്യഭാജനം ॥ 20 ॥ ബീജസംസ്കാരകർതാ ച പരീക്ഷിജ്ജാനപോഷകഃ । സർവത്രപൂർണഗുണകഃ സർവഭൂഷണഭൂഷിതഃ ॥ 21 ॥ സർവലക്ഷണദാതാ ച ധൃതരാഷ്ട്രവിമുക്തിദഃ । സന്മാർഗരക്ഷകോ നിത്യം വിദുരപ്രീതിപൂരകഃ ॥ 22 ॥ ലീലാവ്യാമോഹകർതാ ച കാലധർമപ്രവർതകഃ । പാണവാനാം മോക്ഷദാതാ പരീക്ഷിദ്ഭാഗ്യവർധനഃ ॥ 23 ॥ കലിനിഗ്രഹകർതാ ച ധർമാദീനാം ച പോഷകഃ । സത്സംഗജാനഹേതുശ്ച ശ്രീഭാഗവതകാരണം ॥ 24 ॥ പ്രാകൃതാദൃഷ്ടമാർഗശ്ച ചോന്തിനുഏദ് ജ്ഞാന-സാധന-ലീലാ ശ്രോതവ്യഃ സകലാഗമൈഃ । കീർതിതവ്യഃ ശുദ്ധഭാവൈഃ സ്മർതവ്യശ്ചാത്മവിത്തമൈഃ ॥ 25 ॥ അനേകമാർഗകർതാ ച നാനാവിധഗതിപ്രദഃ । പുരുഷഃ സകലാധാരഃ സത്ത്വൈകനിലയാത്മഭൂഃ ॥ 26 ॥ സർവധ്യേയോ യോഗഗമ്യോ ഭക്ത്യാ ഗ്രാഹ്യഃ സുരപ്രിയഃ । ജന്മാദിസാർഥകകൃതിർലീലാകർതാ പതിഃ സതാം ॥ 27 ॥ ആദികർതാ തത്ത്വകർതാ സർവകർതാ വിശാരദഃ । നാനാവതാരകർതാ ച ബ്രഹ്മാവിർഭാവകാരണം ॥ 28 ॥ ദശലീലാവിനോദീ ച നാനാസൃഷ്ടിപ്രവർതകഃ । അനേകകല്പകർതാ ച സർവദോഷവിവർജിതഃ ॥ 29 ॥ സർഗലീലാ – വൈരാഗ്യഹേതുസ്തീർഥാത്മാ സർവതീർഥഫലപ്രദഃ । തീർഥശുദ്ധൈകനിലയഃ സ്വമാർഗപരിപോഷകഃ ॥ 30 ॥ തീർഥകീർതിർഭക്തഗമ്യോ ഭക്താനുശയകാര്യകൃത് । ഭക്തതുല്യഃ സർവതുല്യഃ സ്വേച്ഛാസർവപ്രവർതകഃ ॥ 31 ॥ ഗുണാതീതോഽനവദ്യാത്മാ സർഗലീലാപ്രവർതകഃ । സാക്ഷാത്സർവജഗത്കർതാ മഹദാദിപ്രവർതകഃ ॥ 32 ॥ മായാപ്രവർതകഃ സാക്ഷീ മായാരതിവിവർധനഃ । ആകാശാത്മാ ചതുർമൂർതിശ്ചതുർധാ ഭൂതഭാവനഃ ॥ 33 ॥ രജഃപ്രവർതകോ ബ്രഹ്മാ മരീച്യാദിപിതാമഹഃ । വേദകർതാ യജ്ഞകർതാ സർവകർതാഽമിതാത്മകഃ ॥ 34 ॥ അനേകസൃഷ്ടികർതാ ച ദശധാസൃഷ്ടികാരകഃ । യജ്ഞാംഗോ യജ്ഞവാരാഹോ ഭൂധരോ ഭൂമിപാലകഃ ॥ 35 ॥ സേതുർവിധരണോ ജൈത്രോ ഹിരണ്യാക്ഷാന്തകഃ സുരഃ । ദിതികശ്യപകാമൈകഹേതുസൃഷ്ടിപ്രവർതകഃ ॥ 36 ॥ ദേവാഭയപ്രദാതാ ച വൈകുണ്ഠാധിപതിർമഹാൻ । സർവഗർവപ്രഹാരീ ച സനകാദ്യഖിലാർഥദഃ ॥ 37 ॥ സർവാശ്വാസനകർതാ ച ഭക്തതുല്യാഹവപ്രദഃ । കാലലക്ഷണഹേതുശ്ച സർവാർഥജ്ഞാപകഃ പരഃ ॥ 38 ॥ ഭക്തോന്നതികരഃ സർവപ്രകാരസുഖദായകഃ । നാനായുദ്ധപ്രഹരണോ ബ്രഹ്മശാപവിമോചകഃ ॥ 39 ॥ പുഷ്ടിസർഗപ്രണേതാ ച ഗുണസൃഷ്ടിപ്രവർതകഃ । കർദമേഷ്ടപ്രദാതാ ച ദേവഹൂത്യഖിലാർഥദഃ ॥ 40 ॥ ശുക്ലനാരായണഃ സത്യകാലധർമപ്രവർതകഃ । ജ്ഞാനാവതാരഃ ശാന്താത്മാ കപിലഃ കാലനാശകഃ ॥ 41 ॥ ത്രിഗുണാധിപതിഃ സാംഖ്യശാസ്ത്രകർതാ വിശാരദഃ । സർഗദൂഷണഹാരീ ച പുഷ്ടിമോക്ഷപ്രവർതകഃ ॥ 42 ॥ ലൗകികാനന്ദദാതാ ച ബ്രഹ്മാനന്ദപ്രവർതകഃ । ഭക്തിസിദ്ധാന്തവക്താ ച സഗുണജ്ഞാനദീപകഃ ॥ 43 ॥ ആത്മപ്രദഃ പൂർണകാമോ യോഗാത്മാ യോഗഭാവിതഃ । ജീവന്മുക്തിപ്രദഃ ശ്രീമാനന്യഭക്തിപ്രവർതകഃ ॥ 44 ॥ കാലസാമർഥ്യദാതാ ച കാലദോഷനിവാരകഃ । ഗർഭോത്തമജ്ഞാനദാതാ കർമമാർഗനിയാമകഃ ॥ 45 ॥ സർവമാർഗനിരാകർതാ ഭക്തിമാർഗൈകപോഷകഃ । സിദ്ധിഹേതുഃ സർവഹേതുഃ സർവാശ്ചര്യൈകകാരണം ॥ 46 ॥ ചേതനാചേതനപതിഃ സമുദ്രപരിപൂജിതഃ । സാംഖ്യാചാര്യസ്തുതഃ സിദ്ധപൂജിതഃ സർവപൂജിതഃ ॥ 47 ॥ വിസർഗലീലാ – വിസർഗകർതാ സർവേശഃ കോടിസൂര്യസമപ്രഭഃ । അനന്തഗുണഗംഭീരോ മഹാപുരുഷപൂജിതഃ ॥ 48 ॥ അനന്തസുഖദാതാ ച ബ്രഹ്മകോടിപ്രജാപതിഃ । സുധാകോടിസ്വാസ്ഥ്യഹേതുഃ കാമധുക്കോടികാമദഃ ॥ 49 ॥ സമുദ്രകോടിഗംഭീരസ്തീർഥകോടിസമാഹ്വയഃ । സുമേരുകോടിനിഷ്കമ്പഃ കോടിബ്രഹ്മാണ്ഡവിഗ്രഹഃ ॥ 