हैंహైHaindavamஹிહિં
📍
Font Size:
Sri Shiva Rama Ashtakam
śiva hare śivarāmasakhe prabho
trividhatāpanivāraṇa he vibho ।
ajajaneśvarayādava pāhi māṃ
śiva hare vijayaṃ kuru me varam ॥ 1 ॥
kamalalocana rāma dayānidhe
hara guro gajarakṣaka gopate ।
śivatano bhavaśaṅkara pāhi māṃ
śiva hare vijayaṃ kuru me varam ॥ 2 ॥
sujanarañjanamaṅgalamandiraṃ
bhajati te puruṣaḥ paramaṃ padam ।
bhavati tasya sukhaṃ paramādbhutaṃ
śiva hare vijayaṃ kuru me varam ॥ 3 ॥
jaya yudhiṣṭhiravallabha bhūpate
jaya jayārjita puṇyapayonidhe ।
jaya kṛpāmaya kṛṣṇa namo'stu te
śiva hare vijayaṃ kuru me varam ॥ 4 ॥
bhavavimocana mādhava māpate
sukavimānasahaṃsa śivārate ।
janakajārata rāghava rakṣa māṃ
śiva hare vijayaṃ kuru me varam ॥ 5 ॥
avanimaṇḍalamaṅgala māpate
jaladasundara rāma ramāpate ।
nigamakīrtiguṇārṇava gopate
śiva hare vijayaṃ kuru me varam ॥ 6 ॥
patitapāvana nāmamayī latā
tava yaśo vimalaṃ parigīyate ।
tadapi mādhava māṃ kimupekṣase
śiva hare vijayaṃ kuru me varam ॥ 7 ॥
amaratāparadeva ramāpate
vijayatastava nāmadhanopamā ।
mayi kathaṃ karuṇārṇava jāyate
śiva hare vijayaṃ kuru me varam ॥ 8 ॥
hanumataḥ priyacāpakara prabho
surasariddhṛtaśekhara he guro ।
mama vibho kimu vismaraṇaṃ kṛtaṃ
śiva hare vijayaṃ kuru me varam ॥ 9 ॥
aharaharjana rañjanasundaraṃ
paṭhati yaḥ śivarāmakṛtastavam ।
viśati rāmaramācaraṇāmbuje
śiva hare vijayaṃ kuru me varam ॥ 10 ॥
prātarutthāya yo bhaktyā paṭhedekāgramānasaḥ ।
vijayo jāyate tasya viṣṇumārādhyamāpnuyāt ॥ 11 ॥
iti śrīśivarāmastotram ।
Recite with devotion and pure heart
Regular practice brings spiritual benefits