sa sarvaṃ siddhimāsādya hyante rāmapadaṃ vrajet । cintayeccetasā nityaṃ śrīrāmaḥ śaraṇaṃ mama ॥ 1 ॥ viśvasya cātmano nityaṃ pāratantryaṃ vicintya ca । cintayeccetasā nityaṃ śrīrāmaḥ śaraṇaṃ mama ॥ 2 ॥ acintyo'pi śarīrādeḥ svātantryeṇaiva vidyate । cintayeccetasā nityaṃ śrīrāmaḥ śaraṇaṃ mama ॥ 3 ॥ ātmādhāraṃ svatantraṃ ca sarvaśaktiṃ vicintya ca । cintayeccetasā nityaṃ śrīrāmaḥ śaraṇaṃ mama ॥ 4 ॥ nityātmaguṇasamyukto nityātmatanumaṇḍitaḥ । nityātmakelinirataḥ śrīrāmaḥ śaraṇaṃ mama ॥ 5 ॥ guṇalīlāsvarūpaiśca mitiryasya na vidyate । ato'vāṅmanasā vedyaḥ śrīrāmaḥ śaraṇaṃ mama ॥ 6 ॥ kartā sarvasya jagato bhartā sarvasya sarvagaḥ । āhartā kārya jātasya śrīrāmaḥ śaraṇaṃ mama ॥ 7 ॥ vāsudevādimūrtīnāṃ caturṇāṃ kāraṇaṃ param । caturviṃśati mūrtīnāṃ śrīrāmaḥ śaraṇaṃ mama ॥ 8 ॥ nityamuktajanairjuṣṭo niviṣṭaḥ parame pade । padaṃ paramabhaktānāṃ śrīrāmaḥ śaraṇaṃ mama ॥ 9 ॥ mahadādisvarūpeṇa saṃsthitaḥ prākṛte pade । brahmādidevarūpaiśca śrīrāmaḥ śaraṇaṃ mama ॥ 10 ॥ manvādinṛparūpeṇa śrutimārgaṃ bibhartiyaḥ । yaḥ prākṛta svarūpeṇa śrīrāmaḥ śaraṇaṃ mama ॥ 11 ॥ ṛṣirūpeṇa yo devo vanyavṛttimapālayat । yo'ntarātmā ca sarveṣāṃ śrīrāmaḥ śaraṇaṃ mama ॥ 12 ॥ yo'sau sarvatanuḥ sarvaḥ sarvanāmā sanātanaḥ । āsthitaḥ sarvabhāveṣu śrīrāmaḥ śaraṇaṃ mama ॥ 13 ॥ bahirmatsyādirūpeṇa saddharmamanupālayan । paripāti janān dīnān śrīrāmaḥ śaraṇaṃ mama ॥ 14 ॥ yaścātmānaṃ pṛthakkṛtya bhāvena puruṣottamaḥ । arcāyāmāsthito devaḥ śrīrāmaḥ śaraṇaṃ mama ॥ 15 ॥ arcāvatāra rūpeṇa darśanasparśanādibhiḥ । dīnānuddharate yo'sau śrīrāmaḥ śaraṇaṃ mama ॥ 16 ॥ kauśalyāśuktisañjāto jānakīkaṇṭhabhūṣaṇaḥ । muktāphalasamo yo'sau śrīrāmaḥ śaraṇaṃ mama ॥ 17 ॥ viśvāmitramakhatrātā tāṭakāgatidāyakaḥ । ahalyāśāpaśamanaḥ śrīrāmaḥ śaraṇaṃ mama ॥ 18 ॥ pinākabhañjanaḥ śrīmān jānakīpremapālakaḥ । jāmadagnyapratāpaghnaḥ śrīrāmaḥ śaraṇaṃ mama ॥ 19 ॥ rājyābhiṣekasaṃhṛṣṭaḥ kaikeyī vacanātpunaḥ । pitṛdattavanakrīḍaḥ śrīrāmaḥ śaraṇaṃ mama ॥ 20 ॥ jaṭācīradharodhanvī jānakīlakṣmaṇānvitaḥ । citrakūṭakṛtāvāsaḥ śrīrāmaḥ śaraṇaṃ mama ॥ 21 ॥ mahāpañcavaṭīlīlā sañjātaparamotsavaḥ । daṇḍakāraṇyasañcārī śrīrāmaḥ śaraṇaṃ mama ॥ 22 ॥ kharadūṣaṇavicchedī duṣṭarākṣasabhañjanaḥ । hṛtaśūrpaṇakhāśobhaḥ śrīrāmaḥ śaraṇaṃ mama ॥ 23 ॥ māyāmṛgavibhettā ca hṛtasītānutāpakṛt । jānakīvirahākrośī śrīrāmaḥ śaraṇaṃ mama ॥ 24 ॥ lakṣmaṇānucarodhanvī lokayātrāviḍambakṛt । pampātīrakṛtānveṣaḥ śrīrāmaḥ śaraṇaṃ mama ॥ 25 ॥ jaṭāyugati dātā ca kabandhagatidāyakaḥ । hanumatkṛtasāhitya śrīrāmaḥ śaraṇaṃ mama ॥ 26 ॥ sugrīvarājyadaḥ śrīśo vālinigrahakārakaḥ । aṅgadāśvāsanakaraḥ śrīrāmaḥ śaraṇaṃ mama ॥ 27 ॥ sītānveṣaṇanirmuktahanumatpramukhavrajaḥ । mudrāniveśitabalaḥ śrīrāmaḥ śaraṇaṃ mama ॥ 28 ॥ helottaritapāthodhirbalanirdhūtarākṣasaḥ । laṅkādāhakaro dhīraḥ śrīrāmaḥ śaraṇaṃ mama ॥ 29 ॥ roṣasambaddhapāthodhirlaṅkāprāsādarodhakaḥ । rāvaṇādiprabhettā ca śrīrāmaḥ śaraṇaṃ mama ॥ 30 ॥ jānakī jīvanatrātā vibhīṣaṇasamṛddhidaḥ । puṣpakārohaṇāsaktaḥ śrīrāmaḥ śaraṇaṃ mama ॥ 31 ॥ rājyasiṃhāsanārūḍhaḥ kauśalyānandavardhanaḥ । nāmanirdhūtanirayaḥ śrīrāmaḥ śaraṇaṃ mama ॥ 32 ॥ yajñakartā yajñabhoktā yajñabhartāmaheśvaraḥ । ayodhyāmuktidaḥ śāstā śrīrāmaḥ śaraṇaṃ mama ॥ 33 ॥ prapaṭhedyaḥ śubhaṃ stotraṃ mucyeta bhavabandhanāt । mantraścāṣṭākṣaro devaḥ śrīrāmaḥ śaraṇaṃ mama ॥ 34 ॥ prapannaḥ sarvadharmebhyoḥ māmekaṃ śaraṇaṃ gataḥ । paṭhennidaṃ mama stotraṃ mucyate bhava bandhanāt ॥ 35 ॥ iti bṛhadbrahmasaṃhitāntargata aṣṭākṣara śrīrāma mantra stotram ।