50 ॥ കോട്യശ്വമേധപാപഘ്നോ വായുകോടിമഹാബലഃ । കോടീന്ദുജഗദാനന്ദീ ശിവകോടിപ്രസാദകൃത് ॥ 51 ॥ സർവസദ്ഗുണമാഹാത്മ്യഃ സർവസദ്ഗുണഭാജനം । മന്വാദിപ്രേരകോ ധർമോ യജ്ഞനാരായണഃ പരഃ ॥ 52 ॥ ആകൂതിസൂനുർദേവേന്ദ്രോ രുചിജന്മാഽഭയപ്രദഃ । ദക്ഷിണാപതിരോജസ്വീ ക്രിയാശക്തിഃ പരായണഃ ॥ 53 ॥ ദത്താത്രേയോ യോഗപതിര്യോഗമാർഗപ്രവർതകഃ । അനസൂയാഗർഭരത്നമൃഷിവംശവിവർധനഃ ॥ 54 ॥ ഗുണത്രയവിഭാഗജ്ഞശ്ചതുർവർഗവിശാരദഃ । നാരായണോ ധർമസൂനുർമൂർതിപുണ്യയശസ്കരഃ ॥ 55 ॥ സഹസ്രകവചച്ഛേദീ തപഃസാരോ നരപ്രിയഃ । വിശ്വാനന്ദപ്രദഃ കർമസാക്ഷീ ഭാരതപൂജിതഃ ॥ 56 ॥ അനന്താദ്ഭുതമാഹാത്മ്യോ ബദരീസ്ഥാനഭൂഷണം । ജിതകാമോ ജിതക്രോധോ ജിതസംഗോ ജിതേന്ദ്രിയഃ ॥ 57 ॥ ഉർവശീപ്രഭവഃ സ്വർഗസുഖദായീ സ്ഥിതിപ്രദഃ । അമാനീ മാനദോ ഗോപ്താ ഭഗവച്ഛാസ്ത്രബോധകഃ ॥ 58 ॥ ബ്രഹ്മാദിവന്ദ്യോ ഹംസശ്രീർമായാവൈഭവകാരണം । വിവിധാനന്തസർഗാത്മാ വിശ്വപൂരണതത്പരഃ ॥ 59 ॥ യജ്ഞജീവനഹേതുശ്ച യജ്ഞസ്വാമീഷ്ടബോധകഃ । നാനാസിദ്ധാന്തഗമ്യശ്ച സപ്തതന്തുശ്ച ഷഡ്ഗുണഃ ॥ 60 ॥ പ്രതിസർഗജഗത്കർതാ നാനാലീലാവിശാരദഃ । ധ്രുവപ്രിയോ ധ്രുവസ്വാമീ ചിന്തിതാധികദായകഃ ॥ 61 ॥ ദുർലഭാനന്തഫലദോ ദയാനിധിരമിത്രഹാ । അംഗസ്വാമീ കൃപാസാരോ വൈന്യോ ഭൂമിനിയാമകഃ ॥ 62 ॥ ഭൂമിദോഗ്ധാ പ്രജാപ്രാണപാലനൈകപരായണഃ । യശോദാതാ ജ്ഞാനദാതാ സർവധർമപ്രദർശകഃ ॥ 63 ॥ പുരഞ്ജനോ ജഗന്മിത്രം വിസർഗാന്തപ്രദർശകഃ । പ്രചേതസാം പതിശ്ചിത്രഭക്തിഹേതുർജനാർദനഃ ॥ 64 ॥ സ്മൃതിഹേതുബ്രഹ്മഭാവസായുജ്യാദിപ്രദഃ ശുഭഃ । വിജയീ ചോന്തിനുഏദ് സ്ഥാനലീലാ സ്ഥിതിലീലാബ്ധിരച്യുതോ വിജയപ്രദഃ ॥ 65 ॥ സ്വസാമർഥ്യപ്രദോ ഭക്തകീർതിഹേതുരധോക്ഷജഃ । പ്രിയവ്രതപ്രിയസ്വാമീ സ്വേച്ഛാവാദവിശാരദഃ ॥ 66 ॥ സംഗ്യഗമ്യഃ സ്വപ്രകാശഃ സർവസംഗവിവർജിതഃ । ഇച്ഛായാം ച സമര്യാദസ്ത്യാഗമാത്രോപലംഭനഃ ॥ 67 ॥ അചിന്ത്യകാര്യകർതാ ച തർകാഗോചരകാര്യകൃത് । ശഋംഗാരരസമര്യാദാ ആഗ്നീധ്രരസഭാജനം ॥ 68 ॥ നാഭീഷ്ടപൂരകഃ കർമമര്യാദാദർശനോത്സുകഃ । സർവരൂപോഽദ്ഭുതതമോ മര്യാദാപുരുഷോത്തമഃ ॥ 69 ॥ സർവരൂപേഷു സത്യാത്മാ കാലസാക്ഷീ ശശിപ്രഭഃ । മേരുദേവീവ്രതഫലമൃഷഭോ ഭഗലക്ഷണഃ ॥ 70 ॥ ജഗത്സന്തർപകോ മേഘരൂപീ ദേവേന്ദ്രദർപഹാ । ജയന്തീപതിരത്യന്തപ്രമാണാശേഷലൗകികഃ ॥ 71 ॥ ശതധാന്യസ്തഭൂതാത്മാ ശതാനന്ദോ ഗുണപ്രസൂഃ । വൈഷ്ണവോത്പാദനപരഃ സർവധർമോപദേശകഃ ॥ 72 ॥ പരഹംസക്രിയാഗോപ്താ യോഗചര്യാപ്രദർശകഃ । ചതുർഥാശ്രമനിർണേതാ സദാനന്ദശരീരവാൻ ॥ 73 ॥ പ്രദർശിതാന്യധർമശ്ച ഭരതസ്വാമ്യപാരകൃത് । യഥാവത്കർമകർതാ ച സംഗാനിഷ്ടപ്രദർശകഃ ॥ 74 ॥ ആവശ്യകപുനർജന്മകർമമാർഗപ്രദർശകഃ । യജ്ഞരൂപമൃഗഃ ശാന്തഃ സഹിഷ്ണുഃ സത്പരാക്രമഃ ॥ 75 ॥ രഹൂഗണഗതിജ്ഞശ്ച രഹൂഗണവിമോചകഃ । ഭവാടവീതത്ത്വവക്താ ബഹിർമുഖഹിതേ രതഃ ॥ 76 ॥ ഗയസ്വാമീ സ്ഥാനവംശകർതാ സ്ഥാനവിഭേദകൃത് । പുരുഷാവയവോ ഭൂമിവിശേഷവിനിരൂപകഃ ॥ 77 ॥ ജംബൂദ്വീപപതിർമേരുനാഭിപദ്മരുഹാശ്രയഃ । നാനാവിഭൂതിലീലാഢ്യോ ഗംഗോത്പത്തിനിദാനകൃത് ॥ 78 ॥ ഗംഗാമാഹാത്മ്യഹേതുശ്ച ഗംഗാരൂപോഽതിഗൂഢകൃത് । വൈകുണ്ഠദേഹഹേത്വംബുജന്മകൃത് സർവപാവനഃ ॥ 79 ॥ ശിവസ്വാമീ ശിവോപാസ്യോ ഗൂഢഃ സങ്കർഷണാത്മകഃ । സ്ഥാനരക്ഷാർഥമത്സ്യാദിരൂപഃ സർവൈകപൂജിതഃ ॥ 