Nateshwara Bhujanga Stuti

lokānāhūya sarvān ḍamarukaninadairghorasaṃsāramagnān

datvābhītiṃ dayāluḥ praṇatabhayaharaṃ kuñcitaṃ vāmapādam ।

uddhṛtyedaṃ vimukterayanamiti karāddarśayan pratyayārthaṃ

bibhradvahniṃ sabhāyāṃ kalayati naṭanaṃ yaḥ sa pāyānnaṭeśaḥ ॥ 1 ॥

digīśādi vandyaṃ girīśānacāpaṃ

murārāti bāṇaṃ puratrāsahāsam ।

karīndrādi carmāmbaraṃ vedavedyaṃ

maheśaṃ sabheśaṃ bhaje'haṃ naṭeśam ॥ 2 ॥

samastaiśca bhūtaiḥ sadā namyamādyaṃ

samastaikabandhuṃ manodūramekam ।

apasmāranighnaṃ paraṃ nirvikāraṃ

maheśaṃ sabheśaṃ bhaje'haṃ naṭeśam ॥ 3 ॥

dayāluṃ vareṇyaṃ ramānāthavandyaṃ

mahānandabhūtaṃ sadānandanṛttam ।

sabhāmadhyavāsaṃ cidākāśarūpaṃ

maheśaṃ sabheśaṃ bhaje'haṃ naṭeśam ॥ 4 ॥

sabhānāthamādyaṃ niśānāthabhūṣaṃ

śivāvāmabhāgaṃ padāmbhoja lāsyam ।

kṛpāpāṅgavīkṣaṃ hyumāpāṅgadṛśyaṃ

maheśaṃ sabheśaṃ bhaje'haṃ naṭeśam ॥ 5 ॥

divānātharātrīśavaiśvānarākṣaṃ

prajānāthapūjyaṃ sadānandanṛttam ।

cidānandagātraṃ parānandasaudhaṃ

maheśaṃ sabheśaṃ bhaje'haṃ naṭeśam ॥ 6 ॥

karekāhalīkaṃ pademauktikāliṃ

galekālakūṭaṃ talesarvamantram ।

mukhe mandahāsaṃ bhuje nāgarājaṃ

maheśaṃ sabheśaṃ bhaje'haṃ naṭeśam ॥ 7 ॥

tvadanyaṃ śaraṇyaṃ na paśyāmi śambho

madanyaḥ prapannosti kintetidīnaḥ ।

madarthehyupekṣā tavāsītkimarthaṃ

maheśaṃ sabheśaṃ bhaje'haṃ naṭeśam ॥ 8 ॥

bhavatpādayugmaṃ kareṇāvalambe

sadā nṛttakārin sabhāmadhyadeśe ।

sadā bhāvaye tvāṃ tadā dāsyasīṣṭaṃ

maheśaṃ sabheśaṃ bhaje'haṃ naṭeśam ॥ 9 ॥

bhūyaḥ svāmin janirme maraṇamapi tathā māstu bhūyaḥ surāṇāṃ

sāmrājyaṃ taccha tāvatsukhalavarahitaṃ duḥkhadaṃ nārthaye tvām ।

santāpaghnaṃ purāre dhuri ca tavasabhā mandire sarvadā tva-

-nnṛttaṃ paśyanvaseyaṃ pramathagaṇavaraiḥ sākametadvidhehi ॥ 10 ॥

iti śrī jñānasambandha kṛta śrī naṭeśvara bhujaṅga stutiḥ ।

Recite with devotion and pure heart

Regular practice brings spiritual benefits