முராரிகாயகாலிமாலலாமவாரிதா⁴ரிணீ த்ருʼணீக்ருʼதத்ரிவிஷ்டபா த்ரிலோகஶோகஹாரிணீ । மனோ(அ)னுகூலகூலகுஞ்ஜபுஞ்ஜதூ⁴தது³ர்மதா³ து⁴னோது மே மனோமலம்ʼ கலிந்த³னந்தி³னீ ஸதா³ ॥ 1 ॥ மலாபஹாரிவாரிபூரபூ⁴ரிமண்டி³தாம்ருʼதா ப்⁴ருʼஶம்ʼ ப்ரபாதகப்ரவஞ்சனாதிபண்டி³தாநிஶம் । ஸுநந்த³னந்த³னாங்க³ஸங்க³ராக³ரஞ்ஜிதா ஹிதா து⁴னோது மே மனோமலம்ʼ கலிந்த³னந்தி³னீ ஸதா³ ॥ 2 ॥ லஸத்தரங்க³ஸங்க³தூ⁴தபூ⁴தஜாதபாதகா நவீனமாது⁴ரீது⁴ரீணப⁴க்திஜாதசாதகா । தடாந்தவாஸதா³ஸஹம்ʼஸஸம்ʼஸ்ருʼதா ஹி காமதா³ து⁴னோது மே மனோமலம்ʼ கலிந்த³னந்தி³னீ ஸதா³ ॥ 3 ॥ விஹாரராஸகே²த³பே⁴த³தீ⁴ரதீரமாருதா க³தா கி³ராமகோ³சரே யதீ³யநீரசாருதா । ப்ரவாஹஸாஹசர்யபூதமேதி³னீநதீ³னதா³ து⁴னோது மே மனோமலம்ʼ கலிந்த³னந்தி³னீ ஸதா³ ॥ 4 ॥ தரங்க³ஸங்க³ஸைகதாஞ்சிதாந்தரா ஸதா³ஸிதா ஶரந்நிஶாகராம்ʼஶுமஞ்ஜுமஞ்ஜரீஸபா⁴ஜிதா । ப⁴வார்சனாய சாருணாம்பு³னாது⁴னா விஶாரதா³ து⁴னோது மே மனோமலம்ʼ கலிந்த³னந்தி³னீ ஸதா³ ॥ 5 ॥ ஜலாந்தகேலிகாரிசாருராதி⁴காங்க³ராகி³ணீ ஸ்வப⁴ர்துரன்யது³ர்லபா⁴ங்க³ஸங்க³தாம்ʼஶபா⁴கி³னீ । ஸ்வத³த்தஸுப்தஸப்தஸிந்து⁴பே⁴த³னாதிகோவிதா³ து⁴னோது மே மனோமலம்ʼ கலிந்த³னந்தி³னீ ஸதா³ ॥ 6 ॥ ஜலச்யுதாச்யுதாங்க³ராக³லம்படாலிஶாலினீ விலோலராதி⁴காகசாந்தசம்பகாலிமாலினீ । ஸதா³வகா³ஹனாவதீர்ணப⁴ர்த்ருʼப்⁴ருʼத்யநாரதா³ து⁴னோது மே மனோமலம்ʼ கலிந்த³னந்தி³னீ ஸதா³ ॥ 7 ॥ ஸதை³வ நந்த³னந்த³கேலிஶாலிகுஞ்ஜமஞ்ஜுலா தடோத்த²பு²ல்லமல்லிகாகத³ம்ப³ரேணுஸூஜ்ஜ்வலா । ஜலாவகா³ஹினாம்ʼ ந்ருʼணாம்ʼ ப⁴வாப்³தி⁴ஸிந்து⁴பாரதா³ து⁴னோது மே மனோமலம்ʼ கலிந்த³னந்தி³னீ ஸதா³ ॥ 8 ॥ இதி ஶ்ரீ யமுனா ஆஷ்டகம்