80 ॥ ഉപാസ്യനാനാരൂപാത്മാ ജ്യോതീരൂപോ ഗതിപ്രദഃ । സൂര്യനാരായണോ വേദകാന്തിരുജ്ജ്വലവേഷധൃക് ॥ 81 ॥ ഹംസോഽന്തരിക്ഷഗമനഃ സർവപ്രസവകാരണം । ആനന്ദകർതാ വസുദോ ബുധോ വാക്പതിരുജ്ജ്വലഃ ॥ 82 ॥ കാലാത്മാ കാലകാലശ്ച കാലച്ഛേദകൃദുത്തമഃ । ശിശുമാരഃ സർവമൂർതിരാധിദൈവികരൂപധൃക് ॥ 83 ॥ അനന്തസുഖഭോഗാഢ്യോ വിവരൈശ്വര്യഭാജനം । സങ്കർഷണോ ദൈത്യപതിഃ സർവാധാരോ ബൃഹദ്വപുഃ ॥ 84 ॥ അനന്തനരകച്ഛേദീ സ്മൃതിമാത്രാർതിനാശനഃ । സർവാനുഗ്രഹകർതാ ച ചോന്തിനുഏദ് പോഷണ-പുഷ്ടി-ലീലാ മര്യാദാഭിന്നശാസ്ത്രകൃത് ॥ 85 ॥ കാലാന്തകഭയച്ഛേദീ നാമസാമർഥ്യരൂപധൃക് । ഉദ്ധാരാനർഹഗോപ്ത്രാത്മാ നാമാദിപ്രേരകോത്തമഃ ॥ 86 ॥ അജാമിലമഹാദുഷ്ടമോചകോഽഘവിമോചകഃ । ധർമവക്താഽക്ലിഷ്ടവക്താ വിഷ്ണുധർമസ്വരൂപധൃക് ॥ 87 ॥ സന്മാർഗപ്രേരകോ ധർതാ ത്യാഗഹേതുരധോക്ഷജഃ । വൈകുണ്ഠപുരനേതാ ച ദാസസംവൃദ്ധികാരകഃ ॥ 88 ॥ ദക്ഷപ്രസാദകൃദ്ധംസഗുഹ്യസ്തുതിവിഭാവനഃ । സ്വാഭിപ്രായപ്രവക്താ ച മുക്തജീവപ്രസൂതികൃത് ॥ 89 ॥ നാരദപ്രേരണാത്മാ ച ഹര്യശ്വബ്രഹ്മഭാവനഃ । ശബലാശ്വഹിതോ ഗൂഢവാക്യാർഥജ്ഞാപനക്ഷമഃ ॥ 90 ॥ ഗൂഢാർഥജ്ഞാപനഃ സർവമോക്ഷാനന്ദപ്രതിഷ്ഠിതഃ । പുഷ്ടിപ്രരോഹഹേതുശ്ച ദാസൈകജ്ഞാതഹൃദ്ഗതഃ ॥ 91 ॥ ശാന്തികർതാ സുഹിതകൃത് സ്ത്രീപ്രസൂഃ സർവകാമധുക് । പുഷ്ടിവംശപ്രണേതാ ച വിശ്വരൂപേഷ്ടദേവതാ ॥ 92 ॥ കവചാത്മാ പാലനാത്മാ വർമോപചിതികാരണം । വിശ്വരൂപശിരശ്ഛേദീ ത്വാഷ്ട്രയജ്ഞവിനാശകഃ ॥ 93 ॥ വൃത്രസ്വാമീ വൃത്രഗമ്യോ വൃത്രവ്രതപരായണഃ । വൃത്രകീർതിർവൃത്രമോക്ഷോ മഘവത്പ്രാണരക്ഷകഃ ॥ 94 ॥ അശ്വമേധഹവിർഭോക്താ ദേവേന്ദ്രാമീവനാശകഃ । സംസാരമോചകശ്ചിത്രകേതുബോധനതത്പരഃ ॥ 95 ॥ മന്ത്രസിദ്ധിഃ സിദ്ധിഹേതുഃ സുസിദ്ധിഫലദായകഃ । മഹാദേവതിരസ്കർതാ ഭക്ത്യൈ പൂർവാർഥനാശകഃ ॥ 96 ॥ ദേവബ്രാഹ്മണവിദ്വേഷവൈമുഖ്യജ്ഞാപകഃ ശിവഃ । ആദിത്യോ ദൈത്യരാജശ്ച മഹത്പതിരചിന്ത്യകൃത് ॥ 97 ॥ മരുതാം ഭേദകസ്ത്രാതാ വ്രതാത്മാ പുമ്പ്രസൂതികൃത് । ഊതിലീലാ കർമാത്മാ വാസനാത്മാ ച ഊതിലീലാപരായണഃ ॥ 98 ॥ സമദൈത്യസുരഃ സ്വാത്മാ വൈഷമ്യജ്ഞാനസംശ്രയഃ । ദേഹാദ്യുപാധിരഹിതഃ സർവജ്ഞഃ സർവഹേതുവിദ് ॥ 99 ॥ ബ്രഹ്മവാക്സ്ഥാപനപരഃ സ്വജന്മാവധികാര്യകൃത് । സദസദ്വാസനാഹേതുസ്ത്രിസത്യോ ഭക്തമോചകഃ ॥ 100 ॥ ഹിരണ്യകശിപുദ്വേഷീ പ്രവിഷ്ടാത്മാഽതിഭീഷണഃ । ശാന്തിജ്ഞാനാദിഹേതുശ്ച പ്രഹ്ലാദോത്പത്തികാരണം ॥ 101 ॥ ദൈത്യസിദ്ധാന്തസദ്വക്താ തപഃസാര ഉദാരധീഃ । ദൈത്യഹേതുപ്രകടനോ ഭക്തിചിഹ്നപ്രകാശകഃ ॥ 102 ॥ സദ്ദ്വേഷഹേതുഃ സദ്ദ്വേഷവാസനാത്മാ നിരന്തരഃ । നൈഷ്ഠുര്യസീമാ പ്രഹ്ലാദവത്സലഃ സംഗദോഷഹാ ॥ 103 ॥ മഹാനുഭാവഃ സാകാരഃ സർവാകാരഃ പ്രമാണഭൂഃ । സ്തംഭപ്രസൂതിർനൃഹരിർനൃസിംഹോ ഭീമവിക്രമഃ ॥ 104 ॥ വികടാസ്യോ ലലജ്ജിഹ്വോ നഖശസ്ത്രോ ജവോത്കടഃ । ഹിരണ്യകശിപുച്ഛേദീ ക്രൂരദൈത്യനിവാരകഃ ॥ 105 ॥ സിംഹാസനസ്ഥഃ ക്രോധാത്മാ ലക്ഷ്മീഭയവിവർധനഃ । ബ്രഹ്മാദ്യത്യന്തഭയഭൂരപൂർവാചിന്ത്യരൂപധൃക് ॥ 106 ॥ ഭക്തൈകശാന്തഹൃദയോ ഭക്തസ്തുത്യഃ സ്തുതിപ്രിയഃ । ഭക്താംഗലേഹനോദ്ധൂതക്രോധപുങ്ജഃ പ്രശാന്തധീഃ ॥ 107 ॥ സ്മൃതിമാത്രഭയത്രാതാ ബ്രഹ്മബുദ്ധിപ്രദായകഃ । ഗോരൂപധാര്യമൃതപാഃ ശിവകീർതിവിവർധനഃ ॥ 108 ॥ ധർമാത്മാ സർവകർമാത്മാ വിശേഷാത്മാഽഽശ്രമപ്രഭുഃ । സംസാരമഗ്നസ്വോദ്ധർതാ സന്മാർഗാഖിലതത്ത്വവാക് ॥ 109 ॥ ആചാരാത്മാ സദാചാരഃ ചോന്തിനുഏദ് മന്വന്തരലീലാ മന്വന്തരവിഭാവനഃ । സ്മൃത്യാഽശേഷാശുഭഹരോ ഗജേന്ദ്രസ്മൃതികാരണം ॥ 110 ॥ ജാതിസ്മരണഹേത്വൈകപൂജാഭക്തിസ്വരൂപദഃ । യജ്ഞോ ഭയാന്മനുത്രാതാ വിഭുർബ്രഹ്മവ്രതാശ്രയഃ ॥ 111 ॥ സത്യസേനോ ദുഷ്ടഘാതീ ഹരിർഗജവിമോചകഃ । വൈകുണ്ഠോ ലോകകർതാ ച അജിതോഽമൃതകാരണം ॥ 112 ॥ ഉരുക്രമോ ഭൂമിഹർതാ സാർവഭൗമോ ബലിപ്രിയഃ । വിഭുഃ സർവഹിതൈകാത്മാ വിഷ്വക്സേനഃ ശിവപ്രിയഃ ॥ 113 ॥ ധർമസേതുർലോകധൃതിഃ സുധാമാന്തരപാലകഃ । ഉപഹർതാ യോഗപതിർബൃഹദ്ഭാനുഃ ക്രിയാപതിഃ ॥ 114 ॥ ചതുർദശപ്രമാണാത്മാ ധർമോ മന്വാദിബോധകഃ । ലക്ഷ്മീഭോഗൈകനിലയോ ദേവമന്ത്രപ്രദായകഃ ॥ 115 ॥ ദൈത്യവ്യാമോഹകഃ സാക്ഷാദ്ഗരുഡസ്കന്ധസംശ്രയഃ । ലീലാമന്ദരധാരീ ച ദൈത്യവാസുകിപൂജിതഃ ॥ 116 ॥ സമുദ്രോന്മഥനായത്തോഽവിഘ്നകർതാ സ്വവാക്യകൃത് । ആദികൂർമഃ പവിത്രാത്മാ മന്ദരാഘർഷണോത്സുകഃ ॥ 117 ॥ ശ്വാസൈജദബ്ധിവാർവീചിഃ കല്പാന്താവധികാര്യകൃത് । ചതുർദശമഹാരത്നോ ലക്ഷ്മീസൗഭാഗ്യവർധനഃ ॥ 118 ॥ ധന്വന്തരിഃ സുധാഹസ്തോ യജ്ഞഭോക്താഽഽർതിനാശനഃ । ആയുർവേദപ്രണേതാ ച ദേവദൈത്യാഖിലാർചിതഃ ॥ 119 ॥ ബുദ്ധിവ്യാമോഹകോ ദേവകാര്യസാധനതത്പരഃ । സ്ത്രീരൂപോ മായയാ വക്താ ദൈത്യാന്തഃകരണപ്രിയഃ ॥ 120 ॥ പായിതാമൃതദേവാംശോ യുദ്ധഹേതുസ്മൃതിപ്രദഃ । സുമാലിമാലിവധകൃന്മാല്യവത്പ്രാണഹാരകഃ ॥ 121 ॥ കാലനേമിശിരശ്ഛേദീ ദൈത്യയജ്ഞവിനാശകഃ । ഇന്ദ്രസാമർഥ്യദാതാ ച ദൈത്യശേഷസ്ഥിതിപ്രിയഃ ॥ 122 ॥ ശിവവ്യാമോഹകോ മായീ ഭൃഗുമന്ത്രസ്വശക്തിദഃ । ബലിജീവനകർതാ ച സ്വർഗഹേതുർവ്രതാർചിതഃ ॥ 123 ॥ അദിത്യാനന്ദകർതാ ച കശ്യപാദിതിസംഭവഃ । ഉപേന്ദ്ര ഇന്ദ്രാവരജോ വാമനബ്രഹ്മരൂപധൃക് ॥ 124 ॥ ബ്രഹ്മാദിസേവിതവപുര്യജ്ഞപാവനതത്പരഃ । യാച്ഞോപദേശകർതാ ച ജ്ഞാപിതാശേഷസംസ്ഥിതിഃ ॥ 125 ॥ സത്യാർഥപ്രേരകഃ സർവഹർതാ ഗർവവിനാശകഃ । ത്രിവിക്രമസ്ത്രിലോകാത്മാ വിശ്വമൂർതിഃ പൃഥുശ്രവാഃ ॥ 126 ॥ പാശബദ്ധബലിഃ സർവദൈത്യപക്ഷോപമർദകഃ । സുതലസ്ഥാപിതബലിഃ സ്വർഗാധികസുഖപ്രദഃ ॥ 127 ॥ കർമസമ്പൂർതികർതാ ച സ്വർഗസംസ്ഥാപിതാമരഃ । ജ്ഞാതത്രിവിധധർമാത്മാ മഹാമീനോഽബ്ധിസംശ്രയഃ ॥ 128 ॥ സത്യവ്രതപ്രിയോ ഗോപ്താ മത്സ്യമൂർതിധൃതശ്രുതിഃ । ശഋംഗബദ്ധധൃതക്ഷോണിഃ സർവാർഥജ്ഞാപകോ ഗുരുഃ ॥ 129 ॥ ഈശാനുകഥാലീലാ – ഈശസേവകലീലാത്മാ സൂര്യവംശപ്രവർതകഃ । സോമവംശോദ്ഭവകരോ മനുപുത്രഗതിപ്രദഃ ॥ 130 ॥ അംബരീഷപ്രിയഃ സാധുർദുർവാസോഗർവനാശകഃ । ബ്രഹ്മശാപോപസംഹർതാ ഭക്തകീർതിവിവർധനഃ ॥ 131 ॥ ഇക്ഷ്വാകുവംശജനകഃ സഗരാദ്യഖിലാർഥദഃ । ഭഗീരഥമഹായത്നോ ഗംഗാധൗതാംഘ്രിപങ്കജഃ ॥ 132 ॥ ബ്രഹ്മസ്വാമീ ശിവസ്വാമീ സഗരാത്മജമുക്തിദഃ । ഖട്വാംഗമോക്ഷഹേതുശ്ച രഘുവംശവിവർധനഃ ॥ 133 ॥ രഘുനാഥോ രാമചന്ദ്രോ രാമഭദ്രോ രഘുപ്രിയഃ । അനന്തകീർതിഃ പുണ്യാത്മാ പുണ്യശ്ലോകൈകഭാസ്കരഃ ॥ 134 ॥ കോശലേന്ദ്രഃ പ്രമാണാത്മാ സേവ്യോ ദശരഥാത്മജഃ । ലക്ഷ്മണോ ഭരതശ്ചൈവ ശത്രുഘ്നോ വ്യൂഹവിഗ്രഹഃ ॥ 135 ॥ വിശ്വാമിത്രപ്രിയോ ദാന്തസ്താഡകാവധമോക്ഷദഃ । വായവ്യാസ്ത്രാബ്ധിനിക്ഷിപ്തമാരീചശ്ച സുബാഹുഹാ ॥ 136 ॥ വൃഷധ്വജധനുർഭംഗപ്രാപ്തസീതാമഹോത്സവഃ । സീതാപതിർഭൃഗുപതിഗർവപർവതനാശകഃ ॥ 137 ॥ അയോധ്യാസ്ഥമഹാഭോഗയുക്തലക്ഷ്മീവിനോദവാൻ । കൈകേയീവാക്യകർതാ ച പിതൃവാക്പരിപാലകഃ ॥ 138 ॥ വൈരാഗ്യബോധകോഽനന്യസാത്ത്വികസ്ഥാനബോധകഃ । അഹല്യാദുഃഖഹാരീ ച ഗുഹസ്വാമീ സലക്ഷ്മണഃ ॥ 139 ॥ ചിത്രകൂടപ്രിയസ്ഥാനോ ദണ്ഡകാരണ്യപാവനഃ । ശരഭംഗസുതീക്ഷ്ണാദിപൂജിതോഽഗസ്ത്യഭാഗ്യഭൂഃ ॥ 140 ॥ ഋഷിസമ്പ്രാർഥിതകൃതിർവിരാധവധപണ്ഡിതഃ । ഛിന്നശൂർപണഖാനാസഃ ഖരദൂഷണഘാതകഃ ॥ 141 ॥ ഏകബാണഹതാനേകസഹസ്രബലരാക്ഷസഃ । മാരീചഘാതീ നിയതസീതാസംബന്ധശോഭിതഃ ॥ 142 ॥ സീതാവിയോഗനാട്യശ്ച ജടായുർവധമോക്ഷദഃ । ശബരീപൂജിതോ ഭക്തഹനുമത്പ്രമുഖാവൃതഃ ॥ 143 ॥ ദുന്ദുഭ്യസ്ഥിപ്രഹരണഃ സപ്തതാലവിഭേദനഃ । സുഗ്രീവരാജ്യദോ വാലിഘാതീ സാഗരശോഷണഃ ॥ 144 ॥ സേതുബന്ധനകർതാ ച വിഭീഷണഹിതപ്രദഃ । രാവണാദിശിരശ്ഛേദീ രാക്ഷസാഘൗഘനാശകഃ ॥ 145 ॥ സീതാഽഭയപ്രദാതാ ച പുഷ്പകാഗമനോത്സുകഃ । അയോധ്യാപതിരത്യന്തസർവലോകസുഖപ്രദഃ ॥ 146 ॥ മഥുരാപുരനിർമാതാ സുകൃതജ്ഞസ്വരൂപദഃ । ജനകജ്ഞാനഗമ്യശ്ച ഐലാന്തപ്രകടശ്രുതിഃ ॥ 147 ॥ ഹൈഹയാന്തകരോ രാമോ ദുഷ്ടക്ഷത്രവിനാശകഃ । സോമവംശഹിതൈകാത്മാ യദുവംശവിവർധനഃ ॥ 148 ॥ നിരോധലീലാ – പരബ്രഹ്മാവതരണഃ കേശവഃ ക്ലേശനാശനഃ । ഭൂമിഭാരാവതരണോ ഭക്താർഥാഖിലമാനസഃ ॥ 149 ॥ സർവഭക്തനിരോധാത്മാ ലീലാനന്തനിരോധകൃത് । ഭൂമിഷ്ഠപരമാനന്ദോ ദേവകീശുദ്ധികാരണം ॥ 150 ॥ വസുദേവജ്ഞാനനിഷ്ഠസമജീവനിവാരകഃ । സർവവൈരാഗ്യകരണസ്വലീലാധാരശോധകഃ ॥ 151 ॥ മായാജ്ഞാപനകർതാ ച ശേഷസംഭാരസംഭൃതിഃ । ഭക്തക്ലേശപരിജ്ഞാതാ തന്നിവാരണതത്പരഃ ॥ 152 ॥ ആവിഷ്ടവസുദേവാംശോ ദേവകീഗർഭഭൂഷണം । പൂർണതേജോമയഃ പൂർണഃ കംസാധൃഷ്യപ്രതാപവാൻ ॥ 153 ॥ വിവേകജ്ഞാനദാതാ ച ബ്രഹ്മാദ്യഖിലസംസ്തുതഃ । സത്യോ ജഗത്കല്പതരുർനാനാരൂപവിമോഹനഃ ॥ 154 ॥ ഭക്തിമാർഗപ്രതിഷ്ഠാതാ വിദ്വന്മോഹപ്രവർതകഃ । മൂലകാലഗുണദ്രഷ്ടാ നയനാനന്ദഭാജനം ॥ 155 ॥ വസുദേവസുഖാബ്ധിശ്ച ദേവകീനയനാമൃതം । പിതൃമാതൃസ്തുതഃ പൂർവസർവവൃത്താന്തബോധകഃ ॥ 156 ॥ ഗോകുലാഗതിലീലാപ്തവസുദേവകരസ്ഥിതിഃ । സർവേശത്വപ്രകടനോ മായാവ്യത്യയകാരകഃ ॥ 157 ॥ ജ്ഞാനമോഹിതദുഷ്ടേശഃ പ്രപഞ്ചാസ്മൃതികാരണം । യശോദാനന്ദനോ നന്ദഭാഗ്യഭൂഗോകുലോത്സവഃ ॥ 158 ॥ നന്ദപ്രിയോ നന്ദസൂനുര്യശോദായാഃ സ്തനന്ധയഃ । പൂതനാസുപയഃപാതാ മുഗ്ധഭാവാതിസുന്ദരഃ ॥ 159 ॥ സുന്ദരീഹൃദയാനന്ദോ ഗോപീമന്ത്രാഭിമന്ത്രിതഃ । ഗോപാലാശ്ചര്യരസകൃത് ശകടാസുരഖണ്ഡനഃ ॥ 160 ॥ നന്ദവ്രജജനാനന്ദീ നന്ദഭാഗ്യമഹോദയഃ । തൃണാവർതവധോത്സാഹോ യശോദാജ്ഞാനവിഗ്രഹഃ ॥ 161 ॥ ബലഭദ്രപ്രിയഃ കൃഷ്ണഃ സങ്കർഷണസഹായവാൻ । രാമാനുജോ വാസുദേവോ ഗോഷ്ഠാംഗണഗതിപ്രിയഃ ॥ 162 ॥ കിങ്കിണീരവഭാവജ്ഞോ വത്സപുച്ഛാവലംബനഃ । നവനീതപ്രിയോ ഗോപീമോഹസംസാരനാശകഃ ॥ 163 ॥ ഗോപബാലകഭാവജ്ഞശ്ചൗര്യവിദ്യാവിശാരദഃ । മൃത്സ്നാഭക്ഷണലീലാസ്യമാഹാത്മ്യജ്ഞാനദായകഃ ॥ 164 ॥ ധരാദ്രോണപ്രീതികർതാ ദധിഭാണ്ഡവിഭേദനഃ । ദാമോദരോ ഭക്തവശ്യോ യമലാർജുനഭഞ്ജനഃ ॥ 165 ॥ ബൃഹദ്വനമഹാശ്ചര്യോ വൃന്ദാവനഗതിപ്രിയഃ । വത്സഘാതീ ബാലകേലിർബകാസുരനിഷൂദനഃ ॥ 166 ॥ അരണ്യഭോക്താഽപ്യഥവാ ബാലലീലാപരായണഃ । പ്രോത്സാഹജനകശ്ചൈവമഘാസുരനിഷൂദനഃ ॥ 167 ॥ വ്യാലമോക്ഷപ്രദഃ പുഷ്ടോ ബ്രഹ്മമോഹപ്രവർധനഃ । അനന്തമൂർതിഃ സർവാത്മാ ജംഗമസ്ഥാവരാകൃതിഃ ॥ 