നമോഽസ്തു ദേവീ വാരാഹീ ജയൈകാരസ്വരൂപിണി । ജപിത്വാ ഭൂമിരൂപേണ നമോ ഭഗവതീ പ്രിയേ ॥ 1 ॥ ജയ ക്രോഡാസ്തു വാരാഹീ ദേവീ ത്വം ച നമാമ്യഹം । ജയ വാരാഹി വിശ്വേശീ മുഖ്യവാരാഹി തേ നമഃ ॥ 2 ॥ മുഖ്യവാരാഹി വന്ദേ ത്വാം അന്ധേ അന്ധിനി തേ നമഃ । സർവദുഷ്ടപ്രദുഷ്ടാനാം വാക്സ്തംഭനകരീ നമഃ ॥ 3 ॥ നമഃ സ്തംഭിനി സ്തംഭേ ത്വാം ജൃംഭേ ജൃംഭിണി തേ നമഃ । രുന്ധേ രുന്ധിനി വന്ദേ ത്വാം നമോ ദേവീ തു മോഹിനീ ॥ 4 ॥ സ്വഭക്താനാം ഹി സർവേഷാം സർവകാമപ്രദേ നമഃ । ബാഹ്വോഃ സ്തംഭകരീ വന്ദേ ത്വാം ജിഹ്വാസ്തംഭകാരിണീ ॥ 5 ॥ സ്തംഭനം കുരു ശത്രൂണാം കുരു മേ ശത്രുനാശനം । ശീഘ്രം വശ്യം ച കുരുതേ യോഽഗ്നൗ വാചാത്മികേ നമഃ ॥ 6 ॥ ഠചതുഷ്ടയരൂപേ ത്വാം ശരണം സർവദാ ഭജേ । ഹോമാത്മകേ ഫഡ്രൂപേണ ജയ ആദ്യാനനേ ശിവേ ॥ 7 ॥ ദേഹി മേ സകലാൻ കാമാൻ വാരാഹീ ജഗദീശ്വരീ । നമസ്തുഭ്യം നമസ്തുഭ്യം നമസ്തുഭ്യം നമോ നമഃ ॥ 8 ॥ ഇദമാദ്യാനനാ സ്തോത്രം സർവപാപവിനാശനം । പഠേദ്യഃ സർവദാ ഭക്ത്യാ പാതകൈർമുച്യതേ തഥാ ॥ 9 ॥ ലഭന്തേ ശത്രവോ നാശം ദുഃഖരോഗാപമൃത്യവഃ । മഹദായുഷ്യമാപ്നോതി അലക്ഷ്മീർനാശമാപ്നുയാത് ॥ 10 ॥ ഇതി ശ്രീ ആദിവാരാഹീ സ്തോത്രം ।