அஸ்ய ஶ்ரீவாராஹீகவசஸ்ய த்ரிலோசன ருʼஷி꞉, அனுஷ்டுப் ச²ந்த³꞉, ஶ்ரீவாராஹீ தே³வதா, ௐ பீ³ஜம்ʼ, க்³லௌம்ʼ ஶக்தி꞉, ஸ்வாஹேதி கீலகம்ʼ, மம ஸர்வஶத்ருநாஶனார்தே² ஜபே விநியோக³꞉ ॥ த்⁴யானம் । த்⁴யாத்வேந்த்³ரநீலவர்ணாபா⁴ம்ʼ சந்த்³ரஸூர்யாக்³னிலோசனாம் । விதி⁴விஷ்ணுஹரேந்த்³ராதி³ மாத்ருʼபை⁴ரவஸேவிதாம் ॥ 1 ॥ ஜ்வலன்மணிக³ணப்ரோக்தமகுடாமாவிலம்பி³தாம் । அஸ்த்ரஶஸ்த்ராணி ஸர்வாணி தத்தத்கார்யோசிதானி ச ॥ 2 ॥ ஏதை꞉ ஸமஸ்தைர்விவித⁴ம்ʼ பி³ப்⁴ரதீம்ʼ முஸலம்ʼ ஹலம் । பாத்வா ஹிம்ʼஸ்ரான் ஹி கவசம்ʼ பு⁴க்திமுக்திப²லப்ரத³ம் ॥ 3 ॥ படே²த்த்ரிஸந்த்⁴யம்ʼ ரக்ஷார்த²ம்ʼ கோ⁴ரஶத்ருநிவ்ருʼத்தித³ம் । வார்தாலீ மே ஶிர꞉ பாது கோ⁴ராஹீ பா²லமுத்தமம் ॥ 4 ॥ நேத்ரே வராஹவத³னா பாது கர்ணௌ ததா²ஞ்ஜனீ । க்⁴ராணம்ʼ மே ருந்தி⁴னீ பாது முக²ம்ʼ மே பாது ஜம்பி⁴னீ ॥ 5 ॥ பாது மே மோஹினீ ஜிஹ்வாம்ʼ ஸ்தம்பி⁴னீ கண்ட²மாத³ராத் । ஸ்கந்தௌ⁴ மே பஞ்சமீ பாது பு⁴ஜௌ மஹிஷவாஹனா ॥ 6 ॥ ஸிம்ʼஹாரூடா⁴ கரௌ பாது குசௌ க்ருʼஷ்ணம்ருʼகா³ஞ்சிதா । நாபி⁴ம்ʼ ச ஶங்கி²னீ பாது ப்ருʼஷ்ட²தே³ஶே து சக்ரிணி ॥ 7 ॥ க²ட்³க³ம்ʼ பாது ச கட்யாம்ʼ மே மேட்⁴ரம்ʼ பாது ச கே²தி³னீ । கு³த³ம்ʼ மே க்ரோதி⁴னீ பாது ஜக⁴னம்ʼ ஸ்தம்பி⁴னீ ததா² ॥ 8 ॥ சண்டோ³ச்சண்ட³ஶ்சோருயுக்³மம்ʼ ஜானுனீ ஶத்ருமர்தி³னீ । ஜங்கா⁴த்³வயம்ʼ ப⁴த்³ரகாலீ மஹாகாலீ ச கு³ல்ப²யோ꞉ ॥ 9 ॥ பாதா³த்³யங்கு³லிபர்யந்தம்ʼ பாது சோன்மத்தபை⁴ரவீ । ஸர்வாங்க³ம்ʼ மே ஸதா³ பாது காலஸங்கர்ஷணீ ததா² ॥ 10 ॥ யுக்தாயுக்தஸ்தி²தம்ʼ நித்யம்ʼ ஸர்வபாபாத்ப்ரமுச்யதே । ஸர்வே ஸமர்த்²ய ஸம்ʼயுக்தம்ʼ ப⁴க்தரக்ஷணதத்பரம் ॥ 11 ॥ ஸமஸ்ததே³வதா ஸர்வம்ʼ ஸவ்யம்ʼ விஷ்ணோ꞉ புரார்த⁴னே । ஸர்வஶத்ருவிநாஶாய ஶூலினா நிர்மிதம்ʼ புரா ॥ 12 ॥ ஸர்வப⁴க்தஜநாஶ்ரித்ய ஸர்வவித்³வேஷஸம்ʼஹதி꞉ । வாராஹீ கவசம்ʼ நித்யம்ʼ த்ரிஸந்த்⁴யம்ʼ ய꞉ படே²ன்னர꞉ ॥ 13 ॥ ததா² வித⁴ம்ʼ பூ⁴தக³ணா ந ஸ்ப்ருʼஶந்தி கதா³சன । ஆபத³꞉ ஶத்ருசோராதி³ க்³ரஹதோ³ஷாஶ்ச ஸம்ப⁴வா꞉ ॥ 14 ॥ மாதா புத்ரம்ʼ யதா² வத்ஸம்ʼ தே⁴னு꞉ பக்ஷ்மேவ லோசனம் । ததா²ங்க³மேவ வாராஹீ ரக்ஷா ரக்ஷாதி ஸர்வதா³ ॥ 15 ॥ இதி ஶ்ரீருத்³ரயாமலதந்த்ரே ஶ்ரீ வாராஹீ கவசம் ॥