168 ॥ ബ്രഹ്മമോഹനകർതാ ച സ്തുത്യ ആത്മാ സദാപ്രിയഃ । പൗഗണ്ഡലീലാഭിരതിർഗോചാരണപരായണഃ ॥ 169 ॥ വൃന്ദാവനലതാഗുല്മവൃക്ഷരൂപനിരൂപകഃ । നാദബ്രഹ്മപ്രകടനോ വയഃപ്രതികൃതിസ്വനഃ ॥ 170 ॥ ബർഹിനൃത്യാനുകരണോ ഗോപാലാനുകൃതിസ്വനഃ । സദാചാരപ്രതിഷ്ഠാതാ ബലശ്രമനിരാകൃതിഃ ॥ 171 ॥ തരുമൂലകൃതാശേഷതല്പശായീ സഖിസ്തുതഃ । ഗോപാലസേവിതപദഃ ശ്രീലാലിതപദാംബുജഃ ॥ 172 ॥ ഗോപസമ്പ്രാർഥിതഫലദാനനാശിതധേനുകഃ । കാലീയഫണിമാണിക്യരഞ്ജിതശ്രീപദാംബുജഃ ॥ 173 ॥ ദൃഷ്ടിസങ്ജീവിതാശേഷഗോപഗോഗോപികാപ്രിയഃ । ലീലാസമ്പീതദാവാഗ്നിഃ പ്രലംബവധപണ്ഡിതഃ ॥ 174 ॥ ദാവാഗ്ന്യാവൃതഗോപാലദൃഷ്ട്യാച്ഛാദനവഹ്നിപഃ । വർഷാശരദ്വിഭൂതിശ്രീർഗോപീകാമപ്രബോധകഃ ॥ 175 ॥ ഗോപീരത്നസ്തുതാശേഷവേണുവാദ്യവിശാരദഃ । കാത്യായനീവ്രതവ്യാജസർവഭാവാശ്രിതാംഗനഃ ॥ 176 ॥ സത്സംഗതിസ്തുതിവ്യാജസ്തുതവൃന്ദാവനാംഘ്രിപഃ । ഗോപക്ഷുച്ഛാന്തിസംവ്യാജവിപ്രഭാര്യാപ്രസാദകൃത് ॥ 177 ॥ ഹേതുപ്രാപ്തേന്ദ്രയാഗസ്വകാര്യഗോസവബോധകഃ । ശൈലരൂപകൃതാശേഷരസഭോഗസുഖാവഹഃ ॥ 178 ॥ ലീലാഗോവർധനോദ്ധാരപാലിതസ്വവ്രജപ്രിയഃ । ഗോപസ്വച്ഛന്ദലീലാർഥഗർഗവാക്യാർഥബോധകഃ ॥ 179 ॥ ഇന്ദ്രധേനുസ്തുതിപ്രാപ്തഗോവിന്ദേന്ദ്രാഭിധാനവാൻ । വ്രതാദിധർമസംസക്തനന്ദക്ലേശവിനാശകഃ ॥ 180 ॥ നന്ദാദിഗോപമാത്രേഷ്ടവൈകുണ്ഠഗതിദായകഃ । വേണുവാദസ്മരക്ഷോഭമത്തഗോപീവിമുക്തിദഃ ॥ 181 ॥ സർവഭാവപ്രാപ്തഗോപീസുഖസംവർധനക്ഷമഃ । ഗോപീഗർവപ്രണാശാർഥതിരോധാനസുഖപ്രദഃ ॥ 182 ॥ കൃഷ്ണഭാവവ്യാപ്തവിശ്വഗോപീഭാവിതവേഷധൃക് । രാധാവിശേഷസംഭോഗപ്രാപ്തദോഷനിവാരകഃ ॥ 183 ॥ പരമപ്രീതിസംഗീതസർവാദ്ഭുതമഹാഗുണഃ । മാനാപനോദനാക്രന്ദഗോപീദൃഷ്ടിമഹോത്സവഃ ॥ 184 ॥ ഗോപികാവ്യാപ്തസർവാംഗഃ സ്ത്രീസംഭാഷാവിശാരദഃ । രാസോത്സവമഹാസൗഖ്യഗോപീസംഭോഗസാഗരഃ ॥ 185 ॥ ജലസ്ഥലരതിവ്യാപ്തഗോപീദൃഷ്ട്യഭിപൂജിതഃ । ശാസ്ത്രാനപേക്ഷകാമൈകമുക്തിദ്വാരവിവർധനഃ ॥ 186 ॥ സുദർശനമഹാസർപഗ്രസ്തനന്ദവിമോചകഃ । ഗീതമോഹിതഗോപീധൃക്ഷംഖചൂഡവിനാശകഃ ॥ 187 ॥ ഗുണസംഗീതസന്തുഷ്ടിർഗോപീസംസാരവിസ്മൃതിഃ । അരിഷ്ടമഥനോ ദൈത്യബുദ്ധിവ്യാമോഹകാരകഃ ॥ 188 ॥ കേശിഘാതീ നാരദേഷ്ടോ വ്യോമാസുരവിനാശകഃ । അക്രൂരഭക്തിസംരാദ്ധപാദരേണുമഹാനിധിഃ ॥ 189 ॥ രഥാവരോഹശുദ്ധാത്മാ ഗോപീമാനസഹാരകഃ । ഹ്രദസന്ദർശിതാശേഷവൈകുണ്ഠാക്രൂരസംസ്തുതഃ ॥ 190 ॥ മഥുരാഗമനോത്സാഹോ മഥുരാഭാഗ്യഭാജനം । മഥുരാനഗരീശോഭാദർശനോത്സുകമാനസഃ ॥ 191 ॥ ദുഷ്ടരഞ്ജകഘാതീ ച വായകാർചിതവിഗ്രഹഃ । വസ്ത്രമാലാസുശോഭാംഗഃ കുബ്ജാലേപനഭൂഷിതഃ ॥ 192 ॥ കുബ്ജാസുരൂപകർതാ ച കുബ്ജാരതിവരപ്രദഃ । പ്രസാദരൂപസന്തുഷ്ടഹരകോദണ്ഡഖണ്ഡനഃ ॥ 193 ॥ ശകലാഹതകംസാപ്തധനൂരക്ഷകസൈനികഃ । ജാഗ്രത്സ്വപ്നഭയവ്യാപ്തമൃത്യുലക്ഷണബോധകഃ ॥ 194 ॥ മഥുരാമല്ല ഓജസ്വീ മല്ലയുദ്ധവിശാരദഃ । സദ്യഃ കുവലയാപീഡഘാതീ ചാണൂരമർദനഃ ॥ 195 ॥ ലീലാഹതമഹാമല്ലഃ ശലതോശലഘാതകഃ । കംസാന്തകോ ജിതാമിത്രോ വസുദേവവിമോചകഃ ॥ 196 ॥ ജ്ഞാതതത്ത്വപിതൃജ്ഞാനമോഹനാമൃതവാങ്മയഃ । ഉഗ്രസേനപ്രതിഷ്ഠാതാ യാദവാധിവിനാശകഃ ॥ 197 ॥ നന്ദാദിസാന്ത്വനകരോ ബ്രഹ്മചര്യവ്രതേ സ്ഥിതഃ । ഗുരുശുശ്രൂഷണപരോ വിദ്യാപാരമിതേശ്വരഃ ॥ 198 ॥ സാന്ദീപനിമൃതാപത്യദാതാ കാലാന്തകാദിജിത് । ഗോകുലാശ്വാസനപരോ യശോദാനന്ദപോഷകഃ ॥ 