നാമസ്മരണാദന്യോപായം ന ഹി പശ്യാമോ ഭവതരണേ । രാമ ഹരേ കൃഷ്ണ ഹരേ തവ നാമ വദാമി സദാ നൃഹരേ ॥ വേദോദ്ധാരവിചാരമതേ സോമകദാനവസംഹരണേ । മീനാകാരശരീര നമോ ഭക്തം തേ പരിപാലയ മാമ് ॥ 1 ॥ മംഥാനാചലധാരണഹേതോ ദേവാസുര പരിപാല വിഭോ । കൂര്മാകാരശരീര നമോ ഭക്തം തേ പരിപാലയ മാമ് ॥ 2 ॥ ഭൂചോരകഹര പുണ്യമതേ ക്രീഡോദ്ധൃതഭൂദേവഹരേ । ക്രോഡാകാരശരീര നമോ ഭക്തം തേ പരിപാലയ മാമ് ॥ 3 ॥ ഹിരണ്യകശിപുച്ഛേദനഹേതോ പ്രഹ്ലാദാഽഭയധാരണഹേതോ । നരസിംഹാച്യുതരൂപ നമോ ഭക്തം തേ പരിപാലയ മാമ് ॥ 4 ॥ ഭവബംധനഹര വിതതമതേ പാദോദകവിഹതാഘതതേ । വടുപടുവേഷമനോജ്ഞ നമോ ഭക്തം തേ പരിപാലയ മാമ് ॥ 5 ॥ ക്ഷിതിപതിവംശക്ഷയകരമൂര്തേ ക്ഷിതിപതികര്താഹരമൂര്തേ । ഭൃഗുകുലരാമ പരേശ നമോ ഭക്തം തേ പരിപാലയ മാമ് ॥ 6 ॥ സീതാവല്ലഭ ദാശരഥേ ദശരഥനംദന ലോകഗുരോ । രാവണമര്ദന രാമ നമോ ഭക്തം തേ പരിപാലയ മാമ് ॥ 7 ॥ കൃഷ്ണാനംത കൃപാജലധേ കംസാരേ കമലേശ ഹരേ । കാളിയമര്ദന ലോകഗുരോ ഭക്തം തേ പരിപാലയ മാമ് ॥ 8 ॥ ദാനവസതിമാനാപഹര ത്രിപുരവിജയമര്ദനരൂപ । ബുദ്ധജ്ഞായ ച ബൌദ്ധ നമോ ഭക്തം തേ പരിപാലയ മാമ് ॥ 9 ॥ ശിഷ്ടജനാവന ദുഷ്ടഹര ഖഗതുരഗോത്തമവാഹന തേ । കല്കിരൂപപരിപാല നമോ ഭക്തം തേ പരിപാലയ മാമ് ॥ 10 ॥ നാമസ്മരണാദന്യോപായം ന ഹി പശ്യാമോ ഭവതരണേ । രാമ ഹരേ കൃഷ്ണ ഹരേ തവ നാമ വദാമി സദാ നൃഹരേ ॥ ഇതി ദശാവതാര സ്തുതിഃ ।