हैंహైHaindavamஹிહિં
📍
Font Size:
ശ്രീ രാമ അഷ്ടോത്തരനാമ സ്തോത്രം
ശ്രീരാമോ രാമഭദ്രശ്ച രാമചന്ദ്രശ്ച ശാശ്വതഃ ।
രാജീവലോചനഃ ശ്രീമാന്രാജേന്ദ്രോ രഘുപുംഗവഃ ॥ 1 ॥
ജാനകീവല്ലഭോ ജൈത്രോ ജിതാമിത്രോ ജനാർദനഃ ।
വിശ്വാമിത്രപ്രിയോ ദാന്തഃ ശരണത്രാണതത്പരഃ ॥ 2 ॥
വാലിപ്രമഥനോ വാഗ്മീ സത്യവാക്സത്യവിക്രമഃ ।
സത്യവ്രതോ വ്രതധരഃ സദാഹനുമദാശ്രിതഃ ॥ 3 ॥
കൗസലേയഃ ഖരധ്വംസീ വിരാധവധപണ്ഡിതഃ ।
വിഭീഷണപരിത്രാതാ ഹരകോദണ്ഡഖണ്ഡനഃ ॥ 4 ॥
സപ്തതാലപ്രഭേത്താ ച ദശഗ്രീവശിരോഹരഃ ।
ജാമദഗ്ന്യമഹാദർപദലനസ്താടകാന്തകഃ ॥ 5 ॥
വേദാന്തസാരോ വേദാത്മാ ഭവരോഗസ്യ ഭേഷജം ।
ദൂഷണത്രിശിരോഹന്താ ത്രിമൂർതിസ്ത്രിഗുണാത്മകഃ ॥ 6 ॥
ത്രിവിക്രമസ്ത്രിലോകാത്മാ പുണ്യചാരിത്രകീർതനഃ ।
ത്രിലോകരക്ഷകോ ധന്വീ ദണ്ഡകാരണ്യകർതനഃ ॥ 7 ॥
അഹല്യാശാപശമനഃ പിതൃഭക്തോ വരപ്രദഃ ।
ജിതേന്ദ്രിയോ ജിതക്രോധോ ജിതാമിത്രോ ജഗദ്ഗുരുഃ ॥ 8 ॥
ഋക്ഷവാനരസംഘാതീ ചിത്രകൂടസമാശ്രയഃ ।
ജയന്തത്രാണവരദഃ സുമിത്രാപുത്രസേവിതഃ ॥ 9 ॥
സർവദേവാദിദേവശ്ച മൃതവാനരജീവനഃ ।
മായാമാരീചഹന്താ ച മഹാദേവോ മഹാഭുജഃ ॥ 10 ॥
സർവദേവസ്തുതഃ സൗമ്യോ ബ്രഹ്മണ്യോ മുനിസംസ്തുതഃ ।
മഹായോഗീ മഹോദാരഃ സുഗ്രീവേപ്സിതരാജ്യദഃ ॥ 11 ॥
സർവപുണ്യാധികഫലഃ സ്മൃതസർവാഘനാശനഃ ।
ആദിപുരുഷഃ പരമപുരുഷോ മഹാപൂരുഷ ഏവ ച ॥ 12 ॥
പുണ്യോദയോ ദയാസാരഃ പുരാണപുരുഷോത്തമഃ ।
സ്മിതവക്ത്രോ മിതാഭാഷീ പൂർവഭാഷീ ച രാഘവഃ ॥ 13 ॥
അനന്തഗുണഗംഭീരോ ധീരോദാത്തഗുണോത്തമഃ ।
മായാമാനുഷചാരിത്രോ മഹാദേവാദിപൂജിതഃ ॥ 14 ॥
സേതുകൃജ്ജിതവാരാശിഃ സർവതീർഥമയോ ഹരിഃ ।
ശ്യാമാംഗഃ സുന്ദരഃ ശൂരഃ പീതവാസാ ധനുർധരഃ ॥ 15 ॥
സർവയജ്ഞാധിപോ യജ്വാ ജരാമരണവർജിതഃ ।
ശിവലിംഗപ്രതിഷ്ഠാതാ സർവാവഗുണവർജിതഃ ॥ 16 ॥
പരമാത്മാ പരം ബ്രഹ്മ സച്ചിദാനന്ദവിഗ്രഹഃ ।
പരഞ്ജ്യോതിഃ പരന്ധാമ പരാകാശഃ പരാത്പരഃ ॥ 17 ॥
പരേശഃ പാരഗഃ പാരഃ സർവദേവാത്മകഃ പരഃ ॥
ഏവം ശ്രീരാമചന്ദ്രസ്യ നാമ്നാമഷ്ടോത്തരം ശതം
ഇതി ശ്രീ രാമാഷ്ടോത്തര ശതനാമസ്തോത്രം സമ്പൂർണം
Recite with devotion and pure heart
Regular practice brings spiritual benefits