kiricakrarathārūḍhā śatrusaṃhārakāriṇī । kriyāśaktisvarūpā ca daṇḍanāthā mahojjvalā ॥ 1 ॥ halāyudhā harṣadātrī halanirbhinnaśātravā । bhaktārtitāpaśamanī musalāyudhaśobhinī ॥ 2 ॥ kurvantī kārayantī ca karmamālātaraṅgiṇī । kāmapradā bhagavatī bhaktaśatruvināśinī ॥ 3 ॥ ugrarūpā mahādevī svapnānugrahadāyinī । kolāsyā candracūḍā ca trinetrā hayavāhanā ॥ 4 ॥ pāśahastā śaktipāṇiḥ mudgarāyudhadhāriṇi । hastāṅkuśā jvalannetrā caturbāhusamanvitā ॥ 5 ॥ vidyudvarṇā vahninetrā śatruvargavināśinī । karavīrapriyā mātā bilvārcanavarapradā ॥ 6 ॥ vārtālī caiva vārāhī varāhāsyā varapradā । andhinī rundhinī caiva jambhinī mohinī tathā ॥ 7 ॥ stambhinī cetivikhyātā devyaṣṭakavirājitā । ugrarūpā mahādevī mahāvīrā mahādyutiḥ ॥ 8 ॥ kirātarūpā sarveśī antaḥśatruvināśinī । pariṇāmakramā vīrā paripākasvarūpiṇī ॥ 9 ॥ nīlotpalatilaiḥ prītā śaktiṣoḍaśasevitā । nārikelodaka prītā śuddhodaka samādarā ॥ 10 ॥ uccāṭanī tadīśī ca śoṣaṇī śoṣaṇeśvarī । māraṇī māraṇeśī ca bhīṣaṇī bhīṣaṇeśvarī ॥ 11 ॥ trāsanī trāsaneśī ca kampanī kampanīśvarī । ājñāvivartinī paścādājñāvivartinīśvarī ॥ 12 ॥ vastujāteśvarī cātha sarvasampādanīśvarī । nigrahānugrahadakṣā ca bhaktavātsalyaśobhinī ॥ 13 ॥ kirātasvapnarūpā ca bahudhābhaktarakṣiṇī । vaśaṅkarī mantrarūpā humbījenasamanvitā ॥ 14 ॥ raṃśaktiḥ klīṃ kīlakā ca sarvaśatruvināśinī । japadhyānasamārādhyā homatarpaṇatarpitā ॥ 15 ॥ daṃṣṭrākarālavadanā vikṛtāsyā mahāravā । ūrdhvakeśī cogradharā somasūryāgnilocanā ॥ 16 ॥ raudrīśaktiḥ parāvyaktā ceśvarī paradevatā । vidhiviṣṇuśivādyarcyā mṛtyubhītyapanodinī ॥ 17 ॥ jitarambhoruyugalā ripusaṃhāratāṇḍavā । bhaktarakṣaṇasaṃlagnā śatrukarmavināśinī ॥ 18 ॥ tārkṣyārūḍhā suvarṇābhā śatrumāraṇakāriṇī । aśvārūḍhā raktavarṇā raktavastrādyalaṅkṛtā ॥ 19 ॥ janavaśyakarī mātā bhaktānugrahadāyinī । daṃṣṭrādhṛtadharā devī prāṇavāyupradā sadā ॥ 20 ॥ dūrvāsyā bhūpradā cāpi sarvābhīṣṭaphalapradā । trilocanaṛṣiprītā pañcamī parameśvarī । senādhikāriṇī cogrā vārāhī ca śubhapradā ॥ 21 ॥ iti śrī vārāhī aṣṭottara śatanāma stotram ॥