199 ॥ ഗോപികാവിരഹവ്യാജമനോഗതിരതിപ്രദഃ । സമോദ്ധവഭ്രമരവാക് ഗോപികാമോഹനാശകഃ ॥ 200 ॥ കുബ്ജാരതിപ്രദോഽക്രൂരപവിത്രീകൃതഭൂഗൃഹഃ । പൃഥാദുഃഖപ്രണേതാ ച പാണ്ഡവാനാം സുഖപ്രദഃ ॥ 201 ॥ ദശമസ്കന്ധോത്തരാർധനാമാനി നിരോധലീലാ ജരാസന്ധസമാനീതസൈന്യഘാതീ വിചാരകഃ । യവനവ്യാപ്തമഥുരാജനദത്തകുശസ്ഥലിഃ ॥ 202 ॥ ദ്വാരകാദ്ഭുതനിർമാണവിസ്മാപിതസുരാസുരഃ । മനുഷ്യമാത്രഭോഗാർഥഭൂമ്യാനീതേന്ദ്രവൈഭവഃ ॥ 203 ॥ യവനവ്യാപ്തമഥുരാനിർഗമാനന്ദവിഗ്രഹഃ । മുചുകുന്ദമഹാബോധയവനപ്രാണദർപഹാ ॥ 204 ॥ മുചുകുന്ദസ്തുതാശേഷഗുണകർമമഹോദയഃ । ഫലപ്രദാനസന്തുഷ്ടിർജന്മാന്തരിതമോക്ഷദഃ ॥ 205 ॥ ശിവബ്രാഹ്മണവാക്യാപ്തജയഭീതിവിഭാവനഃ । പ്രവർഷണപ്രാർഥിതാഗ്നിദാനപുണ്യമഹോത്സവഃ ॥ 206 ॥ രുക്മിണീരമണഃ കാമപിതാ പ്രദ്യുമ്നഭാവനഃ । സ്യമന്തകമണിവ്യാജപ്രാപ്തജാംബവതീപതിഃ ॥ 207 ॥ സത്യഭാമാപ്രാണപതിഃ കാലിന്ദീരതിവർധനഃ । മിത്രവിന്ദാപതിഃ സത്യാപതിർവൃഷനിഷൂദനഃ ॥ 208 ॥ ഭദ്രാവാഞ്ഛിതഭർതാ ച ലക്ഷ്മണാവരണക്ഷമഃ । ഇന്ദ്രാദിപ്രാർഥിതവധനരകാസുരസൂദനഃ ॥ 209 ॥ മുരാരിഃ പീഠഹന്താ ച താമ്രാദിപ്രാണഹാരകഃ । ഷോഡശസ്ത്രീസഹസ്രേശഃ ഛത്രകുണ്ഡലദാനകൃത് ॥ 210 ॥ പാരിജാതാപഹരണോ ദേവേന്ദ്രമദനാശകഃ । രുക്മിണീസമസർവസ്ത്രീസാധ്യഭോഗരതിപ്രദഃ ॥ 211 ॥ രുക്മിണീപരിഹാസോക്തിവാക്തിരോധാനകാരകഃ । പുത്രപൗത്രമഹാഭാഗ്യഗൃഹധർമപ്രവർതകഃ ॥ 212 ॥ ശംബരാന്തകസത്പുത്രവിവാഹഹതരുക്മികഃ । ഉഷാപഹൃതപൗത്രശ്രീർബാണബാഹുനിവാരകഃ ॥ 213 ॥ ശീതജ്വരഭയവ്യാപ്തജ്വരസംസ്തുതഷഡ്ഗുണഃ । ശങ്കരപ്രതിയോദ്ധാ ച ദ്വന്ദ്വയുദ്ധവിശാരദഃ ॥ 214 ॥ നൃഗപാപപ്രഭേത്താ ച ബ്രഹ്മസ്വഗുണദോഷദൃക് । വിഷ്ണുഭക്തിവിരോധൈകബ്രഹ്മസ്വവിനിവാരകഃ ॥ 215 ॥ ബലഭദ്രാഹിതഗുണോ ഗോകുലപ്രീതിദായകഃ । ഗോപീസ്നേഹൈകനിലയോ ഗോപീപ്രാണസ്ഥിതിപ്രദഃ ॥ 216 ॥ വാക്യാതിഗാമിയമുനാഹലാകർഷണവൈഭവഃ । പൗണ്ഡ്രകത്യാജിതസ്പർധഃ കാശീരാജവിഭേദനഃ ॥ 217 ॥ കാശീനിദാഹകരണഃ ശിവഭസ്മപ്രദായകഃ । ദ്വിവിദപ്രാണഘാതീ ച കൗരവാഖർവഗർവനുത് ॥ 218 ॥ ലാംഗലാകൃഷ്ടനഗരീസംവിഗ്നാഖിലനാഗരഃ । പ്രപന്നാഭയദഃ സാംബപ്രാപ്തസന്മാനഭാജനം ॥ 219 ॥ നാരദാന്വിഷ്ടചരണോ ഭക്തവിക്ഷേപനാശകഃ । സദാചാരൈകനിലയഃ സുധർമാധ്യാസിതാസനഃ ॥ 220 ॥ ജരാസന്ധാവരുദ്ധേന വിജ്ഞാപിതനിജക്ലമഃ । മന്ത്ര്യുദ്ധവാദിവാക്യോക്തപ്രകാരൈകപരായണഃ ॥ 221 ॥ രാജസൂയാദിമഖകൃത് സമ്പ്രാർഥിതസഹായകൃത് । ഇന്ദ്രപ്രസ്ഥപ്രയാണാർഥമഹത്സംഭാരസംഭൃതിഃ ॥ 222 ॥ ജരാസന്ധവധവ്യാജമോചിതാശേഷഭൂമിപഃ । സന്മാർഗബോധകോ യജ്ഞക്ഷിതിവാരണതത്പരഃ ॥ 223 ॥ ശിശുപാലഹതിവ്യാജജയശാപവിമോചകഃ । ദുര്യോധനാഭിമാനാബ്ധിശോഷബാണവൃകോദരഃ ॥ 224 ॥ മഹാദേവവരപ്രാപ്തപുരശാല്വവിനാശകഃ । ദന്തവക്ത്രവധവ്യാജവിജയാഘൗഘനാശകഃ ॥ 225 ॥ വിദൂരഥപ്രാണഹർതാ ന്യസ്തശസ്ത്രാസ്ത്രവിഗ്രഹഃ । ഉപധർമവിലിപ്താംഗസൂതഘാതീ വരപ്രദഃ ॥ 226 ॥ ബല്വലപ്രാണഹരണപാലിതർഷിശ്രുതിക്രിയഃ । സർവതീർഥാഘനാശാർഥതീർഥയാത്രാവിശാരദഃ ॥ 227 ॥ ജ്ഞാനക്രിയാവിഭേദേഷ്ടഫലസാധനതത്പരഃ । സാരഥ്യാദിക്രിയാകർതാ ഭക്തവശ്യത്വബോധകഃ ॥ 228 ॥ സുദാമാരങ്കഭാര്യാർഥഭൂമ്യാനീതേന്ദ്രവൈഭവഃ । രവിഗ്രഹനിമിത്താപ്തകുരുക്ഷേത്രൈകപാവനഃ ॥ 229 ॥ നൃപഗോപീസമസ്തസ്ത്രീപാവനാർഥാഖിലക്രിയഃ । ഋഷിമാർഗപ്രതിഷ്ഠാതാ വസുദേവമഖക്രിയഃ ॥ 230 ॥ വസുദേവജ്ഞാനദാതാ ദേവകീപുത്രദായകഃ । അർജുനസ്ത്രീപ്രദാതാ ച ബഹുലാശ്വസ്വരൂപദഃ ॥ 231 ॥ ശ്രുതദേവേഷ്ടദാതാ ച സർവശ്രുതിനിരൂപിതഃ । മഹാദേവാദ്യതിശ്രേഷ്ഠോ ഭക്തിലക്ഷണനിർണയഃ ॥ 232 ॥ വൃകഗ്രസ്തശിവത്രാതാ നാനാവാക്യവിശാരദഃ । നരഗർവവിനാശാർഥഹൃതബ്രാഹ്മണബാലകഃ ॥ 233 ॥ ലോകാലോകപരസ്ഥാനസ്ഥിതബാലകദായകഃ । ദ്വാരകാസ്ഥമഹാഭോഗനാനാസ്ത്രീരതിവർധനഃ ॥ 234 ॥ മനസ്തിരോധാനകൃതവ്യഗ്രസ്ത്രീചിത്തഭാവിതഃ । മുക്തിലീലാ മുക്തിലീലാവിഹരണോ മൗശലവ്യാജസംഹൃതിഃ ॥ 235 ॥ ശ്രീഭാഗവതധർമാദിബോധകോ ഭക്തിനീതികൃത് । ഉദ്ധവജ്ഞാനദാതാ ച പഞ്ചവിംശതിധാ ഗുരുഃ ॥ 236 ॥ ആചാരഭക്തിമുക്ത്യാദിവക്താ ശബ്ദോദ്ഭവസ്ഥിതിഃ । ഹംസോ ധർമപ്രവക്താ ച സനകാദ്യുപദേശകൃത് ॥ 237 ॥ ഭക്തിസാധനവക്താ ച യോഗസിദ്ധിപ്രദായകഃ । നാനാവിഭൂതിവക്താ ച ശുദ്ധധർമാവബോധകഃ ॥ 238 ॥ മാർഗത്രയവിഭേദാത്മാ നാനാശങ്കാനിവാരകഃ । ഭിക്ഷുഗീതാപ്രവക്താ ച ശുദ്ധസാംഖ്യപ്രവർതകഃ ॥ 239 ॥ മനോഗുണവിശേഷാത്മാ ജ്ഞാപകോക്തപുരൂരവാഃ । പൂജാവിധിപ്രവക്താ ച സർവസിദ്ധാന്തബോധകഃ ॥ 240 ॥ ലഘുസ്വമാർഗവക്താ ച സ്വസ്ഥാനഗതിബോധകഃ । യാദവാംഗോപസംഹർതാ സർവാശ്ചര്യഗതിക്രിയഃ ॥ 241 ॥ ആശ്രയലീലാ കാലധർമവിഭേദാർഥവർണനാശനതത്പരഃ । ബുദ്ധോ ഗുപ്താർഥവക്താ ച നാനാശാസ്ത്രവിധായകഃ ॥ 242 ॥ നഷ്ടധർമമനുഷ്യാദിലക്ഷണജ്ഞാപനോത്സുകഃ । ആശ്രയൈകഗതിജ്ഞാതാ കൽകിഃ കലിമലാപഹഃ ॥ 243 ॥ ശാസ്ത്രവൈരാഗ്യസംബോധോ നാനാപ്രലയബോധകഃ । വിശേഷതഃ ശുകവ്യാജപരീക്ഷിജ്ജ്ഞാനബോധകഃ ॥ 244 ॥ ശുകേഷ്ടഗതിരൂപാത്മാ പരീക്ഷിദ്ദേഹമോക്ഷദഃ । ശബ്ദരൂപോ നാദരൂപോ വേദരൂപോ വിഭേദനഃ ॥ 245 ॥ വ്യാസഃ ശാഖാപ്രവക്താ ച പുരാണാർഥപ്രവർതകഃ । മാർകണ്ഡേയപ്രസന്നാത്മാ വടപത്രപുടേശയഃ ॥ 246 ॥ മായാവ്യാപ്തമഹാമോഹദുഃഖശാന്തിപ്രവർതകഃ । മഹാദേവസ്വരൂപശ്ച ഭക്തിദാതാ കൃപാനിധിഃ ॥ 247 ॥ ആദിത്യാന്തർഗതഃ കാലഃ ദ്വാദശാത്മാ സുപൂജിതഃ । ശ്രീഭാഗവതരൂപശ്ച സർവാർഥഫലദായകഃ ॥ 248 ॥ ഇതീദം കീർതനീയസ്യ ഹരേർനാമസഹസ്രകം । പഞ്ചസപ്തതിവിസ്തീർണം പുരാണാന്തരഭാഷിതം ॥ 249 ॥ യ ഏതത്പ്രാതരുത്ഥായ ശ്രദ്ധാവാൻ സുസമാഹിതഃ । ജപേദർഥാഹിതമതിഃ സ ഗോവിന്ദപദം ലഭേത് ॥ 250 ॥ സർവധർമവിനിർമുക്തഃ സർവസാധനവർജിതഃ । ഏതദ്ധാരണമാത്രേണ കൃഷ്ണസ്യ പദവീം വ്രജേത് ॥ 251 ॥ ഹര്യാവേശിതചിത്തേന ശ്രീഭാഗവതസാഗരാത് । സമുദ്ധൃതാനി നാമാനി ചിന്താമണിനിഭാനി ഹി ॥ 252 ॥ കണ്ഠസ്ഥിതാന്യർഥദീപ്ത്യാ ബാധന്തേഽജ്ഞാനജം തമഃ । ഭക്തിം ശ്രീകൃഷ്ണദേവസ്യ സാധയന്തി വിനിശ്ചിതം ॥ 253 ॥ കിംബഹൂക്തേന ഭഗവാൻ നാമഭിഃ സ്തുതഷഡ്ഗുണഃ । ആത്മഭാവം നയത്യാശു ഭക്തിം ച കുരുതേ ദൃഢാം ॥ 254 ॥ യഃ കൃഷ്ണഭക്തിമിഹ വാഞ്ഛതി സാധനൗഘൈർ- നാമാനി ഭാസുരയശാംസി ജപേത്സ നിത്യം । തം വൈ ഹരിഃ സ്വപുരുഷം കുരുതേഽതിശീഘ്രം- ആത്മാർപണം സമധിഗച്ഛതി ഭാവതുഷ്ടഃ ॥ 255 ॥ ശ്രീകൃഷ്ണ കൃഷ്ണസഖ വൃഷ്ണിവൃഷാവനിധ്രുഗ്- രാജന്യവംശദഹനാനപവർഗവീര്യ । ഗോവിന്ദ ഗോപവനിതാവ്രജഭൃത്യഗീത തീർഥശ്രവഃ ശ്രവണമംഗല പാഹി ഭൃത്യാൻ ॥ 256 ॥ ॥ ഇതി ശ്രീഭാഗവതസാരസമുച്ചയേ വൈശ്വാനരോക്തം ശ്രീവല്ലഭാചാര്യവിരചിതം ശ്രീപുരുഷോത്തമസഹസ്രനാമസ്തോത്രം സമ്പൂർണം ॥